ਸਪੋਰਟਸ ਡੈਸਕ : ਆਸਟ੍ਰੇਲੀਆ ਨੂੰ ਵੈਸਟਇੰਡੀਜ਼ ਖ਼ਿਲਾਫ਼ 25 ਜੂਨ ਤੋਂ ਸ਼ੁਰੂ ਹੋਣ ਵਾਲੀ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਵੱਡਾ ਝਟਕਾ ਲੱਗਿਆ ਹੈ। ਆਸਟ੍ਰੇਲੀਆ ਟੀਮ ਦੇ ਦੋ ਮੁੱਖ ਖਿਡਾਰੀ ਸਟੀਵ ਸਮਿੱਥ ਅਤੇ ਮਾਰਨਸ ਲਾਬੁਸ਼ੇਨ ਪਹਿਲੇ ਮੈਚ ਤੋਂ ਬਾਹਰ ਹੋ ਗਏ ਹਨ। ਉਨ੍ਹਾਂ ਦੀ ਥਾਂ 'ਤੇ ਸੈਮ ਕਾਂਸਟਾਸ ਅਤੇ ਜੋਸ਼ ਇੰਗਲਿਸ ਨੂੰ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਨ੍ਹਾਂ ਬਦਲਾਵਾਂ ਨਾਲ ਆਸਟ੍ਰੇਲੀਆ ਦੀ ਪਲੇਇੰਗ ਇਲੈਵਨ ਵਿੱਚ ਵੱਡਾ ਫ਼ਰਕ ਦੇਖਣ ਨੂੰ ਮਿਲ ਸਕਦਾ ਹੈ।
ਸਮਿਥ ਦੀ ਉਂਗਲੀ ਵਿੱਚ ਸੱਟ ਲੱਗ ਗਈ ਹੈ। ਉਸਦੀ ਸਰਜਰੀ ਨਹੀਂ ਹੋਈ ਹੈ। ਪਰ ਉਸਨੂੰ ਅੱਠ ਹਫ਼ਤਿਆਂ ਲਈ ਸਪਲਿੰਟ ਪਹਿਨਣਾ ਪਵੇਗਾ। ਮੰਨਿਆ ਜਾ ਰਿਹਾ ਹੈ ਕਿ ਭਾਵੇਂ ਉਹ ਸੀਰੀਜ਼ ਦੇ ਪਹਿਲੇ ਮੈਚ ਤੋਂ ਬਾਹਰ ਹੈ, ਪਰ ਵੈਸਟਇੰਡੀਜ਼ ਵਿਰੁੱਧ ਬਾਕੀ ਦੋ ਮੈਚਾਂ ਵਿੱਚ ਉਸਦੇ ਖੇਡਣ ਦੀ ਸੰਭਾਵਨਾ ਹੈ। ਚੀਫ ਸਿਲੈਕਟਰ ਜਾਰਜ ਬੇਲੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਰਿਕਵਰੀ ਲਈ ਹੋਰ ਸਮਾਂ ਦਿੱਤਾ ਜਾ ਰਿਹਾ ਹੈ ਅਤੇ ਉਨ੍ਹਾਂ ਦਾ ਮੁਲਾਂਕਣ ਹਫ਼ਤੇ ਬਾਅਦ ਕੀਤਾ ਜਾਵੇਗਾ।
ਦੂਜੇ ਪਾਸੇ, ਮਾਰਨਸ ਲਾਬੁਸ਼ੇਨ ਦੀ ਫਾਰਮ ਲਗਾਤਾਰ ਖ਼ਰਾਬ ਚੱਲ ਰਹੀ ਹੈ। WTC ਫਾਈਨਲ ਵਿੱਚ ਵੀ ਉਹ ਸਿਰਫ਼ 17 ਅਤੇ 22 ਦੌੜਾਂ ਹੀ ਬਣਾ ਸਕੇ। ਇਸ ਕਰਕੇ ਉਨ੍ਹਾਂ ਨੂੰ ਟੀਮ ਤੋਂ ਡ੍ਰਾਪ ਕੀਤਾ ਗਿਆ ਹੈ। ਉਨ੍ਹਾਂ ਦੀ ਥਾਂ ਆਏ ਸੈਮ ਕਾਂਸਟਾਸ ਨੇ ਭਾਰਤ ਖ਼ਿਲਾਫ਼ ਆਪਣਾ ਡੈਬਿਊ ਕੀਤਾ ਸੀ ਅਤੇ 60 ਦੌੜਾਂ ਦੀ ਇਨਿੰਗ ਖੇਡੀ ਸੀ। ਜੋਸ਼ ਇੰਗਲਿਸ ਨੇ ਵੀ ਡੈਬਿਊ 'ਤੇ ਹੀ ਸ਼੍ਰੀਲੰਕਾ ਖ਼ਿਲਾਫ਼ ਸ਼ਤਕ ਜੜ੍ਹਿਆ ਸੀ।
ਹੁਣੀ ਤੱਕ ਆਸਟ੍ਰੇਲੀਆ ਨੇ ਪਹਿਲੇ ਮੈਚ ਲਈ ਪਲੇਇੰਗ ਇਲੈਵਨ ਦਾ ਐਲਾਨ ਨਹੀਂ ਕੀਤਾ, ਪਰ ਉਮੀਦ ਹੈ ਕਿ ਉਸਮਾਨ ਖ਼ਵਾਜਾ ਦੇ ਨਾਲ ਸੈਮ ਕਾਂਸਟਾਸ ਓਪਨਿੰਗ ਕਰਦੇ ਨਜ਼ਰ ਆ ਸਕਦੇ ਹਨ। ਵੈਸਟਇੰਡੀਜ਼ ਦੀ ਪਿਚ ਦੇ ਮੌਸਮ ਨੂੰ ਵੇਖਦੇ ਹੋਏ ਟੀਮ ਵਿੱਚ ਦੋ ਸਪਿਨਰਨਾਥਨ ਲਾਇਨ ਅਤੇ ਮੈਟ ਕੁਹਨੇਮੈਨਨੂੰ ਮੌਕਾ ਮਿਲ ਸਕਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
IND vs ENG: 'ਸਭ ਤੋਂ ਵੱਡਾ ਸਨਮਾਨ...', ਕਪਤਾਨ ਬਣਨ 'ਤੇ ਗਿੱਲ ਹੋਏ ਭਾਵੁਕ, ਰੋਹਿਤ-ਕੋਹਲੀ ਦਾ ਵੀ ਲਿਆ ਨਾਂ
NEXT STORY 
