ਸਪੋਰਟਸ ਡੈਸਕ— ਆਸਟਰੇਲੀਆ ਨੇ ਫ਼ਾਰਮ 'ਚ ਚੱਲ ਰਹੇ ਡੇਵਿਡ ਵਾਰਨਰ (ਅਜੇਤੂ 57 ਦੌੜਾਂ) ਪਾਰੀ ਦੀ ਬਦੌਲਤ ਸ਼ੁੱਕਰਵਾਰ ਨੂੰ ਸ਼੍ਰੀਲੰਕਾ ਨੂੰ 7 ਵਿਕਟਾਂ ਨਾਲ ਹਰਾ ਦਿੱਤਾ। ਇਸ ਦੇ ਨਾਲ ਹੀ ਤਿੰਨ ਮੈਚਾਂ ਦੀ ਟੀ-20 ਇੰਟਰਨੈਸ਼ਨਲ ਸੀਰੀਜ਼ 'ਚ ਕਲੀਨ ਸਵੀਪ ਕੀਤਾ। ਘਰੇਲੂ ਟੀਮ ਨੇ ਪੂਰੀ ਸੀਰੀਜ਼ 'ਚ ਦਬਦਬਾ ਬਣਾਏ ਰੱਖਿਆ। ਆਸਟਰੇਲੀਆਈ ਸਲਾਮੀ ਬੱਲੇਬਾਜ਼ ਵਾਰਨਰ ਨੇ ਟੀ-20 ਫਾਰਮੈਟ 'ਚ ਵਾਪਸੀ ਕਰਦੇ ਹੋਏ ਇਸ ਸੀਰੀਜ਼ ਨੂੰ ਯਾਦਗਾਰ ਬਣਾ ਦਿੱਤਾ ਅਤੇ ਸ਼੍ਰੀਲੰਕਾ ਖਿਲਾਫ ਤੀਜੇ ਟੀ-20 ਮੁਕਾਬਲੇ 'ਚ ਤੂਫਾਨੀ ਪਾਰੀ ਖੇਡ ਭਾਰਤੀ ਕਪਤਾਨ ਕੋਹਲੀ ਦੇ ਇਸ ਰਿਕਾਰਡ ਦੀ ਬਰਾਬਰੀ ਕਰ ਲਈ।
ਤਿੰਨ ਮੈਚਾਂ 'ਚ ਲਗਾਕਾਰ 50+ ਦੌੜਾਂ ਬਣਾਈਆਂ
ਸਲਾਮੀ ਬੱਲੇਬਾਜ਼ ਡੇਵਿਡ ਵਾਰਨਰ ਨੇ ਇਸ ਸੀਰੀਜ਼ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸੀਰੀਜ਼ ਦਾ ਲਗਾਤਾਰ ਤੀਜਾ 50+ ਸਕੋਰ ਰਿਹਾ। ਵਾਰਨਰ ਦੀ 50 ਗੇਂਦਾਂ 'ਚ 4 ਚੌਕੇ ਅਤੇ ਇਕ 6 ਦੀ ਮਦਦ ਨਾਲ ਖੇਡੀ ਗਈ ਨਾਟ ਆਊਟ 57 ਦੌੜਾਂ ਦੀ ਪਾਰੀ ਰੋਚਕ ਦੀ ਗੱਲ ਇਹ ਹੈ ਕਿ ਤਿੰਨਾਂ ਮੈਚਾਂ 'ਚ ਉਨ੍ਹਾਂ ਨੂੰ ਕੋਈ ਵੀ ਸ਼੍ਰੀਲੰਕਾਈ ਗੇਂਦਬਾਜ਼ ਆਊਟ ਨਹੀਂ ਕਰ ਸਕਿਆ ਅਤੇ ਉਹ ਨਾਟ ਆਊਟ ਪਰਤੇ। ਉਨ੍ਹਾਂ ਨੇ ਸੀਰੀਜ 'ਚ ਬਿਨਾਂ ਆਊਟ ਹੋਏ 217 ਦੌੜਾਂ ਬਣਾਈਆਂ।ਉਹ ਵੀ ਬਿਨਾਂ ਆਊਟ ਹੋਏ। ਉਨ੍ਹਾਂ ਨੇ ਪਹਿਲਾਂ ਮੈਚ 'ਚ ਅਜੇਤੂ 100 ਦੌੜਾਂ ਦੀ ਪਾਰੀ, ਦੂਜੇ ਮੁਕਾਬਲੇ 'ਚ ਅਜੇਤੂ 60 ਦੌੜਾਂ ਬਣਾਉਂਦੇ ਹੋਏ ਟੀਮ ਦੀ ਜਿੱਤ 'ਚ ਅਹਿਮ ਭੂਮਿਕਾ ਨਿਭਾਈ ਸੀ। ਇਸ ਤਰ੍ਹਾਂ ਉਹ ਕਿਸੇ ਵੀ ਵਿਦੇਸ਼ੀ ਜ਼ਮੀਨ 'ਤੇ ਟੀ-20 ਇੰਟਰਨੈਸ਼ਨਲ ਸੀਰੀਜ 'ਚ 3 ਵਾਰ 50 ਜਾਂ ਉਸ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਦੁਨੀਆ ਦੇ ਤੀਜੇ ਖਿਡਾਰੀ ਬਣ ਗਏ। ਉਨ੍ਹਾਂ ਤੋਂ ਪਹਿਲਾਂ ਇਹ ਕਾਰਨਾਮਾ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਅਤੇ ਕੋਲਿਨ ਮੁਨਰੋ ਨੇ ਕੀਤਾ ਸੀ।
-ll.jpg)
ਵਿਰਾਟ ਸਨ ਪਹਿਲੇ ਬੱਲੇਬਾਜ਼
ਵਿਰਾਟ ਕੋਹਲੀ ਨੇ 2015-16 ਦੇ ਦੌਰਾਨ ਆਸਟਰੇਲੀਆ ਦੌਰੇ 'ਤੇ ਅਜੇਤੂ 90, ਅਜੇਤੂ 59 ਅਤੇ 50 ਦੌੜਾਂ ਦੀ ਪਾਰੀ ਖੇਡੀ ਸੀ। ਉਹ ਵਿਦੇਸ਼ੀ ਜ਼ਮੀਨ 'ਤੇ ਇੰਟਰਨੈਸ਼ਨਲ ਟੀ-20 ਸੀਰੀਜ਼ 'ਚ 3 ਵਾਰ 50 ਜਾਂ ਉਸ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਦੁਨੀਆ ਦੇ ਪਹਿਲੇ ਬੱਲੇਬਾਜ਼ ਬਣੇ ਸਨ। ਉਸ ਤੋਂ ਬਾਅਦ ਨਿਊਜੀਲੈਂਡ ਦੇ ਕੋਲਿਨ ਮੁਨਰੋ ਨੇ 2017-18 'ਚ ਵੈਸਟ ਇੰਡੀਜ਼ ਖਿਲਾਫ 53, 66 ਅਤੇ 104 ਦੌੜਾਂ ਬਣਾਉਂਦੇ ਹੋਏ ਇਸ ਲਿਸਟ 'ਚ ਆਪਣਾ ਨਾਂ ਜੋੜਿਆ ਸੀ। ਵਿਰਾਟ ਅਤੇ ਮੁਨਰੋ ਨੇ ਵੀ ਇਹ 50 ਪਲਸ ਸਕੋਰ ਲਗਾਤਾਰ 3 ਪਾਰੀਆਂ 'ਚ ਬਣਾਈਆਂ ਸਨ।
-ll.jpg)
ਵਾਰਨਰ ਟੀ20 'ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਛਠੇ ਬੱਲੇਬਾਜ ਬਣੇ
ਡੇਵਿਡ ਵਾਰਨਰ ਨੇ ਟੀ20 ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਆਪਣੇ 2000 ਦੌੜਾਂ ਪੂਰੀਆਂ ਕਰ ਲਈਆਂ ਅਤੇ ਅਜਿਹਾ ਕਰਨ ਵਾਲੇ ਪਹਿਲੇ ਆਸਟਰੇਲੀਆਈ ਬੱਲੇਬਾਜ਼ ਬਣੇ। ਵਾਰਨਰ ਦੇ ਹੁਣ ਕ੍ਰਿਕਟ ਦੇ ਸਭ ਤੋਂ ਛੋਟੇ ਫਾਰਮੈਟ 'ਚ ਕੁਲ 2009 ਦੌੜਾਂ ਹੋ ਚੁੱਕੇ ਹਨ। ਦੌੜਾਂ ਬਣਾਉਣ ਦੇ ਮਾਮਲੇ 'ਚ ਟੀ20 ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਉਹ ਛੱਠੇ ਸਥਾਨ 'ਤੇ ਪਹੁੰਚ ਗਏ ਹਨ। ਇਸ ਮਾਮਲੇ 'ਚ ਵਿਰਾਟ ਕੋਹਲੀ 2450 ਦੌੜਾਂ ਨਾਲ ਪਹਿਲੇ ਨੰਬਰ 'ਤੇ ਹਨ ਜਦ ਕਿ 2443 ਦੌੜਾਂ ਨਾਲ ਰੋਹਿਤ ਸ਼ਰਮਾ ਦੂੱਜੇ ਸਥਾਨ 'ਤੇ ਹੈ। ਮਾਰਟਿਨ ਗਪਟਿਲ ਦੇ ਨਾਂ 'ਤੇ 2285 ਦੌੜਾਂ ਹਨ ਅਤੇ ਉਹ ਤੀਜੇ ਸਥਾਨ 'ਤੇ ਹੈ।
ਭਾਰਤ ਦੀ ਖੂਬਸੂਰਤ ਮਹਿਲਾ ਕ੍ਰਿਕਟਰ ਨੇ ਖੇਡੀ ਤੂਫਾਨੀ ਪਾਰੀ, ਪਰ ਜਿੱਤੀ ਵਿਰੋਧੀ ਟੀਮ
NEXT STORY 
