ਨਵੀਂ ਦਿੱਲੀ—ਆਈ.ਟੀ. ਸੈਕਟਰ ਦੀ ਦਿੱਗਜ਼ ਕੰਪਨੀ ਕਾਗਨੀਜੈਂਟ ਨੇ ਇਸ ਸਾਲ ਅਗਸਤ ਤੱਕ 200 ਕਰਮਚਾਰੀਆਂ ਨੂੰ ਕੰਪਨੀ 'ਚੋਂ ਕੱਢ ਦਿੱਤਾ ਹੈ। ਇਸ 'ਚ ਡਾਇਰੈਕਟਰ ਲੈਵਲ ਦੇ ਕਰਮਚਾਰੀ ਸ਼ਾਮਲ ਹਨ। ਕੰਪਨੀ ਇਸ ਦੇ ਬਦਲੇ 'ਚ ਇਨ੍ਹਾਂ ਨੂੰ ਤਿੰਨ-ਚਾਰ ਮਹੀਨੇ ਦੀ ਤਨਖਾਹ ਦੇਵੇਗੀ। ਆਪਣੇ ਟੈਲੰਟ ਪੂਲ 'ਚ ਬਦਲਾਅ ਕਰਨ ਦੀ ਯੋਜਨਾ ਦੇ ਤਹਿਤ ਕੰਪਨੀ ਨੇ ਇਹ ਕਦਮ ਚੁੱਕਿਆ ਹੈ।
ਕੰਪਨੀ ਉਨ੍ਹਾਂ ਲੋਕਾਂ ਨੂੰ ਬਾਹਰ ਕਰ ਰਹੀ ਹੈ ਜੋ ਮੌਜੂਦਾ ਤਕਨੀਕੀ ਵਾਤਾਵਰਣ 'ਚ ਖੁਦ ਨੂੰ ਨਹੀਂ ਢਾਲ ਪਾ ਰਹੇ ਹਨ ਅਤੇ ਉਨ੍ਹਾਂ ਥਾਂ ਨਵੇਂ ਕੌਸ਼ਲ ਤੋਂ ਯੁਕਤ ਲੋਕਾਂ ਦੀ ਬਹਾਲੀ ਕੀਤੀ ਜਾ ਰਹੀ ਹੈ। ਨੌਕਰੀ ਤੋਂ ਕੱਢੇ ਗਏ ਕਰਮਚਾਰੀਆਂ ਨੂੰ 3.5 ਕਰੋੜ ਡਾਲਰ (ਕਰੀਬ 2.60 ਅਰਬ ਡਾਲਰ) ਦੇਣੇ ਪਏ। ਪਿਛਲੇ ਸਾਲ ਕੰਪਨੀ ਨੇ 400 ਸੀਨੀਅਰ ਕਰਮਚਾਰੀਆਂ ਦੇ ਲਈ ਸਵੈ-ਇੱਛਕ ਸੇਵਾ ਮੁਕਤੀ ਦੀ ਯੋਜਨਾ ਦਾ ਐਲਾਨ ਕੀਤਾ ਸੀ। ਪਰ ਇਸ ਸਾਲ ਮਰਜ਼ੀ ਨਾਲ ਕੰਪਨੀ ਛੱਡਣ ਦੀ ਕੋਈ ਯੋਜਨਾ ਨਹੀਂ ਲਿਆਂਦੀ ਗਈ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਗਾਹਕਾਂ ਦੀਆਂ ਲੋੜਾਂ ਅਤੇ ਕਾਰੋਬਾਰੀ ਟੀਚਿਆਂ ਨੂੰ ਪੂਰਾ ਕਰਨ 'ਚ ਹਰ ਕਰਮਚਾਰੀ ਸਮਰੱਥ ਹੋਣਾ ਚਾਹੀਦਾ। ਵਰਕਫੋਰਸ ਮੈਨੇਜਮੈਂਟ ਸਟ੍ਰੈਟਜੀ ਦੇ ਤਹਿਤ ਕੁਝ ਬਦਲਾ ਕਰਨੇ ਪਏ ਜਿਸ ਨਾਲ ਕਰਮਚਾਰੀਆਂ ਨੂੰ ਕੱਢਣਾ ਪਿਆ।
ਮੇਰਾ ਰਾਜਨੀਤੀ 'ਚ ਆਉਣਾ ਤੀਜੇ ਵਿਸ਼ਵ ਯੁੱਧ ਦਾ ਕਾਰਨ ਹੋਵੇਗਾ : ਨੂਈ
NEXT STORY 
