ਨਵੀਂ ਦਿੱਲੀ - ਇਕ ਪਾਸੇ ਜਿਥੇ ਰਿਜ਼ਰਵ ਬੈਂਕ ਨੇ 2000 ਰੁਪਏ ਦਾ ਨੋਟ ਬੰਦ ਕਰਨ ਦਾ ਐਲਾਨ ਕਰ ਦਿੱਤਾ ਹੈ, ਉਥੇ ਹੀ ਦੂਜੇ ਪਾਸੇ ਪੈਟਰੋਲ ਪੰਪਾਂ 'ਤੇ ਤੇਲ ਖਰੀਦਣ ਲਈ ਗਾਹਕ 2000 ਰੁਪਏ ਦੇ ਨੋਟਾਂ ਦੀ ਅੰਨ੍ਹੇਵਾਹ ਵਰਤੋਂ ਕਰ ਰਹੇ ਹਨ। ਨੋਟ ਬੰਦ ਦੇ ਐਲਾਨ ਤੋਂ ਬਾਅਦ ਲੋਕ ਹੁਣ ਆਪਣੇ ਵਾਹਨਾਂ ਵਿੱਚ ਪੈਟਰੋਲ ਪਾਉਣ ਲਈ 2000 ਰੁਪਏ ਦੇ ਨੋਟ ਦੇ ਰਹੇ ਹਨ। ਇੰਡੀਆ ਪੈਟਰੋਲ ਪੰਪ ਡੀਲਰਜ਼ ਐਸੋਸੀਏਸ਼ਨ ਅਨੁਸਾਰ ਪੈਟਰੋਲ ਪੰਪਾਂ 'ਤੇ ਰੋਜ਼ਾਨਾ ਹੋਣ ਵਾਲੀ ਵਿਕਰੀ ਵਿੱਚ 90 ਫ਼ੀਸਦੀ ਹਿੱਸੇ ਵਿੱਚ ਗਾਹਕਾਂ ਵੱਲੋਂ 2,000 ਰੁਪਏ ਦੇ ਨੋਟਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ।
ਦੱਸ ਦੇਈਏ ਕਿ 2000 ਰੁਪਏ ਦੇ ਨੋਟ ਵਾਪਸ ਲੈਣ ਦੇ ਹੋਏ ਐਲਾਨ ਤੋਂ ਬਾਅਦ ਸਾਰੇ ਲੋਕ 2000 ਦੇ ਨੋਟ ਨੂੰ ਬਾਜ਼ਾਰ ਵਿੱਚ ਖ਼ਰਚ ਰਹੇ ਹਨ। ਅਜਿਹੇ 'ਚ ਡਿਜੀਟਲ ਲੈਣ-ਦੇਣ ਰਾਹੀਂ ਪੈਟਰੋਲ ਅਤੇ ਡੀਜ਼ਲ ਦੀ ਰੋਜ਼ਾਨਾ ਹੋਣ ਵਾਲੀ ਵਿਕਰੀ ਹੁਣ ਸਿਰਫ਼ 10 ਫ਼ੀਸਦੀ ਰਹਿ ਗਈ ਹੈ, ਜੋ ਆਮ ਬਾਕੀ ਦਿਨਾਂ ਵਿੱਚ 40 ਫ਼ੀਸਦੀ ਦੇ ਕਰੀਬ ਸੀ। ਇਸ ਮਾਮਲੇ ਦੇ ਸਬੰਧ ਵਿੱਚ ਪੈਟਰੋਲ ਪੰਪ ਡੀਲਰਾਂ ਨੇ ਕਿਹਾ ਕਿ ਹੁਣ ਗਾਹਕ 100 ਜਾਂ 200 ਰੁਪਏ ਦੀ ਖਰੀਦਦਾਰੀ ਕਰਨ 'ਤੇ ਸਾਡੇ ਹੱਥਾਂ ਵਿੱਚ 2000 ਰੁਪਏ ਦੇ ਨੋਟ ਸੌਂਪ ਦਿੰਦੇ ਹਨ। 2000 ਦਾ ਨੋਟ ਦੇ ਕੇ ਗਾਹਕ ਉਹਨਾਂ ਤੋਂ ਇਸ ਗੱਲ ਦੀ ਉਮੀਦ ਰੱਖਦੇ ਹਨ ਕਿ ਉਨ੍ਹਾਂ ਨੂੰ ਆਸਾਨੀ ਨਾਲ ਪੈਟਰੋਲ ਪੰਪ 'ਤੇ ਖੁੱਲ੍ਹੇ ਪੈਸੇ ਮਿਲ ਜਾਣਗੇ।
ਇਸ ਸਮੱਸਿਆ ਨਾਲ ਨਜਿੱਠਣ ਲਈ ਪੈਟਰੋਲ ਪੰਪ ਡੀਲਰਾਂ ਦੀ ਐਸੋਸੀਏਸ਼ਨ ਨੇ ਭਾਰਤੀ ਰਿਜ਼ਰਵ ਬੈਂਕ ਨੂੰ ਅਪੀਲ ਕੀਤੀ ਹੈ ਕਿ ਉਹ ਬੈਂਕਾਂ ਨੂੰ ਹੇਠਲੇ ਮੁੱਲਾਂ ਦੇ ਢੁਕਵੇਂ ਨੋਟ ਉਪਲਬਧ ਕਰਵਾਉਣ ਲਈ ਨਿਰਦੇਸ਼ ਦੇਣ। ਇਸ ਦੇ ਨਾਲ ਹੀ ਉਹਨਾਂ ਨੇ ਕਿਹਾ ਕਿ ਅਜਿਹੀ ਸਮੱਸਿਆ 8 ਨਵੰਬਰ 2016 ਨੂੰ ਹੋਈ ਨੋਟਬੰਦੀ ਦੌਰਾਨ ਵੀ ਸਾਹਮਣੇ ਆਈ ਸੀ। 500 ਅਤੇ 1000 ਰੁਪਏ ਦੇ ਬੰਦ ਕਰਨ ਨਾਲ ਹੋਈ ਨੋਟਬੰਦੀ ਦੌਰਾਨ ਵੀ ਬਹੁਤ ਸਾਰੇ ਲੋਕ ਪੈਟਰੋਲ ਪੰਪਾਂ 'ਤੇ ਆਏ ਸਨ, ਤਾਂ ਕਿ ਉਹਨਾਂ ਦੇ ਨੋਟ ਚਲ ਸਕਣ।
ਰਿਲਾਇੰਸ ਦੇ JioMart ਨੇ 1000 ਕਰਮਚਾਰੀਆਂ ਨੂੰ ਦਿਖਾਇਆ ਬਾਹਰ ਦਾ ਰਸਤਾ, ਅਜੇ ਹੋਰ ਛਾਂਟੀ ਦੀ ਹੈ ਯੋਜਨਾ
NEXT STORY 
