ਮੁੰਬਈ : ਦੁਨੀਆ ਦੇ ਸਭ ਤੋਂ ਅਮੀਰ ਕਾਰੋਬਾਰੀਆਂ ਦੀ ਸੂਚੀ 'ਚ ਸ਼ਾਮਲ ਗੌਤਮ ਅਡਾਨੀ ਪਰਉਪਕਾਰ ਦੇ ਮਾਮਲੇ 'ਚ ਵੀ ਪਿੱਛੇ ਨਹੀਂ ਹਨ। ਫੋਰਬਸ ਦੁਆਰਾ ਪ੍ਰਕਾਸ਼ਿਤ ਏਸ਼ੀਆਈ ਪਰਉਪਕਾਰੀ ਦੀ ਸੂਚੀ ਦੇ 16ਵੇਂ ਐਡੀਸ਼ਨ ਵਿੱਚ ਗੌਤਮ ਅਡਾਨੀ ਦਾ ਨਾਮ ਚੋਟੀ ਦੇ ਤਿੰਨਾਂ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਉਨ੍ਹਾਂ ਤੋਂ ਇਲਾਵਾ ਐਚਸੀਐਲ ਟੈਕਨਾਲੋਜੀਜ਼ ਦੇ ਸ਼ਿਵ ਨਾਦਰ, ਹੈਪੀਏਸਟ ਮਾਈਂਡਜ਼ ਟੈਕਨਾਲੋਜੀਜ਼ ਦੇ ਅਸ਼ੋਕ ਸੂਤਾ ਦੇ ਨਾਂ ਇਸ ਸੂਚੀ ਵਿੱਚ ਸ਼ਾਮਲ ਹਨ। ਏਸ਼ੀਆ ਦੇ ਚੋਟੀ ਦੇ ਦਾਨੀਆਂ ਦੀ ਇਹ ਸੂਚੀ ਮੰਗਲਵਾਰ ਨੂੰ ਜਾਰੀ ਕੀਤੀ ਗਈ।
ਅਡਾਨੀ ਸਮੂਹ ਦੇ ਮੁਖੀ ਗੌਤਮ ਅਡਾਨੀ ਨੇ ਪਿਛਲੇ ਸਾਲ ਜੂਨ ਵਿੱਚ ਆਪਣੇ 60ਵੇਂ ਜਨਮ ਦਿਨ ਦੇ ਮੌਕੇ 'ਤੇ 60,000 ਕਰੋੜ ਰੁਪਏ ਦਾਨ ਕਰਨ ਤੋਂ ਬਾਅਦ ਇਸ ਸੂਚੀ ਵਿੱਚ ਜਗ੍ਹਾ ਬਣਾਈ ਹੈ। ਏਨੀ ਵੱਡੀ ਰਕਮ ਚੈਰਿਟੀ ਲਈ ਖਰਚਣ ਦਾ ਐਲਾਨ ਕਰਕੇ ਉਹ ਭਾਰਤ ਦਾ ਸਭ ਤੋਂ ਵੱਡਾ ਪਰਉਪਕਾਰੀ ਬਣ ਗਿਆ। ਇਹ ਰਕਮ ਸਿਹਤ, ਸਿੱਖਿਆ ਅਤੇ ਹੁਨਰ ਵਿਕਾਸ 'ਤੇ ਖਰਚ ਕੀਤੀ ਜਾਣੀ ਹੈ। ਇਹ ਰਕਮ ਸਾਲ 1996 ਵਿੱਚ ਸਥਾਪਿਤ ਅਡਾਨੀ ਪਰਿਵਾਰ ਦੀ ਫਾਊਂਡੇਸ਼ਨ ਵੱਲੋਂ ਖਰਚ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ : ਨਵੇਂ ਸਾਲ 'ਚ ਝਟਕਾ ਦੇ ਸਕਦੀਆਂ ਹਨ Tata Motors ਦੀਆਂ ਕਾਰਾਂ, ਨਿਯਮਾਂ 'ਚ ਇਹ ਬਦਲਾਅ ਕਰੇਗਾ ਤੁਹਾਡੀ ਜੇਬ ਢਿੱਲੀ
60 ਸਾਲ ਦੇ ਗੌਤਮ, ਅਡਾਨੀ ਅਡਾਨੀ ਸਮੂਹ ਦੇ ਸੰਸਥਾਪਕ ਹਨ। ਇਹ ਸਮੂਹ ਭਾਰਤ ਵਿੱਚ ਸਭ ਤੋਂ ਵੱਡਾ ਪੋਰਟ ਆਪਰੇਟਰ ਹੈ। ਇਹ ਸਮੂਹ ਬੁਨਿਆਦੀ ਢਾਂਚੇ, ਖਪਤਕਾਰ ਵਸਤਾਂ, ਬਿਜਲੀ ਉਤਪਾਦਨ ਅਤੇ ਟਰਾਂਸਮਿਸ਼ਨ, ਅਤੇ ਰੀਅਲ ਅਸਟੇਟ ਦੇ ਕਾਰੋਬਾਰ ਵਿੱਚ ਸ਼ਾਮਲ ਹੈ। ਸਾਲ 2022 'ਚ ਗੌਤਮ ਅਡਾਨੀ ਦੀ ਜਾਇਦਾਦ 'ਚ ਵੱਡਾ ਵਾਧਾ ਹੋਇਆ ਹੈ। ਉਹ ਕੁਝ ਸਮੇਂ ਲਈ ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਉਦਯੋਗਪਤੀ ਵੀ ਸਨ।
ਇਸ ਸੂਚੀ ਵਿੱਚ ਦੂਜਾ ਭਾਰਤੀ ਨਾਮ ਸ਼ਿਵ ਨਾਦਰ ਦਾ ਹੈ। ਪਿਛਲੇ ਕੁਝ ਦਹਾਕਿਆਂ ਦੌਰਾਨ, ਉਸਨੇ ਆਪਣੀ ਦੌਲਤ ਦਾ ਵੱਡਾ ਹਿੱਸਾ ਸ਼ਿਵ ਨਦਰ ਫਾਊਂਡੇਸ਼ਨ ਦੁਆਰਾ ਪਰਉਪਕਾਰੀ ਕੰਮਾਂ 'ਤੇ ਖਰਚ ਕੀਤਾ ਹੈ। ਇਸ ਸਾਲ ਵੀ, ਉਸਨੇ ਸ਼ਿਵ ਨਾਦਰ ਫਾਊਂਡੇਸ਼ਨ ਨੂੰ ਲਗਭਗ 11,600 ਕਰੋੜ ਰੁਪਏ ਦਾਨ ਕੀਤੇ ਹਨ, ਜਿਸਦੀ ਸਥਾਪਨਾ ਉਸਨੇ 1994 ਵਿੱਚ ਕੀਤੀ ਸੀ। ਇਸ ਦਾ ਉਦੇਸ਼ ਸਿੱਖਿਆ ਦੇ ਮਾਧਿਅਮ ਨਾਲ ਲੋਕਾਂ ਨੂੰ ਸਸ਼ਕਤ ਬਣਾ ਕੇ ਇੱਕ ਬਰਾਬਰੀ ਅਤੇ ਯੋਗਤਾ-ਅਧਾਰਤ ਸਮਾਜ ਦੀ ਸਿਰਜਣਾ ਕਰਨਾ ਸੀ।
ਇਹ ਵੀ ਪੜ੍ਹੋ : ਹੁਣ ਸਿੱਧੇ ATM ’ਚੋਂ ਨਿਕਲੇਗਾ ਸੋਨਾ, 999 ਸ਼ੁੱਧਤਾ ਨਾਲ ਪ੍ਰਮਾਣਿਤ ਟੈਂਪਰ ਪਰੂਫ ਪੈਕ ’ਚ ਮਿਲੇਗਾ Gold
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਇਲੈਕਟ੍ਰਿਕ ਵਾਹਨਾਂ ਲਈ ਨਿਤਿਨ ਗਡਕਰੀ ਨੇ ਕੀਤਾ ਵੱਡਾ ਐਲਾਨ
NEXT STORY 
