ਆਟੋ ਡੈਸਕ - ਮਾਰੂਤੀ ਸੁਜ਼ੂਕੀ ਬ੍ਰੇਜ਼ਾ ਦੇਸ਼ ਦੀ ਸਭ ਤੋਂ ਵੱਧ ਵਿਕਣ ਵਾਲੀ ਕੰਪੈਕਟ SUV ਹੈ। ਪਿਛਲੇ ਮਹੀਨੇ ਇਸ ਨੇ ਵਿਕਰੀ 'ਚ ਹੁੰਡਈ ਕ੍ਰੇਟਾ ਅਤੇ ਟਾਟਾ ਪੰਚ ਨੂੰ ਪਿੱਛੇ ਛੱਡ ਦਿੱਤਾ ਸੀ। ਸਾਲ 2024 ਬ੍ਰੇਜ਼ਾ ਲਈ ਬਹੁਤ ਵਧੀਆ ਸਾਲ ਰਿਹਾ ਹੈ। ਜੇਕਰ ਤੁਸੀਂ ਇਸ ਮਹੀਨੇ ਬ੍ਰੇਜ਼ਾ ਖਰੀਦਣ ਬਾਰੇ ਸੋਚ ਰਹੇ ਹੋ, ਤਾਂ ਤੁਸੀਂ ਬਹੁਤ ਕੁਝ ਬਚਾ ਸਕਦੇ ਹੋ। ਨਵੇਂ ਸਾਲ 'ਚ ਆਪਣੀ ਵਿਕਰੀ ਨੂੰ ਵਧਾਉਣ ਲਈ ਮਾਰੂਤੀ ਸੁਜ਼ੂਕੀ ਨੇ ਬ੍ਰੇਜ਼ਾ 'ਤੇ 40,000 ਰੁਪਏ ਤੱਕ ਦਾ ਡਿਸਕਾਊਂਟ ਦਿੱਤਾ ਹੈ ਪਰ ਧਿਆਨ ਰਹੇ ਕਿ ਇਸ ਡਿਸਕਾਊਂਟ 'ਚ ਕੈਸ਼ ਆਫਰ ਅਤੇ ਐਕਸਚੇਂਜ ਆਫਰ ਵੀ ਸ਼ਾਮਲ ਹੈ। ਇਸ ਆਫਰ ਦਾ ਫਾਇਦਾ ਸਿਰਫ 31 ਜਨਵਰੀ ਤੱਕ ਹੀ ਮਿਲੇਗਾ। ਬ੍ਰੇਜ਼ਾ ਦੀ ਐਕਸ-ਸ਼ੋਰੂਮ ਕੀਮਤ 8.34 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਮਾਰੂਤੀ ਵੀ ਜਲਦ ਹੀ ਆਪਣੀਆਂ ਕਾਰਾਂ ਦੀਆਂ ਕੀਮਤਾਂ ਵਧਾਉਣ ਜਾ ਰਹੀ ਹੈ। ਆਓ ਜਾਣਦੇ ਹਾਂ ਇਸ ਗੱਡੀ ਦੇ ਇੰਜਣ ਅਤੇ ਇਸ ਦੀਆਂ ਵਿਸ਼ੇਸ਼ਤਾਵਾਂ ਬਾਰੇ…
ਇੰਜਣ ਅਤੇ ਪਾਵਰ
ਕੰਪੈਕਟ SUV ਸੈਗਮੈਂਟ ਵਿੱਚ ਮਾਰੂਤੀ ਬ੍ਰੇਜ਼ਾ ਸਭ ਤੋਂ ਸ਼ਕਤੀਸ਼ਾਲੀ SUV ਹੈ। ਇਸ 'ਚ 1.5 ਲੀਟਰ ਦਾ ਪੈਟਰੋਲ ਇੰਜਣ ਹੈ ਜੋ 103bhp ਦੀ ਪਾਵਰ ਅਤੇ 137Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਹ ਇੰਜਣ 5-ਸਪੀਡ ਮੈਨੂਅਲ ਅਤੇ 6-ਸਪੀਡ ਟਾਰਕ ਕਨਵਰਟਰ ਆਟੋਮੈਟਿਕ ਗਿਅਰਬਾਕਸ ਨਾਲ ਲੈਸ ਹੈ। ਬ੍ਰੇਜ਼ਾ 20.15km (ਮੈਨੁਅਲ ਗਿਅਰਬਾਕਸ) ਅਤੇ 19.80km (ਆਟੋਮੈਟਿਕ ਗਿਅਰਬਾਕਸ) ਪ੍ਰਤੀ ਲੀਟਰ ਤੱਕ ਦੀ ਮਾਈਲੇਜ ਪ੍ਰਦਾਨ ਕਰਦਾ ਹੈ। ਬ੍ਰੇਜ਼ਾ, ਜੋ ਕਿ 4 ਮੀਟਰ ਤੋਂ ਘੱਟ ਲੰਬਾ ਹੈ, ਆਪਣੇ ਹਿੱਸੇ ਵਿੱਚ ਸਭ ਤੋਂ ਬੋਲਡ SUV ਹੈ। ਇਹ ਇੱਕ ਆਰਾਮਦਾਇਕ SUV ਹੈ।
ਮਾਰੂਤੀ ਸੁਜ਼ੂਕੀ ਬ੍ਰੇਜ਼ਾ ਬਣੀ ਨੰਬਰ 1
ਮਾਰੂਤੀ ਬ੍ਰੇਜ਼ਾ ਨੇ ਪਿਛਲੇ ਮਹੀਨੇ (ਦਸੰਬਰ 2024) ਬ੍ਰੇਜ਼ਾ ਦੀਆਂ 17336 ਯੂਨੀਟ ਵੇਚੀਆਂ ਸਨ, ਜਦੋਂ ਕਿ ਪਿਛਲੇ ਸਾਲ ਦਸੰਬਰ ਦੇ ਮਹੀਨੇ ਹੀ ਬ੍ਰੇਜ਼ਾ ਦੀਆਂ ਕੁੱਲ 12844 ਯੂਨੀਟ ਵੇਚੀਆਂ ਗਈਆਂ ਸਨ, ਯਾਨੀ ਵਾਧਾ (YoY) 35% ਰਿਹਾ ਹੈ। ਵਿਕਰੀ ਦੇ ਮਾਮਲੇ 'ਚ ਇਸ ਨੇ ਪੰਚ ਅਤੇ ਕ੍ਰੇਟਾ ਨੂੰ ਕਾਫੀ ਪਿੱਛੇ ਛੱਡ ਦਿੱਤਾ ਹੈ।
ਮਹਿੰਦਰਾ XUV 3XO ਨਾਲ ਜ਼ਬਰਦਸਤ ਮੁਕਾਬਲਾ
ਮਾਰੂਤੀ ਸੁਜ਼ੂਕੀ ਬ੍ਰੇਜ਼ਾ ਦਾ ਅਸਲੀ ਮੁਕਾਬਲਾ ਮਹਿੰਦਰਾ XUV 3XO ਨਾਲ ਹੈ, ਜਿਸ ਦੀ ਕੀਮਤ 7.49 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। XUV 3XO ਵਿੱਚ 1.2L ਟਰਬੋਚਾਰਜਡ ਪੈਟਰੋਲ ਇੰਜਣ ਹੈ। XUV 3XO ਸ਼ਾਨਦਾਰ ਸਪੇਸ ਦੇ ਨਾਲ ਵਿਸ਼ੇਸ਼ਤਾਵਾਂ ਨਾਲ ਭਰਪੂਰ ਹੈ। ਇਸ ਵਿੱਚ 364 ਲੀਟਰ ਦੀ ਬੂਟ ਸਪੇਸ ਹੋਵੇਗੀ। ਸੁਰੱਖਿਆ ਲਈ, ਇਸ ਵਿੱਚ ਲੈਵਲ 2 ADAS, 360-ਡਿਗਰੀ ਵਿਊ, ਬਲਾਇੰਡ ਵਿਊ ਮਿਰਰ, ਇਲੈਕਟ੍ਰਾਨਿਕ ਪਾਰਕਿੰਗ ਬ੍ਰੇਕ ਅਤੇ ਆਟੋ ਹੋਲਡ ਵਰਗੀਆਂ ਵਿਸ਼ੇਸ਼ਤਾਵਾਂ ਹਨ। ਹਾਲਾਂਕਿ XUV 3XO ਇੱਕ ਚੰਗੀ SUV ਹੈ ਪਰ ਇੰਜਣ ਦੇ ਮਾਮਲੇ ਵਿੱਚ ਇਹ ਬ੍ਰੇਜ਼ਾ ਤੋਂ ਪਿੱਛੇ ਹੈ।
ਓਡਿਸ਼ਾ ’ਚ ACSIL ਨੇ ਗੰਨੇ ਦਾ ਮੁੱਲ 420 ਰੁਪਏ ਵਧਾ ਕੇ 3,500 ਰੁਪਏ ਪ੍ਰਤੀ ਟਨ ਕੀਤਾ
NEXT STORY 
