ਨਵੀਂ ਦਿੱਲੀ— ਸੁਸਤ ਮੰਗ ਨਾਲ ਜੂਝ ਰਹੀ ਕਾਰ ਇੰਡਸਟਰੀ ਨੇ ਗਾਹਕਾਂ ਨੂੰ ਲੁਭਾਉਣ ਲਈ ਭਾਰੀ ਡਿਸਕਾਊਂਟ ਸ਼ੁਰੂ ਕਰ ਦਿੱਤਾ ਹੈ। ਨਵੀਂ ਕਾਰ ਖਰੀਦਣ ਦਾ ਮਨ ਹੈ ਤਾਂ ਤੁਹਾਡੇ ਲਈ ਇਹ ਸ਼ਾਨਦਾਰ ਮੌਕਾ ਹੈ। ਡਿਜ਼ਾਇਰ, ਸਵਿੱਫਟ, ਸਿਆਜ਼, ਆਈ-10, ਅਮੇਜ਼ ਤਕ 'ਤੇ ਭਾਰੀ ਛੋਟ ਮਿਲ ਰਹੀ ਹੈ।
ਇੰਡਸਟਰੀ ਨੇ ਸਰਕਾਰ ਕੋਲੋਂ ਜੀ. ਐੱਸ. ਟੀ. ਦਰਾਂ 'ਚ ਕਟੌਤੀ ਦੀ ਮੰਗ ਕੀਤੀ ਹੈ। ਜੀ. ਐੱਸ. ਟੀ. ਦਰਾਂ 'ਚ ਕਟੌਤੀ ਹੁੰਦੀ ਹੈ ਤਾਂ ਕਾਰਾਂ ਦੀ ਕੀਮਤ ਘੱਟ ਹੋਵੇਗੀ ਪਰ ਹੁਣ ਮਿਲ ਰਹੇ ਡਿਸਕਾਊਂਟ ਨਾਲੋਂ ਵੱਧ ਫਾਇਦਾ ਨਹੀਂ ਮਿਲਣ ਵਾਲਾ। ਪਿਛਲੇ ਮਹੀਨਿਆਂ ਤੋਂ ਵਿਕਰੀ 'ਚ ਲਗਾਤਾਰ ਗਿਰਾਵਟ ਤੇ ਡੀਲਰਾਂ ਕੋਲ ਭਾਰੀ ਸਟਾਕ ਮੌਜੂਦ ਹੋਣ ਕਾਰਨ ਕੰਪਨੀਆਂ ਵੱਲੋਂ ਭਾਰੀ ਡਿਸਕਾਊਂਟ ਦਿੱਤਾ ਜਾ ਰਿਹਾ ਹੈ। ਉੱਥੇ ਹੀ, ਬੀ. ਐੱਸ.-6 ਨਿਯਮ ਲਾਗੂ ਹੋਣ 'ਚ ਵੀ ਤਕਰੀਬਨ 6 ਮਹੀਨੇ ਰਹਿ ਗਏ ਹਨ। 31 ਮਾਰਚ 2020 ਤੋਂ ਬਾਅਦ ਵਾਹਨ ਨਿਰਮਾਤਾ ਮੌਜੂਦਾ ਬੀ. ਐੱਸ.-4 ਵਾਹਨਾਂ ਨੂੰ ਨਹੀਂ ਵੇਚ ਸਕਣਗੇ, ਜਿਸ ਦਾ ਮਤਲਬ ਹੈ ਕਿ ਸਟਾਕ ਨੂੰ ਸਕ੍ਰੈਪ 'ਚ ਜਾਣ ਤੋਂ ਬਚਾਉਣ ਲਈ ਕੰਪਨੀਆਂ ਨੂੰ ਹਰ ਹਾਲ 'ਚ ਇਨ੍ਹਾਂ ਦੀ ਪਹਿਲਾਂ ਵਿਕਰੀ ਕਰਨੀ ਹੋਵੇਗੀ।
ਕਿੰਨਾ ਮਿਲ ਰਿਹਾ ਹੈ ਡਿਸਕਾਊਂਟ-
ਮਾਰੂਤੀ ਸੁਜ਼ੂਕੀ, ਹੁੰਡਈ ਅਤੇ ਹੌਂਡਾ ਕਾਰਾਂ 'ਤੇ ਭਾਰੀ ਡਿਸਕਾਊਂਟ ਦਿੱਤਾ ਜਾ ਰਿਹਾ ਹੈ। ਮਾਰੂਤੀ ਸੁਜ਼ੂਕੀ ਕੰਪਨੀ ਵੱਲੋਂ ਪਾਪੁਲਰ ਮਾਡਲ ਡਿਜ਼ਾਇਰ 'ਤੇ 50,000 ਰੁਪਏ ਤਕ ਦੀ ਨਕਦ ਛੋਟ ਦਿੱਤੀ ਜਾ ਰਹੀ ਹੈ। ਇਸ ਦੇ ਇਲਾਵਾ ਐਕਸਚੇਂਜ ਬੋਨਸ, ਮੁਫਤ ਬੀਮਾ ਅਤੇ ਹੋਰ ਲਾਭ ਜੋੜ ਕੇ ਤਕਰੀਬਨ 70,000 ਰੁਪਏ ਤੱਕ ਦਾ ਫਾਇਦਾ ਮਿਲ ਰਿਹਾ ਹੈ। ਡੀਜ਼ਲ ਮਾਡਲ 'ਤੇ 20 ਹਜ਼ਾਰ ਰੁਪਏ ਵੱਧ ਛੋਟ ਮਿਲ ਰਹੀ ਹੈ। ਸਵਿੱਫਟ 'ਤੇ 48,000 ਰੁਪਏ ਦੀ ਛੋਟ ਮਿਲ ਰਹੀ ਹੈ। ਬਲੇਨੋ, ਸਿਆਜ਼ ਤੇ ਵਿਟਾਰਾ ਬ੍ਰੇਜ਼ਾ 'ਤੇ ਵੀ 40-60 ਹਜ਼ਾਰ ਰੁਪਏ ਵਿਚਕਾਰ ਦਾ ਡਿਸਕਾਊਂਟ ਹੈ।
ਉੱਥੇ ਹੀ ਹੁੰਡਈ ਆਈ-10 'ਤੇ 35,000 ਰੁਪਏ ਦੇ ਲਾਭ ਦੇ ਇਲਾਵਾ ਲਗਭਗ 60,000 ਰੁਪਏ ਤਕ ਦਾ ਡਿਸਕਾਊਂਟ ਦਿੱਤਾ ਜਾ ਰਿਹਾ ਹੈ। ਡੀਲਰਾਂ ਵੱਲੋਂ ਹੌਂਡਾ ਅਮੇਜ਼ ਤੇ ਹੌਂਡਾ ਸਿਟੀ 'ਤੇ 40,000 ਰੁਪਏ ਤਕ ਦਾ ਡਿਸਕਾਊਂਟ ਉਪਲੱਬਧ ਹੈ। ਇੰਡਸਟਰੀ ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਕਾਰ ਨਿਰਮਾਤਾਵਾਂ ਨੇ ਪ੍ਰਾਡਕਸ਼ਨ ਦੀ ਯੋਜਨਾ 'ਚ ਬਦਲਾਵ ਕੀਤਾ ਹੈ, ਇਸ ਲਈ ਇਸ ਤੋਂ ਵੱਧ ਡਿਸਕਾਊਂਟ ਮਿਲਣ ਦੀ ਫਿਰ ਸੰਭਾਵਨਾ ਨਹੀਂ ਹੈ। ਜ਼ਿਕਰਯੋਗ ਹੈ ਕਿ ਕਾਰਾਂ ਦੀ ਵਿਕਰੀ ਜੁਲਾਈ 2018 ਤੋਂ ਸੁਸਤ ਹੈ, ਇਸ ਸਾਲ ਜੁਲਾਈ ਦੀ ਵਿਕਰੀ ਸਾਲ-ਦਰ-ਸਾਲ ਆਧਾਰ 'ਤੇ 31 ਫੀਸਦੀ ਘੱਟ ਰਹੀ ਸੀ।
ਚੀਨ ਦੀ ਚਾਲਬਾਜ਼ੀ ਤੋਂ ਨਾਰਾਜ਼ ਵਪਾਰੀ , 29 ਨੂੰ ਦਿੱਲੀ ’ਚ ਤੈਅ ਕਰਨਗੇ ਰਣਨੀਤੀ
NEXT STORY 
