ਨਵੀਂ ਦਿੱਲੀ - ਜੇ ਤੁਸੀਂ ਸੋਨੇ ਵਿਚ ਨਿਵੇਸ਼ ਕਰਨ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਤੁਹਾਡੇ ਲਈ ਇਕ ਵਧੀਆ ਮੌਕਾ ਹੈ। ਅੱਜ ਤੋਂ ਵਿੱਤੀ ਸਾਲ 2021-22 ਲਈ ਸਾਵਰੇਨ ਸੋਨੇ ਦੇ ਬਾਂਡ ਦੀ ਪਹਿਲੀ ਵਿਕਰੀ ਸ਼ੁਰੂ ਹੋ ਰਹੀ ਹੈ।ਇਸ ਸਕੀਮ ਦੇ ਤਹਿਤ 21 ਮਈ ਤੱਕ ਸੋਨੇ ਦੇ ਬਾਂਡਾਂ ਵਿਚ ਨਿਵੇਸ਼ ਕੀਤਾ ਜਾ ਸਕਦਾ ਹੈ। ਇਹ ਵਿਕਰੀ 5 ਦਿਨਾਂ ਤੱਕ ਜਾਰੀ ਰਹੇਗੀ, ਭਾਵ ਤੁਹਾਡੇ ਕੋਲ ਬਾਜ਼ਾਰ ਤੋਂ ਸਸਤਾ ਸੋਨਾ ਖ਼ਰੀਦਣ ਲਈ 5 ਦਿਨ ਦਾ ਮੌਕਾ ਹੈ। ਇਹ ਬਾਂਡ ਭਾਰਤ ਸਰਕਾਰ ਦੀ ਤਰਫੋਂ ਆਰਬੀਆਈ ਦੁਆਰਾ ਜਾਰੀ ਕੀਤੇ ਜਾਂਦੇ ਹਨ।
ਸਾਵਰੇਨ ਗੋਲਡ ਬਾਂਡ ਸਕੀਮ ਦੀ ਮਿਆਦ
ਕੇਂਦਰ ਸਰਕਾਰ ਮਈ 2021 ਤੋਂ ਸਤੰਬਰ 2021 ਦਰਮਿਆਨ ਸਾਵਰੇਨ ਗੋਲਡ ਬਾਂਡ ਸਕੀਮ 2021-22 ਦੇ ਤਹਿਤ ਗੋਲਡ ਬਾਂਡ ਸਕੀਮ ਨੂੰ 6 ਕਿਸ਼ਤਾਂ ਵਿਚ ਜਾਰੀ ਕਰੇਗੀ। ਇਸਦਾ ਪਹਿਲਾ ਸਬਸਕ੍ਰਿਪਸ਼ਨ ਅੱਜ ਤੋਂ ਗਾਹਕੀ ਲਈ ਖੁੱਲ੍ਹਾ ਹੈ। ਅੱਜ ਤੋਂ ਖੁੱਲ੍ਹਣ ਵਾਲੇ ਸੋਨੇ ਦੇ ਬਾਂਡ ਲਈ ਇਸ਼ੂ ਦੀ ਕੀਮਤ 4777 ਰੁਪਏ ਪ੍ਰਤੀ ਗ੍ਰਾਮ ਰੱਖੀ ਗਈ ਹੈ। ਇਸਦਾ ਮਤਲਬ ਹੈ ਕਿ ਤੁਹਾਨੂੰ 10 ਗ੍ਰਾਮ ਸੋਨੇ ਲਈ 47,770 ਰੁਪਏ ਖਰਚ ਕਰਨੇ ਪੈਣਗੇ। ਆਨਲਾਇਨ ਬਿਨੈ ਕਰਨ ਅਤੇ ਭੁਗਤਾਨ ਕਰਨ ਲਈ ਪ੍ਰਤੀ ਗ੍ਰਾਮ 50 ਰੁਪਏ ਦੀ ਛੋਟ ਵੀ ਮਿਲੇਗੀ।
ਜਾਣੋ ਇਸ ਦੇ ਸਬਸਕ੍ਰਿਪਸ਼ਨ ਦੇ ਵੇਰਵੇ
- ਸਾਵਰੇਨ ਗੋਲਡ ਬਾਂਡ ਦਾ ਮਚਿਊਰਿਟੀ ਪੀਰੀਅਡ 8 ਸਾਲ ਦਾ ਹੁੰਦਾ ਹੈ।
- 17 ਤੋਂ 21 ਮਈ ਵਿਚਕਾਰ ਪਹਿਲੀ ਸੀਰੀਜ਼ ਲਈ ਖ਼ਰੀਦ ਕੀਤੀ ਜਾ ਸਕੇਗੀ। ਇਸ ਲਈ ਬਾਂਡ 25 ਮਈ ਨੂੰ ਜਾਰੀ ਕੀਤੇ ਜਾਣਗੇ।
- ਇਸ ਤੋਂ ਬਾਅਦ 24 ਮਈ ਤੋਂ 28 ਮਈ ਤੱਕ ਦੂਜੀ ਸੀਰੀਜ਼ ਲਈ ਸਬਸਕ੍ਰਿਪਸ਼ਨ ਖੁੱਲ੍ਹੇਗਾ। ਇਸ ਮਿਆਦ ਲਈ 1 ਜੂਨ ਨੂੰ ਗੋਲਡ ਬਾਂਡ ਇਸ਼ੂ ਕੀਤੇ ਜਾਣਗੇ।
- 12 ਜੁਲਾਈ ਤੋਂ 16 ਜੁਲਾਈ ਦਰਮਿਆਨ ਚੌਥੀ ਸੀਰੀਜ਼ ਦਾ ਸਬਸਕ੍ਰਿਪਸ਼ਨ ਖੁੱਲ੍ਹੇਗਾ, ਇਸ ਲਈ ਗੋਲਡ ਬਾਂਡ 20 ਜੁਲਾਈ ਨੂੰ ਜਾਰੀ ਹੋਣਗੇ।
- 9 ਅਸਗਤ ਤੋਂ 13 ਅਗਸਤ ਤੱਕ ਪੰਜਵੀਂ ਸੀਰੀਜ਼ ਖੁੱਲ੍ਹੇਗੀ, ਜਿਸ ਦੇ ਲਈ ਬਾਂਡ 17 ਅਸਗਤ ਨੂੰ ਜਾਰੀ ਹੋਣਗੇ।
- 30 ਅਗਸਤ ਤੋਂ 3 ਸਤੰਬਰ ਤੱਕ ਛੇਵੀਂ ਸੀਰੀਜ਼ ਖੁੱਲ੍ਹੇਗੀ ਅਤੇ ਇਸ ਲਈ 7 ਸਤੰਬਰ ਨੂੰ ਗੋਲਡ ਬਾਂਡ ਇਸ਼ੂ ਹੋਣਗੇ।
ਸਾਵਰੇਨ ਗੋਲਡ ਬਾਂਡ ਕੀ ਹੈ?
ਸਾਵਰੇਨ ਸੋਨੇ ਦਾ ਬਾਂਡ ਇਕ ਸਰਕਾਰੀ ਬਾਂਡ ਹੈ। ਇਸਦੀ ਕੀਮਤ ਰੁਪਿਆ ਜਾਂ ਡਾਲਰ ਵਿਚ ਨਹੀਂ, ਸਗੋਂ ਸੋਨੇ ਦੇ ਭਾਰ ਵਿਚ ਹੁੰਦੀ ਹੈ। ਜੇਕਰ ਬਾਂਡ ਪੰਜ ਗ੍ਰਾਮ ਸੋਨੇ ਦਾ ਹੈ, ਤਾਂ ਪੰਜ ਗ੍ਰਾਮ ਸੋਨੇ ਦੀ ਕੀਮਤ ਦੇ ਹਿਸਾਬ ਨਾਲ ਹੀ ਬਾਂਡ ਦੀ ਕੀਮਤ ਹੋਵੇਗੀ। ਇਹ ਬਾਂਡ ਆਰਬੀਆਈ ਸਰਕਾਰ ਦੁਆਰਾ ਜਾਰੀ ਕੀਤੇ ਜਾਂਦੇ ਹਨ। ਸਰਕਾਰ ਨੇ ਨਵੰਬਰ 2015 ਵਿਚ ਸਾਵਰੇਨ ਗੋਲਡ ਬਾਂਡ ਯੋਜਨਾ ਦੀ ਸ਼ੁਰੂਆਤ ਕੀਤੀ ਸੀ।
ਤੁਸੀਂ ਕਿੱਥੋਂ ਲੈ ਸਕਦੇ ਹੋ ਸੋਨੇ ਦੇ ਬਾਂਡ
ਮੰਤਰਾਲੇ ਅਨੁਸਾਰ ਇਹ ਬਾਂਡ ਸਾਰੇ ਬੈਂਕਾਂ, ਸਟਾਕ ਹੋਲਡਿੰਗ ਕਾਰਪੋਰੇਸ਼ਨ ਆਫ ਇੰਡੀਆ ਲਿਮਟਿਡ (ਐਸ.ਐਚ.ਸੀ.ਆਈ.ਐਲ.), ਡਾਕਘਰ ਅਤੇ ਮਾਨਤਾ ਪ੍ਰਾਪਤ ਸਟਾਕ ਐਕਸਚੇਂਜ (ਸਟਾਕ ਐਕਸਚੇਂਜ), ਐਨ.ਐਸ.ਈ. ਅਤੇ ਬੀ.ਐਸ.ਸੀ. ਵਲੋਂ ਵੇਚੇ ਜਾ ਰਹੇ ਹਨ।
ਇਸ਼ੂ ਪ੍ਰਾਈਸ 'ਤੇ ਮਿਲਦਾ ਹੈ 2.50% ਵਿਆਜ
ਸਾਵਰੇਨ ਸੋਨੇ ਦੇ ਬਾਂਡ ਵਿਚ ਇਸ਼ੂ ਪ੍ਰਾਈਸ 'ਤੇ ਹਰ ਸਾਲ 2.50% ਦੀ ਇੱਕ ਨਿਸ਼ਚਤ ਵਿਆਜ ਮਿਲਦਾ ਹੈ। ਇਹ ਪੈਸਾ ਹਰ 6 ਮਹੀਨਿਆਂ ਬਾਅਦ ਤੁਹਾਡੇ ਖਾਤੇ ਵਿਚ ਪਹੁੰਚ ਜਾਂਦਾ ਹੈ, ਅਰਥਾਤ, ਤੁਹਾਨੂੰ ਹਰ ਸਾਲ 47,770 ਰੁਪਏ ਦੇ ਨਿਵੇਸ਼ 'ਤੇ 1192.50 ਰੁਪਏ ਅਤੇ 8 ਸਾਲਾਂ ਵਿਚ ਕੁੱਲ 9,540 ਰੁਪਏ ਮਿਲਣਗੇ। ਹਾਲਾਂਕਿ ਇਸ 'ਤੇ ਸਲੈਬ ਅਨੁਸਾਰ ਟੈਕਸ ਦੇਣਾ ਪਏਗਾ।
ਤੁਸੀਂ ਕਿੰਨਾ ਸੋਨਾ ਖਰੀਦ ਸਕਦੇ ਹੋ?
ਇੱਕ ਵਿਅਕਤੀ ਇੱਕ ਵਿੱਤੀ ਸਾਲ ਵਿੱਚ ਘੱਟੋ ਘੱਟ 1 ਗ੍ਰਾਮ ਅਤੇ ਵੱਧ ਤੋਂ ਵੱਧ 4 ਕਿਲੋਗ੍ਰਾਮ ਤੱਕ ਦੇ ਬਾਂਡ ਖਰੀਦ ਸਕਦਾ ਹੈ। ਜਿਸ ਦੀ ਲਾਗਤ 1.91 ਕਰੋੜ ਹੋਵੇਗੀ। ਹਾਲਾਂਕਿ ਇੱਕ ਟਰੱਸਟ ਲਈ ਅਧਿਕਤਮ ਖਰੀਦ ਸੀਮਾ 20 ਕਿੱਲੋ ਹੈ। ਭਾਵ, ਤੁਸੀਂ ਵੱਧ ਤੋਂ ਵੱਧ 1.91 ਕਰੋੜ ਦਾ ਨਿਵੇਸ਼ ਕਰ ਸਕਦੇ ਹੋ।
ਕੋਵਿਡ ਮਹਾਮਾਰੀ ਦੀ ਦੂਜੀ ਲਹਿਰ ਨਾਲ ਪਿੰਡਾਂ ’ਤੇ ਅਸਰ, ਟਰੈਕਟਰ ਦੀ ਵਿਕਰੀ ਹੋਵੇਗੀ ਪ੍ਰਭਾਵਿਤ : ਐਸਕਾਰਟਸ
NEXT STORY 
