ਨਵੀਂ ਦਿੱਲੀ : ਆਈ. ਪੀ. ਐੱਲ. ਦੀ ਤਰਜ 'ਤੇ ਫ੍ਰੈਂਚਾਈਜ਼ੀ ਬੇਸਡ ਲੀਗ ਕੇ. ਪੀ. ਐੱਲ. (ਕਰਨਾਟਕ ਪ੍ਰੀਮੀਅਰ ਲੀਗ) ਪਿਛਲੇ ਕੁਝ ਸਮੇਂ ਤੋਂ ਫਿਕਸਿੰਗ ਕਾਰਨ ਚਰਚਾ 'ਚ ਬਣੀ ਹੋਈ ਹੈ। ਭਾਰਤੀ ਸਿਤਾਰਿਆਂ ਨਾਲ ਸਜੀ ਕਰਨਾਟਕ ਪ੍ਰੀਮੀਅਰ ਲੀਗ ਨੂੰ ਵੀ ਸਪਾਟ ਫਿਕਸਿੰਗ ਨੇ ਆਪਣੇ ਲਪੇਟੇ 'ਚ ਘੇਰ ਲਿਆ ਹੈ। ਜਿਸ ਤੋਂ ਬਾਅਦ ਹੁਣ ਵੱਡੀ ਖਬਰ ਆਈ ਹੈ ਕਿ ਹੁਬਲੀ ਟਾਈਗਰਸ ਦੇ ਵਿਕਟਕੀਪਰ ਬੱਲੇਬਾਜ਼ ਐੱਮ. ਵਿਸ਼ਵਨਾਥਨ ਅਤੇ ਬੈਂਗਲੁਰੂ ਬਲਾਸਟਰਸ ਦੇ ਗੇਂਦਬਾਜ਼ੀ ਕੋਚ ਵੀਨੂ ਪ੍ਰਸ਼ਾਦ ਨੂੰ 2018 ਕੇ. ਪੀ. ਐੱਲ. ਦੇ ਸੀਜ਼ਨ ਵਿਚ ਸੱਟੇਬਾਜੀ 'ਚ ਸ਼ਾਮਲ ਹੋਣ ਦੇ ਦੋਸ਼ ਵਿਚ ਬੈਂਗਲੁਰੂ ਕ੍ਰਾਈਮ ਬ੍ਰਾਂਚ ਯੂਨਿਟ ਨੇ ਗ੍ਰਿਫਤਾਰ ਕਰ ਲਿਆ ਹੈ। 2008 ਸੀਜ਼ਨ ਵਿਚ ਕਰਨਾਟਕ ਵੱਲੋਂ ਫਰਸਟ ਕਲਾਸ ਕ੍ਰਿਕਟ ਖੇਡਣ ਵਾਲੇ 33 ਸਾਲਾ ਵੀਨੂ 'ਤੇ ਵੀ ਸੱਟੇਬਾਜ਼ੀ ਵਿਚ ਸ਼ਾਮਲ ਹੋਣ ਦਾ ਦੋਸ਼ ਲੱਗਾ ਹੈ। ਉੱਥੇ ਹੀ 39 ਸਾਲਾ ਵਿਸ਼ਵਨਾਥਨ ਪਿਛਲੇ 20 ਸਾਲਾਂ ਤੋਂ ਕਲੱਬ ਸਰਕਿਟ ਵਿਚ ਸਰਗਰਮ ਹਨ। ਦੋਵਾਂ 'ਤੇ 2018 ਵਿਚ ਬੈਂਗਲੁਰੂ ਬਲਾਸਟਰਸ ਅਤੇ ਬੇਲਾਗਵੀ ਪੈਂਥਰਸ ਵਿਚਾਲੇ ਖੇਡੇ ਗਏ ਕੇ. ਪੀ. ਐੱਲ. ਮੈਚ ਵਿਚ ਸੱਟੇਬਾਜ਼ੀ ਕਰਨ ਦਾ ਦੋਸ਼ ਲੱਗਾ ਹੈ। ਪਿਛਲੇ ਸੀਜ਼ਨ ਵਿਚ ਵਿਸ਼ਵਨਾਥਨ ਬਲਾਸਟਰਸ ਵੱਲੋਂ ਮੈਦਾਨ 'ਤੇ ਉੱਤਰੇ ਸੀ ਅਤੇ ਟੀਮ ਅਗਵਾਈ ਰੌਬਿਨ ਉਥੱਪਾ ਕਰ ਰਹੇ ਸੀ। ਜਿੱਥੇ ਵਿਸ਼ਵਨਾਥਨ 'ਤੇ ਖਰਾਬ ਪ੍ਰਦਰਸ਼ਨ ਕਰਨ ਲਈ ਬੁਕੀ ਤੋਂ 5 ਲੱਖ ਰੁਪਏ ਲੈਣ ਦਾ ਦੋਸ਼ ਹੈ ਉੱਥੇ ਹੀ ਪੁਲਸ ਨੇ ਦੋਸ਼ ਲਗਾਇਆ ਹੈ ਕਿ ਵਿਸ਼ਵਨਾਥਨ ਨੇ ਉਸ ਮੈਚ ਵਿਚ ਸਲੋਅ ਬੱਲੇਬਾਜ਼ੀ ਕੀਤੀ ਸੀ। ਹਾਲਾਂਕਿ ਅਧਿਕਾਰਤ ਸਕੋਰਬੋਰਡ ਮੁਤਾਬਕ ਉਸ ਨੇ 26 ਗੇਂਦਾਂ 'ਤੇ 46 ਦੌੜਾਂ ਬਣਾਈਆਂ ਸਨ ਅਤੇ ਰੌਬਿਨ ਉਥੱਪਾ ਦੀ ਅਗਵਾਈ ਵਾਲੀ ਬਲਾਸਟਰਸ ਨੇ 67 ਦੌੜਾਂ ਨਾਲ ਜਿੱਤ ਦਰਜ ਕੀਤੀ ਸੀ।
ਇਸ ਟੀਮ 'ਤੇ ਅਜੇ ਜਾਂਚ ਜਾਰੀ ਹੈ। ਜੁਆਈਂਟ ਪੁਲਸ ਕਮਿਸ਼ਨਰ ਸੰਦੀਪ ਪਾਟਿਲ ਨੇ ਜਾਣਕੀਰੀ ਦਿੱਤੀ ਹੈ ਕਿ ਕੁਝ ਹੋਰ ਬੁੱਕੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਹਾਲਾਂਕਿ ਪੁਲਸ ਨੇ ਵੀਨੂੰ ਪ੍ਰਸ਼ਾਦ ਦੀ ਭੂਮਿਕਾ ਬਾਰੇ ਕੁਝ ਜ਼ਿਆਦਾ ਨਹੀਂ ਦੱਸਿਆ। ਵੀਨੂੰ ਖਿਡਾਰੀਆਂ ਅਤੇ ਸਪੋਰਟਸ ਸਟਾਫ ਵਿਚੋਂ ਗ੍ਰਿਫਤਾਰ ਹੋਣ ਵਾਲੇ ਪਹਿਲੇ ਹਨ। ਇਸ ਤੋਂ ਪਹਿਲਾਂ ਕ੍ਰਾਈਮ ਬ੍ਰਾਂਚ ਨੇ ਬੇਲਾਗਵੀ ਪੈਂਥਰਸ ਦੇ ਮਾਲਕ ਅਲੀ ਅਸ਼ਫਾਕ ਅਤੇ ਇਕ ਮੰਨੇ ਪ੍ਰਮੰਨੇ ਡ੍ਰਮਰ ਭਾਵੇਸ਼ ਬਾਫਨਾ ਨੂੰ ਹਿਰਾਸਤ ਵਿਚ ਲਿਆ ਸੀ। ਉਨ੍ਹਾਂ ਨੇ ਦਿੱਲੀ ਦੇ 2 ਬੁੱਕੀਆਂ ਦੇ ਨਾਂ ਦੱਸੇ। ਇਸ ਹਫਤੇ ਪੁਲਸ ਨੇ ਬਿਜ਼ਨਸਮੈਨ ਅਤੇ ਕੇ. ਪੀ. ਐੱਲ. ਟੀਮ ਬੱਲਾਰੀ ਦੇ ਮਾਲਕ ਅਰਵਿੰਦ ਵੈਂਕਟੇਸ਼ ਤੋਂ ਵੀ ਪੁੱਛਗਿਛ ਕੀਤੀ। ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਕੇ. ਪੀ. ਐੱਲ. ਦੇ ਕੁਝ ਹੋਰ ਖਿਡਾਰੀਆਂ ਦੇ ਨਾਂ ਵੀ ਸਾਹਮਣੇ ਆ ਸਕਦੇ ਹਨ।
ਧੋਨੀ ਛੇਤੀ ਕਰ ਸਕਦੇ ਹਨ ਮੈਦਾਨ 'ਤੇ ਵਾਪਸੀ, ਜਿਮ 'ਚ ਪਸੀਨਾ ਵਹਾਉਣ ਵਾਲੀ ਵੀਡੀਓ ਵਾਇਰਲ
NEXT STORY 
