ਸਪੋਰਟਸ ਡੈਸਕ : ਭਾਰਤੀ ਟੀਮ ਦੇ ਸਾਬਕਾ ਕ੍ਰਿਕਟਰ ਯੁਵਰਾਜ ਸਿੰਘ ਨੇ ਇੱਕ ਪੋਡਕਾਸਟ 'ਚ ਖੁਲਾਸਾ ਕੀਤਾ ਕਿ ਉਸਨੇ ਧੋਨੀ ਤੋਂ ਪਤਾ ਚੱਲਿਆ ਕਿ ਉਸਨੂੰ ਹੁਣ ਟੀਮ ਵਿੱਚ ਨਹੀਂ ਚੁਣਿਆ ਜਾਵੇਗਾ । ਯੁਵੀ ਨੇ ਕਿਹਾ ਕਿ ਜਦੋਂ ਉਹ ਟੀਮ ਦੇ ਅੰਦਰ-ਬਾਹਰ ਹੁੰਦਾ ਸੀ ਤਾਂ ਨਾਂ ਤਾਂ ਉਸ ਸਮੇਂ ਦੇ ਕਪਤਾਨ ਵਿਰਾਟ ਕੋਹਲੀ ਤੇ ਨਾ ਹੀ ਕੋਚ ਰਵੀ ਸ਼ਾਸਤਰੀ ਨੇ ਉਸ ਨਾਲ ਸਿੱਧੀ ਗੱਲ ਕੀਤੀ । ਯੁਵੀ ਨੇ ਕਿਹਾ,"ਉਸ ਸਮੇਂ ਮੈਂ ਵਿਚਕਾਰ ਫਸ ਗਿਆ ਹਾਂ... ਮੈਨੂੰ ਕੁ ਝ ਸਮਝ ਨਹੀਂ ਆ ਰਿਹਾ ਸੀ। ਮੈਂ ਦੇਸ਼ ਲਈ ਬਹੁਤ ਕ੍ਰਿਕਟ ਖੇਡਿਆ ਮੇਰੇ ਲਈ ਕੁਝ ਇੰਜ਼ਤ ਤੇ ਸਤਿਕਾਰ ਤੇ ਬਣਦਾ ਹੀ ਸੀ ਪਰ ਕਿਸੇ ਨੇ ਮੈਨੂੰ ਕੁਝ ਨਹੀਂ ਦੱਸਿਆ ; ਉਹ ਮੈਨੂੰ ਟੀਮ ਦੇ ਅੰਦਰ-ਬਾਹਰ ਕਰਦੇ ਰਹੇ।"
ਧੋਨੀ ਨੇ ਫ਼ੋਨ ਕਰ ਦੱਸੀ ਇਹ ਗੱਲ
ਯੁਵਰਾਜ ਨੇ ਪੋਡਕਾਸਟ ਵਿੱਚ ਖੁਲਾਸਾ ਕੀਤਾ ਕਿ ਮਾਹੀ ਨੇ ਉਸਨੂੰ ਫ਼ੋਨ ਕੀਤਾ ਤੇ ਦੱਸਿਆ ਕਿ ਟੀਮ ਪ੍ਰਬੰਧਕ ਹੁਣ ਉਸ ਦੇ ਬਾਰੇ ਨਹੀਂ ਸੋਚ ਰਹੇ । ਧੋਨੀ ਉਸ ਸਮੇਂ ਕਪਤਾਨ ਨਹੀਂ ਸੀ,ਪਰ ਉਸਨੇ ਸਥਿਤੀ 'ਤੇ ਨਜ਼ਰ ਰੱਖੀ ਹੋਈ ਸੀ । ਯੁਵੀ ਨੇ ਕਿਹਾ "ਧੋਨੀ ਨਾਲ ਗੱਲ ਕਰਨ ਤੋਂ ਬਾਅਦ,ਮੈਨੂੰ ਇੱਕ ਸਪਸ਼ਟ ਦ੍ਰਿਸ਼ਟੀਕੋਣ ਮਿਲਿਆ । ਮਾਹੀ ਨੇ ਮੈਨੂੰ ਸਪੱਸ਼ਟ ਤੌਰ 'ਤੇ ਕਿਹਾ,'ਚੋਣਕਾਰ ਹੁਣ ਮੈਨੂੰ ਨਹੀਂ ਦੇਖ ਰਹੇ ਹਨ । ਮੈਂ ਉਨ੍ਹਾਂ ਦੀਆਂ ਯੋਜਨਾਵਾਂ ਦਾ ਹਿੱਸਾ ਨਹੀਂ ਹਾਂ। '" ਮੈਨੂੰ ਦੁੱਖ ਹੈ ਕਿ ਕੋਚ ਤੇ ਕਪਤਾਨ ਨੇ ਮੈਨੂੰ ਉਹ ਸਪੱਸ਼ਟਤਾ ਨਹੀਂ ਦਿੱਤੀ ਧੋਨੀ ਨੇ ਮੈਨੂੰ ਦਿੱਤੀ ਸੀ।
ਮੈਨੂੰ ਫਿਟਨੈੱਸ ਦਾ ਹਵਾਲਾ ਦੇ ਕੇ ਸੰਨਿਆਸ ਲੈਣ ਲਈ ਕੀਤਾ ਮਜਬੂਰ
ਯੁਵਰਾਜ ਸਿੰਘ ਨੇ ਪੋਡਕਾਸਟ ਵਿੱਚ ਇਹ ਵੀ ਕਿਹਾ, "ਮੈਨੇਜਮੈਂਟ ਨੇ ਮੇਰੀ ਫਿਟਨੈੱਸ ਦਾ ਹਵਾਲਾ ਦੇ ਕੇ ਮੈਨੂੰ ਸੰਨਿਆਸ ਲੈਣ ਲਈ ਮਜਬੂਰ ਕੀਤਾ।" ਯੁਵਰਾਜ ਸਿੰਘ ਨੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਕਿ ਉਸਨੂੰ ਕਿਹਾ ਗਿਆ ਸੀ ਕਿ ਜੇਕਰ ਉਹ ਯੋ-ਯੋ ਟੈਸਟ ਵਿੱਚ ਅਸਫਲ ਰਹਿੰਦਾ ਹੈ, ਤਾਂ ਉਸਨੂੰ ਕ੍ਰਿਕਟ ਤੋਂ ਸੰਨਿਆਸ ਲੈ ਲੈਣਾ ਚਾਹੀਦਾ ਹੈ। ਉਸਨੇ ਜਵਾਬ ਦਿੰਦੇ ਹੋਏ ਕਿਹਾ ਕਿ ਉਹ ਸੰਨਿਆਸ ਲਵੇਗਾ ਜਾਂ ਨਹੀਂ ਇਹ ਉਸਦਾ ਆਪਣਾ ਫੈਸਲਾ ਹੋਵੇਗਾ,ਕਿਸੇ ਹੋਰ ਦਾ ਨਹੀਂ। ਮੈਂ ਉਨ੍ਹਾਂ ਨੂੰ ਇਹ ਵੀ ਕਿਹਾ ਕਿ ਉਹ ਟੀਮ ਵਿੱਚ ਖੇਡੇਗਾ ਜਾਂ ਨਹੀਂ ਇਹ ਟੀਮ ਮੈਨੇਜਮੈਂਟ ਦਾ ਫੈਸਲਾ ਹੋਣਾ ਚਾਹੀਦਾ ਹੈ, ਮੇਰੀ ਸੰਨਿਆਸ ਦਾ ਫੈਸਲਾ ਉਨ੍ਹਾਂ ਦਾ ਨਹੀਂ।
MI vs DC ; ਅੱਜ ਆਹਮੋ-ਸਾਹਮਣੇ ਹੋਣਗੇ ਅਕਸ਼ਰ ਤੇ ਪੰਡਯਾ ! ਦਿੱਲੀ 'ਚ ਵਰ੍ਹੇਗਾ ਚੌਕੇ-ਛੱਕਿਆਂ ਦਾ ਮੀਂਹ
NEXT STORY 
