ਬੈਂਗਲੁਰੂ (ਭਾਸ਼ਾ) - ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਦੇ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਸ਼ੁੱਕਰਵਾਰ ਨੂੰ ਜੀ-20 ਦੇਸ਼ਾਂ ਨੂੰ ਵਿੱਤੀ ਸਥਿਰਤਾ ਲਈ ਖਤਰਿਆਂ ਅਤੇ ਕਰਜ਼ ਸੰਕਟ ਵਰਗੀਆਂ ਵਿਸ਼ਵ ਅਰਥਵਿਵਸਥਾ ਨੂੰ ਦਰਪੇਸ਼ ਚੁਣੌਤੀਆਂ ਦਾ ਦ੍ਰਿੜਤਾ ਨਾਲ ਹੱਲ ਕਰਨ ਦਾ ਸੱਦਾ ਦਿੱਤਾ।
ਜੀ-20 ਦੇ ਵਿੱਤ ਮੰਤਰੀਆਂ ਅਤੇ ਕੇਂਦਰੀ ਬੈਂਕ ਦੇ ਗਵਰਨਰਾਂ ਦੀ ਮੀਟਿੰਗ ਦੇ ਉਦਘਾਟਨੀ ਸੈਸ਼ਨ ਨੂੰ ਸੰਬੋਧਨ ਕਰਦਿਆਂ ਦਾਸ ਨੇ ਕਿਹਾ ਕਿ ਹਾਲ ਹੀ ਦੇ ਮਹੀਨਿਆਂ ਵਿੱਚ ਵਿਸ਼ਵ ਅਰਥਚਾਰੇ ਲਈ ਦ੍ਰਿਸ਼ਟੀਕੋਣ ਵਿੱਚ ਸੁਧਾਰ ਹੋਇਆ ਹੈ ਅਤੇ ਵਧੇਰੇ ਆਸ਼ਾਵਾਦੀ ਹੈ ਕਿ ਵਿਸ਼ਵ ਇੱਕ ਡੂੰਘੀ ਮੰਦੀ ਤੋਂ ਬਚ ਸਕਦਾ ਹੈ ਅਤੇ ਇਸ ਤੋਂ ਉਭਰ ਸਕਦਾ ਹੈ, ਸਿਰਫ ਹੌਲੀ ਵਿਕਾਸ ਜਾਂ ਹਲਕੀ ਮੰਦੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਉਨ੍ਹਾਂ ਨੇ ਕਿਹਾ “ਫਿਰ ਵੀ ਸਾਡੇ ਸਾਹਮਣੇ ਅਨਿਸ਼ਚਿਤਤਾਵਾਂ ਹਨ” ।
ਇਹ ਵੀ ਪੜ੍ਹੋ : ਅਡਾਨੀ ਸਮੂਹ ਦੀ ਕਿਸ਼ਤੀ 'ਚ ਕਈ ਵਿਦੇਸ਼ੀ ਕੰਪਨੀਆਂ ਵੀ ਸਵਾਰ, ਕੀਤਾ ਹੈ ਅਰਬਾਂ ਡਾਲਰ ਦਾ ਨਿਵੇਸ਼
ਆਰਬੀਆਈ ਗਵਰਨਰ ਨੇ ਕਿਹਾ, “ਸਾਨੂੰ ਮਿਲ ਕੇ ਅਤੇ ਦ੍ਰਿੜਤਾ ਨਾਲ ਸਾਡੇ ਸਾਹਮਣੇ ਮੌਜੂਦ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਚਾਹੀਦਾ ਹੈ, ਇਨ੍ਹਾਂ ਵਿੱਚੋਂ ਕੁਝ ਚੁਣੌਤੀਆਂ ਮੱਧਮ ਤੋਂ ਲੰਬੇ ਸਮੇਂ ਤੱਕ ਚੱਲਣ ਵਾਲੀਆਂ ਹਨ, ਜਿਸ ਵਿੱਚ ਵਿੱਤੀ ਸਥਿਰਤਾ, ਕਰਜ਼ਾ ਸੰਕਟ, ਜਲਵਾਯੂ ਵਿੱਤ, ਗਲੋਬਲ ਵਪਾਰ ਵਿਚ ਰੁਕਾਵਟਾਂ ਅਤੇ ਗਲੋਬਲ ਵੈਲਿਊ ਚੇਨ ਉੱਤੇ ਦਬਾਅ ਸ਼ਾਮਲ ਹਨ। ਉਨ੍ਹਾਂ ਕਿਹਾ, ''ਸਾਨੂੰ ਵਿਆਪਕ ਵਿਸ਼ਵ ਆਰਥਿਕ ਸਹਿਯੋਗ ਨੂੰ ਉਤਸ਼ਾਹਿਤ ਕਰਨਾ ਹੋਵੇਗਾ ਅਤੇ ਵਿਸ਼ਵ ਅਰਥਚਾਰੇ ਨੂੰ ਮਜ਼ਬੂਤ, ਟਿਕਾਊ, ਸੰਤੁਲਿਤ ਅਤੇ ਸਮਾਵੇਸ਼ੀ ਵਿਕਾਸ ਦੇ ਰਾਹ 'ਤੇ ਅੱਗੇ ਵਧਾਉਣਾ ਹੋਵੇਗਾ।''
ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਉਦਘਾਟਨੀ ਸੈਸ਼ਨ 'ਚ ਕਿਹਾ ਕਿ 2023 'ਚ ਭਾਰਤ ਦੀ ਪ੍ਰਧਾਨਗੀ ਹੇਠ ਹੋਣ ਵਾਲੀ ਜੀ-20 ਵਾਰਤਾ ਸਭ ਤੋਂ ਮੁਸ਼ਕਿਲ ਆਲਮੀ ਚੁਣੌਤੀਆਂ ਦੇ ਵਿਆਪਕ ਹੱਲ ਲੱਭਣ 'ਤੇ ਕੇਂਦਰਿਤ ਹੋਵੇਗੀ।
ਸੀਤਾਰਮਨ ਨੇ ਕਿਹਾ, "G20 ਦੇਸ਼-ਵਿਸ਼ੇਸ਼ ਲੋੜਾਂ ਅਤੇ ਹਾਲਾਤਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਆਪਣੇ ਮੈਂਬਰਾਂ ਦੀਆਂ ਪੂਰਕ ਸ਼ਕਤੀਆਂ ਦਾ ਲਾਭ ਉਠਾ ਕੇ ਦੁਨੀਆ ਭਰ ਦੇ ਲੋਕਾਂ ਦੇ ਜੀਵਨ ਨੂੰ ਬਦਲ ਸਕਦਾ ਹੈ।" ਇਹ ਨਵੇਂ ਵਿਚਾਰਾਂ ਦਾ ਪਾਲਣ ਪੋਸ਼ਣ ਕਰ ਸਕਦਾ ਹੈ।"
ਇਹ ਵੀ ਪੜ੍ਹੋ : Tiktok ਨੂੰ ਵੱਡਾ ਝਟਕਾ : ਹੁਣ ਇਸ ਦੇਸ਼ ਨੇ ਵੀ ਚੀਨੀ ਐਪ ਨੂੰ ਅਧਿਕਾਰਕ ਮੋਬਾਈਲ 'ਤੇ ਕੀਤਾ ਬੈਨ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਤੇਜ਼ੀ, ਜਾਣੋ ਕੀ ਹੈ ਕੀਮਤ
NEXT STORY 
