ਬਿਜ਼ਨੈੱਸ ਡੈਸਕ- ਸੋਨਾ ਨਿਵੇਸ਼ਕਾਂ ਅਤੇ ਆਮ ਗਾਹਕਾਂ, ਦੋਵਾਂ ਲਈ ਹਮੇਸ਼ਾ ਤੋਂ ਹੀ ਆਕਰਸ਼ਣ ਦਾ ਕੇਂਦਰ ਰਿਹਾ ਹੈ ਪਰ ਹੁਣ ਇਕ ਵੱਡੀ ਖਬਰ ਸਾਹਮਣੇ ਆਈ ਹੈ ਜੋ ਸੋਨੇ ਦੀਆਂ ਕੀਮਤਾਂ ਨੂੰ ਲੈ ਕੇ ਨਵੀਂ ਭਵਿੱਖਬਾਣੀ ਕਰਦੀ ਹੈ। ਮਾਰਨਿੰਗਸਟਾਰ ਦੇ ਇੱਕ ਵਿਸ਼ਲੇਸ਼ਕ ਦੇ ਅਨੁਸਾਰ, ਆਉਣ ਵਾਲੇ ਸਮੇਂ ਵਿੱਚ ਸੋਨੇ ਦੀਆਂ ਕੀਮਤਾਂ ਵਿੱਚ 38 ਫੀਸਦੀ ਤੱਕ ਦੀ ਗਿਰਾਵਟ ਆ ਸਕਦੀ ਹੈ।
ਸੋਨੇ ਦੀ ਮੌਜੂਦਾ ਕੀਮਤ ਅਤੇ ਸੰਭਾਵਿਤ ਗਿਰਾਵਟ
ਇਸ ਸਮੇਂ ਭਾਰਤੀ ਬਾਜ਼ਾਰ 'ਚ 10 ਗ੍ਰਾਮ 24 ਕੈਰੇਟ ਸੋਨੇ ਦੀ ਕੀਮਤ ਲਗਭਗ 90,000 ਰੁਪਏ ਹੈ, ਜਦੋਂਕਿ ਗਲੋਬਲ ਬਾਜ਼ਾਰਾਂ 'ਚ ਇਹ 3,100 ਡਾਲਰ ਪ੍ਰਤੀ ਔਂਸ ਤੋਂ ਵੱਧ ਹੈ ਪਰ ਜੇਕਰ ਅਨੁਮਾਨ ਸਹੀ ਸਾਬਿਤ ਹੁੰਦਾ ਹੈ ਤਾਂ 10 ਗ੍ਰਾਮ ਸੋਨੇ ਦੀ ਕੀਮਤ ਭਾਰਤੀ ਬਾਜ਼ਾਰ 'ਚ ਘੱਟ ਕੇ 55,000 ਰੁਪਏ ਤਕ ਆ ਸਕਦੀ ਹੈ। ਮਾਰਨਿੰਗਸਟਾਰ ਦੇ ਰਣਨੀਤੀਕਾਰ ਜੌਨ ਮਿਲਸ ਮੁਤਾਬਕ, ਸੋਨੇ ਦੀ ਕੀਮਤ ਮੌਜੂਦਾ 3,080 ਡਾਲਰ ਪ੍ਰਤੀ ਔਂਸ ਤੋਂ ਡਿੱਗ ਕੇ 1,820 ਪ੍ਰਤੀ ਔਂਸ ਹੋ ਸਕਦੀ ਹੈ। ਇਹ ਸੋਨੇ ਸੋਨੇ ਦੀ ਕੀਮਤ 'ਚ ਇਕ ਵੱਡੀ ਗਿਰਾਵਟ ਹੋਵੇਗੀ ਅਤੇ ਨਿਵੇਸ਼ਕਾਂ ਲਈ ਨਵੇਂ ਮੌਕੇ ਵੀ ਵਲਿਆ ਸਕਦੀ ਹੈ।
ਕਿਉਂ ਡਿੱਗੇਗੀ ਸੋਨੇ ਦੀ ਕੀਮਤ?
1. ਸੋਨੇ ਦੀ ਵਧਦੀ ਸਪਲਾਈ
ਸੋਨੇ ਦਾ ਉਤਪਾਦਨ ਪਹਿਲਾਂ ਦੇ ਮੁਕਾਬਲੇ ਕਾਫ਼ੀ ਵਧਿਆ ਹੈ। 2024 ਦੀ ਦੂਜੀ ਤਿਮਾਹੀ ਵਿੱਚ, ਮਾਈਨਿੰਗ ਮੁਨਾਫਾ 950 ਡਾਲਰਕ ਪ੍ਰਤੀ ਔਂਸ ਤੱਕ ਪਹੁੰਚ ਗਿਆ ਸੀ। ਇਸ ਤੋਂ ਇਲਾਵਾ ਗਲੋਬਲ ਪੱਧਰ 'ਤੇ ਸੋਨੇ ਦਾ ਭੰਡਾਰ 9 ਫੀਸਦੀ ਵਧ ਕੇ 2,16,265 ਟਨ ਹੋ ਚੁੱਕਾ ਹੈ।
2. ਸੋਨੇ ਦੀ ਮੰਗ 'ਚ ਘਾਟ
- ਪਿਛਲੇ ਸਾਲ 1,045 ਟਨ ਸੋਨਾ ਖਰੀਦਣ ਵਾਲੇ ਕੇਂਦਰੀ ਬੈਂਕਾਂ ਦੀ ਮੰਗ ਇਸ ਸਾਲ ਘੱਟ ਹੋ ਸਕਦੀ ਹੈ।
- ਸੋਨੇ-ਸਮਰਥਿਤ ਈਟੀਐੱਫ (ETF) ਵਿੱਚ ਤੇਜ਼ੀ ਦੇ ਪੈਟਰਨ ਵੀ ਸੰਕੇਤ ਦਿੰਦੇ ਹਨ ਕਿ ਬਾਜ਼ਾਰ ਹੁਣ ਸਥਿਰ ਹੋ ਸਕਦਾ ਹੈ।
ਨਿਵੇਸ਼ਕਾਂ ਲਈ ਕੀ ਹੈ ਸਹੀ ਸਮਾਂ?
ਜੇਕਰ ਸੋਨੇ ਦੀ ਕੀਮਤ 'ਚ ਗਿਰਾਵਟ ਜਾਰੀ ਰਹਿੰਦੀ ਹੈ ਤਾਂ ਇਹ ਨਵੇਂ ਨਿਵੇਸ਼ਕਾਂ ਲਈ ਇਕ ਚੰਗਾ ਮੌਕਾ ਹੋ ਸਕਦਾ ਹੈ। ਜਿਨ੍ਹਾਂ ਲੋਕਾਂ ਨੇ ਜ਼ਿਆਦਾ ਕੀਮਤ 'ਤੇ ਸੋਨਾ ਖਰੀਦਿਆ ਹੈ, ਉਨ੍ਹਾਂ ਨੂੰ ਫਿਲਹਾਲ ਇੰਤਜ਼ਾਰ ਕਰਨਾ ਚਾਹੀਦਾ ਹੈ ਪਰ ਜਿਨ੍ਹਾਂ ਲੋਕਾਂ ਨੇ ਅਜੇ ਤਕ ਸੋਨੇ 'ਚ ਨਿਵੇਸ਼ ਨਹੀਂ ਕੀਤਾ, ਉਨ੍ਹਾਂ ਲਈ ਘੱਟ ਕੀਮਤ 'ਚ ਖਰੀਦਦਾਰੀ ਕਰਨਾ ਫਾਇਦੇਮੰਦ ਹੋ ਸਕਦਾ ਹੈ।
ਚੀਨ ਦਾ ਪਲਟਵਾਰ, ਅਮਰੀਕੀ ਸਾਮਾਨਾਂ 'ਤੇ ਲਗਾਏਗਾ 34 ਪ੍ਰਤੀਸ਼ਤ ਡਿਊਟੀ
NEXT STORY 
