ਸਪੋਰਟਸ ਡੈਸਕ- 'ਟੀਮ ਇੰਡੀਆ' ਦੇ ਖਿਡਾਰੀ ਇੰਗਲੈਂਡ ਖਿਲਾਫ ਨਾਗਪੁਰ ਵਨਡੇ ਦੌਰਾਨ ਨਵੀਂ ਜਰਸੀ 'ਚ ਨਜ਼ਰ ਆਉਣਗੇ। ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਸੀਰੀਜ਼ ਦਾ ਪਹਿਲਾ ਮੈਚ ਵੀਰਵਾਰ ਨੂੰ ਖੇਡਿਆ ਜਾਵੇਗਾ। ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਨੇ ਟੀਮ ਦੇ ਖਿਡਾਰੀਆਂ ਲਈ ਵਿਸ਼ੇਸ਼ ਜਰਸੀਆਂ ਤਿਆਰ ਕੀਤੀਆਂ ਹਨ। ਜਰਸੀ ਦੇ ਮੋਢੇ 'ਤੇ ਤਿਰੰਗਾ ਛਪਿਆ ਹੋਇਆ ਹੈ। ਮਹਿਲਾ ਕ੍ਰਿਕਟ ਟੀਮ ਨੂੰ ਇਹ ਜਰਸੀ ਪਹਿਲਾਂ ਹੀ ਮਿਲ ਗਈ ਸੀ ਪਰ ਪੁਰਸ਼ ਕ੍ਰਿਕਟ ਟੀਮ ਹੁਣ ਨਵੀਂ ਜਰਸੀ ਵਿੱਚ ਦਿਖਾਈ ਦੇਵੇਗੀ। ਬੀਸੀਸੀਆਈ ਨੇ ਖਿਡਾਰੀਆਂ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ।
ਟੀਮ ਇੰਡੀਆ ਦੀ ਜਰਸੀ ਦਾ ਮੁੱਖ ਰੰਗ ਨੀਲਾ ਹੈ ਪਰ ਇਸਨੂੰ ਇੱਕ ਬਹੁਤ ਹੀ ਖਾਸ ਤਰੀਕੇ ਨਾਲ ਡਿਜ਼ਾਈਨ ਕੀਤਾ ਗਿਆ ਹੈ। ਤਿਰੰਗਾ ਮੋਢੇ 'ਤੇ ਬਣਾਇਆ ਗਿਆ ਹੈ। ਇਸਦੇ ਉੱਪਰਲੇ ਹਿੱਸੇ 'ਤੇ ਭਗਵਾ ਰੰਗ ਅਤੇ ਵਿਚਕਾਰ ਚਿੱਟਾ ਰੰਗ ਰੱਖਿਆ ਗਿਆ ਹੈ। ਇਸ ਤੋਂ ਬਾਅਦ ਮੋਢੇ ਦੇ ਹੇਠਲੇ ਹਿੱਸੇ 'ਤੇ ਹਰਾ ਰੰਗ ਰੱਖਿਆ ਗਿਆ ਹੈ। ਜਰਸੀ ਵਿੱਚ ਨੀਲੇ ਰੰਗ ਵੀ ਦੋ ਤਰ੍ਹਾਂ ਦੇ ਹਨ। ਇਸਦਾ ਜ਼ਿਆਦਾਤਰ ਹਿੱਸਾ ਹਲਕੇ ਅਸਮਾਨੀ ਨੀਲੇ ਰੰਗ ਦਾ ਹੈ। ਜਦੋਂ ਕਿ ਬਾਰਡਰ ਲਾਈਨ ਨੂੰ ਗੂੜ੍ਹਾ ਨੀਲਾ ਰੰਗ ਰੱਖਿਆ ਗਿਆ ਹੈ।
ਟੀਮ ਇੰਡੀਆ ਦੀ ਨਵੀਂ ਜਰਸੀ 'ਚ ਕੀ-ਕੀ ਹੈ ਖਾਸ
ਭਾਰਤੀ ਟੀਮ ਦੀ ਨਵੀਂ ਜਰਸੀ ਪੁਰਾਣੀ ਜਰਸੀ ਤੋਂ ਥੋੜ੍ਹੀ ਵੱਖਰੀ ਹੈ। ਇਸ ਵਿੱਚ ਤਿਰੰਗੇ ਦੇ ਡਿਜ਼ਾਈਨ ਨੂੰ ਬਦਲਿਆ ਗਿਆ ਹੈ। ਇਸ ਦੇ ਨਾਲ ਹੀ ਇਸਦਾ ਫੈਬਰਿਕ ਵੀ ਵੱਖਰਾ ਹੈ। ਇਹ ਇੱਕ ਬਹੁਤ ਹੀ ਖਾਸ ਕਿਸਮ ਦੇ ਕੱਪੜੇ ਤੋਂ ਤਿਆਰ ਕੀਤਾ ਗਿਆ ਹੈ। ਇਸਨੂੰ ਬਣਾਉਂਦੇ ਸਮੇਂ ਖਿਡਾਰੀਆਂ ਦੇ ਆਰਾਮ ਦਾ ਖਾਸ ਧਿਆਨ ਰੱਖਿਆ ਗਿਆ ਹੈ। ਜਰਸੀ ਦੇ ਉੱਪਰਲੇ ਹਿੱਸੇ 'ਤੇ ਬੀਸੀਸੀਆਈ ਦਾ ਲੋਗੋ ਵੀ ਛਪਿਆ ਹੋਇਆ ਹੈ। ਇਸ ਉੱਤੇ ਦੋ ਤਾਰੇ ਨਿਸ਼ਾਨਬੱਧ ਹਨ। ਇਹ ਆਈਸੀਸੀ ਟਰਾਫੀ ਦਾ ਪ੍ਰਤੀਕ ਹਨ।
'ਪਹਿਲਾਂ ਜਿਹਾ ਨ੍ਹੀਂ ਰਿਹਾ ਸਰੀਰ', ਬ੍ਰੈਸਟ ਸਰਜਰੀ ਕਰਾਉਣ ਵਾਲੀ ਖੂਬਸੂਰਤ ਖਿਡਾਰਣ ਨੇ ਟੈਨਿਸ ਨੂੰ ਕਿਹਾ ਅਲਵਿਦਾ
NEXT STORY 
