ਭਾਰਤੀਆਂ ਲਈ ਧਮਾਕੇਦਾਰ ਆਫ਼ਰ, ਹਵਾਈ ਟਿਕਟਾਂ 'ਤੇ ਮਿਲ ਰਹੀ 30% ਦੀ ਛੋਟ

ਬਿਜ਼ਨੈੱਸ ਡੈਸਕ : ਜੇਕਰ ਤੁਸੀਂ ਸਾਲ 2026 ਵਿੱਚ ਵਿਦੇਸ਼ ਘੁੰਮਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਤੁਹਾਡੇ ਲਈ ਇੱਕ ਵੱਡੀ ਖ਼ੁਸ਼ਖ਼ਬਰੀ ਹੈ। ਭਾਰਤੀ ਏਅਰਲਾਈਨ ਇੰਡੀਗੋ (Indigo) ਤੋਂ ਬਾਅਦ ਹੁਣ ਵਿਅਤਨਾਮ ਦੀ ਪ੍ਰਸਿੱਧ ਏਅਰਲਾਈਨ 'ਵਿਅਤਜੈੱਟ' (Vietjet) ਨੇ ਭਾਰਤੀ ਯਾਤਰੀਆਂ ਲਈ ਟਿਕਟਾਂ 'ਤੇ 30% ਦੀ ਸਿੱਧੀ ਛੋਟ ਦਾ ਐਲਾਨ ਕੀਤਾ ਹੈ। ਇਹ ਆਫਰ ਵਿਅਤਨਾਮ ਅਤੇ ਉਸ ਤੋਂ ਅੱਗੇ ਦੇ ਹੋਰ ਕਈ ਸਥਾਨਾਂ ਲਈ ਉਪਲਬਧ ਹੈ।

ਇਹ ਵੀ ਪੜ੍ਹੋ : 1499 ਰੁਪਏ 'ਚ ਭਰ ਸਕੋਗੇ ਉਡਾਣ ਤੇ ਬੱਚੇ 1 ਰੁਪਏ 'ਚ ਕਰ ਸਕਣਗੇ ਸਫ਼ਰ, ਮਿਲੇਗੀ ਖ਼ਾਸ ਆਫ਼ਰ!

ਸਿਰਫ਼ 23 ਘੰਟਿਆਂ ਲਈ ਖੁੱਲ੍ਹੀ ਹੈ ਸੇਲ

ਵਿਅਤਜੈੱਟ ਵੱਲੋਂ ਲਿਆਂਦੀ ਗਈ ਇਹ ਸੇਲ ਬਹੁਤ ਹੀ ਸੀਮਤ ਸਮੇਂ ਲਈ ਹੈ। ਇਹ ਪ੍ਰੋਮੋਸ਼ਨਲ ਆਫਰ 14 ਜਨਵਰੀ 2026 ਨੂੰ ਰਾਤ 10:30 ਵਜੇ ਸ਼ੁਰੂ ਹੋਵੇਗਾ ਅਤੇ 15 ਜਨਵਰੀ 2026 ਦੀ ਰਾਤ 9:30 ਵਜੇ (ਭਾਰਤੀ ਸਮੇਂ ਅਨੁਸਾਰ) ਤੱਕ ਚੱਲੇਗਾ। ਇਸ ਦਾ ਮਤਲਬ ਹੈ ਕਿ ਯਾਤਰੀਆਂ ਕੋਲ ਸਸਤੀਆਂ ਟਿਕਟਾਂ ਬੁੱਕ ਕਰਨ ਲਈ ਸਿਰਫ਼ 23 ਘੰਟੇ ਦਾ ਸਮਾਂ ਹੋਵੇਗਾ।

ਇਹ ਵੀ ਪੜ੍ਹੋ : ਮੂਧੇ ਮੂੰਹ ਡਿੱਗੇ ਸੋਨੇ-ਚਾਂਦੀ ਦੇ ਭਾਅ, ਜਾਣੋ ਕਿੰਨੀਆਂ ਘਟੀਆਂ ਕੀਮਤੀ ਧਾਤਾਂ ਦੀਆਂ ਕੀਮਤਾਂ

ਕਿਵੇਂ ਮਿਲੇਗਾ ਇਸ ਆਫਰ ਦਾ ਫਾਇਦਾ?

ਇਸ ਬੰਪਰ ਡਿਸਕਾਊਂਟ ਦਾ ਲਾਭ ਲੈਣ ਲਈ ਯਾਤਰੀਆਂ ਨੂੰ ਕੁਝ ਖ਼ਾਸ ਗੱਲਾਂ ਦਾ ਧਿਆਨ ਰੱਖਣਾ ਹੋਵੇਗਾ:

ਇਹ ਵੀ ਪੜ੍ਹੋ : ਮਾਰਚ 'ਚ ਬੰਦ ਹੋ ਜਾਣਗੇ 500 ਰੁਪਏ ਦੇ ਨੋਟ! ਜਾਣੋ ਸੋਸ਼ਲ ਮੀਡੀਆ 'ਤੇ ਫੈਲੇ ਦਾਅਵੇ ਦੀ ਸੱਚਾਈ

• ਬੁਕਿੰਗ ਦਾ ਤਰੀਕਾ: ਟਿਕਟਾਂ ਸਿਰਫ਼ ਵਿਅਤਜੈੱਟ ਦੀ ਅਧਿਕਾਰਤ ਵੈੱਬਸਾਈਟ ਜਾਂ ਮੋਬਾਈਲ ਐਪਲੀਕੇਸ਼ਨ ਰਾਹੀਂ ਬੁੱਕ ਕੀਤੀਆਂ ਜਾ ਸਕਦੀਆਂ ਹਨ।
• ਪ੍ਰੋਮੋ ਕੋਡ: ਟਿਕਟ ਬੁੱਕ ਕਰਦੇ ਸਮੇਂ ਯਾਤਰੀਆਂ ਨੂੰ 'DELUXE2026' ਪ੍ਰੋਮੋ ਕੋਡ ਦੀ ਵਰਤੋਂ ਕਰਨੀ ਪਵੇਗੀ।
• ਸ਼ਰਤਾਂ: ਇਹ 30% ਦੀ ਛੋਟ ਸਿਰਫ਼ 'ਡੀਲਕਸ' (Deluxe) ਫੇਅਰ ਦੇ ਬੇਸ ਕਿਰਾਏ (Base Fare) 'ਤੇ ਹੀ ਲਾਗੂ ਹੋਵੇਗੀ। ਟੈਕਸ ਅਤੇ ਹੋਰ ਫੀਸਾਂ ਯਾਤਰੀ ਨੂੰ ਵੱਖਰੇ ਤੌਰ 'ਤੇ ਦੇਣੀਆਂ ਪੈਣਗੀਆਂ।

ਇਹ ਵੀ ਪੜ੍ਹੋ : 1.5 ਕਰੋੜ ਕਰਮਚਾਰੀਆਂ-ਪੈਨਸ਼ਨਰਾਂ ਲਈ ਅਹਿਮ ਖ਼ਬਰ, ਸਰਕਾਰ ਨੇ ਨਿਯਮਾਂ 'ਚ ਕੀਤਾ ਬਦਲਾਅ

ਯਾਤਰਾ ਦਾ ਸਮਾਂ ਅਤੇ ਮਿਲਣ ਵਾਲੀਆਂ ਸਹੂਲਤਾਂ

ਇਹ ਵੀ ਪੜ੍ਹੋ : Banking Sector 'ਚ ਵਧੀ ਹਲਚਲ, ਦੋ ਵੱਡੇ ਸਰਕਾਰੀ ਬੈਂਕ ਦੇ ਰਲੇਵੇਂ ਦੀ ਤਿਆਰੀ!

ਇਸ ਆਫਰ ਤਹਿਤ ਬੁੱਕ ਕੀਤੀਆਂ ਟਿਕਟਾਂ 'ਤੇ ਯਾਤਰੀ 1 ਫਰਵਰੀ ਤੋਂ 31 ਦਸੰਬਰ 2026 ਦੇ ਵਿਚਕਾਰ ਆਪਣਾ ਸਫ਼ਰ ਤੈਅ ਕਰ ਸਕਦੇ ਹਨ। ਹਾਲਾਂਕਿ, ਕੁਝ ਖ਼ਾਸ ਤਰੀਕਾਂ (Blackout dates) 'ਤੇ ਇਹ ਆਫਰ ਲਾਗੂ ਨਹੀਂ ਹੋਵੇਗਾ। 'ਡੀਲਕਸ' ਸ਼੍ਰੇਣੀ ਵਿੱਚ ਟਿਕਟ ਬੁੱਕ ਕਰਨ ਵਾਲਿਆਂ ਨੂੰ ਕਈ ਫਾਇਦੇ ਮਿਲਣਗੇ, ਜਿਵੇਂ ਕਿ:

• 20 ਕਿਲੋ ਤੱਕ ਚੈੱਕ-ਇਨ ਬੈਗੇਜ ਦੀ ਸਹੂਲਤ।
• ਆਪਣੀ ਪਸੰਦ ਦੀ ਸੀਟ ਚੁਣਨ ਦੀ ਆਜ਼ਾਦੀ।
• ਯਾਤਰਾ ਦੇ ਪ੍ਰੋਗਰਾਮ ਵਿੱਚ ਮੁਫ਼ਤ ਬਦਲਾਅ ਕਰਨ ਦੀ ਸਹੂਲਤ।

ਭਾਰਤੀਆਂ ਦੀ ਪਹਿਲੀ ਪਸੰਦ ਬਣ ਰਿਹਾ ਹੈ ਵਿਅਤਨਾਮ

ਸਰੋਤਾਂ ਅਨੁਸਾਰ, ਭਾਰਤੀ ਸੈਲਾਨੀਆਂ ਵਿੱਚ ਵਿਅਤਨਾਮ ਦੀ ਪ੍ਰਸਿੱਧੀ ਲਗਾਤਾਰ ਵਧ ਰਹੀ ਹੈ। ਹਨੋਈ, ਹੋ ਚੀ ਮਿਨ ਸਿਟੀ, ਦਾ ਨਾਂਗ ਅਤੇ ਫੂ ਕੁਓਕ ਵਰਗੇ ਸ਼ਹਿਰ ਆਪਣੇ ਖੂਬਸੂਰਤ ਸਮੁੰਦਰੀ ਤੱਟਾਂ, ਸੱਭਿਆਚਾਰਕ ਵਿਰਾਸਤ ਅਤੇ ਸ਼ਾਨਦਾਰ ਪਕਵਾਨਾਂ ਲਈ ਜਾਣੇ ਜਾਂਦੇ ਹਨ। ਏਅਰਲਾਈਨ ਨੂੰ ਉਮੀਦ ਹੈ ਕਿ ਇਸ ਆਫਰ ਨਾਲ ਸੈਰ-ਸਪਾਟੇ ਨੂੰ ਹੋਰ ਹੁਲਾਰਾ ਮਿਲੇਗਾ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt