ਬਿਜ਼ਨੈੱਸ ਡੈਸਕ- ਮਿਉਚੁਅਲ ਫੰਡ ਉਦਯੋਗ ਪਿਛਲੇ ਸਾਲ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਸਾਲ 2022 ਵਿੱਚ ਦੋਹਰਾ ਨਹੀਂ ਸਕਿਆ ਅਤੇ ਉਦਯੋਗ ਪੂਰੇ ਸਾਲ ਵਿੱਚ ਅਸਥਿਰ ਮਾਰਕੀਟ ਸਥਿਤੀਆਂ ਦੇ ਕਾਰਨ ਆਪਣੇ ਸੰਪਤੀ ਅਧਾਰ ਅਤੇ ਨਿਵੇਸ਼ਕਾਂ ਦੀ ਗਿਣਤੀ ਵਿੱਚ ਵਾਧੇ ਦੀ ਗਤੀ ਨੂੰ ਬਰਕਰਾਰ ਨਹੀਂ ਰੱਖ ਸਕਿਆ। ਹਾਲਾਂਕਿ ਵਿਸ਼ਲੇਸ਼ਕ ਉਮੀਦ ਕਰਦੇ ਹਨ ਕਿ ਨਵਾਂ ਸਾਲ ਉਦਯੋਗ ਲਈ ਮੁਕਾਬਲਤਨ ਬਿਹਤਰ ਰਹੇਗਾ। ਮਿਉਚੁਅਲ ਫੰਡ ਉਦਯੋਗ ਸਾਲ 2022 ਵਿੱਚ ਹੌਲੀ ਰਫ਼ਤਾਰ ਨਾਲ ਵਧਿਆ। ਇਸ ਦੌਰਾਨ, ਰੂਸ-ਯੂਕ੍ਰੇਨ ਯੁੱਧ, ਸਪਲਾਈ ਲੜੀ ਦੀਆਂ ਰੁਕਾਵਟਾਂ ਅਤੇ ਵਧਦੀਆਂ ਵਿਆਜ ਦਰਾਂ ਕਾਰਨ ਉਦਯੋਗ ਲਈ ਹਾਲਾਤ ਅਨੁਕੂਲ ਨਹੀਂ ਸਨ।
ਇੰਡਸਟਰੀ ਬਾਡੀ ਐਸੋਸੀਏਸ਼ਨ ਆਫ ਮਿਉਚੁਅਲ ਫੰਡਜ਼ ਇਨ ਇੰਡੀਆ (ਏ.ਐੱਮ.ਐੱਫ.ਆਈ) ਦੇ ਅੰਕੜਿਆਂ ਅਨੁਸਾਰ, ਸਾਲ 2022 ਵਿੱਚ ਮਿਉਚੁਅਲ ਫੰਡ ਉਦਯੋਗ ਦੀ ਜਾਇਦਾਦ-ਅੰਡਰ-ਮੈਨੇਜਮੈਂਟ (ਏ.ਯੂ.ਐੱਮ) ਵਿੱਚ ਸੱਤ ਫੀਸਦੀ ਜਾਂ 2.65 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਣਾ ਤੈਅ ਹੈ। ਇਸ ਤੋਂ ਪਹਿਲਾਂ ਸਾਲ 2021 'ਚ ਉਸ ਦੇ ਏ.ਯੂ.ਐੱਮ 'ਚ ਕਰੀਬ 22 ਫੀਸਦੀ ਦਾ ਵਾਧਾ ਹੋਇਆ ਸੀ। ਮਾਰਨਿੰਗਸਟਾਰ ਇਨਵੈਸਟਮੈਂਟ ਐਡਵਾਈਜ਼ਰਜ਼ ਇੰਡੀਆ ਦੇ ਰਿਸਰਚ ਮੈਨੇਜਰ ਅਤੇ ਡਾਇਰੈਕਟਰ ਕੌਸਤੁਭ ਬੇਲਾਪੁਰਕਰ ਨੇ ਕਿਹਾ ਕਿ ਮਿਊਚਲ ਫੰਡ ਉਦਯੋਗ ਨੂੰ ਅਗਲੇ ਸਾਲ ਇੱਕ ਬਿਹਤਰ ਨਿਵੇਸ਼ ਵਿਕਲਪ ਵਜੋਂ ਮਿਉਚੁਅਲ ਫੰਡਾਂ ਬਾਰੇ ਨਿਵੇਸ਼ਕਾਂ ਵਿੱਚ ਵੱਧ ਰਹੀ ਜਾਗਰੂਕਤਾ ਦਾ ਲਾਭ ਮਿਲ ਸਕਦਾ ਹੈ।
ਅੰਕੜਿਆਂ ਮੁਤਾਬਕ ਇਸ ਸਾਲ ਨਵੰਬਰ ਤੱਕ ਮਿਊਚਲ ਫੰਡ ਉਦਯੋਗ ਦਾ ਆਕਾਰ 40.37 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ, ਜੋ ਇਸ ਦਾ ਸਭ ਤੋਂ ਉੱਚਾ ਪੱਧਰ ਹੈ। ਸਾਲ 2021 ਦੇ ਅੰਤ ਵਿੱਚ ਇਹ ਉਦਯੋਗ 37.72 ਲੱਖ ਕਰੋੜ ਰੁਪਏ ਸੀ ਜਦੋਂ ਕਿ ਸਾਲ 2020 ਵਿੱਚ ਇਸ ਦਾ ਆਕਾਰ 31 ਲੱਖ ਕਰੋੜ ਰੁਪਏ ਸੀ।
ਟਾਪ 10 ਕੰਪਨੀਆਂ ਦਾ Mcap 1.68 ਲੱਖ ਕਰੋੜ ਰੁਪਏ ਘਟਿਆ, ਰਿਲਾਇੰਸ ਨੂੰ ਹੋਇਆ ਸਭ ਤੋਂ ਵੱਧ ਨੁਕਸਾਨ
NEXT STORY 
