ਮੁੰਬਈ - ਸ਼ੇਅਰ ਬਾਜ਼ਾਰ 'ਚ ਅੱਜ ਭਾਵ ਵੀਰਵਾਰ (13 ਮਾਰਚ) ਨੂੰ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਸੈਂਸੈਕਸ 202.87 ਅੰਕ ਭਾਵ 0.27 % ਅੰਕ ਚੜ੍ਹ ਕੇ 74,232.63 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਸੈਂਸੈਕਸ ਦੇ 21 ਸਟਾਕ ਵਾਧੇ ਨਾਲ ਅਤੇ 9 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਜਾ ਰਹੇ ਹਨ। ਮਹਿੰਦਰਾ ਐਂਡ ਮਹਿੰਦਰਾ ਦੇ ਸ਼ੇਅਰ 1.52%, ਜ਼ੋਮੈਟੋ 1.39% ਅਤੇ ਏਅਰਟੈੱਲ ਦੇ ਸ਼ੇਅਰ 1.36% ਵਧੇ ਹਨ। ਜਦੋਂ ਕਿ ਕੋਟਕ ਮਹਿੰਦਰਾ ਬੈਂਕ ਦੇ ਸ਼ੇਅਰ 0.12% ਹੇਠਾਂ ਹਨ।
ਦੂਜੇ ਪਾਸੇ ਨਿਫਟੀ 46.70 ਅੰਕ ਭਾਵ 0.21% ਵਧ ਕੇ 22,517.20 'ਤੇ ਕਾਰੋਬਾਰ ਕਰ ਰਿਹਾ ਹੈ। ਨਿਫਟੀ ਦੇ 27 ਸਟਾਕ ਵਾਧੇ ਨਾਲ ਅਤੇ 23 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਜਾ ਰਹੇ ਹਨ। ਐਨਐਸਈ ਦੇ ਮੈਟਲ ਅਤੇ ਬੈਂਕਿੰਗ ਸ਼ੇਅਰਾਂ ਵਿੱਚ ਵਾਧਾ ਹੈ ਜਦੋਂ ਕਿ ਮੀਡੀਆ ਸੈਕਟਰ ਵਿੱਚ 1% ਤੱਕ ਦੀ ਗਿਰਾਵਟ ਹੈ। 12 ਮਾਰਚ ਨੂੰ ਵਿਦੇਸ਼ੀ ਨਿਵੇਸ਼ਕਾਂ (ਐੱਫ.ਆਈ.ਆਈ.) ਨੇ 1,627.61 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਇਸ ਮਿਆਦ ਦੇ ਦੌਰਾਨ, ਘਰੇਲੂ ਨਿਵੇਸ਼ਕਾਂ (DIIs) ਨੇ 1,510.35 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।
ਗਲੋਬਲ ਮਾਰਕਿਟ ਦਾ ਹਾਲ
ਏਸ਼ੀਆਈ ਬਾਜ਼ਾਰਾਂ 'ਚ ਜਾਪਾਨ ਦਾ ਨਿੱਕੇਈ 0.96 ਫੀਸਦੀ ਦੇ ਵਾਧੇ ਨਾਲ ਅਤੇ ਹਾਂਗਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 0.17 ਫੀਸਦੀ ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਹੈ। ਜਦੋਂ ਕਿ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 0.052% ਹੇਠਾਂ ਹੈ।
12 ਮਾਰਚ ਨੂੰ ਅਮਰੀਕਾ ਦਾ ਡਾਓ ਜੋਂਸ 0.20 ਫੀਸਦੀ ਡਿੱਗ ਕੇ 41,350 'ਤੇ ਬੰਦ ਹੋਇਆ। S&P 500 0.49% ਵਧ ਕੇ 5,599 'ਤੇ ਅਤੇ Nasdaq ਕੰਪੋਜ਼ਿਟ 1.22% ਵਧ ਕੇ 17,648 'ਤੇ ਬੰਦ ਹੋਇਆ।
ਬੀਤੇ ਦਿਨ ਸ਼ੇਅਰ ਬਾਜ਼ਾਰ ਦਾ ਹਾਲ
ਹਫਤੇ ਦੇ ਤੀਜੇ ਕਾਰੋਬਾਰੀ ਦਿਨ (ਬੁੱਧਵਾਰ, 12 ਮਾਰਚ) ਨੂੰ ਸੈਂਸੈਕਸ 72 ਅੰਕ ਡਿੱਗ ਕੇ 74,029 'ਤੇ ਬੰਦ ਹੋਇਆ। ਨਿਫਟੀ 27 ਅੰਕ ਡਿੱਗ ਕੇ 22,470 ਦੇ ਪੱਧਰ 'ਤੇ ਬੰਦ ਹੋਇਆ।
ਮੰਗਲਵਾਰ ਦੀ ਵੱਡੀ ਗਿਰਾਵਟ (27%) ਤੋਂ ਬਾਅਦ, ਇੰਡਸਇੰਡ ਬੈਂਕ ਦੇ ਸ਼ੇਅਰ 4.42% ਵਧੇ। ਟਾਟਾ ਮੋਟਰਸ 3.19% ਅਤੇ ਕੋਟਕ ਬੈਂਕ 2.37% ਚੜ੍ਹੇ ਸਨ। ਇਸ ਦੇ ਨਾਲ ਹੀ ਇੰਫੋਸਿਸ 'ਚ 4.18 ਫੀਸਦੀ, ਟੇਕ ਮਹਿੰਦਰਾ 'ਚ 2.80 ਫੀਸਦੀ ਅਤੇ ਨੈਸਲੇ ਇੰਡੀਆ 'ਚ 2.43 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ।
ਨਿਫਟੀ ਦੇ 50 ਸ਼ੇਅਰਾਂ 'ਚੋਂ 19 ਵਧੇ ਅਤੇ 31 'ਚ ਗਿਰਾਵਟ ਰਹੀ। ਐਨਐਸਈ ਦੇ ਆਈਟੀ ਇੰਡੈਕਸ ਵਿੱਚ ਸਭ ਤੋਂ ਵੱਧ 2.91%, ਮੀਡੀਆ ਵਿੱਚ 1.53%, ਰਿਐਲਟੀ ਵਿੱਚ 1.65 ਅਤੇ ਸਰਕਾਰੀ ਬੈਂਕ ਵਿੱਚ 1.08% ਦੀ ਗਿਰਾਵਟ ਆਈ। ਪ੍ਰਾਈਵੇਟ ਬੈਂਕਾਂ ਅਤੇ ਫਾਰਮਾ ਸੈਕਟਰ ਵਿੱਚ ਮਾਮੂਲੀ ਵਾਧਾ ਹੋਇਆ।
ਪੰਜਾਬ ਦੇ ਲੱਖਾਂ ਰਾਸ਼ਨ ਕਾਰਡ ਧਾਰਕਾਂ ਲਈ ਬੁਰੀ ਖ਼ਬਰ! ਮੁਫ਼ਤ ਕਣਕ ਨੂੰ ਲੈ ਕੇ ਆਈ ਨਵੀਂ UPDATE
NEXT STORY 
