ਨਵੀਂ ਦਿੱਲੀ - IPO 'ਚ ਨਿਵੇਸ਼ ਕਰਨ ਵਾਲੇ ਨਿਵੇਸ਼ਕਾਂ ਲਈ ਖੁਸ਼ਖਬਰੀ ਹੈ। ਦੇਸ਼ ਦੇ ਸਭ ਤੋਂ ਵੱਡੇ ਉਦਯੋਗਿਕ ਸਮੂਹ ਟਾਟਾ ਗਰੁੱਪ ਨੇ ਆਪਣੀ ਇਕ ਕੰਪਨੀ ਨੂੰ ਸੂਚੀਬੱਧ ਕਰਨ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਰਿਪੋਰਟਾਂ ਅਨੁਸਾਰ, ਟਾਟਾ ਕੈਪੀਟਲ ਦਾ ਆਈਪੀਓ ਲਗਭਗ 2 ਬਿਲੀਅਨ ਡਾਲਰ (ਲਗਭਗ 17,035 ਕਰੋੜ ਰੁਪਏ) ਦਾ ਹੋ ਸਕਦਾ ਹੈ। ਸੂਤਰਾਂ ਮੁਤਾਬਕ ਟਾਟਾ ਗਰੁੱਪ ਨੇ ਇਸ ਦੇ ਲਈ ਕੁਝ ਵੱਡੇ ਨਿਵੇਸ਼ ਬੈਂਕਾਂ ਨਾਲ ਗੱਲਬਾਤ ਸ਼ੁਰੂ ਕਰ ਦਿੱਤੀ ਹੈ। ਕੋਟਕ ਇਨਵੈਸਟਮੈਂਟ ਬੈਂਕਿੰਗ ਦੇ ਅਧਿਕਾਰੀਆਂ ਨਾਲ ਹਾਲ ਹੀ ਵਿੱਚ ਹੋਈ ਮੀਟਿੰਗ ਤੋਂ ਬਾਅਦ ਇਸ ਪ੍ਰਕਿਰਿਆ ਨੂੰ ਅੱਗੇ ਵਧਾਉਣ ਦੀ ਆਗਿਆ ਦਿੱਤੀ ਗਈ ਹੈ। ਜਨਵਰੀ ਤੱਕ ਬੈਕਰਾਂ ਦੀ ਨਿਯੁਕਤੀ ਵੀ ਕੀਤੀ ਜਾ ਸਕਦੀ ਹੈ।
ਇਹ ਵੀ ਪੜ੍ਹੋ : Home Loan: ਹੁਣ ਘਰ ਖ਼ਰੀਦਣਾ ਹੋਵੇਗਾ ਆਸਾਨ: ਬਿਨਾਂ ਗਰੰਟੀ ਦੇ 20 ਲੱਖ ਤੱਕ ਦਾ ਹੋਮ ਲੋਨ!
ਕਾਰਪੋਰੇਸ਼ਨ ਦੇ ਸ਼ੇਅਰਾਂ 'ਚ ਅੱਜ ਸ਼ੁਰੂਆਤੀ ਕਾਰੋਬਾਰ 'ਚ 8 ਫੀਸਦੀ ਦਾ ਉਛਾਲ ਦੇਖਣ ਨੂੰ ਮਿਲਿਆ। ਇਹ IPO ਟਾਟਾ ਗਰੁੱਪ ਦੀਆਂ ਰਣਨੀਤਕ ਯੋਜਨਾਵਾਂ ਦਾ ਹਿੱਸਾ ਹੈ ਅਤੇ ਨਿਵੇਸ਼ਕਾਂ ਨੂੰ ਆਕਰਸ਼ਕ ਮੌਕੇ ਪ੍ਰਦਾਨ ਕਰ ਸਕਦਾ ਹੈ।
ਆਰਬੀਆਈ ਦੇ ਨਿਯਮਾਂ ਅਨੁਸਾਰ, ਟਾਟਾ ਸੰਨਜ਼ ਅਤੇ ਟਾਟਾ ਕੈਪੀਟਲ ਨੂੰ ਅੱਪਰ ਲੇਅਰ NBFCs ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ। ਉਨ੍ਹਾਂ ਨੂੰ ਸਤੰਬਰ 2025 ਤੱਕ ਆਪਣੇ ਸ਼ੇਅਰਾਂ ਨੂੰ ਲਿਸਟ ਕਰਵਾਉਣਾ ਜ਼ਰੂਰੀ ਹੈ। ਟਾਟਾ ਸੰਨਜ਼ ਦੀ ਟਾਟਾ ਕੈਪੀਟਲ ਵਿੱਚ 93% ਹਿੱਸੇਦਾਰੀ ਹੈ। ਇਸ ਸਬੰਧ 'ਚ ਟਾਟਾ ਗਰੁੱਪ, ਟਾਟਾ ਕੈਪੀਟਲ ਅਤੇ ਕੋਟਕ ਇਨਵੈਸਟਮੈਂਟ ਬੈਂਕ ਨੂੰ ਭੇਜੀਆਂ ਗਈਆਂ ਈਮੇਲਾਂ ਦਾ ਕੋਈ ਜਵਾਬ ਨਹੀਂ ਆਇਆ। ਪਿਛਲੇ ਸਾਲ ਨਵੰਬਰ 'ਚ ਟਾਟਾ ਟੈਕਨਾਲੋਜੀਜ਼ ਦੀ ਬੰਪਰ ਲਿਸਟਿੰਗ ਤੋਂ ਬਾਅਦ ਦੋ ਦਹਾਕਿਆਂ 'ਚ ਇਹ ਟਾਟਾ ਗਰੁੱਪ ਦਾ ਦੂਜਾ ਆਈਪੀਓ ਹੋਵੇਗਾ। ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (TCS) ਦਾ ਆਈਪੀਓ ਸਾਲ 2004 ਵਿੱਚ ਆਇਆ ਸੀ।
ਇਹ ਵੀ ਪੜ੍ਹੋ : ਅਮਿਤਾਭ, ਸ਼ਾਹਰੁਖ ਅਤੇ ਰਿਤਿਕ ਰੋਸ਼ਨ ਸਮੇਤ 125 ਮਸ਼ਹੂਰ ਹਸਤੀਆਂ ਨੇ ਇਸ ਕੰਪਨੀ 'ਚ ਲਗਾਇਆ ਪੈਸਾ
ਕੀਮਤ ਕਿੱਥੇ ਪਹੁੰਚੀ
ਟਾਟਾ ਕੈਪੀਟਲ ਦੇ ਗੈਰ-ਸੂਚੀਬੱਧ ਸ਼ੇਅਰਾਂ ਦੀ ਕੀਮਤ ਪਿਛਲੇ ਸਾਲ ਦਸੰਬਰ 'ਚ 450 ਰੁਪਏ ਤੋਂ ਵਧ ਕੇ ਅਪ੍ਰੈਲ 'ਚ 1,100 ਰੁਪਏ ਹੋ ਗਈ ਸੀ। ਇਸ ਸਮੇਂ ਉਹ ਲਗਭਗ 900 ਰੁਪਏ 'ਤੇ ਵਪਾਰ ਕਰ ਰਹੇ ਹਨ। ਇਸ ਕੀਮਤ ਦੇ ਆਧਾਰ 'ਤੇ ਕੰਪਨੀ ਦਾ ਮੁੱਲ 3.5 ਲੱਖ ਕਰੋੜ ਰੁਪਏ ਹੈ। ਸਤੰਬਰ 2022 ਵਿੱਚ, RBI ਨੇ ਟਾਟਾ ਕੈਪੀਟਲ ਫਾਈਨੈਂਸ਼ੀਅਲ ਸਰਵਿਸਿਜ਼ ਨੂੰ ਇੱਕ ਉੱਚ ਪੱਧਰੀ NBFC ਵਜੋਂ ਸ਼੍ਰੇਣੀਬੱਧ ਕੀਤਾ।
ਇਹ ਵੀ ਪੜ੍ਹੋ : Credit Card ਵਾਲੇ ਸਾਵਧਾਨ! Supreme Court ਨੇ ਜਾਰੀ ਕਰ ਦਿੱਤੇ ਵੱਡੇ ਹੁਕਮ
ਨਿਯਮਾਂ ਮੁਤਾਬਕ ਇਸ ਸ਼੍ਰੇਣੀ 'ਚ ਆਉਣ ਵਾਲੀਆਂ ਕੰਪਨੀਆਂ ਲਈ ਤਿੰਨ ਸਾਲ ਦੇ ਅੰਦਰ ਸੂਚੀਬੱਧ ਹੋਣਾ ਜ਼ਰੂਰੀ ਹੈ। ਟਾਟਾ ਕੈਪੀਟਲ ਗਰੁੱਪ ਤਿੰਨ ਉਧਾਰ ਦੇਣ ਵਾਲੀਆਂ ਕੰਪਨੀਆਂ ਟਾਟਾ ਕੈਪੀਟਲ ਫਾਈਨੈਂਸ਼ੀਅਲ ਸਰਵਿਸਿਜ਼, ਟਾਟਾ ਕੈਪੀਟਲ ਹਾਊਸਿੰਗ ਫਾਈਨਾਂਸ ਅਤੇ ਟਾਟਾ ਕਲੀਨਟੈਕ ਕੈਪੀਟਲ ਅਤੇ ਤਿੰਨ ਨਿਵੇਸ਼ ਅਤੇ ਸਲਾਹਕਾਰ ਕੰਪਨੀਆਂ ਟਾਟਾ ਸਕਿਓਰਿਟੀਜ਼, ਟਾਟਾ ਕੈਪੀਟਲ ਸਿੰਗਾਪੁਰ ਅਤੇ ਪ੍ਰਾਈਵੇਟ ਇਕੁਇਟੀ ਲਈ ਹੋਲਡਿੰਗ ਕੰਪਨੀ ਹੈ।
ਇਹ ਵੀ ਪੜ੍ਹੋ : ITR Filing Deadline: ਨਾ ਭੁੱਲੋ ITR ਦੀ ਆਖ਼ਰੀ ਮਿਤੀ , ਨਹੀਂ ਤਾਂ ਲੱਗੇਗਾ ਭਾਰੀ ਜੁਰਮਾਨਾ
ਟਾਟਾ ਕੈਪੀਟਲ ਟਾਟਾ ਸਮੂਹ ਲਈ ਰਣਨੀਤਕ ਤੌਰ 'ਤੇ ਵੀ ਮਹੱਤਵਪੂਰਨ ਹੈ ਕਿਉਂਕਿ ਇਹ ਸਮੂਹ ਨਾਲ ਜੁੜੀਆਂ ਵੱਖ-ਵੱਖ ਕੰਪਨੀਆਂ ਦੀਆਂ ਫੰਡਿੰਗ ਜ਼ਰੂਰਤਾਂ ਨੂੰ ਪੂਰਾ ਕਰਦਾ ਹੈ। 31 ਮਾਰਚ, 2024 ਨੂੰ ਖਤਮ ਹੋਏ ਸਾਲ ਲਈ, ਟਾਟਾ ਕੈਪੀਟਲ ਨੇ 18,178 ਕਰੋੜ ਰੁਪਏ ਦੀ ਆਮਦਨ ਦਰਜ ਕੀਤੀ, ਜੋ ਕਿ ਵਿੱਤੀ ਸਾਲ 23 ਦੇ ਮੁਕਾਬਲੇ 34% ਵੱਧ ਹੈ।
ਇਸ ਸਮੇਂ ਦੌਰਾਨ, ਕੰਪਨੀ ਦਾ ਸ਼ੁੱਧ ਲਾਭ 3,315 ਕਰੋੜ ਰੁਪਏ ਰਿਹਾ, ਜੋ ਵਿੱਤੀ ਸਾਲ 2023 ਦੇ ਮੁਨਾਫੇ ਨਾਲੋਂ 12% ਵੱਧ ਹੈ। 31 ਮਾਰਚ, 2024 ਤੱਕ NBFC ਦੀ ਕੁੱਲ ਜਾਇਦਾਦ 23,417 ਕਰੋੜ ਰੁਪਏ ਹੈ। FY23 ਵਿੱਚ, ਟਾਟਾ ਕੈਪੀਟਲ ਨੇ ਰਾਈਟਸ ਇਸ਼ੂ ਰਾਹੀਂ 125.10 ਰੁਪਏ ਪ੍ਰਤੀ ਸ਼ੇਅਰ ਦੇ ਹਿਸਾਬ ਨਾਲ ਸ਼ੇਅਰਾਂ ਦੀ ਪੇਸ਼ਕਸ਼ ਕਰਕੇ 593.80 ਕਰੋੜ ਰੁਪਏ ਇਕੱਠੇ ਕੀਤੇ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨਵੇਂ ਸਾਲ ਤੋਂ ਪਹਿਲਾਂ Indigo ਦੀਆਂ ਜ਼ਬਰਦਸਤ ਆਫ਼ਰਸ, 1199 ਰੁਪਏ 'ਚ ਕਰੋ ਹਵਾਈ ਸਫ਼ਰ, ਜਾਣੋ ਆਖ਼ਰੀ ਤਾਰੀਖ਼
NEXT STORY 
