ਜਲੰਧਰ - ਜਾਪਾਨੀ ਟੂ-ਵ੍ਹੀਲਰ ਨਿਰਮਾਤਾ ਕੰਪਨੀ ਯਾਮਾਹਾ ਨੇ ਆਪਣੇ ਰੇਅ ਜ਼ੈੱਡ. ਆਰ. ਸਟ੍ਰੀਟ ਰੈਲੀ (Ray ZR Street Rally) ਸਕੂਟਰ ਦਾ ਇਕ ਟੀਜ਼ਰ ਜਾਰੀ ਕੀਤਾ ਹੈ। ਟੀਜ਼ਰ ਤੋਂ ਪਤਾ ਚੱਲਦਾ ਹੈ ਕਿ ਇਹ ਇਕਦਮ ਨਵਾਂ ਸਕੂਟਰ ਹੈ ਤੇ ਇਸ ਦਾ ਡਿਜ਼ਾਈਨ ਤੇ ਲੁਕ ਨੂੰ ਕਾਫ਼ੀ ਸਪੋਰਟੀ ਤੇ ਸਮਾਰਟ ਰੱਖਿਆ ਗਿਆ ਹੈ। ਯਾਮਹਾ Ray ZR Street Rally ਕਈ ਐਡੀਸ਼ਨਲ ਫੀਚਰ ਤੇ ਡਿਜ਼ਾਈਨ ਐਲੀਮੈਂਟ ਦੇ ਨਾਲ ਆਵੇਗਾ। ਇਸ ਸਕੂਟਰ 'ਚ ਨਵੇਂ ਡੈਕਲ ਅਤੇ ਬਲੈਕ ਅਲੌਏ ਵ੍ਹੀਲ ਦਿੱਤੇ ਜਾਣਗੇ। ਉਥੇ ਹੀ ਇਸ 'ਚ ਨਵਾਂ ਕਲਰ ਤੇ ਗਰਾਫਿਕਸ ਵੀ ਦਿੱਤਾ ਜਾ ਸਕਦਾ ਹੈ। ਮਤਲਬ ਪਹਿਲਾਂ ਦੇ ਮੁਕਾਬਲੇ ਯਾਮਾਹਾ ਰੇਅ ਜ਼ੈੱਡ ਆਰ ਸਟ੍ਰੀਟ ਰੈਲੀ (Ray ZR Street Rally) ਜ਼ਿਆਦਾ ਸਪੋਰਟੀਅਰ ਅਤੇ ਸਮਾਰਟ ਲਗਦਾ ਹੈ। ਦਸ ਦਈਏ ਕਿ ਕੰਪਨੀ ਨੇ ਆਟੋ ਐਕਸੋ 2018 'ਚ Ray ZR Street Rally ਨੂੰ ਸ਼ੋਅਕੇਸ ਕੀਤਾ ਸੀ।
ਇੰਜਣ ਪਾਵਰ
ਦੱਸਿਆ ਜਾ ਰਿਹਾ ਹੈ ਕਿ ਇਸ ਸਕੂਟਰ 'ਚ 113 ਸੀ. ਸੀ. ਦਾ ਏਅਰ-ਕੁਲਡ, ਸਿੰਗਲ-ਸਿਲੰਡਰ ਇੰਜਣ ਦਿੱਤਾ ਜਾਵੇਗਾ ਜੋ ਕਿ 7.1 ਬੀ. ਐੱਚ. ਪੀ. ਦੀ ਪਾਵਰ ਤੇ 8.1 ਨਿਊਟਨ ਮੀਟਰ ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ਇੰਜਣ ਨੂੰ ਸੀ. ਵੀ. ਟੀ ਗਿਅਰਬਾਕਸ ਦੇ ਨਾਲ ਲੈਸ ਕੀਤਾ ਜਾਵੇਗਾ।
ਬ੍ਰੇਕਿੰਗ ਤੇ ਸਸਪੈਂਸ਼ਨ
ਯਾਮਹਾ Ray ZR Street Rally 'ਚ ਬ੍ਰੇਕਿੰਗ ਲਈ ਅਗਲੇ ਪਹੀਏ 'ਚ 170 ਮਿਲੀਮੀਟਰ ਦੀ ਡਿਸਕ ਬ੍ਰੇਕ ਅਤੇ ਰੀਅਰ 'ਚ ਡਰਮ ਬ੍ਰੇਕ ਦਿੱਤੀ ਜਾਵੇਗੀ। ਸਸਪੈਂਸ਼ਨ ਦੇ ਤੌਰ 'ਤੇ ਇਸ ਦੇ ਫਰੰਟ 'ਚ ਟੈਲੀਸਕੋਪਿਕ ਫਾਰਕਸ ਤੇ ਰੀਅਰ 'ਚ ਸਿੰਗਲ-ਸ਼ਾਕ ਅਬਜ਼ੌਬਰ ਦਿੱਤਾ ਜਾਵੇਗਾ।
ਹੋਰ ਖਾਸ ਫੀਚਰਸ
ਯਾਮਹਾ Ray ZR Street Rally 'ਚ ਨਵਾਂ ਡਿਜੀਟਲ ਇੰਸਟਰੂਮੈਂਟ ਕਲਸਟਰ ਵੀ ਦਿੱਤਾ ਜਾ ਸਕਦਾ ਹੈ ਜੋ ਇਸ ਨੂੰ ਕਾਫ਼ੀ ਖਾਸ ਬਣਾ ਰਿਹਾ ਹੈ।
ਮਾਰੂਤੀ ਸਿਆਜ਼ ਦੇ ਫੇਸਲਿਫਟ ਮਾਡਲ ਦੀ ਲਾਂਚ ਡੇਟ ਦਾ ਹੋਇਆ ਖੁਲਾਸਾ
NEXT STORY 
