ਨਵੀਂ ਦਿੱਲੀ—ਬਾਜ਼ਾਰ 'ਚ ਨਕਲੀ ਉਤਪਾਦਾਂ ਤੋਂ ਪਰੇਸ਼ਾਨ ਲੋਕਾਂ ਦੇ ਲਈ ਚੰਗੀ ਖਬਰ ਹੈ। ਹੁਣ ਤੁਸੀਂ ਸਿਰਫ ਇਕ ਐੱਸ.ਐੱਮ.ਐਸ. ਭੇਜ ਕੇ ਇਹ ਪਤਾ ਲਗਾ ਸਕਦੇ ਹੋ ਕਿ ਕੋਈ ਪ੍ਰੋਡਕਟ ਅਸਲੀ ਹੈ ਜਾਂ ਨਕਲੀ। ਅਮਰੀਕੀ ਕੰਪਨੀ ਫਾਰਮਸਿਕਓਰ ਨੇ ਭਾਰਤ ਸਮੇਤ ਕੁਝ ਦੇਸਾਂ 'ਚ ਸਬੰਧਿਤ ਕੰਪਨੀਆਂ ਨਾਲ ਮਿਲ ਕੇ ਇਸ ਦਿਸ਼ਾ 'ਚ ਪਹਿਲ ਕੀਤੀ ਹੈ। ਸ਼ੁਰੂਆਤ 'ਚ ਕੰਪਨੀ ਨੇ ਇਹ ਸੁਵਿਧਾ ਦਵਾਈਆਂ ਦੇ ਮਾਮਲੇ 'ਚ ਸ਼ੁਰੂ ਕੀਤੀ ਸੀ। ਬਾਅਦ 'ਚ ਰੋਜਮਰਾਂ ਦੇ ਉਪਯੋਗ ਦੇ ਸਾਮਾਨ ( ਐੱਫ.ਐੱਮ.ਸੀ.ਜੀ) ਇਲੈਕਟ੍ਰਾਨਿਕ , ਬਿਊਟੀ ਪ੍ਰੋਡਕਟ ਵਰਗੇ ਉਤਪਾਦਾਂ ਲਈ ਵੀ ਇਹ ਸੇਵਾ ਸ਼ੁਰੂ ਕੀਤੀ ਗਈ। ਇਸਦੇ ਲਈ ਕੰਪਨੀ ਨੇ ਪ੍ਰੋਡਕਟ ਸਿਕਓਰ ਦੇ ਨਾਮ ਨਾਲ ਇਰ ਅਲੱਗ ਇਕਾਈ ਬਣਾਈ।
ਕੰਪਨੀ ਦੇ ਅਨੁਸਾਰ, ਤੁਸੀਂ ਐੱਸ.ਐੱਮ.ਐੱਸ. ਦੇ ਇਲਾਵਾ ਮੋਬਾਇਲ ਐਪ 'ਤੇ ਵੀ ਪ੍ਰੋਡਕਟ ਦਾ ' ਬਾਰਕੋਡ' ਪਾ ਕੇ ਜਾਂ ਵੈੱਬਸਾਈਟ ਦੇ ਜਰੀਏ ਇਹ ਪਤਾ ਲਗਾ ਸਕਦੇ ਹੋ ਕਿ ਵਸਤੂ ਅਸਲੀ ਹੈ ਜਾਂ ਨਕਲੀ। ਫਾਰਮਸਿਕਓਰ ਦੇ ਪ੍ਰਧਾਨ ਅਤੇ ਮੁੱਖ ਕਾਰਜਪਾਲਕ ਅਧਿਕਾਰੀ ਨਕੁਲ ਪਸਰੀਚਾ ਨੇ ਇਸ ਬਾਰੇ 'ਚ ਕਿਹਾ, ' ਭਾਰਤ ਸਮੇਤ ਪੂਰੀ ਦੁਨੀਆ 'ਚ ਨਕਲੀ ਉਤਪਾਦ ਵੱਧ ਰਹੇ ਹਨ। ਇਸ ਨਾਲ ਨਾ ਕੇਵਲ ਬਰਾਂਡ ਦੀ ਯੋਗਤਾ ਅਤੇ ਕੰਪਨੀ ਦੀ ਆਮਦਨ ਵੀ ਪ੍ਰਭਾਵਿਤ ਹੁੰਦੀ ਹੈ, ਬਲਕਿ ਸਰਕਾਰਾਂ ਨੂੰ ਕਰੋੜਾਂ ਦੇ ਕਰ ਦਾ ਵੀ ਨੁਕਸਾਨ ਹੁੰਦਾ ਹੈ। ਨਕਲੀ ਉਤਪਾਦ ਲੋਕਾਂ ਦੀ ਸਿਹਤ ਅਤੇ ਸੁਰੱਖਿਆ ਦੇ ਲਿਹਾਜ ਨਾਲ ਵੀ ਖਤਰਨਾਕ ਹੈ।
ਉਨ੍ਹਾਂ ਨੇ ਉਦਯੋਗ ਮੰਡਲ ਫਿੱਕੀ ਦੇ ਇਕ ਅਧਿਐਨ ਦਾ ਹਵਾਲਾ ਦਿੰਦੇ ਹੋਏ ਦੱਸਿਆ ਕਿ ਨਕਲੀ ਉਤਪਾਦਾਂ ਦੇ ਕਾਰਣ ਭਾਰਤ ਸਰਕਾਰ ਨੂੰ ਲਗਭਗ 39,000 ਕਰੋੜ ਰੁਪਏ ਦੇ ਕਰ ਰਾਜਸਵ ਦਾ ਨੁਕਸਾਨ ਹੁੰਦਾ ਹੈ। ਐੱਸ.ਐੱਮ.ਐੱਸ. ਅਥਵਾ ਐਪ ਦੇ ਕੰਮ ਕਰਨ ਦੇ ਤਰੀਕੇ ਬਾਰੇ 'ਚ ਪੁੱਛੇ ਜਾਣ 'ਤੇ ਉਨ੍ਹਾਂ ਨੇ ਦੱਸਿਆ, ' ਅਸੀਂ ਕੰਪਨੀਆਂ ਦੇ ਨਾਲ ਗਠਜੋੜ ਕਰ ਕੇ ਉਤਪਾਦ ਦੇ ਹਰ ਬੈਚ 'ਤੇ ਵਿਸ਼ੇਸ਼ ਕੋਡ ਪਾਉਂਦੇ ਹਨ। ਇਸਦੇ ਇਲਾਵਾ ਬੈਚ ਸੰਖਿਆ, ਵਸਤੂ ਦੇ ਖਰਾਬ ਹੋਣ ਦੀ ਤਾਰੀਖ ਦਾ ਵੀ ਉਸ 'ਤੇ ਜ਼ਿਕਰ ਹੁੰਦਾ ਹੈ। ਨਾਲ ਹੀ ਅਸੀਂ ਉਸ 'ਤੇ ਫੋਨ ਨੰਬਰ ਪਾਉਂਦੇ ਹਾਂ। ਗਾਹਕ ਸਬੰਧਿਤ ਉਤਪਾਦ ਦੇ ਕੋਰਡ ਨੂੰ ਟਾਈਪ ਕਰਕੇ ਜੇਕਰ ਉਸ ਨੰਬਰ 'ਤੇ ਐੱਸ.ਐੱਮ.ਐੱਸ. ਭੇਜਦਾ ਹੈ ਤਾਂ ਉਸਦੇ ਮੋਬਾਇਲ 'ਤੇ ਤਰੁੰਤ ਸੰਦੇਸ਼ ਆਉਂਦਾ ਹੈ ਕਿ ਉਹ ਉਤਪਾਦ ਅਸਲੀ ਹੈ ਜਾਂ ਨਕਲੀ।'
ਰਿਲਾਇੰਸ ਐਨਰਜੀ ਦੀ ਵਿਕਰੀ 'ਤੇ ਲੱਗੀ ਸੀਸੀਆਈ ਦੀ ਮੋਹਰ
NEXT STORY 
