ਜਲੰਧਰ- ਹੁੰਡਈ ਮੋਟਰ ਇੰਡੀਆ ਨੇ ਅੱਜ ਆਪਣੀ ਕੰਪੈਕਟ ਸੇਡਾਨ ਕਾਰ ਐਕਸੇਂਟ ਦਾ ਫੇਸਲਿਫਟ ਅਵਤਾਰ ਲਾਂਚ ਕਰ ਦਿੱਤਾ ਹੈ। ਨਵੀਂ ਐਕਸੇਂਟ ਪਹਿਲਾਂ ਤੋਂ ਜ਼ਿਆਦਾ ਸਟਾਈਲਿਸ਼ ਅਤੇ ਖੂਬਸੂਰਤ ਕਾਰ ਮੰਨੀ ਜਾ ਰਹੀ ਹੈ। 2017 ਹੁੰਡਈ ਐਕਸੇਂਟ ਫੇਸਲਿਫਟ ਦੀ ਕੀਮਤ 5.38 ਲੱਖ ਰੁਪਏ ਤੋਂ ਲੈ ਕੇ 8.41 ਐਕਸ ਸ਼ੋਰੂਮ ਦਿੱਲੀ ਹੈ। ਹੁੰਡਈ ਨੇ ਐਕਸੈਂਟ ਦੇ ਫੇਸਲਿਫਟ ਅਵਤਾਰ ਨੂੰ ਪਟਰੋਲ ਅਤੇ ਡੀਜ਼ਲ ਦੋਨੋਂ ਵਰਜਨਸ 'ਚ ਪੇਸ਼ ਕੀਤਾ ਹੈ। ਇਹ ਫੇਸਲਿਫਟ ਵਰਜਨ ਪੰਜ ਵੇਰੀਅੰਟ –5, 5+ (ਨਿਊ ਵੇਰਿਅੰਟ), S, SX ਅਤੇ SX(O).
ਇੰਜਣ
ਹੁੰਡਈ ਨੇ ਨਵੀਂ ਐਕਸੇਂਟ ਫੇਸਲਿਫਟ 'ਚ 1.2 ਲਿਟਰ ਦਾ ਪਟਰੋਲ ਇੰਜਣ ਦਿੱਤਾ ਹੈ ਜੋ 82bhp (6000rpm) ਦਾ ਪਾਵਰ ਦਿੰਦਾ ਹੈ ਅਤੇ 114Nm (4000rpm) ਟਾਰਕ ਜਨਰੇਟ ਕਰਦਾ ਹੈ। ਉਥੇ ਹੀ ਕਾਰ 'ਚ 1.2 ਲਿਟਰ ਦਾ ਡੀਜ਼ਲ ਇੰਜਣ ਵੀ ਦਿੱਤਾ ਗਿਆ ਹੈ, ਜੋ ਕਾਰ ਨੂੰ 71bhp (4000rpm) ਸ਼ਕਤੀ ਪ੍ਰਦਾਨ ਕਰਦਾ ਹੈ। ਇਸ ਦੇ ਨਾਲ ਕੰਪਨੀ 5 ਸਪੀਡ ਯੂਨਿਟ ਵਾਲਾ ਮੈਨੂਅਲ ਗਿਅਰਬਾਕਸ ਦਿੱਤਾ ਗਿਆ ਹੈ। ਇਸ 'ਚ ਆਟੋਮੈਟਿਕ ਗਿਅਰਬਾਕਸ ਵੀ ਦਿੱਤਾ ਗਿਆ ਹੈ।
ਇਸਦੀ ਲੁੱਕ ਦੀ ਗੱਲ ਕਰੀਏ ਤਾਂ ਇਹ ਕਾਰ ਕਾਫ਼ੀ ਸਟਾਈਲਿਸ਼ ਹੈ। ਫ੍ਰੰਟ ਨੂੰ ਆਕਰਸ਼ਕ ਬਣਾਇਆ ਗਿਆ ਹੈ। ਗਰਿਲ ਵਾਇਡ ਹੈ। ਹੁੰਡਈ ਆਪਣੇ ਇਸ ਮਾਡਲ ਨੂੰ ਪ੍ਰੀਮੀਅਮ ਸੈਂਗਮੇਂਟ 'ਚ ਰੱਖਣਾ ਚਾਹੁੰਦੀ ਹੈ। ਨਵੀਂ ਐਕਸੇਂਟ 'ਚ ਨਵੀਂ ਪਹਿਲਾਂ ਦੇ ਮੁਕਾਬਲੇ ਜ਼ਿਆਦਾ ਚੌੜਾ ਅਤੇ ਲੰਬੀ ਸਿਗਨੇਚਰ ਗਰਿਲ ਹੈ। ਕਾਰ ਦੇ ਹਾਇਰ ਵੇਰਿਅੰਟ 'ਚ ਡੇ-ਟਾਇਮ ਐੱਲ. ਈ. ਡੀ ਲੈਂਪ, ਫਾਗ ਲੈਂਪ ਦਿੱਤਾ ਗਿਆ ਹੈ। ਕੰਪਨੀ ਨੇ ਕਾਰ ਦੇ ਪਟਰੋਲ ਵੇਰੀਅੰਟ 'ਚ ਅਲੌਏ ਵ੍ਹੀਲ ਦਿੱਤਾ ਹੈ, ਜਦ ਕਿ ਡੀਜਲ ਵੇਰੀਅੰਟ ਦੇ ਵ੍ਹੀਲ 'ਚ ਕੋਈ ਬਦਲਾਵ ਨਹੀਂ ਕੀਤਾ ਹੈ। ਕਾਰ 'ਚ ਨਵਾਂ ਬੂਟ ਡਿਜਾਇਨ ਅਤੇ ਨਵੀਂ ਟੇਲ ਲੈਂਪ ਅਤੇ ਰਿਅਰ ਬੰਪਰ ਨੂੰ ਵੀ ਨਵਾਂ ਡਿਜਾਇਨ ਦਿੱਤਾ ਗਿਆ ਹੈ।
2017 ਹੁੰਡਈ ਐਕਸੇਂਟ ਦੇ ਟਾਪ ਮਾਡਲ SX ਦੀ ਗੱਲ ਕਰੀਏ ਤਾਂ ਇਸ ਦੇ ਨਾਲ 7.0 ਇੰਚ ਦਾ ਟੱਚ ਸਕ੍ਰੀਨ ਇੰਫੋਟੇਨਮੇਂਟ ਸਿਸਟਮ, ਐਪਲ ਕਾਰ ਪਲੇਅ, ਐਂਡ੍ਰਾਇਡ ਆਟੋ ਪਲੇਅ ਅਤੇ ਮਾਇਨਰਲਿੰਕ, ਆਡੀਓ ਵੀਡੀਓ ਨੇਵੀਗੇਸ਼ਨ ਜਿਵੇਂ ਫੀਚਰ ਦਿੱਤੇ ਗਏ ਹਨ। ਕਾਰ ਦੀ ਸੀਟ 'ਚ ਵੀ ਨਵਾਂ ਫੈਬਰਿਕ ਸ਼ੇਡ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਐਡਵਾਂਸ ਪੈਕੇਜ ਦੇ ਤੌਰ 'ਤੇ ਤੁਹਾਨੂੰ ਉਸ 'ਚ ਕਲਾਇਮੇਟ ਕੰਟਰੋਲ , ਬਟਨ ਸਟਾਰਟ, ਲੈਦਰ ਨਾਲ ਢੱਕਿਆ ਹੋਇਆ ਗਿਅਰ ਨਾਬ, ਐੱਲ. ਈ. ਡੀ ਡੀ. ਆਰ. ਐੱਲ, ਰਿਵਰਸ ਕੈਮਰਾ, ਸ਼ਾਰਕ ਫਿਨ ਐਟੀਨਾ ਅਤੇ ਸਮਾਰਟਫੋਨ ਹੋਲਡਰ ਆਦਿ ਮਿਲੇਗਾ। ਬਾਹਰ ਦੀ ਵੱਲ ਇਸ ਮਾਡਲ ਦੇ ਨਾਲ ਤੁਹਾਨੂੰ ਕ੍ਰੋਮ ਪੈਕੇਜ ਅਤੇ ਡਾਇਮੰਡ ਕਟ ਆਲੌਏ ਵ੍ਹੀਲਸ ਮਿਲੇਗਾ।
ਸੇਫਟੀ ਫੀਚਰ ਵੀ ਮੌਜੂਦ
2017 ਹੁੰਡਈ ਐਕਸੇਂਟ 'ਚ ਸੇਫਟੀ ਫੀਚਰ ਵੀ ਐਡ ਕਿਤੇ ਹਨ। ਦੋ ਏਅਰਬੈਗ ਸਟੈਂਡਰਡ ਹੈ, ਜਦੋਂ ਕਿ ABS SX ਅਤੇ SX (O) ਟਰਿਮ 'ਚ ਉਪਲੱਬਧ ਹੈ। ਗੱਡੀ 'ਚ ਰਿਵਰਸ ਪਾਰਕਿੰਗ ਸਿਸਟਮ ਵੀ ਦਿੱਤਾ ਗਿਆ ਹੈ। ਇਕ ਖਾਸ ਗੱਲ ਜੋ 2017 ਹੁੰਡਈ ਐਕਸੇਂਟ ਦੇ ਸਾਰੇ ਵੇਰਿਅੰਟ 'ਚ ਤੁਹਾਨੂੰ ਮਿਲੇਗਾ ਉਹ ਹੈ ਆਲਟਰਨੇਟਰ ਮੈਨੇਜਮੇਂਟ ਸਿਸਟਮ। ਇਹ ਇਕ ਅਜਿਹੀ ਟੈਕਨਾਲੋਜੀ ਹੈ ਜਿਸ 'ਚ ਬੈਟਰੀ ਤੱਦ ਚਾਰਜ ਹੁੰਦੀ ਜਦੋਂ ਜਾਂ ਤਾਂ ਗੱਡੀ ਦੀ ਸਪੀਡ ਘੱਟ ਕੀਤੀ ਜਾਂਦੀ ਹੈ ਜਾਂ ਫਿਰ ਜ਼ਰੂਰਤ ਤੋਂ ਜ਼ਿਆਦਾ ਪਾਵਰ ਜਨਰੇਟ ਹੁੰਦਾ ਹੈ। ਇਸ ਸਿਸਟਮ ਦੀ ਖਾਸ ਗੱਲ ਇਹ ਹੈ ਕਿ ਇਸ ਤੋਂ ਗੱਡੀ ਦੀ ਤੇਲ ਖਪਤ ਨੂੰ ਘੱਟ ਕੀਤਾ ਜਾ ਸਕਦਾ ਹੈ।
IDEA ਨੇ ਸ਼ੁਰੂ ਕੀਤੀ ਨਵੀ ਸਿਮ ਆਧਾਰਿਤ ਫਲੀਟ ਟ੍ਰੈਕਿੰਗ ਸਰਵਿਸ, ਇਸਤੇਮਾਲ ਕਰਨ ਦਾ ਇਹ ਹੈ ਤਰੀਕਾ
NEXT STORY