ਬਿਜ਼ਨੈੱਸ ਡੈਸਕ- ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕਾਂ (ਐੱਫ.ਪੀ.ਆਈ) ਦਾ ਰੁਝਾਣ ਇਕ ਵਾਰ ਫਿਰ ਭਾਰਤੀ ਸ਼ੇਅਰ ਬਾਜ਼ਾਰ ਵੱਲ ਟ੍ਰਾਂਸਫਰ ਹੋਇਆ ਹੈ। ਬੀਤੇ ਹਫ਼ਤੇ ਐੱਫ.ਪੀ.ਆਈ ਨੇ ਸ਼ੇਅਰ ਬਾਜ਼ਾਰ 'ਚ ਸ਼ੁੱਧ ਰੂਪ ਨਾਲ 7,600 ਕਰੋੜ ਰੁਪਏ ਤੋਂ ਜ਼ਿਆਦਾ ਦਾ ਨਿਵੇਸ਼ ਕੀਤਾ ਹੈ। ਡਿਪਾਜ਼ਿਟਰੀ ਦੇ ਅੰਕੜਿਆਂ ਤੋਂ ਇਹ ਜਾਣਕਾਰੀ ਮਿਲੀ ਹੈ। ਇਸ ਤੋਂ ਪਿਛਲੇ ਹਫ਼ਤੇ (ਸੱਤ ਤੋਂ 12 ਫਰਵਰੀ) ਦੇ ਦੌਰਾਨ ਐੱਫ.ਪੀ.ਆਈ ਨੇ 3,920 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ ਸਨ।
ਇਹ ਵੀ ਪੜ੍ਹੋ-ਸਿੱਖ ਸ਼ਰਧਾਲੂਆਂ ਨੂੰ ਭਾਰਤੀ ਰੇਲਵੇ ਦਾ ਤੋਹਫ਼ਾ, ਵਿਸ਼ੇਸ਼ ਰੇਲ ਕਰਵਾਏਗੀ 5 ਤਖ਼ਤਾਂ ਦੇ ਦਰਸ਼ਨ
ਮਾਰਨਿੰਗਸਟਾਰ ਇੰਡੀਆ ਦੇ ਐਸੋਸੀਏਟ ਨਿਰਦੇਸ਼ਕ-ਪ੍ਰਬੰਧਕ ਖੋਜੀ ਹਿਮਾਂਸ਼ੂ ਸ਼੍ਰੀਸਾਵਤਵ ਨੇ ਕਿਹਾ ਕਿ ਬਾਜ਼ਾਰ ਦੇ ਅਡਾਨੀ ਦੇ ਝਟਕਿਆਂ ਤੋਂ ਉਭਰਣ ਦੇ ਨਾਲ ਹੀ ਐੱਫ.ਪੀ.ਆਈ. ਦਾ ਪ੍ਰਵਾਹ ਸੁਧਰਿਆ ਹੈ। ਭਾਰਤੀ ਸ਼ੇਅਰ ਬਾਜ਼ਾਰਾਂ ਵਲੋਂ ਉਨ੍ਹਾਂ ਦਾ ਰੁਝਾਣ ਫਿਰ ਵਧਿਆ ਹੈ। ਜਿਓਜੀਤ ਫਾਈਨੈਂਸ਼ੀਅਲ ਸਰਵਿਸੇਜ਼ ਦੇ ਮੁੱਖ ਨਿਵੇਸ਼ ਰਣਨੀਤੀਕਾਰ ਵੀ ਕੇ ਵਿਜੇਕੁਮਾਰ ਨੇ ਕਿਹਾ ਕਿ ਅਜਿਹਾ ਪ੍ਰਤੀਕ ਹੁੰਦਾ ਹੈ ਕਿ ਜਨਵਰੀ ਦੀ ਸ਼ੁਰੂਆਤ ਤੋਂ ਭਾਰਤ 'ਚੋਂ ਜੋ ਲਗਾਤਾਰ ਬਿਕਵਾਲੀ ਦਾ ਸਿਲਸਿਲਾ ਸ਼ੁਰੂ ਹੋਇਆ ਸੀ ਉਹ ਹੁਣ ਬੰਦ ਹੋ ਗਿਆ ਹੈ। ਹਾਲਾਂਕਿ ਐੱਫ.ਪੀ.ਆਈ ਉੱਚ ਪੱਧਰ 'ਤੇ ਫਿਰ ਬਿਕਵਾਲੀ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ-ਗ੍ਰਮੀਣ ਭਾਰਤ ’ਚ ਇਸ ਸਾਲ 9.25 ਲੱਖ ਟਰੈਕਟਰ ਵਿਕਰੀ ਦਾ ਅਨੁਮਾਨ : ਮਹਿੰਦਰਾ ਐਂਡ ਮਹਿੰਦਰਾ
ਅੰਕੜਿਆਂ ਦੇ ਅਨੁਸਾਰ 17 ਫਰਵਰੀ ਨੂੰ ਖਤਮ ਹਫ਼ਤੇ 'ਚ ਐੱਫ.ਪੀ.ਆਈ. ਨੇ ਸ਼ੁੱਧ ਰੂਪ ਨਾਲ 7,666 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ। ਸ਼੍ਰੀਵਾਸਤਵ ਨੇ ਕਿਹਾ ਕਿ ਸਥਿਰ ਅਰਥਵਿਵਸਥਾ ਮਜ਼ਬੂਤ ਮੈਕਰੋ ਅੰਕੜੇ ਅਤੇ ਉੱਚੇ ਵਾਧੇ ਦੀ ਸੰਭਾਵਨਾ ਦੇ ਵਿਚਾਲੇ ਐੱਫ.ਪੀ.ਆਈ ਹੁਣ ਮੁਲਾਂਕਣ ਅਤੇ ਹੋਰ ਚਿੰਤਾਵਾਂ ਤੋਂ ਵੱਖ ਹਟ ਕੇ ਦੇਖਣ ਨੂੰ ਤਿਆਰ ਹੈ। ਇਸ ਸਾਲ ਦੀ ਸ਼ੁਰੂਆਤ ਤੋਂ 10 ਫਰਵਰੀ ਤੱਕ ਐੱਫ.ਪੀ.ਆਈ. ਸ਼ੁੱਧ ਬਿਕਵਾਲੀ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਨੇ 38,524 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ ਸਨ। ਇਸ 'ਚ ਜਨਵਰੀ 'ਚ ਉਨ੍ਹਾਂ ਵਲੋਂ ਕੀਤੀ ਗਈ 28,852 ਕਰੋੜ ਰੁਪਏ ਦੀ ਬਿਕਵਾਲੀ ਵੀ ਸ਼ਾਮਲ ਹੈ। ਇਸ ਸਾਲ ਹੁਣ ਤੱਕ ਐੱਫ.ਪੀ.ਆਈ. ਨੇ ਸ਼ੇਅਰਾਂ ਤੋਂ ਸ਼ੁੱਧ ਰੂਪ ਨਾਲ 30,858 ਕਰੋੜ ਰੁਪਏ ਕੱਢੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਕਰਜ਼ ਜਾਂ ਬਾਂਡ ਬਾਜ਼ਾਰ 'ਚ ਸ਼ੁੱਧ ਰੂਪ ਨਾਲ 5,944 ਕਰੋੜ ਰੁਪਏ ਪਾਏ ਹਨ।
ਇਹ ਵੀ ਪੜ੍ਹੋ-ਅਮੀਰਾਂ ਦੀ ਲਿਸਟ 'ਚ 25ਵੇਂ ਨੰਬਰ ’ਤੇ ਪਹੁੰਚੇ ਗੌਤਮ ਅਡਾਨੀ
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਹੁਣ ਅਕਾਊਂਟ ਸਕਿਓਰਿਟੀ ਲਈ ਵੀ ਪੈਸੇ ਲੈਣਗੇ ਐਲਨ ਮਸਕ, 1 ਮਹੀਨੇ ਦੇ ਲੱਗਣਗੇ ਇੰਨੇ ਰੁਪਏ
NEXT STORY 
