ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐੱਲ) 2025 ਤੋਂ ਪਹਿਲਾਂ ਇਕ ਦਿੱਗਜ ਖਿਡਾਰੀ ਨੇ ਸੰਨਿਆਸ ਦਾ ਐਲਾਨ ਕੀਤਾ ਹੈ। ਇਸ ਖਿਡਾਰੀ ਨਾਤਾ 3 ਵਾਰ ਆਈਪੀਐੱਲ ਖਿਤਾਬ ਜਿੱਤ ਚੁੱਕੀ ਕੇਕੇਆਰ ਨਾਲ ਹੈ। ਹਾਲਾਂਕਿ, ਇਸ ਖਿਡਾਰੀ ਨੇ ਸਿਰਫ ਵ੍ਹਾਈਟ ਬਾਲ ਕ੍ਰਿਕਟ ਛੱਡੀ ਹੈ ਅਤੇ ਇਸ ਸਮੇਂ ਰੈੱਡ ਬਾਲ ਕ੍ਰਿਕਟ ਵਿੱਚ ਸਰਗਰਮ ਰਹੇਗਾ।
ਇਸ ਖਿਡਾਰੀ ਨੇ ਲਿਆ ਸੰਨਿਆਸ
ਭਾਰਤੀ ਘਰੇਲੂ ਕ੍ਰਿਕਟ ਦਾ ਵੱਡਾ ਵਿਕਟਕੀਪਰ ਬੱਲੇਬਾਜ਼ ਸ਼ੈਲਡਨ ਜੈਕਸਨ ਨੇ ਵ੍ਹਾਈਟ ਬਾਲ ਕ੍ਰਿਕਟ ਭਾਵ ਵਨਡੇ ਅਤੇ ਟੀ -20 ਫਾਰਮੈਟ ਤੋਂ ਆਪਣੀ ਰਿਟਾਇਰਮੈਂਟ ਦੀ ਘੋਸ਼ਣਾ ਕੀਤੀ ਗਈ ਹੈ। ਉਹ ਹੁਣ ਸਿਰਫ ਪਹਿਲੀ ਕਲਾਸ ਕ੍ਰਿਕਟ ਖੇਡਦਾ ਵੇਖਿਆ ਜਾਵੇਗਾ। 38 ਸਾਲਾ ਸ਼ੈਲਡਨ ਜੈਕਸਨ 2017 ਅਤੇ 2022 ਵਿੱਚ ਕੇਕੇਆਰ ਦਾ ਹਿੱਸਾ ਸੀ। ਟੀਮ ਲਈ 9 ਮੈਚਾਂ ਵਿੱਚ, ਇਸ ਖਿਡਾਰੀ ਨੇ 107 ਦੀ ਸਟ੍ਰਾਈਕ ਰੇਟ ਨਾਲ ਤੇ 61 ਦੌੜਾਂ ਬਣਾਈਆਂ ਸਨ।
ਵ੍ਹਾਈਟ ਬਾਲ ਕ੍ਰਿਕਟ ਕਰੀਅਰ
ਸ਼ੈਲਡਨ ਜੈਕਸਨ ਦੇ ਵ੍ਹਾਈਟ ਬਾਲ ਕਰੀਅਰ ਨੂੰ ਵੇਖਦਿਆਂ, ਇਸ ਖਿਡਾਰੀ ਨੇ ਸੌਰੇਸ਼ਟਰ ਲਈ ਖੇਡਦਿਆਂ 86 ਲਿਸਟ ਏ ਮੈਚਾਂ 'ਚ 9 ਸੈਂਕੜੇ ਤੇ 14 ਅਰਧ ਸੈਂਕੜਿਆਂ ਦੀ ਮਦਦ ਨਾਲ 2792 ਦੌੜਾਂ ਬਣਾਈਆਂ ਹਨ। ਉਸ ਦਾ ਚੋਟੀ ਦਾ ਸਕੋਰ 150 ਅਜੇਤੂ ਹੈ। ਜਦਕਿ 84 ਟੀ -20 ਮੈਚਾਂ ਵਿਚ 1812 ਦੌੜਾਂ ਬਣਾਈਆਂ ਗਈਆਂ ਹਨ ਜਿਸ ਵਿਚ 1 ਸੈਂਕੜਾ ਅਤੇ 11 ਅਰਧ-ਸੈਂਕੜੇ ਸਨ ਤੇ ਚੋਟੀ ਦਾ ਸਕੋਰ 106 ਦੌੜਾਂ ਅਜੇਤੂ ਰਿਹਾ ਹੈ।
ਇਸ ਫਾਰਮੈਟ ਵਿੱਚ ਖੇਡਦੇ ਰਹਿਣਗੇ
ਸ਼ੈਲਡਨ ਜੈਕਸਨ ਸਿਰਫ ਵ੍ਹਾਈਟ ਬਾਲ ਗੇਂਦ ਕ੍ਰਿਕਟ ਤੋਂ ਰਿਟਾਇਰ ਹੋਏ ਹਨ। ਉਹ ਪਹਿਲੀ ਕਲਾਸ ਕ੍ਰਿਕਟ ਖੇਡਣਾ ਜਾਰੀ ਰੱਖੇਗਾ। 103 ਪਹਿਲੀ ਕਲਾਸ ਦੇ ਮੈਚਾਂ 'ਚ 21 ਸੈਂਕੜੇ ਤੇ 39 ਅਰਧ ਸੈਂਕੜੇ ਲਗਾਉਂਦੇ ਹੋਏ ਸ਼ੈਲਡਨ ਦੇ ਨਾਂ 46.36 ਦੀ ਔਸਤ ਨਾਲ 7187 ਦੌੜਾਂ ਹਨ। ਉਨ੍ਹਾਂ ਦਾ ਸਰਵਉੱਚ ਸਕੋਰ 186 ਹੈ। 2006 'ਚ ਆਪਣੇ ਕ੍ਰਿਕਟ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਸ਼ੈਲਡਨ ਨੂੰ ਕਦੀ ਵੀ ਭਾਰਤ ਲਈ ਖੇਡਣ ਦਾ ਮੌਕਾ ਨਹੀਂ ਮਿਲਿਆ। ਸੌਰਾਸ਼ਟਰ ਤੋਂ ਇਲਾਵਾ 2020 ਤੇ 2021 ਦੇ ਸੀਜ਼ਨ ਵਿਚ ਉਹ ਪੁਡੂਚੇਰੀ ਵਲੋਂ ਵੀ ਖੇਡ ਚੁੱਕੇ ਹਨ।
BGT ਟਰਾਫੀ ਦੇਣ ਲਈ ਬਾਰਡਰ ਦੇ ਨਾਲ ਗਾਵਸਕਰ ਨੂੰ ਨਹੀਂ ਬੁਲਾਇਆ, ਦਿੱਗਜ ਕ੍ਰਿਕਟਰ ਨਾਰਾਜ਼
NEXT STORY 
