ਜਲੰਧਰ-ਸੁਜ਼ੂਕੀ ਇੰਡੋਨੇਸ਼ੀਆ ਬਾਜ਼ਾਰ 'ਚ ਨਵਾਂ ਮੋਟਰਸਾਈਕਲ ਬੈਂਡਿਟ 150 (Bendit 150) ਪੇਸ਼ ਕਰਨ ਦੀ ਤਿਆਰੀ ਕਰ ਰਹੀਂ ਹੈ। ਰਿਪੋਰਟ ਮੁਤਾਬਕ ਇਸ ਮੋਟਰਸਾਈਕਲ ਨੂੰ 2 ਅਗਸਤ ਨੂੰ ਹੋਣ ਵਾਲੇ ਗਾਈਕਿੰਡੋ ਇੰਡੋਨੇਸ਼ੀਆ ਇੰਟਰਨੈਸ਼ਨਲ ਆਟੋ ਸ਼ੋਅ (GIIAS) 'ਚ ਪੇਸ਼ ਕੀਤੀ ਜਾਵੇਗੀ।
ਸੁਜ਼ੂਕੀ ਇੰਡੋਂਮੋਬਿਲ ਸੇਲਜ਼ ਦੇ ਮਾਰਕੀਟਿੰਗ ਅਤੇ ਸੇਲਜ਼ ਹੈੱਡ ਯੋਹਾਨ ਯਾਮਾਹਾ ਨੇ ਦੱਸਿਆ ਹੈ, ''ਕੰਪਨੀ ਇੰਡੋਨੇਸ਼ੀਆ ਬਾਜ਼ਾਰ 'ਚ ਅਗਲੇ ਮਹੀਨੇ ਨਵਾਂ ਪ੍ਰੋਡਕਟ ਲਾਂਚ ਕਰੇਗੀ, ਉਨ੍ਹਾਂ ਦਾ ਇਸ਼ਾਰਾ ਬੈਂਡਿਟ 150 ਮੋਟਰਸਾਈਕਲ ਵੱਲ ਸੀ।''
ਇਸ ਨਵੀਂ ਮੋਟਰਸਾਈਕਲ 'ਚ ਸੁਜ਼ੂਕੀ ਜੀ. ਐੱਸ. ਐਕਸ-ਐੱਸ150 (GSX-S150) ਵਾਲਾ 150 ਸੀ. ਸੀ. ਇੰਜਣ ਹੋਵੇਗਾ। ਇਸ 'ਚ ਨਵਾਂ ਇੰਸਟਰੂਮੈਂਟ ਕਲਸਟਰ ਲੱਗਾ ਹੋਵੇਗਾ। ਬੈਂਡਿਟ 150 'ਚ ਫਰੰਟ 'ਚ ਟੈਲੀਸਕੋਪਿਕ ਫਾਕਰਸ ਅਤੇ ਰਿਅਰ 'ਚ ਮੋਨੋ ਸ਼ਾਕ ਦਿੱਤੇ ਹੋਣਗੇ। ਦੋਵਾਂ ਪਾਸਿਓ ਡਿਸਕ ਬ੍ਰੇਕ ਦਿੱਤੇ ਗਏ ਹਨ। ਇਸ 'ਚ ਚੌੜੇ ਹੈਂਡਲਬਾਰ ਨਾਲ ਅਪਰਾਈਟ ਸੀਟਿੰਗ ਪੋਜੀਸ਼ਨ ਦਿੱਤੀ ਗਈ ਹੈ।
ਸੁਜ਼ੂਕੀ ਇਸ ਆਟੋ ਸ਼ੋਅ 'ਚ ਬੈਂਡਿਟ 150 ਦੇ ਨਾਲ ਸੁਜ਼ੂਕੀ ਬਰਗਮੈਨ ਸਟ੍ਰੀਟ ਅਤੇ ਸੁਜ਼ੂਕੀ XMAX 250 ਵੀ ਪੇਸ਼ ਕਰ ਸਕਦੀ ਹੈ। ਪਿਛਲੇ ਕੁਝ ਸਮੇਂ 'ਚ ਸੁਜ਼ੂਕੀ ਜੀ. ਐੱਸ. ਐਕਸ-ਐੱਸ 150 ਦੀ ਵਿਕਰੀ 'ਚ ਗਿਰਾਵਟ ਆਈ ਸੀ। ਹੁਣ ਕੰਪਨੀ ਨੇ ਨਵਾਂ ਬੈਂਡਿਟ 150 ਲਿਆ ਕੇ ਆਪਣੀ ਵਿਕਰੀ ਨੂੰ ਵਧਾਉਣਾ ਚਾਹੁੰਦੀ ਹੈ। ਇਸ ਦੀ ਵਿਕਰੀ ਪ੍ਰੀਮਿਅਮ ਸੈਗਮੈਂਟ 'ਚ ਜਾਰੀ ਰਹੇਗੀ ਪਰ ਬੈਂਡਿਟ 150 ਦਾ ਮੁਕਾਬਲਾ ਹੌਂਡਾ CB 150 SF ਅਤੇ ਯਾਮਾਹਾ V-Ixion ਨਾਲ ਹੋਵੇਗਾ।
Yamaha ਨੇ ਆਪਣੇ ਇਸ ਨਵੇਂ ਸਕੂਟਰ ਦਾ ਜਾਰੀ ਕੀਤਾ ਟੀਜ਼ਰ, ਜਾਣੋ ਖੂਬੀਆਂ
NEXT STORY 
