ਨਵੀਂ ਦਿੱਲੀ- ਬੀਬੀਆਂ ਕ੍ਰਿਕਟ ਦਾ 'ਮਿੰਨੀ ਆਈ. ਪੀ. ਐੱਲ.' ਕਹੀ ਜਾ ਰਹੀ ਚੈਲੰਜਰਜ਼ ਸੀਰੀਜ਼ ਸੰਯੁਕਤ ਅਰਬ ਅਮੀਰਾਤ 'ਚ 4 ਤੋਂ 9 ਨਵੰਬਰ ਦੇ ਵਿਚਾਲੇ ਖੇਡੀ ਜਾਵੇਗੀ। ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਇਕ ਅਧਿਕਾਰੀ ਨੇ ਬੁੱਧਵਾਰ ਨੂੰ ਇਸਦੀ ਪੁਸ਼ਟੀ ਕੀਤੀ। ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਕਾਰਨ ਭਾਰਤ 'ਚ ਬੀਬੀਆਂ ਦੀ ਕ੍ਰਿਕਟ ਪੂਰੀ ਤਰ੍ਹਾਂ ਰੁੱਕ ਗਈ ਹੈ, ਜਿਸਦੀ ਕਾਫੀ ਆਲੋਚਨਾ ਕੀਤੀ ਜਾ ਰਹੀ ਹੈ। ਭਾਰਤੀ ਕ੍ਰਿਕਟ ਬੋਰਡ ਦੇ ਪ੍ਰਧਾਨ ਸੌਰਵ ਗਾਂਗੁਲੀ ਹਾਲਾਂਕਿ ਬਾਰ-ਬਾਰ ਕਹਿੰਦੇ ਨਜ਼ਰ ਆਏ ਹਨ ਕਿ ਤਿੰਨ ਟੀਮਾਂ ਦਾ ਇਕ ਟੂਰਨਾਮੈਂਟ ਹੋਵੇਗਾ ਜਿਸਦੀ ਪੁਸ਼ਟੀ ਯੂ. ਏ. ਈ. 'ਚ ਇਕ ਸੀਨੀਅਰ ਅਧਿਕਾਰੀ ਨੇ ਕੀਤੀ।
ਆਈ. ਪੀ. ਐੱਲ. ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਟੂਰਨਾਮੈਂਟ ਦੀ ਤਾਰੀਖ ਤੈਅ ਹੋ ਗਈ ਹੈ। ਇਹ 4 ਤੋਂ 9 ਨਵੰਬਰ ਦੇ ਵਿਚ ਖੇਡਿਆ ਜਾਵੇਗਾ। ਤਿੰਨ ਟੀਮਾਂ ਟ੍ਰੇਲਬਲੇਜਰਸ, ਵੇਲੋਸਿਟੀ ਅਤੇ ਸੁਪਰਨੋਵਾਜ ਦੇ ਵਿਚ ਮੁਕਾਬਲੇ ਹੋਣਗੇ। ਕੁੱਲ ਚਾਰ ਮੁਕਾਬਲੇ ਖੇਡੇ ਜਾਣਗੇ। ਉਨ੍ਹਾਂ ਨੇ ਕਿਹਾ ਕਿ ਫਾਈਨਲ 9 ਨਵੰਬਰ ਨੂੰ ਹੋਵੇਗਾ ਕਿਉਂਕਿ ਅਸੀਂ ਪੁਰਸ਼ਾਂ ਦੇ ਫਾਈਨਲ ਦੇ ਦਿਨ ਇਸਦਾ ਆਯੋਜਨ ਨਹੀਂ ਕਰਨਾ ਚਾਹੁੰਦੇ ਸੀ। ਬੀ. ਸੀ. ਸੀ. ਆਈ. ਨੇ ਪਿਛਲੇ ਹਫਤੇ ਹੀ ਸਾਬਕਾ ਸਪਿਨਰ ਨੀਤੂ ਡੇਵਿਡ ਦੀ ਪ੍ਰਧਾਨਗੀ 'ਚ ਬੀਬੀਆਂ ਕ੍ਰਿਕਟ ਦੇ ਲਈ ਨਵੇਂ ਚੋਣ ਕਮੇਟੀ ਦਾ ਐਲਾਨ ਕੀਤਾ ਜੋ ਹੁਣ ਇਹ ਤਿੰਨ ਟੀਮਾਂ ਚੁਣੀਆਂ ਹਨ।
ਦਿਲੀਪ ਵੈਂਗਸਰਕਰ ਬੋਲੇ- IPL ਖ਼ਿਤਾਬ ਲਈ ਕੋਹਲੀ RCB ਹੈ ਫੇਵਰੇਟ
NEXT STORY 
