ਸਪੋਰਟਸ ਡੈਸਕ : ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਵੱਲੋਂ ਖਿਤਾਬ ਜਿੱਤਣ ਦੇ ਬਾਵਜੂਦ ਸਟਾਰ ਖਿਡਾਰੀ ਸ਼੍ਰੇਅਸ ਅਈਅਰ ਨੂੰ ਰਿਲੀਜ਼ ਕਰਨ ਦਾ ਫੈਸਲਾ ਕਾਫੀ ਸਮੇਂ ਤੋਂ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਸੀ। ਹੁਣ ਟੀਮ ਦੇ ਸਾਬਕਾ ਕੋਚ ਚੰਦਰਕਾਂਤ ਪੰਡਿਤ ਨੇ ਇਸ 'ਤੇ ਖੁੱਲ੍ਹ ਕੇ ਆਪਣੀ ਗੱਲ ਰੱਖੀ ਹੈ ਅਤੇ ਇਸ ਫੈਸਲੇ ਪਿੱਛੇ ਦੀ ਅਸਲ ਵਜ੍ਹਾ ਦੱਸੀ ਹੈ।
'ਇਹ ਕੋਈ ਨਿੱਜੀ ਫੈਸਲਾ ਨਹੀਂ ਸੀ'
ਚੰਦਰਕਾਂਤ ਪੰਡਿਤ ਨੇ ਸਪੱਸ਼ਟ ਕੀਤਾ ਕਿ ਅਈਅਰ ਨੂੰ ਰਿਲੀਜ਼ ਕਰਨਾ ਕਿਸੇ ਨਿੱਜੀ ਕਾਰਨ ਕਰਕੇ ਨਹੀਂ ਸੀ। ਉਨ੍ਹਾਂ ਨੇ ਕਿਹਾ, "ਸ਼੍ਰੇਅਸ ਇੱਕ ਸ਼ਾਨਦਾਰ ਖਿਡਾਰੀ ਹਨ ਅਤੇ ਉਨ੍ਹਾਂ ਨੇ ਕਪਤਾਨ ਵਜੋਂ ਟੀਮ ਨੂੰ ਖਿਤਾਬ ਜਿਤਾਇਆ। ਪਰ ਕਈ ਵਾਰ ਹਾਲਾਤ ਅਤੇ ਟੀਮ ਦੀ ਰਣਨੀਤੀ ਅਜਿਹੇ ਫੈਸਲੇ ਲੈਣ ਲਈ ਮਜ਼ਬੂਰ ਕਰ ਦਿੰਦੀ ਹੈ"। ਉਨ੍ਹਾਂ ਅਨੁਸਾਰ ਇਹ ਜਾਣਬੁੱਝ ਕੇ ਲਿਆ ਗਿਆ ਫੈਸਲਾ ਨਹੀਂ ਸੀ, ਸਗੋਂ ਉਸ ਸਮੇਂ ਚੀਜ਼ਾਂ ਟੀਮ ਦੀਆਂ ਯੋਜਨਾਵਾਂ ਦੇ ਹਿਸਾਬ ਨਾਲ ਨਹੀਂ ਚੱਲੀਆਂ।
ਟੀਮ ਪ੍ਰਬੰਧਨ ਦੀ ਰਣਨੀਤੀ ਬਣੀ ਵਜ੍ਹਾ
ਪੰਡਿਤ ਨੇ ਅੱਗੇ ਦੱਸਿਆ ਕਿ ਟੀਮ ਦੀ ਚੋਣ ਕਰਦੇ ਸਮੇਂ ਕਈ ਪਹਿਲੂਆਂ ਨੂੰ ਧਿਆਨ ਵਿੱਚ ਰੱਖਣਾ ਪੈਂਦਾ ਹੈ। ਉਨ੍ਹਾਂ ਮੁਤਾਬਕ ਕਈ ਵਾਰ ਅਜਿਹੇ ਵੱਡੇ ਅਤੇ ਸਖ਼ਤ ਫੈਸਲੇ ਲੈਣੇ ਪੈਂਦੇ ਹਨ, ਜੋ ਬਾਹਰੋਂ ਦੇਖਣ ਵਿੱਚ ਕਾਫੀ ਮੁਸ਼ਕਲ ਲੱਗਦੇ ਹਨ। ਅਜਿਹਾ ਸਿਰਫ ਸ਼੍ਰੇਅਸ ਨਾਲ ਹੀ ਨਹੀਂ, ਸਗੋਂ ਫਿਲ ਸਾਲਟ ਵਰਗੇ ਹੋਰ ਖਿਡਾਰੀਆਂ ਨਾਲ ਵੀ ਹੋਇਆ ਸੀ।
ਪੰਜਾਬ ਕਿੰਗਜ਼ ਵਿੱਚ ਚਮਕ ਰਹੇ ਹਨ ਅਈਅਰ
KKR ਤੋਂ ਬਾਹਰ ਹੋਣ ਤੋਂ ਬਾਅਦ ਪੰਜਾਬ ਕਿੰਗਜ਼ ਨੇ ਸ਼੍ਰੇਅਸ ਅਈਅਰ ਨੂੰ 26.75 ਕਰੋੜ ਰੁਪਏ ਦੀ ਮੋਟੀ ਰਕਮ ਵਿੱਚ ਖਰੀਦਿਆ ਸੀ। ਉਨ੍ਹਾਂ ਦੀ ਕਪਤਾਨੀ ਹੇਠ ਪੰਜਾਬ ਦੀ ਟੀਮ ਨੇ IPL 2025 ਦਾ ਫਾਈਨਲ ਖੇਡਿਆ ਅਤੇ ਹੁਣ IPL 2026 ਵਿੱਚ ਵੀ ਟੀਮ ਲਗਾਤਾਰ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀ ਹੈ।
ਟੀਮ ਇੰਡੀਆ ਵਿੱਚ ਵਾਪਸੀ ਦੀ ਉਮੀਦ
ਸ਼੍ਰੇਅਸ ਅਈਅਰ ਇਸ ਸਮੇਂ IPL 2026 ਵਿੱਚ ਬਹੁਤ ਹੀ ਸ਼ਾਨਦਾਰ ਫਾਰਮ ਵਿੱਚ ਹਨ ਅਤੇ ਲਗਾਤਾਰ ਦੌੜਾਂ ਬਣਾ ਰਹੇ ਹਨ। ਚੰਦਰਕਾਂਤ ਪੰਡਿਤ ਨੇ ਉਨ੍ਹਾਂ ਦੀ ਭਾਰਤੀ ਟੀਮ ਵਿੱਚ ਵਾਪਸੀ 'ਤੇ ਭਰੋਸਾ ਜਤਾਉਂਦਿਆਂ ਕਿਹਾ ਕਿ ਅਈਅਰ ਦੀ ਮੌਜੂਦਾ ਫਾਰਮ ਅਤੇ ਆਤਮਵਿਸ਼ਵਾਸ ਦਿਖਾਉਂਦਾ ਹੈ ਕਿ ਉਹ ਵਾਪਸੀ ਲਈ ਪੂਰੀ ਤਰ੍ਹਾਂ ਤਿਆਰ ਹਨ। ਉਨ੍ਹਾਂ ਮੁਤਾਬਕ ਅਈਅਰ ਹਮੇਸ਼ਾ ਮੈਚ ਜਿੱਤਣ ਦੇ ਇਰਾਦੇ ਨਾਲ ਖੇਡਦੇ ਹਨ ਅਤੇ ਇਹੀ ਉਨ੍ਹਾਂ ਦੀ ਸਭ ਤੋਂ ਵੱਡੀ ਤਾਕਤ ਹੈ।
ਰਾਹੁਲ-ਰਾਣਾ ਨੇ ਵਰ੍ਹਾ'ਤਾ ਚੌਕਿਆਂ-ਛੱਕਿਆਂ ਦਾ ਮੀਂਹ ! ਦਿੱਲੀ ਨੇ ਪੰਜਾਬ ਨੂੰ ਦਿੱਤਾ 265 ਦਾ ਪਹਾੜ ਵਰਗਾ ਟੀਚਾ
NEXT STORY 
