ਬਿਜ਼ਨੈੱਸ ਡੈਸਕ - ਦੀਵਾਲੀ ਤੋਂ ਠੀਕ 10 ਦਿਨ ਪਹਿਲਾਂ ਭਾਰਤੀ ਸਰਾਫ਼ਾ ਅਤੇ ਕਮੋਡਿਟੀ ਬਾਜ਼ਾਰਾਂ ’ਚ ਹਲਚਲ ਵਧ ਗਈ ਹੈ। ਤਿਉਹਾਰਾਂ ਦੇ ਇਸ ਸੀਜ਼ਨ ’ਚ ਜਿੱਥੇ ਆਮ ਤੌਰ ’ਤੇ ਖ਼ਰੀਦਦਾਰੀ ਵਧਣ ਨਾਲ ਕੀਮਤਾਂ ’ਚ ਤੇਜ਼ੀ ਵੇਖਣ ਨੂੰ ਮਿਲਦੀ ਹੈ, ਉੱਥੇ ਹੀ ਅੱਜ ਭਾਵ 29 ਅਕਤੂਬਰ ਨੂੰ ਸੋਨੇ ਅਤੇ ਚਾਂਦੀ ਦੋਵਾਂ ਦੇ ਭਾਅ ’ਚ ਅਚਾਨਕ ਨਰਮੀ ਦਰਜ ਕੀਤੀ ਗਈ। ਵਾਅਦਾ ਬਾਜ਼ਾਰ ਤੋਂ ਲੈ ਕੇ ਸਥਾਨਕ ਸਰਾਫ਼ਾ ਬਾਜ਼ਾਰ ਤੱਕ ਬਿਕਵਾਲੀ ਦਾ ਮਾਹੌਲ ਬਣਿਆ ਰਿਹਾ, ਜਿਸ ਨਾਲ ਤਿਉਹਾਰਾਂ ਦੀ ਖ਼ਰੀਦਦਾਰੀ ਕਰਨ ਵਾਲੇ ਗਾਹਕਾਂ ਨੂੰ ਰਾਹਤ ਤਾਂ ਮਿਲੀ ਹੈ ਪਰ ਨਿਵੇਸ਼ਕਾਂ ਦੀ ਚਿੰਤਾ ਵਧ ਗਈ ਹੈ।
ਇਹ ਵੀ ਪੜ੍ਹੋ : ਰਾਜੇਸ਼ ਖੰਨਾ ਦੀ ਜਾਇਦਾਦ 'ਚ ਹਿੱਸਾ ਮੰਗ ਰਹੀ ਅਨੀਤਾ ਅਡਵਾਨੀ ਨੂੰ SC ਤੋਂ ਝਟਕਾ, ਜਾਣੋ ਪੂਰਾ ਮਾਮਲਾ
ਮਲਟੀ ਕਮੋਡਿਟੀ ਐਕਸਚੇਂਜ ਭਾਵ ਐੱਮ. ਸੀ. ਐਕਸ. ’ਤੇ ਕਾਰੋਬਾਰ ਸ਼ੁਰੂ ਹੁੰਦਿਆਂ ਹੀ ਕੀਮਤਾਂ ’ਤੇ ਦਬਾਅ ਸਾਫ਼ ਦਿਸਣ ਲੱਗਾ ਸੀ। ਦਸੰਬਰ ਦਾ ਗੋਲਡ ਫਿਊਚਰ ਲੱਗਭਗ 0.28 ਫੀਸਦੀ ਦੀ ਗਿਰਾਵਟ ਨਾਲ 1.43 ਲੱਖ ਰੁਪਏ ਪ੍ਰਤੀ 10 ਗ੍ਰਾਮ ਦੇ ਪੱਧਰ ’ਤੇ ਕਾਰੋਬਾਰ ਕਰਦਾ ਦਿਸਿਆ। ਦੂਜੇ ਪਾਸੇ, ਚਾਂਦੀ ਨੇ ਇਸ ਤੋਂ ਕਿਤੇ ਜ਼ਿਆਦਾ ਡੂੰਘਾ ਗੋਤਾ ਲਾਇਆ। ਦਸੰਬਰ ਸਿਲਵਰ ਫਿਊਚਰ 1.18 ਫੀਸਦੀ ਟੁੱਟ ਕੇ 1.92 ਲੱਖ ਰੁਪਏ ਪ੍ਰਤੀ ਕਿਲੋਗ੍ਰਾਮ ’ਤੇ ਆ ਗਿਆ। ਜੇਕਰ ਇਨ੍ਹਾਂ ਅੰਕੜਿਆਂ ਦੀ ਤੁਲਨਾ ਕੀਤੀ ਜਾਵੇ, ਤਾਂ ਚਾਂਦੀ ’ਚ ਆਈ ਇਹ ਗਿਰਾਵਟ ਸੋਨੇ ਦੇ ਮੁਕਾਬਲੇ 4 ਗੁਣਾ ਤੋਂ ਵੀ ਜ਼ਿਆਦਾ ਰਹੀ। ਜਿਨ੍ਹਾਂ ਟ੍ਰੇਡਰਜ਼ ਨੇ ਚਾਂਦੀ ’ਚ ਵੱਡਾ ਦਾਅ ਲਾਇਆ ਸੀ, ਉਨ੍ਹਾਂ ਲਈ ਇਹ ਕਾਰੋਬਾਰੀ ਸੈਸ਼ਨ ਕਾਫ਼ੀ ਭਾਰੀ ਸਾਬਤ ਹੋਇਆ।
ਇਹ ਵੀ ਪੜ੍ਹੋ : ਸਰਕਾਰੀ ਮੁਲਾਜ਼ਮਾਂ ਲਈ ਕੇਂਦਰ ਸਰਕਾਰ ਦਾ ਦੀਵਾਲੀ ਤੋਹਫ਼ਾ, ਕੈਬਨਿਟ ਨੇ DA 'ਚ ਭਾਰੀ ਵਾਧੇ ਦੀ ਦਿੱਤੀ ਮਨਜ਼ੂਰੀ
ਮਿਡਲ ਈਸਟ ’ਚ ਤਣਾਅ, ਅਮਰੀਕਾ ’ਚ ਵਧਦੀ ਮਹਿੰਗਾਈ ਅਤੇ ਕਰੂਡ ਆਇਲ ਦੀਆਂ ਉਛਲਦੀਆਂ ਕੀਮਤਾਂ ਦਾ ਅਸਰ ਸਿੱਧਾ ਸੋਨੇ ’ਤੇ ਵਿਖਾਈ ਦੇ ਰਿਹਾ ਹੈ। ਅੱਜ, ਕਰਵਾਚੌਥ (29 ਅਕਤੂਬਰ) ਦੇ ਦਿਨ ਵੀ ਸੋਨੇ ਦੀਆਂ ਕੀਮਤਾਂ ’ਚ ਗਿਰਾਵਟ ਵੇਖੀ ਗਈ। ਮਲਟੀ ਕਮੋਡਿਟੀ ਐਕਸਚੇਂਜ ’ਤੇ ਸੋਨਾ 782 ਰੁਪਏ ਸਸਤਾ ਹੋ ਕੇ 1,42,968 ਰੁਪਏ ਪ੍ਰਤੀ 10 ਗ੍ਰਾਮ ’ਤੇ ਆ ਗਿਆ।
ਇਹ ਵੀ ਪੜ੍ਹੋ : Diljit Dosanjh ਦੇ Concert 'ਚ ਜਾਣ ਵਾਲਿਆਂ ਲਈ ਅਹਿਮ ਖ਼ਬਰ, ਜਾਰੀ ਹੋਈ ਐਡਵਾਈਜ਼ਰੀ
ਸੋਨਾ 500 ਰੁਪਏ ਪ੍ਰਤੀ 10 ਗ੍ਰਾਮ ਤੇ ਚਾਂਦੀ 3000 ਰੁਪਏ ਪ੍ਰਤੀ ਕਿੱਲੋ ਟੁੱਟੀ
ਸਥਾਨਕ ਹਾਜ਼ਰ ਬਾਜ਼ਾਰ ਦੀ ਗੱਲ ਕਰੀਏ ਤਾਂ ਨਵੀਂ ਦਿੱਲੀ ਦੇ ਸਰਾਫ਼ਾ ਬਾਜ਼ਾਰ ’ਚ ਵੀ ਅੱਜ ਅਜਿਹਾ ਹੀ ਰੁਖ ਵੇਖਣ ਨੂੰ ਮਿਲਿਆ। ਤਿਉਹਾਰਾਂ ਦੇ ਠੀਕ ਬਾਅਦ ਹਾਜ਼ਰ ਬਾਜ਼ਾਰ ’ਚ ਮੰਗ ’ਚ ਥੋੜ੍ਹੀ ਸੁਸਤੀ ਆਈ ਹੈ ਅਤੇ ਅੰਤਰਰਾਸ਼ਟਰੀ ਬਾਜ਼ਾਰ ਤੋਂ ਵੀ ਕੋਈ ਮਜ਼ਬੂਤ ਸੰਕੇਤ ਨਹੀਂ ਮਿਲੇ ਹਨ। ਇਸ ਕਾਰਨ ਦਿੱਲੀ ਦੇ ਹਾਜ਼ਰ ਬਾਜ਼ਾਰ ’ਚ ਸੋਨੇ ਦਾ ਭਾਅ 500 ਰੁਪਏ ਪ੍ਰਤੀ 10 ਗ੍ਰਾਮ ਘਟ ਕੇ 1,46,500 ਰੁਪਏ ’ਤੇ ਆ ਗਿਆ। ਉੱਥੇ ਹੀ ਚਾਂਦੀ ਦੀਆਂ ਕੀਮਤਾਂ ’ਚ ਭਾਰੀ ਬਿਕਵਾਲੀ ਹੋਈ ਅਤੇ ਇਹ 3,000 ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੱਕ ਟੁੱਟ ਕੇ 1,98,000 ਰੁਪਏ ਦੇ ਪੱਧਰ ’ਤੇ ਬੰਦ ਹੋਈ।
ਇਹ ਵੀ ਪੜ੍ਹੋ : ਕੀ ਬਾਜ਼ਾਰ 'ਚ ਫਿਰ ਆਵੇਗਾ 1000 ਰੁਪਏ ਦਾ ਨੋਟ? ਮੰਦਿਰ ਦੀ ਤਸਵੀਰ ਵਾਲੇ ਨੋਟ 'ਤੇ ਆਇਆ ਵੱਡਾ ਅਪਡੇਟ
ਬਾਜ਼ਾਰ ’ਚ ਬੇਭਰੋਸਗੀ ਕਾਰਨ ਆਈ ਗਿਰਾਵਟ
ਬਾਜ਼ਾਰ ਮਾਹਿਰਾਂ ਦਾ ਮੰਨਣਾ ਹੈ ਕਿ ਚਾਂਦੀ ਦੀ ਇਹ ਤੇਜ਼ ਫਿਸਲਨ ਇਸਦੇ ਦੋਹਰੇ ਸੁਭਾਅ ਦੇ ਕਾਰਨ ਹੋਈ ਹੈ। ਚਾਂਦੀ ਸਿਰਫ਼ ਗਹਿਣੇ ਜਾਂ ਨਿਵੇਸ਼ ਦੀ ਧਾਤੂ ਨਹੀਂ ਹੈ, ਸਗੋਂ ਇਸ ਦਾ ਵੱਡਾ ਹਿੱਸਾ ਇਲੈਕਟ੍ਰਾਨਿਕਸ ਅਤੇ ਸੋਲਰ ਪੈਨਲ ਵਰਗੇ ਉਦਯੋਗਾਂ ’ਚ ਵਰਤਿਆ ਜਾਂਦਾ ਹੈ। ਇਸ ਕਾਰਨ ਉਦਯੋਗਿਕ ਮੰਗ ਦਾ ਅਸਰ ਚਾਂਦੀ ’ਤੇ ਬਹੁਤ ਛੇਤੀ ਪੈਂਦਾ ਹੈ। ਇਸ ਤੋਂ ਇਲਾਵਾ, ਜਦੋਂ ਵੀ ਬਾਜ਼ਾਰ ’ਚ ਕੋਈ ਬੇਭਰੋਸਗੀ ਜਾਂ ਘਬਰਾਹਟ ਆਉਂਦੀ ਹੈ, ਤਾਂ ਨਿਵੇਸ਼ਕ ਸੋਨੇ ਦੇ ਮੁਕਾਬਲੇ ਚਾਂਦੀ ਤੋਂ ਆਪਣਾ ਪੈਸਾ ਜ਼ਿਆਦਾ ਤੇਜ਼ੀ ਨਾਲ ਬਾਹਰ ਕੱਢਦੇ ਹਨ, ਜਿਸ ਨਾਲ ਇਸ ਦੀਆਂ ਕੀਮਤਾਂ ’ਚ ਜ਼ਿਆਦਾ ਤੇਜ਼ ਉਤਾਰ-ਚੜ੍ਹਾਅ ਵੇਖਣ ਨੂੰ ਮਿਲਦਾ ਹੈ।
ਇਹ ਵੀ ਪੜ੍ਹੋ : Train 'ਚ ਸਫ਼ਰ ਕਰਨ ਵਾਲਿਆਂ ਨੂੰ ਝਟਕਾ, ਇਸ ਸਮੇਂ ਮੋਬਾਈਲ ਚਾਰਜਿੰਗ 'ਤੇ ਲੱਗ ਗਿਆ ਬੈਨ
ਅਮਰੀਕੀ ਕੇਂਦਰੀ ਬੈਂਕ ਫੈਡਰਲ ਰਿਜ਼ਰਵ ਦੀ ਕਰੰਸੀ ਨੀਤੀ ਵੀ ਕਾਰਨ
ਇਸ ਪੂਰੀ ਗਿਰਾਵਟ ਦੇ ਤਾਰ ਅਮਰੀਕੀ ਕੇਂਦਰੀ ਬੈਂਕ ਫੈਡਰਲ ਰਿਜ਼ਰਵ ਦੀ ਮੌਦਰਿਕ ਨੀਤੀ ਨਾਲ ਜੁੜੇ ਹਨ। ਫੈਡਰਲ ਰਿਜ਼ਰਵ ਨੇ ਭਲੇ ਹੀ ਆਪਣੀਆਂ ਵਿਆਜ ਦਰਾਂ ਨੂੰ 3.75 ਫੀਸਦੀ ਤੋਂ 4.00 ਫੀਸਦੀ ਦੇ ਵਿਚਕਾਰ ਬਿਨਾਂ ਬਦਲਾਅ ਦੇ ਸਥਿਰ ਰੱਖਿਆ ਹੋਵੇ, ਪਰ ਅਧਿਕਾਰੀਆਂ ਦੇ ਰੁਖ ਤੋਂ ਇਹ ਸੰਕੇਤ ਮਿਲੇ ਹਨ ਕਿ ਆਉਣ ਵਾਲੇ ਸਮੇਂ ’ਚ ਵਿਆਜ ਦਰਾਂ ਉੱਚੀਆਂ ਬਣੀਆਂ ਰਹਿ ਸਕਦੀਆਂ ਹਨ।
ਇਹ ਵੀ ਪੜ੍ਹੋ : 16.514 ਕਿਲੋ ਦੇ ਸੋਨੇ ਦੇ ਝੁਮਕੇ ਬਣੇ ਖਿੱਚ ਦਾ ਕੇਂਦਰ, ਬਣ ਗਏ 2 ਗਿਨੀਜ਼ ਵਰਲਡ ਰਿਕਾਰਡ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
Binance 'ਤੇ ਵੱਡਾ ਸਾਈਬਰ ਹਮਲਾ ! 2.54 ਬਿਲੀਅਨ ਡਾਲਰ ਮੁੱਲ ਦੀਆਂ ਕ੍ਰਿਪਟੋ ਸੰਪਤੀਆਂ ਫ੍ਰੀਜ਼
NEXT STORY 
