ਜਲੰਧਰ- ਟੈਸਲਾ ਮਾਡਲ 3 ਨੂੰ ਨੈਸ਼ਨਲ ਹਾਈਵੇ ਟ੍ਰੈਫਿਕ ਸੈਫਟੀ ਰੇਟਿੰਗ (NHTSA) ਦੇ ਕਰੈਸ਼ ਟੈਸਟ 'ਚ 5 ਸਟਾਰ ਰੇਟਿੰਗ ਮਿਲੀ ਹੈ। NHTSA ਫਰੰਟਲ ਕਰੈਸ਼ ਟੈਸਟ, ਸਾਈਡ ਇੰਪੈਕਟ ਤੇ ਸਾਈਡ ਪੋਲ ਟੈਸਟ ਕਰਦਾ ਹੈ। ਮਾਡਲ 3 'ਚ ਫਰੰਟ 'ਚ ਇੰਜਣ ਨਹੀਂ ਲਗਾ ਹੈ। ਟੈਸਲਾ ਨੇ ਇਸ ਜਗ੍ਹਾ ਕਰੰਪਲ ਜੋਨ ਦਿੱਤਾ ਹੈ। ਇਹ ਇਸ ਨੂੰ ਬਾਕੀ ਕਾਰਾਂ ਤੋਂ ਅਲਗ ਬਣਾਉਂਦਾ ਹੈ।
NHTSA ਨੇ ਇਸ ਟੈਸਟ ਦੇ ਵੀਡੀਓ ਜਾਰੀ ਕੀਤੇ ਹਨ। ਇਨ੍ਹਾਂ 'ਚ ਵੇਖਿਆ ਜਾ ਸਕਦਾ ਹੈ ਕਿ ਟੱਕਰ ਲਗਣ ਦੀ ਹਾਲਤ 'ਚ ਕਰੰਪਲ ਜੋਨ ਉਸ ਇੰਪੈਕਟ ਨੂੰ ਐਬਜ਼ਾਰਬ ਕਰ ਲੈਂਦਾ ਹੈ ਤੇ ਇਸ ਕਾਰ 'ਚ ਬੈਠੇ ਲੋਕਾਂ ਨੂੰ ਹੋਣ ਵਾਲੇ ਨੁਕਸਾਨ ਨੂੰ ਘੱਟ ਕਰ ਦਿੰਦਾ ਹੈ। ਇਸ ਤੋਂ ਇਲਾਵਾ ਕੰਪਨੀ ਨੇ ਇਸ 'ਚ ਏੇਅਰਬੈਗਸ, ਏ. ਬੀ. ਐੈੱਸ, ਈ. ਬੀ. ਡੀ, ਟ੍ਰੈਕਸ਼ਨ ਕੰਟਰੋਲ, ਆਟੋ ਐਮਰਜੈਂਸੀ ਬ੍ਰੇਕ, ਬਲਾਇੰਡ ਸਪਾਟ ਮਾਨਿਟਰਿੰਗ ਜਿਹੇ ਕਈ ਸੇਫਟੀ ਫੀਚਰਸ ਦਿੱਤੇ ਹਨ।
ਬਾਜ਼ਾਰ 'ਚ ਮੌਜੂਦ ਮਾਡਲ 3 ਕੰਪਨੀ ਦੀ ਸਭ ਤੋਂ ਸਸਤੀ-ਕਾਰ ਹੈ ਤੇ ਇਸ ਦੀ ਭਾਰੀ ਮੰਗ ਹੈ। ਸ਼ੁਰੂਆਤ 'ਚ ਇਸ ਮਾਡਲ 'ਚ ਕਈ ਕਮੀਆਂ ਦੇਖਣ ਨੂੰ ਮਿਲੀ ਸੀ। ਕੰਪਨੀ ਨੇ ਇਸ ਦਾ ਪ੍ਰੋਡਕਸ਼ਨ ਪੂਰੀ ਤਰ੍ਹਾਂ ਰੋਬੋਟ ਦੁਆਰਾ ਕਰਵਾਇਆ ਸੀ, ਪਰ ਇਹ ਕਾਮਯਾਬ ਨਹੀਂ ਹੋਇਆ। ਇਸ ਤੋਂ ਬਾਅਦ ਹੌਲੀ-ਹੌਲੀ ਕੰਪਨੀ ਨੇ ਇਸ 'ਚ ਕਈ ਬਦਲਾਅ ਕੀਤੇ।
ਇਸ ਦੀ ਮੰਗ ਦਾ ਅੰਦਾਜਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਕੰਪਨੀ ਨੇ ਅਗਸਤ 'ਚ ਇਸ ਦੀ 17,800 ਯੂਨਿਟਸ ਵੇਚੀ ਸੀ। ਇਹ ਅਮਰੀਕਾ 'ਚ ਸਭ ਤੋਂ ਜ਼ਿਆਦਾ ਵਿਕਣ ਇਲੈਕਟ੍ਰਿਕ ਕਾਰ ਬਣ ਗਈ। ਵਿਕਰੀ ਦੇ ਮਾਮਲੇ 'ਚ ਇਸ ਨੇ BMW ਨੂੰ ਪਛਾੜ ਦਿੱਤਾ ਸੀ।
ਮਾਡਲ 3 'ਚ ਰੀਅਰ ਵ੍ਹੀਲ ਡਰਾਈਵ ਲਈ ਸਿੰਗਲ ਇਲੈਕਟ੍ਰਿਕ ਮੋਟਰ ਅਤੇ ਆਲ-ਵ੍ਹੀਲ ਡਰਾਈਵ ਲਈ ਡਿਊਲ ਮੋਟਰ ਦਿੱਤੀ ਗਈ ਹੈ। ਇਸ 'ਚ 60 kWh ਤੇ ਡਿਊਲ ਮੋਟਰ ਲਈ 75 kWh ਦਾ ਬੈਟਰੀ ਪੈਕ ਦਿੱਤਾ ਗਿਆ ਹੈ। ਕੰਪਨੀ ਮੁਤਾਬਕ ਇਹ ਇਕ ਵਾਰ ਚਾਰਜ ਕਰਨ 'ਤੇ 346 ਕਿਲੋਮੀਟਰ ਦਾ ਸਫਰ ਤੈਅ ਕਰਦੀ ਹੈ। ਇਹ ਸਿਰਫ਼ 6 ਸੈਕਿੰਡ 'ਚ 0-100 ਕਿ. ਮੀ ਦੀ ਸਪੀਡ ਫੜ ਲੈਂਦੀ ਹੈ।
ਸੁਜ਼ੂਕੀ GSX-R1000R ਦੇ ਸਪੈਸ਼ਲ ਐਡੀਸ਼ਨ ਬਾਰੇ ਹੋਇਆ ਖੁਲਾਸਾ
NEXT STORY 
