ਨਵੀਂ ਦਿੱਲੀ : ਵਿਸ਼ਵ ਕ੍ਰਿਕਟ ਦੇ ਮਸ਼ਹੂਰ ਕਪਤਾਨਾਂ 'ਚ ਸ਼ੁਮਾਰ ਰਿਕੀ ਪੌਟਿੰਗ ਨੇ ਰਿਸ਼ਭ ਪੰਤ ਨੂੰ ਭਾਰਤ ਦੀ ਵਿਸ਼ਵ ਕੱਪ ਟੀਮ 'ਚ ਚੌਥੇ ਨੰਬਰ ਦੇ ਬੱਲੇਬਾਜ਼ ਦੇ ਰੂਪ 'ਚ ਸ਼ਾਮਲ ਕਰਨ ਦੀ ਹਿਮਾਇਤ ਦੀ ਜਦ ਕਿ ਸੌਰਵ ਗਾਂਗੂਲੀ ਨੇ ਉਸ ਨੂੰ ਭਾਰਤੀ ਟੀਮ ਲਈ 'ਅਨਮੋਲ ਅਮਾਨਤ' ਦੱਸਿਆ। ਇੰਗਲੈਂਡ 'ਚ 30 ਮਈ ਤੋਂ ਸ਼ੁਰੂ ਹੋ ਰਹੇ ਵਿਸ਼ਵ ਕੱਪ ਲਈ ਭਾਰਤੀ ਬੱਲੇਬਾਜ਼ੀ ਕ੍ਰਮ 'ਚ ਚੌਥੇ ਨੰਬਰ ਨੂੰ ਲੈ ਕੇ ਕਾਫ਼ੀ ਅਟਕਲਾਂ ਲਗਾਈ ਜਾ ਰਹੀ ਹੈ। ਭਾਰਤ ਦੇ ਕੋਲ ਰੋਹਿਤ ਸ਼ਰਮਾ, ਸ਼ਿਖਰ ਧਵਨ ਤੇ ਕਪਤਾਨ ਵਿਰਾਟ ਕੋਹਲੀ ਦੇ ਰੂਪ 'ਚ ਸਿਖਰ ਤਿੰਨ 'ਤੇ ਦੁਨੀਆ ਦੇ ਸਭ ਤੋਂ ਖਤਰਨਾਕ ਬੱਲੇਬਾਜ਼ ਹੈ ਪਰ ਚੌਥਾ ਨੰਬਰ ਲਗਾਤਾਰ ਸਿਰਦਰਦ ਬਣਾ ਹੋਇਆ ਹੈ।
ਆਸਟ੍ਰੇਲੀਆ ਦੇ ਪੂਰਵ ਕਪਤਾਨ ਅਤੇ ਆਈ. ਪੀ. ਐੱਲ 'ਚ ਦਿੱਲੀ ਕੈਪੀਟਲਸ ਟੀਮ ਦੇ ਮੁੱਖ ਕੋਚ ਪੌਂਟਿੰਗ ਨੇ ਇਸ ਬਾਰੇ 'ਚ ਪੁੱਛਣ 'ਤੇ ਕਿਹਾ, 'ਮੈਂ ਸਿਲੈਕਟਰ ਹੁੰਦਾ ਤਾਂ ਉਸ ਨੂੰ ਵਿਸ਼ਵ ਕੱਪ ਟੀਮ 'ਚ ਰੱਖਦਾ। ਚੌਥੇ ਨੰਬਰ ਲਈ ਉਸ ਤੋਂ ਬਿਹਤਰ ਖਿਡਾਰੀ ਕੋਈ ਨਹੀਂ ਹੈ। ਉਹ ਟੀਮ 'ਚ ਐਕਸ ਫੈਕਟਰ ਬਣ ਸਕਦਾ ਹੈ। ' ਉਨ੍ਹਾਂ ਨੇ ਕਿਹਾ, 'ਸੀਮਿਤ ਓਵਰਾਂ 'ਚ ਭਾਰਤ ਦੇ ਪਾਸ ਮਹਿੰਦਰ ਸਿੰਘ ਧੋਨੀ ਵਰਗਾ ਮਹਾਨ ਖਿਡਾਰੀ ਹੈ ਤੇ ਇਹੀ ਵਜ੍ਹਾ ਹੈ ਕਿ ਪੰਤ ਨੂੰ ਰੈਗੂਲਰ ਤੌਰ ਮੌਕੇ ਨਹੀਂ ਮਿਲਦੇ। ਟੈਸਟ 'ਚ ਉਹ ਰੈਗੂਲਰ ਖੇਡ ਰਿਹਾ ਹੈ ਤੇ ਉਸ ਦੀ ਫ਼ਾਰਮ ਵੇਖੋ। ਅਗਲੇ ਦਸ ਸਾਲ 'ਚ ਉਹ ਭਾਰਤੀ ਟੀਮ ਲਈ ਅਨਮੋਲ ਸਾਬਤ ਹੋਵੇਗਾ। '
ਗਾਂਗੂਲੀ ਨੇ ਕਿਹਾ, 'ਮੈਂ ਉਸ ਨੂੰ ਕਰੀਬ ਨਾਲ ਵੇਖ ਰਿਹਾ ਹਾਂ। ਉਹ ਕਾਫ਼ੀ ਅਨੁਸ਼ਾਸ਼ਿਤ ਹੈ ਤੇ ਨੈੱਟ ਅਭਿਆਸ ਦੇ ਦੌਰਾਨ ਵੀ ਕਾਫ਼ੀ ਮਿਹਨਤ ਕਰਦਾ ਹੈ। ਇਹ ਚੰਗੇ ਖਿਡਾਰੀ ਦੇ ਲੱਛਣ ਹੈ। ' ਚੌਥੇ ਨੰਬਰ ਦੇ ਬਾਰੇ 'ਚ ਪੁੱਛਣ 'ਤੇ ਉਨ੍ਹਾਂ ਨੇ ਕਿਹਾ, 'ਮੈਨੂੰ ਲਗਦਾ ਹੈ ਕਿ ਵਿਰਾਟ ਨੂੰ ਇਸ ਬਾਰੇ 'ਚ ਰਾਏ ਦੇਣ ਦੀ ਜ਼ਰੂਰਤ ਨਹੀਂ ਹੈ। ਉਸ ਨੇ ਆਪਣੇ ਦਿਮਾਗ 'ਚ ਤੈਅ ਕਰ ਰੱਖਿਆ ਹੋਵੇਗਾ ਕਿ ਉਸ ਦਾ ਚੌਥੇ ਨੰਬਰ ਦਾ ਬੱਲੇਬਾਜ਼ ਕੌਣ ਹੈ। ਰਿਸ਼ਭ ਹੈ, ਅੰਬਾਤੀ ਰਾਇਡੂ ਹੈ ਤੇ ਚੇਤੇਸ਼ਵਰ ਪੁਜਾਰਾ ਵੀ ਆਪਸ਼ਨ ਹੋ ਸਕਦਾ ਹੈ। '
BCCI ਨੇ ਜਾਰੀ ਕੀਤਾ IPL 2019 ਦਾ ਪੂਰਾ ਸ਼ੈਡਿਊਲ, ਜਾਣੋ ਕਦੋਂ 'ਤੇ ਕਿੱਥੇ ਹੋਣਗੇ ਮੈਚ
NEXT STORY 
