ਜਲੰਧਰ- ਟੋਕੀਓ ਮੋਟਰ ਸ਼ੋਅ ਤੋਂ ਪਹਿਲਾਂ ਸੁਜ਼ੂਕੀ ਨੇ ਫਿਊਚਰ ਆਫ ਰੋਡਰ ਇਲੈਕਟ੍ਰੋਨਿਕ ਕਾਰ ਦਾ ਕੰਸੈਪਟ ਮਾਡਲ ਪੇਸ਼ ਕੀਤਾ ਹੈ। ਇਸ ਮਾਡਲ ਨੂੰ ਕੰਪਨੀ ਆਪਣੀਆਂ ਬਾਕੀ ਕਾਰਾਂ ਦੇ ਨਾਲ ਟੋਕੀਓ ਮੋਟਰ ਸ਼ੋਅ 'ਚ ਸ਼ੋਅਕੇਸ ਕਰੇਗੀ। ਜਿਮਨੀ ਅਤੇ ਵਿਟਾਰਾ ਦੀ ਸਕਸੈਸ ਨੂੰ ਦੇਖਦੇ ਹੋਏ ਸੁਜ਼ੂਕੀ ਨੇ ਇਸ ਐੱਸ.ਯੂ.ਵੀ. ਦਾ ਕੰਸੈਪਟ ਮਾਡਲ ਤਿਆਰ ਕੀਤਾ ਹੈ।
ਇਸ ਮਾਡਲ ਦਾ ਨਾਂ ਸੁਜ਼ੂਕੀ ਨੇ ਈ-ਸਰਵਾਈਵਰ ਰੱਖਿਆ ਹੈ। ਇਹ ਪੂਰੀ ਤਰ੍ਹਾਂ ਇਲੈਕਟ੍ਰੋਨਿਕ ਐੱਸ.ਯੂ.ਵੀ. ਹੋਵੇਗੀ। ਇਸ ਦੇ ਚਾਰਾਂ ਪਹੀਆਂ 'ਚ ਇਲੈਕਟ੍ਰੋਨਿਕ ਮੋਟਰ ਹੋ ਸਕਦੀ ਹੈ ਜੋ ਕਿ ਇਸ ਨੂੰ 4 ਵ੍ਹੀਲ ਡ੍ਰਾਈਵ ਦੇਣਗੇ।
ਅਲਟਰਾ ਹਾਈ ਗ੍ਰਾਊਂਡ ਕਲੀਅਰੈਂਸ, ਵੱਡੇ ਪਹੀਏ ਇਸ ਆਫਰ ਰੋਡਲ ਵਾਹਨ ਨੂੰ ਵੱਖਰੀ ਲੁੱਕ ਦਿੰਦੇ ਹਨ। ਸੁਜ਼ੂਕੀ ਦਾ ਦਾਅਵਾ ਹੈ ਕਿ ਇਸ ਵਾਹਨ ਨੂੰ ਕਾਫੀ ਹਲਕਾ ਰੱਖਿਆ ਜਾਵੇਗਾ। ਟੂ-ਸੀਟਰ ਲੇਆਊਟ ਵਾਲੀ ਇਸ ਐੱਸ.ਯੂ.ਵੀ. 'ਚ ਖੁਲ੍ਹੀ ਛੱਤ ਹੈ। ਇਸ ਵਿਚ ਜਿਮਨੀ ਅਤੇ ਵਿਟਾਰਾ ਸਰੀਖੀ ਕਾਰਾਂ ਦਾ ਵੀ ਪੁਟ ਦੇਖਣ ਨੂੰ ਮਿਲ ਜਾਵੇਗਾ। ਇਸ ਨੂੰ ਲੈਡਰ ਫਰੇਮ ਨਾਲ ਬਣਾਇਆ ਗਿਆ ਹੈ। ਇਸ ਫਰੇਮ 'ਤੇ ਲਾਂਚ ਹੋਣ ਵਾਲੀ ਜਿਮਨੀ ਨੂੰ ਵੀ ਬਣਾਇਆ ਗਿਆ ਹੈ।
ਸੁਜ਼ੂਕੀ ਈ-ਸਰਵਾਈਵਰ 'ਚ ਸਟੀਅਰਿੰਗ ਵ੍ਹੀਲ ਅਤੇ ਡ੍ਰਾਈਵਰ ਕੰਟਰੋਲਸ ਹਨ। ਅਜਿਹੇ 'ਚ ਇਹ ਕਿਹਾ ਜਾ ਸਕਦਾ ਹੈ ਕਿ ਸੁਜ਼ੂਕੀ ਫਿਲਹਾਲ ਭਵਿੱਖ ਦੀਆਂ ਕਾਰਾਂ ਨੂੰ ਪੂਰੀ ਤਰ੍ਹਾਂ ਆਟੋਨਾਮਸ ਬਣਾਉਣ ਦੇ ਮੂਡ 'ਚ ਨਹੀਂ ਹੈ। 2020 'ਚ ਸੁਜ਼ੂਕੀ ਆਪਣੀ 100ਵੀਂ ਵਰ੍ਹੇਗੰਢ ਦਾ ਜਸ਼ਨ ਮਨਾਏਗੀ।
Hyundai Creta ਦਾ ਨਵਾਂ ਸਪੋਰਟੀ ਵੇਰੀਐਂਟ ਪੇਸ਼, ਮਿਲਣਗੇ ਕਈ ਨਵੇਂ ਫੀਰਚਰਸ
NEXT STORY 
