ਨਵੀਂ ਦਿੱਲੀ — ਭਾਰਤ ਵਿਚ ਸੁਪਰੀਮ ਕੋਰਟ ਨੇ ਕ੍ਰਿਪਟੋ ਕਰੰਸੀ ਤੋਂ ਪਾਬੰਦੀ ਹਟਾ ਦਿੱਤੀ ਹੈ। ਇਸ ਦੇ ਬਾਅਦ ਦੇਸ਼ ਭਰ ਵਿਚ ਬਿਟਕੁਆਇਨ ਵਰਗੀ ਕ੍ਰਿਪਟੋ ਵਿਚ ਲੈਣ-ਦੇਣ ਸ਼ੁਰੂ ਹੋ ਗਿਆ ਹੈ। ਇਸ ਦੌਰਾਨ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਇੱਕ ਬਿਟਕਿਨ ਦੀ ਕੀਮਤ 14000 ਡਾਲਰ (ਲਗਭਗ 10.36 ਲੱਖ ਰੁਪਏ) ਤੋਂ ਪਾਰ ਪਹੁੰਚ ਗਈ ਹੈ। ਮਾਹਰ ਕਹਿੰਦੇ ਹਨ ਕਿ ਪਿਛਲੇ ਛੇ ਮਹੀਨਿਆਂ ਵਿਚ ਇਸ ਕਰੰਸੀ ਵਿਚ 50 ਪ੍ਰਤੀਸ਼ਤ ਤੋਂ ਵੱਧ ਦਾ ਵਾਧਾ ਹੋਇਆ ਹੈ। ਮਾਹਰਾਂ ਦਾ ਕਹਿਣਾ ਹੈ ਕਿ ਇਹ ਬੂਮ ਅਗਲੇ ਛੇ ਮਹੀਨਿਆਂ ਤੱਕ ਜਾਰੀ ਰਹਿ ਸਕਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਾਲ 2018 ਵਿਚ ਆਰਬੀਆਈ ਦੁਆਰਾ ਕ੍ਰਿਪਟੋ ਕਰੰਸੀ ਉੱਤੇ ਲਗਾਈ ਪਾਬੰਦੀ ਨੂੰ ਸੁਪਰੀਮ ਕੋਰਟ ਨੇ ਮਾਰਚ 2020 ਵਿਚ ਹਟਾ ਦਿੱਤਾ ਸੀ।
ਹੁਣ ਤੁਸੀਂ ਅਸਾਨੀ ਨਾਲ ਘਰ ਬੈਠੇ ਖਰੀਦ ਸਕਦੇ ਹੋ ਕ੍ਰਿਪਟੋ ਕਰੰਸੀ
ਇੰਡੀਅਨ ਬੈਂਕ ਯੂਨਾਈਟਿਡ ਮਲਟੀਸਟੇਟ ਕ੍ਰੈਡਿਟ ਕੋ-ਆਪਰੇਟਿਵ ਸੁਸਾਇਟੀ ਨੇ ਹੁਣ ਆਪਣੀ ਬੈਂਕਿੰਗ ਸੇਵਾਵਾਂ ਨੂੰ ਕ੍ਰਿਪਟੋ ਕਰੰਸੀ ਅਤੇ ਕ੍ਰਿਪਟੋਕੁਰੰਸੀ ਉਤਪਾਦਾਂ ਨਾਲ ਵਧਾਉਣ ਦੀ ਯੋਜਨਾ ਬਣਾਈ ਹੈ। ਇੰਡੀਅਨ ਬੈਂਕ ਯੂਨਾਈਟਿਡ ਭਾਰਤ ਵਿਚ ਆਪਣੇ ਗਾਹਕਾਂ ਨੂੰ ਆਨਲਾਈਨ ਕ੍ਰਿਪਟੋਕੁਰੰਸੀ ਬੈਂਕਿੰਗ ਸੇਵਾ ਪ੍ਰਦਾਨ ਕਰੇਗੀ।
ਮਾਹਰ ਦੀ ਰਾਏ
ਬਿਟਕੁਆਇਨ ਆਉਣ ਵਾਲੇ ਦਿਨਾਂ ਵਿਚ ਨਵੀਂ ਉਚਾਈਆਂ ਨੂੰ ਛੋਹ ਸਕਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਕ ਵਾਰ ਬਿਟਕੁਆਇਨ 20 ਹਜ਼ਾਰ ਡਾਲਰ ਤੋਂ ਵੀ ਉੱਪਰ ਪਹੁੰਚ ਗਿਆ ਸੀ। ਪਰ ਇਸ ਤੋਂ ਬਾਅਦ ਇਸ 'ਚ ਤੇਜ਼ ਗਿਰਾਵਟ ਦੇਖਣ ਨੂੰ ਮਿਲੀ। ਅਜਿਹੀ ਸਥਿਤੀ ਵਿਚ ਇਸ ਵਿਚ ਨਿਵੇਸ਼ ਕਰਦੇ ਸਮੇਂ ਚੌਕੰਣਾ ਰਹਿਣ ਦੀ ਜ਼ੂਰਰਤ ਹੈ।
ਇਹ ਵੀ ਪੜ੍ਹੋ : ਇਸ ਐਪ ਜ਼ਰੀਏ ਤੁਹਾਡੇ ਪੈਟਰੋਲ, ਡੀਜ਼ਲ ਅਤੇ ਸ਼ਰਾਬ ਦਾ ਬਿੱਲ ਹੋ ਸਕਦਾ ਹੈ ਅੱਧਾ, ਜਾਣੋ ਕਿਵੇਂ
ਕ੍ਰਿਪਟੋ ਕਰੰਸੀ ਕੀ ਹੈ?
ਕ੍ਰਿਪਟੋ ਕਰੰਸੀ ਇੱਕ ਡਿਜੀਟਲ ਮੁਦਰਾ ਹੈ, ਜੋ ਕਿ ਬਲਾਕਚੈਨ ਟੈਕਨਾਲੋਜੀ 'ਤੇ ਅਧਾਰਤ ਹੈ। ਇਹ ਮੁਦਰਾ ਵਿਚ ਇਨਕ੍ਰਿਪਸ਼ਨ ਤਕਨੀਕ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਤਕਨੀਕ ਦੇ ਜ਼ਰੀਏ ਕਰੰਸੀ ਦੇ ਲੈਣ-ਦੇਣ ਦਾ ਪੂਰੀ ਆਡਿਟ ਕੀਤਾ ਜਾਂਦਾ ਹੈ, ਜਿਸ ਕਾਰਨ ਹੈਕ ਕਰਨਾ ਬਹੁਤ ਮੁਸ਼ਕਲ ਹੈ। ਇਹੀ ਕਾਰਨ ਹੈ ਕਿ ਕ੍ਰਿਪਟੋ ਕਰੰਸੀ ਵਿਚ ਧੋਖਾਧੜੀ ਦੀ ਸੰਭਾਵਨਾ ਬਹੁਤ ਘੱਟ ਹੈ। ਕ੍ਰਿਪਟੋ ਕਰੰਸੀ ਦਾ ਕੰਮ ਕੇਂਦਰੀ ਬੈਂਕ ਤੋਂ ਸੁਤੰਤਰ ਹੈ, ਜੋ ਕਿ ਇਸਦਾ ਸਭ ਤੋਂ ਵੱਡਾ ਘਾਟਾ ਹੈ।
ਇੰਡੀਅਨ ਬੈਂਕ ਯੂਨਾਈਟਿਡ ਨੇ ਕ੍ਰਿਪਟੋ ਬੈਂਕਿੰਗ ਸੇਵਾ ਪ੍ਰਦਾਤਾ Cashaa ਦੇ ਸਹਿਯੋਗ ਨਾਲ ਯੂਨਿਕਸ(UNICAS) ਉੱਦਮ ਬਣਾਇਆ ਹੈ ਜੋ ਉੱਤਰੀ ਭਾਰਤ ਵਿਚ ਬੈਂਕ ਦੀਆਂ ਸਾਰੀਆਂ 34 ਸ਼ਾਖਾਵਾਂ ਨੂੰ ਦੋਨੋਂ ਆਨਲਾਈਨ ਕ੍ਰਿਪਟੋ ਬੈਂਕਿੰਗ ਸੇਵਾ ਅਤੇ ਫੀਜ਼ੀਕਲ ਸਰਵਿਸ ਪ੍ਰਦਾਨ ਕਰੇਗਾ। ਯੂਨਾਈਟਿਡ ਅਤੇ ਕਾਸ਼ਾ ਨੇ ਇਕ ਅਜਿਹੇ ਸਮੇਂ ਵਿਚ ਕ੍ਰਿਪੋਟੋ ਕਰੰਸੀ ਬੈਂਕਿੰਗ ਸੇਵਾ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਹੈ ਜਦੋਂ ਭਾਰਤ ਵਿਚ ਇਸ ਨੂੰ ਲੈ ਕੇ ਨਿਯਮ ਅਤੇ ਕਾਨੂੰਨ ਪੂਰੀ ਤਰ੍ਹਾਂ ਸਪੱਸ਼ਟ ਨਹੀਂ ਹਨ।
ਇਹ ਵੀ ਪੜ੍ਹੋ : Paytm ਨੇ SBI ਕਾਰਡ ਨਾਲ ਮਿਲ ਕੇ ਕੀਤੇ ਦੋ ਕ੍ਰੈਡਿਟ ਕਾਰਡ ਲਾਂਚ, ਮਿਲੇਗਾ ਅਣਲਿਮਟਿਡ ਕੈਸ਼ਬੈਕ
ਯੂਨੀਕਾਸ ਇੰਡੀਅਨ ਬੈਂਕ ਯੂਨਾਈਟਿਡ ਖਾਤਾ ਧਾਰਕਾਂ ਨੂੰ ਆਪਣੇ ਬੈਂਕ ਖਾਤਿਆਂ ਨੂੰ ਸਿੱਧੇ ਕ੍ਰਿਪਟੋਕੁਰੰਸੀ ਵਾਲੇਟ ਨਾਲ ਜੋੜਨ ਦੀ ਸਹੂਲਤ ਦੇਵੇਗੀ। ਇਸਦੇ ਨਾਲ ਖ਼ਾਤਾਧਾਰਕ ਸਿੱਧੇ ਆਪਣੇ ਬੈਂਕ ਖ਼ਾਤੇ ਵਿਚੋਂ ਨਕਦ ਦੇ ਕੇ ਬਿਟਕੁਆਇਨ-ਬੀ.ਟੀ.ਸੀ., ਈਥਰ-ਈਟੀਐਚ, ਰਿਪਲ- ਐਕਸ.ਆਰ.ਪੀ. ਅਤੇ ਕਾਸ਼ਾ- ਸੀ.ਏ.ਐਸ. ਵਰਗੀ ਕਰੰਸੀਜ਼ ਆਪਣੇ ਬੈਂਕ ਖਾਤੇ ਵਿਚੋਂ ਸਿੱਧੇ ਨਕਦ ਦੇ ਕੇ ਖਰੀਦ ਸਕਣਗੇ।
ਇਸ ਤੋਂ ਇਲਾਵਾ ਇੰਡੀਅਨ ਬੈਂਕ ਯੂਨਾਈਟਿਡ ਦੇ ਖਾਤਾ ਧਾਰਕ ਵੀ ਕ੍ਰਿਪਟੋ ਕਰੰਸੀ ਦੇ ਬਦਲੇ ਲੋਨ ਲੈ ਸਕਣਗੇ। ਕਾਸ਼ਾ ਦੇ ਸੀ.ਈ.ਓ. ਕੁਮਾਰ ਗੌਰਵ ਨੇ ਕਿਹਾ ਕਿ ਕ੍ਰਿਪਟੋਕਰੰਸੀ ਦਾ ਰੁਝਾਨ ਭਾਰਤ ਵਿਚ ਵਧਿਆ ਹੈ, ਇਸੇ ਲਈ ਅਸੀਂ ਯੂਨੀਕਾਸ ਨੂੰ ਇੰਡੀਅਨ ਬੈਂਕ ਯੂਨਾਈਟਿਡ ਨਾਲ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਭਾਰਤ ਵਿਚ ਕਈ ਕ੍ਰਿਪਟੋ ਕਰੰਸੀ ਐਕਸਚੇਂਜ ਨੇ 200 ਪ੍ਰਤੀਸ਼ਤ ਤੋਂ 400 ਪ੍ਰਤੀਸ਼ਤ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ : ਸੋਨੇ ਦੀਆਂ ਕੀਮਤਾਂ 'ਚ ਆਇਆ ਉਛਾਲ, ਜਾਣੋ ਅੱਜ ਲਈ 10 ਗ੍ਰਾਮ ਸੋਨੇ ਦਾ ਭਾਅ
Paytm ਨੇ SBI ਕਾਰਡ ਨਾਲ ਮਿਲ ਕੇ ਕੀਤੇ ਦੋ ਕ੍ਰੈਡਿਟ ਕਾਰਡ ਲਾਂਚ, ਮਿਲੇਗਾ ਅਣਲਿਮਟਿਡ ਕੈਸ਼ਬੈਕ
NEXT STORY 
