ਡਾ. ਵੇਦਪ੍ਰਤਾਪ ਵੈਦਿਕ
ਹਾਥਰਸ ਦੀ ਦਲਿਤ ਕੰਨਿਆ ਦੇ ਨਾਲ ਚਾਰ ਦਰਿੰਦਿਅਾਂ ਨੇ ਜੋ ਭੈੜਾ ਕਾਰਾ ਕੀਤਾ ਹੈ, ਉਸਨੇ ਨਿਰਭਿਆ ਕਾਂਡ ਦੇ ਜ਼ਖਮਾਂ ਨੂੰ ਹਰਾ ਕਰ ਦਿੱਤਾ ਹੈ। ਇਹ ਜਬਰ-ਜ਼ਨਾਹ ਅਤੇ ਹੱਤਿਆ ਦੋਵੇਂ ਹੀ ਹਨ। 14 ਸਤੰਬਰ ਨੂੰ ਆਪਣੇ ਪਿੰਡ ਦੀ ਦਲਿਤ ਕੰਨਿਆ ਦੇ ਨਾਲ ਉੱਚ ਜਾਤੀ ਦੇ ਚਾਰ ਦਰਿੰਦਿਅਾਂ ਨੇ ਜਬਰ-ਜ਼ਨਾਹ ਕੀਤਾ, ਉਸਦੀ ਜ਼ੁਬਾਨ ਵੱਢੀ ਅਤੇ ਉਸਦੀ ਚੁੰਨੀ ਨਾਲ ਉਸ ਨੂੰ ਘਸੀਟਿਆ। ਹਾਥਰਸ ਦੇ ਹਸਪਤਾਲ ’ਚ ਉਸਦਾ ਠੀਕ ਢੰਗ ਨਾਲ ਇਲਾਜ ਨਹੀਂ ਹੋਇਆ। ਆਖਿਰਕਾਰ 29 ਸਤੰਬਰ ਨੂੰ ਉਸਨੇ ਦਿੱਲੀ ਦੇ ਇਕ ਹਸਪਤਾਲ ’ਚ ਦਮ ਤੋੜ ਦਿੱਤਾ।
ਹਾਥਰਸ ਦੀ ਪੁਲਸ ਨੇ ਲਗਭਗ ਇਕ ਹਫਤੇ ਤਕ ਇਸ ਿਘਣੌਨੇ ਜ਼ੁਲਮ ਦੀ ਰਿਪੋਰਟ ਤਕ ਨਹੀਂ ਲਿਖੀ ਅਤੇ ਪੁਲਸ ਨੇ ਅੱਧੀ ਰਾਤ ਨੂੰ ਉਸ ਕੰਨਿਆ ਦੀ ਲਾਸ਼ ਅੱਗ ਦੇ ਹਵਾਲੇ ਕਰ ਦਿੱਤੀ। ਉਸਦੇ ਪਰਿਵਾਰਕ ਮੈਂਬਰਾਂ ਨੇ ਇਸ ਦੀ ਕੋਈ ਇਜਾਜ਼ਤ ਨਹੀਂ ਦਿੱਤੀ ਅਤੇ ਉਨ੍ਹਾਂ ’ਚੋਂ ਉਥੇ ਕੋਈ ਹਾਜ਼ਰ ਨਹੀਂ ਸੀ। ਪੁਲਸ ਨੇ ਇਹ ਕਿਉਂ ਕੀਤਾ? ਜ਼ਾਹਿਰ ਹੈ ਕਿ ਪੁਲਸ ਨੂੰ ਆਪਣੀ ਕਰਨੀ ਦਾ ਜ਼ਰਾ ਵੀ ਡਰ ਨਹੀਂ ਹੈ। ਪੁਲਸ ਵਿਭਾਗ ਦੇ ਉੱਚ ਅਧਿਕਾਰੀਆਂ ਨੇ ਇਸ ਘਿਣੌਨੇ ਜੁਰਮ ਦੀ ਅਣਦੇਖੀ ਕੀਤੀ। ਹੁਣ ਜੇਕਰ ਹਾਥਰਸ ਦੇ ਸਥਾਨਕ ਪੁਲਸ ਥਾਣੇ ਦੇ ਥਾਣੇਦਾਰ ਦਾ ਤਬਾਦਲਾ ਕਰ ਦਿੱਤਾ ਗਿਆ ਤਾਂ ਇਹ ਮਾਮੂਲੀ ਕਦਮ ਹੈ। ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਤੋਂ ਆਸ ਹੈ ਕਿ ਉਹ ਇਨ੍ਹਾਂ ਪੁਲਸ ਵਾਲਿਆਂ ’ਤੇ ਇੰਨੀ ਸਖਤ ਕਾਰਵਾਈ ਕਰਨਗੇ ਕਿ ਉਹ ਸਾਰੇ ਦੇਸ਼ ਦੇ ਪੁਲਸ ਵਾਲਿਆਂ ਦੇ ਲਈ ਇਕ ਮਿਸਾਲ ਬਣ ਜਾਵੇ। ਜਿਥੋਂ ਤਕ ਉਨ੍ਹਾਂ ਚਾਰਾਂ ਜਬਰ-ਜ਼ਨਾਹੀਅਾਂ ਦਾ ਸਵਾਲ ਹੈ, ਉਨ੍ਹਾਂ ਨੂੰ ਪੀੜਤਾ ਨੇ ਪਛਾਣ ਲਿਆ ਸੀ ਅਤੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਹੁਣ ਉਨ੍ਹਾਂ ’ਤੇ ਮੁਕੱਦਮਾ ਚੱਲੇਗਾ ਅਤੇ ਉਸ ’ਚ ਹਮੇਸ਼ਾ ਵਾਂਗ ਕਈ ਸਾਲ ਲੱਗਣਗੇ। ਜਦੋਂ ਤਕ ਉਨ੍ਹਾਂ ਨੂੰ ਸਜ਼ਾ ਹੋਵੇਗੀ, ਸਾਰੇ ਮਾਮਲੇ ਨੂੰ ਲੋਕ ਭੁੱਲ ਜਾਣਗੇ ਜਿਵੇਂ ਕਿ ਨਿਰਭਯਾ ਦੇ ਮਾਮਲੇ ’ਚ ਹੋਇਆ ਸੀ। ਉਨ੍ਹਾਂ ਅਪਰਾਧੀਆਂ ਨੂੰ ਮੌਤ ਦੀ ਸਜ਼ਾ ਜ਼ਰੂਰ ਹੋਈ ਪਰ ਉਹ ਲਗਭਗ ਵਿਅਰਥ ਰਹੀ, ਕਿਉਂਕਿ ਜਿਵੇਂ ਬਾਕੀ ਮਾਮਲਿਆਂ ’ਚ ਸਜ਼ਾ-ਏ-ਮੌਤ ਹੁੰਦੀ ਹੈ, ਉਵੇਂ ਹੀ ਇਹ ਵੀ ਹੋ ਗਈ। ਲੋਕਾਂ ਨੂੰ ਪ੍ਰੇਰਣਾ ਕੀ ਮਿਲੀ? ਕੀ ਭਾਵੀ ਜਬਰ-ਜ਼ਨਾਹੀਅਾਂ ਦੇ ਦਿਲਾਂ ’ਚ ਡਰ ਪੈਦਾ ਹੋਇਆ? ਕੀ ਉਸ ਸਜ਼ਾ ਦੇ ਬਾਅਦ ਜਬਰ-ਜ਼ਨਾਹ ਦੀਆਂ ਘਟਨਾਵਾਂ ਦੇਸ਼ ’ਚ ਘੱਟ ਹੋਈਆਂ? ਕੀ ਸਾਡੀਅਾਂ ਮਾਵਾਂ-ਭੈਣਾਂ ਹੁਣ ਪਹਿਲਾਂ ਨਾਲੋਂ ਵਧੇਰੇ ਸੁਰੱਖਿਅਤ ਮਹਿਸੂਸ ਕਰਨ ਲੱਗੀਆਂ ਹਨ? ਨਹੀਂ ਬਿਲਕੁਲ ਨਹੀਂ। ਨਿਰਭਯਾ ਦੇ ਹਤਿਆਰਿਅਾਂ ਨੂੰ ਜੇਲ ’ਚ ਚੁਪਚਾਪ ਲਟਕਾ ਦਿੱਤਾ ਗਿਆ। ਜੰਗਲ ’ਚ ਡੰਗਰ ਨੱਚਿਆ, ਕਿਸਨੇ ਦੇਖਿਆ? ਇਨ੍ਹਾਂ ਹਤਿਆਰਾਂ, ਇਨ੍ਹਾਂ ਦਰਿੰਦਿਅਾਂ , ਇਨ੍ਹਾਂ ਡੰਗਰਾਂ ਨੂੰ ਅਜਿਹੀ ਸਜ਼ਾ ਦਿੱਤੀ ਜਾਣੀ ਚਾਹੀਦੀ ਹੈ, ਜੋ ਭਾਵੀ ਅਪਰਾਧੀਆਂ ਦੀਅਾਂ ਹੱਡੀਆਂ ’ਚ ਕੰਬਣੀ ਛੇੜ ਦੇਵੇ। ਹੁਣ ਇਸ ਦਲਿਤ ਕੰਨਿਆ ਦੇ ਜਬਰ-ਜ਼ਨਾਹੀਅਾਂ ਅਤੇ ਹੱਤਿਆਰਿਅਾਂ ਨੂੰ ਮੌਤ ਦੀ ਸਜ਼ਾ ਅਗਲੇ ਇਕ ਹਫਤੇ ’ਚ ਹੀ ਕਿਉਂ ਨਹੀਂ ਦਿੱਤੀ ਜਾਂਦੀ? ਉਨ੍ਹਾਂ ਨੂੰ ਜੇਲ ਦੇ ਅੰਦਰ ਨਹੀਂ, ਹਾਥਰਸ ਦੇ ਸਭ ਤੋਂ ਭੀੜ-ਭੜੱਕੇ ਵਾਲੇ ਚੌਕ ’ਤੇ ਲਟਕਾਇਆ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਦੀਆਂ ਲਾਸ਼ਾਂ ਨੂੰ ਕੁੱਤਿਆਂ ਰਾਹੀਂ ਘਸੀਟ ਕੇ ਜੰਗਲ ’ਚ ਸੁਟਵਾ ਦਿੱਤਾ ਜਾਣਾ ਚਾਹੀਦਾ। ਇਸ ਸਾਰੇ ਦ੍ਰਿਸ਼ ਦਾ ਭਾਰਤ ਦੇ ਸਾਰੇ ਚੈਨਲਾਂ ’ਤੇ ਲਾਈਵ ਪ੍ਰਸਾਰਨ ਕੀਤਾ ਜਾਣਾ ਚਾਹੀਦਾ ਤਾਂ ਹੀ ਉਸ ਦਲਿਤ ਕੰਨਿਆ ਦੀ ਹੱਤਿਆ ਦਾ ਬਦਲਾ ਪੂਰਾ ਹੋਵੇਗਾ। ਉਸਨੂੰ ਸੱਚਾ ਨਿਆਂ ਮਿਲੇਗਾ ਅਤੇ ਭਾਵੀ ਜਬਰ-ਜ਼ਨਾਹੀਅਾਂ ਦੀ ਰੂਹ ਕੰਬਣ ਲੱਗੇਗੀ।
ਵਿਰੋਧ ਵਿਖਾਵਿਆਂ ਦਾ ਨਵਾਂ ਵਿਆਕਰਣ, ਜਿਸ ਕੀ ਲਾਠੀ ਉਸ ਕੀ ਭੈਂਸ
NEXT STORY 
