ਬਿਜ਼ਨਸ ਡੈਸਕ : ਕੋਲਗੇਟ ਨੇ 22 ਸਤੰਬਰ ਤੋਂ ਲਾਗੂ ਆਪਣੇ ਉਤਪਾਦਾਂ 'ਤੇ ਕੀਮਤਾਂ ਵਿੱਚ ਕਟੌਤੀ ਦਾ ਐਲਾਨ ਕੀਤਾ ਹੈ, ਜਿਸ ਨਾਲ ਗਾਹਕਾਂ ਨੂੰ ਸਿੱਧਾ ਫਾਇਦਾ ਹੋ ਰਿਹਾ ਹੈ। ਇਹ ਬਦਲਾਅ ਨਵੀਆਂ GST ਦਰਾਂ ਲਾਗੂ ਹੋਣ ਕਾਰਨ ਹੋਇਆ ਹੈ, ਜਿਸ ਨਾਲ ਟੂਥਪੇਸਟ ਅਤੇ ਟੁੱਥਬ੍ਰਸ਼ ਵਰਗੀਆਂ ਰੋਜ਼ਾਨਾ ਜ਼ਰੂਰੀ ਚੀਜ਼ਾਂ ਪਹਿਲਾਂ ਨਾਲੋਂ ਸਸਤੀਆਂ ਹੋ ਗਈਆਂ ਹਨ।
ਇਹ ਵੀ ਪੜ੍ਹੋ : 1 ਅਕਤੂਬਰ ਤੋਂ ਬਦਲ ਜਾਣਗੇ ਇਹ ਅਹਿਮ ਨਿਯਮ! ਜਾਣਕਾਰੀ ਨਾ ਹੋਣ 'ਤੇ ਹੋ ਸਕਦਾ ਹੈ ਨੁਕਸਾਨ
ਕੋਲਗੇਟ-ਪਾਮੋਲਿਵ ਦੀ ਮੂੰਹ ਦੀ ਦੇਖਭਾਲ(ਓਰੇਲ ਕੇਅਰ) ਲਈ 88 ਸਾਲਾਂ ਦੀ ਵਚਨਬੱਧਤਾ ਨੂੰ ਮਜ਼ਬੂਤ ਕਰਦੇ ਹੋਏ, ਕੰਪਨੀ ਨੇ ਉਨ੍ਹਾਂ ਉਤਪਾਦਾਂ ਦੀ ਸੂਚੀ ਜਾਰੀ ਕੀਤੀ ਹੈ ਜਿਨ੍ਹਾਂ ਲਈ ਨਵੀਆਂ ਕੀਮਤਾਂ ਲਾਗੂ ਹੋਣਗੀਆਂ। ਉਦਾਹਰਣ ਵਜੋਂ, ਕੋਲਗੇਟ ਟੋਟਲ ਹੈਲਥ 80 ਗ੍ਰਾਮ ਟੁੱਥਪੇਸਟ ਹੁਣ 80 ਰੁਪਏ (ਪਹਿਲਾਂ 95 ਰੁਪਏ) ਵਿਚ ਉਪਲਬਧ ਹੋਵੇਗਾ, ਮੈਕਸਫ੍ਰੈਸ਼ 50 ਗ੍ਰਾਮ 138 ਤੋਂ 135 ਰੁਪਏ ਵਿੱਚ ਉਪਲਬਧ ਹੋਵੇਗਾ, ਸਟ੍ਰੌਂਗ ਟੀਥ 200 ਗ੍ਰਾਮ ਹੁਣ 130 ਰੁਪਏ ਵਿੱਚ ਉਪਲਬਧ ਹੋਵੇਗਾ, ਅਤੇ ਐਕਟਿਵ ਸਾਲਟ 200 ਗ੍ਰਾਮ 142 ਰੁਪਏ ਵਿੱਚ ਉਪਲਬਧ ਹੋਵੇਗਾ।
ਇਹ ਵੀ ਪੜ੍ਹੋ : ਗਾਹਕਾਂ ਲਈ ਵੱਡੀ ਰਾਹਤ: RBI ਨੇ Debit Cards, Minimum Balance ਨੂੰ ਲੈ ਕੇ ਬੈਂਕਾਂ ਨੂੰ ਜਾਰੀ ਕੀਤੇ ਨਿਰਦੇਸ਼
ਟੂਥਬ੍ਰਸ਼ ਦੀਆਂ ਕੀਮਤਾਂ ਵੀ ਘਟਾ ਦਿੱਤੀਆਂ ਗਈਆਂ ਹਨ। ਜ਼ਿਗਜ਼ੈਗ ਡੀਪ ਕਲੀਨ 6-ਪੈਕ ਹੁਣ 138 ਰੁਪਏ (ਪਹਿਲਾਂ 155 ਰੁਪਏ) ਵਿੱਚ ਉਪਲਬਧ ਹੋਵੇਗਾ, ਅਤੇ ਸੈਂਸਿਟਿਵ ਟੂਥਬਰੱਸ਼ ਨੂੰ 70 ਰੁਪਏ ਤੋਂ ਘਟਾ ਕੇ 62 ਰੁਪਏ ਕਰ ਦਿੱਤਾ ਗਿਆ ਹੈ। ਇਹ ਨਵੀਆਂ ਕੀਮਤਾਂ 22 ਸਤੰਬਰ, 2025 ਤੋਂ ਪੂਰੇ ਭਾਰਤ ਵਿੱਚ ਲਾਗੂ ਹੋਣਗੀਆਂ।
ਗਾਹਕ ਸਲਾਹ
ਕੰਪਨੀ ਗਾਹਕਾਂ ਨੂੰ ਖਰੀਦਣ ਤੋਂ ਪਹਿਲਾਂ ਕੀਮਤਾਂ ਦੀ ਜਾਂਚ ਕਰਨ ਦੀ ਸਲਾਹ ਦਿੰਦੀ ਹੈ, ਕਿਉਂਕਿ ਪਰਿਵਰਤਨ ਦੀ ਮਿਆਦ ਦੌਰਾਨ ਪੁਰਾਣੇ ਅਤੇ ਨਵੇਂ ਦੋਵੇਂ ਕੀਮਤ ਵਾਲੇ ਉਤਪਾਦ ਬਾਜ਼ਾਰ ਵਿੱਚ ਉਪਲਬਧ ਹੋ ਸਕਦੇ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ ਕਦਮ ਮੱਧ-ਵਰਗੀ ਪਰਿਵਾਰਾਂ ਲਈ ਘਰੇਲੂ ਖਰਚਿਆਂ ਨੂੰ ਘਟਾਏਗਾ ਅਤੇ ਭਾਰਤੀ ਪਰਿਵਾਰਾਂ ਲਈ ਇੱਕ ਸਕਾਰਾਤਮਕ ਬਦਲਾਅ ਸਾਬਤ ਹੋਵੇਗਾ।
ਇਹ ਵੀ ਪੜ੍ਹੋ : ਸਸਤਾ ਹੋ ਜਾਵੇਗਾ ਆਟਾ, ਤੇਲ, ਸਾਬਣ ਸਮੇਤ ਹੋਰ ਘਰੇਲੂ ਸਾਮਾਨ, ਜਾਣੋ ਕਿਹੜੀਆਂ ਕੰਪਨੀਆਂ ਨੇ ਘਟਾਈਆਂ ਕੀਮਤਾਂ
ਕੋਲਗੇਟ ਵੱਲੋਂ ਇਹ ਪਹਿਲ ਸਿਰਫ਼ ਕੀਮਤਾਂ ਘਟਾਉਣ ਤੋਂ ਪਰੇ ਹੈ; ਇਹ ਬਾਜ਼ਾਰ ਵਿੱਚ ਮੁਕਾਬਲਾ ਵੀ ਵਧਾਏਗਾ ਅਤੇ ਹੋਰ ਬ੍ਰਾਂਡਾਂ ਨੂੰ ਕੀਮਤਾਂ ਘਟਾਉਣ ਲਈ ਉਤਸ਼ਾਹਿਤ ਕਰੇਗਾ। ਇਸ ਤੋਂ ਇਲਾਵਾ, ਇਹ ਖਪਤਕਾਰਾਂ ਦੀ ਮੂੰਹ ਦੀ ਸਿਹਤ ਵਿੱਚ ਸੁਧਾਰ ਕਰੇਗਾ ਅਤੇ ਹਰ ਘਰ ਦੀ ਪਹੁੰਚ ਵਿੱਚ ਗੁਣਵੱਤਾ ਵਾਲੇ ਰੋਜ਼ਾਨਾ ਉਤਪਾਦ ਲਿਆਏਗਾ।
ਕੋਲਗੇਟ ਟੂਥਪੇਸਟ ਅਤੇ ਟੂਥਬਰਸ਼ ਦੀਆਂ ਨਵੀਆਂ ਕੀਮਤਾਂ (22 ਸਤੰਬਰ, 2025 ਤੋਂ)
ਟੂਥਪੇਸਟ
- ਕੋਲਗੇਟ ਟੋਟਲ ਹੈਲਥ 80 ਗ੍ਰਾਮ – 80 ਰੁਪਏ(ਪਹਿਲਾਂ 95 ਰੁਪਏ)
- ਮੈਕਸਫ੍ਰੈਸ਼ 50 ਗ੍ਰਾਮ – 135 ਰੁਪਏ (ਪਹਿਲਾਂ 138 ਰੁਪਏ)
- ਸਟ੍ਰੌਂਗ ਟੀਥ 200 ਗ੍ਰਾਮ – 130 ਰੁਪਏ(ਪਹਿਲਾਂ 149 ਰੁਪਏ)
- ਐਕਟਿਵ ਸਾਲਟ 200 ਗ੍ਰਾਮ – 142 ਰੁਪਏ (ਪਹਿਲਾਂ 166 ਰੁਪਏ)
ਟੂੱਥਬਰਸ਼
- ਜ਼ਿਗਜ਼ੈਗ ਡੀਪ ਕਲੀਨ 6 ਪੈਕ – 138 ਰੁਪਏ(ਪਹਿਲਾਂ 155 ਰੁਪਏ)
- ਸੈਂਸਟਿਵ ਟੂਥਬਰਸ਼ – 62 ਰੁਪਏ (ਪਹਿਲਾਂ 70 ਰੁਪਏ)
ਇਹ ਵੀ ਪੜ੍ਹੋ : ਵੱਡੀ ਗਿਰਾਵਟ ਦੇ ਬਾਅਦ ਫਿਰ ਚੜ੍ਹੇ ਸੋਨੇ ਦੇ ਭਾਅ, ਚਾਂਦੀ ਨੇ ਮਾਰੀ ਵੱਡੀ ਛਾਲ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
'GST ਸੁਧਾਰ ਨਾਲ ਲੋਕਾਂ ਦੇ ਹੱਥਾਂ 'ਚ ਆਉਣਗੇ ਲਗਭਗ 2 ਲੱਖ ਕਰੋੜ ਰੁਪਏ'
NEXT STORY 
