ਨਵੀਂ ਦਿੱਲੀ— ਇੰਗਲੈਂਡ ਦੇ 25 ਸਾਲਾ ਬੱਲੇਬਾਜ਼ ਸ਼ਾਨ ਡਿਕਸਨ ਨੇ ਕਾਊਂਟੀ ਕ੍ਰਿਕਟ ਦੌਰਾਨ ਤਿੰਨ ਸੈਂਕੜੇ ਲਗਾਤਾਰ ਲਗਾ ਕੇ ਰਿਕਾਰਡ ਤੋੜ ਪਾਰੀ ਖੇਡੀ। ਉਸ ਨੇ ਕੈਂਟ ਟੀਮ ਵਲੋਂ ਖੇਡਦੇ ਹੋਏ ਨਾਰਥਮਪਟਰਸ਼ਰ ਦੇ ਖਿਲਾਫ 408 ਗੇਂਦਾਂ ਦਾ ਸਾਹਮਣਾ ਕਰਦੇ ਹੋਏ 318 ਦੌੜਾਂ ਦੀ ਇਤਿਹਾਸਕ ਪਾਰੀ ਖੇਡੀ। ਇਸ ਪਾਰੀ ਦੌਰਾਨ ਡਿਕਸਨ ਨੇ ਤਿੰਨ ਛੱਕੇ ਅਤੇ 31 ਚੌਕੇ ਲਗਾਏ। ਇਸ ਦੇ ਨਾਲ ਹੀ ਡਿਕਸਨ ਕਲੱਬ 'ਚ ਸਭ ਤੋਂ ਵੱਡੀ ਪਾਰੀ ਖੇਡਣ ਵਾਲਾ ਦੂਜਾ ਬੱਲੇਬਾਜ਼ ਬਣ ਗਿਆ ਹੈ।
ਪੁਰਾਣਾ ਰਿਕਾਰਡ ਤੋੜਨ ਤੋਂ ਖੁੰਝੇ ਡਿਕਸਨ
ਡਿਕਸਨ ਸਭ ਤੋਂ ਵੱਡੀ ਪਾਰੀ ਖੇਡਣ ਤੋਂ ਸਿਰਫ 14 ਦੌੜਾਂ ਪਿੱਛੇ ਰਹਿ ਗਿਆ। ਉਸ ਤੋਂ ਪਹਿਲਾਂ 1934 'ਚ ਬਿਲ ਏਸ਼ਵੁੱਡ ਨੇ 332 ਦੌੜਾਂ ਬਣਾ ਕੇ ਪਾਰੀ ਖੇਡੀ ਸੀ। ਡਿਕਸਨ ਨੇ 318 ਦੌੜਾਂ ਤੋਂ ਇਲਾਵਾ ਜੋ ਡੇਨਲੀ ਦਾ ਵੀ ਅਹਿਮ ਯੋਗਦਾਨ ਰਿਹਾ। ਡੇਨਲੀ ਨੇ 266 ਗੇਂਦਾਂ 'ਚ 182 ਦੌੜਾਂ ਦੀ ਪਾਰੀ ਖੇਡੀ ਜਿਸ ਦੌਰਾਨ ਉਸ ਨੇ 5 ਛੱਕੇ ਲਗਾਏ ਅਤੇ 15 ਚੌਕੇ ਜੜੇ। ਡਿਕਸਨ ਅਤੇ ਡੇਨਲੀ ਦੇ ਵਿਚਾਲੇ ਦੂਜੇ ਵਿਕਟ ਦੇ ਲਈ 369 ਦੌੜਾਂ ਦੀ ਵਿਸ਼ਾਲ ਸਾਂਝੇਦਾਰੀ ਹੋਈ ਜੋਂ ਇਸ ਕਲੱਬ ਦੇ ਇਤਿਹਾਸ ਦੀ ਸਭ ਤੋਂ ਵੱਡੀ ਪਾਰਟਨਰਸ਼ਿਪ ਬਣ ਗਈ।
ੋਹੋ ਸਕਦੀ ਹੈ ਇੰਗਲੈਂਡ ਦੀ ਕੌਮਾਂਤਰੀ ਟੀਮ 'ਚ ਐਂਟਰੀ
ਸ਼ਾਨ ਡਿਕਸਨ ਪਹਿਲੀ ਸ਼੍ਰੇਣੀ ਕ੍ਰਿਕਟ 'ਚ ਹੁਣ ਤੱਕ 35 ਮੈਚਾਂ 'ਚ 1680 ਦੌੜਾਂ ਬਣਾ ਚੁੱਕਾ ਹੈ। 318 ਦੌੜਾਂ ਦੀ ਇਸ ਵਿਸ਼ਾਲ ਪਾਰੀ ਨਾਲ ਪਹਿਲਾਂ ਉਹ ਨਾਬਾਦ 207 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡ ਚੁੱਕਾ ਹੈ। ਉਸ ਦੇ ਨਾਂ ਦੋ ਸੈਂਕੜੇ ਅਤੇ 10 ਅਰਧ ਸੈਂਕੜੇ ਸ਼ਾਮਲ ਹਨ। ਇਨ੍ਹਾਂ ਦਿਨ੍ਹਾਂ 'ਚ ਜਿਸ ਤਰ੍ਹਾਂ ਇੰਗਲੈਂਡ ਕ੍ਰਿਕਟ ਟੀਮ ਨੌਜਵਾਨ ਖਿਡਾਰੀਆਂ ਨੂੰ ਖੇਡਣ ਦਾ ਮੌਕਾ ਦੇ ਰਹੀ ਤਾਂ ਉਸ ਨੂੰ ਦੇਖ ਦੇ ਹੋਏ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਡਿਕਸਨ ਵੀ ਜਲਦੀ ਕੌਮਾਂਤਰੀ ਕ੍ਰਿਕਟ ਖੇਡਦਾ ਨਜ਼ਰ ਆਵੇਗਾ। ਦੱਸਣਯੋਗ ਹੈ ਕਿ ਦੋਵੇਂ ਬੱਲੇਬਾਜ਼ਾਂ ਦੀ ਬਦੌਸਤ ਕੇਂਟ ਦੀ ਟੀਮ ਨੇ ਇਸ ਮੈਚ 'ਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਪਹਿਲੀ ਪਾਰੀ 'ਚ 701 ਦੌੜਾਂ ਦਾ ਵਿਸ਼ਾਲ ਸਕੋਰ ਖੜ੍ਹਾ ਕਰ ਦਿੱਤਾ। ਜਵਾਬ 'ਚ ਉਤਰੀ ਨਾਰਥਮਪਟਨਸ਼ਰ ਦੀ ਟੀਮ ਨੇ ਦੂਜੇ ਦਿਨ ਦਾ ਖੇਡ ਖਤਮ ਹੋਣ ਤੱਕ ਤਿੰਨ ਵਿਕਟਾਂ 'ਤੇ 242 ਦੌੜਾਂ ਬਣਾ ਲਇਆ ਸੀ।
ਕੋਚ ਅਹੁੱਦਾ ਛੱਡਣ ਤੋਂ ਬਾਅਦ, ਕੁੰਬਲੇ ਨੂੰ ਮਿਲ ਸਕਦੀ ਹੈ ਇਸ ਕਮੇਟੀ 'ਚ ਜਗ੍ਹਾ
NEXT STORY 
