ਨਵੀਂ ਦਿੱਲੀ - Honda Cars ਅਗਲੇ ਤਿੰਨ ਸਾਲਾਂ ਦੇ ਅੰਦਰ ਭਾਰਤ ਵਿੱਚ ਆਪਣਾ ਪਹਿਲਾ ਇਲੈਕਟ੍ਰਿਕ ਵਹੀਕਲ (EV) ਪੇਸ਼ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਸੂਤਰਾਂ ਅਨੁਸਾਰ ਕੰਪਨੀ ਦੇ ਪ੍ਰੈਜ਼ੀਡੈਂਟ ਅਤੇ ਸੀਈਓ ਵਲੋਂ ਇਹ ਜਾਣਕਾਰੀ ਦਿੱਤੀ ਗਈ ਹੈ। ਜਾਪਾਨੀ ਕਾਰ ਨਿਰਮਾਤਾ 2030 ਤੱਕ ਭਾਰਤ ਵਿੱਚ ਕੁੱਲ ਪੰਜ ਪ੍ਰੀਮੀਅਮ SUV ਪੇਸ਼ ਕਰਨ ਜਾ ਰਹੀ ਹੈ। ਤੇਲ-ਗੈਸ ਇੰਜਣ 'ਤੇ ਚੱਲਣ ਵਾਲੀ ਇਨ੍ਹਾਂ ਪੰਜ SUVs 'ਚੋਂ ਪਹਿਲੀ 'ਐਲੀਵੇਟ' ਨੂੰ ਕੰਪਨੀ ਨੇ ਪੇਸ਼ ਕਰ ਦਿੱਤਾ ਹੈ।
ਦੱਸ ਦੇਈਏ ਕਿ ਕੰਪਨੀ ਵਲੋਂ ਅਜੇ ਤੱਕ ਇਹ ਖੁਲਾਸਾ ਨਹੀਂ ਕੀਤਾ ਗਿਆ ਕਿ ਬਾਕੀ ਤਿੰਨ ਐਸਯੂਵੀ ਗੈਸ-ਤੇਲ ਇੰਜਣਾਂ 'ਤੇ ਅਧਾਰਤ ਹੋਣਗੀਆਂ ਜਾਂ ਇਲੈਕਟ੍ਰਿਕ ਹੋਣਗੀਆਂ। ਸਾਲ 2022-23 'ਚ ਹੌਂਡਾ ਕਾਰਾਂ ਦੀ ਸਾਲਾਨਾ ਘਰੇਲੂ ਵਿਕਰੀ ਲਗਭਗ ਸੱਤ ਫ਼ੀਸਦੀ ਵਧ ਕੇ 91,418 ਹੋ ਗਈ ਹੈ। ਇਕ ਉਦਯੋਗਿਕ ਸੰਸਥਾ ਦੇ ਅੰਕੜਿਆਂ ਅਨੁਸਾਰ 2022-23 ਵਿੱਚ ਭਾਰਤੀ ਕਾਰ ਉਦਯੋਗ ਦੀ 26.7 ਫ਼ੀਸਦੀ ਦੀ ਵਿਕਾਸ ਦਰ ਨਾਲੋਂ ਬਹੁਤ ਘੱਟ ਸੀ।
ਹੌਂਡਾ ਕਾਰਸ ਭਾਰਤ ਵਿੱਚ ਅਮੇਜ਼ ਅਤੇ ਸਿਟੀ ਨਾਮਕ ਦੋ ਕਾਰਾਂ ਵੇਚਦੀ ਹੈ। ਇਸ ਤੋਂ ਇਲਾਵਾ ਕੰਪਨੀ ਭਾਰਤ ਵਿੱਚ WRV ਨਾਮਕ ਇੱਕ SUV ਮਾਡਲ ਵੀ ਵੇਚ ਰਹੀ ਸੀ, ਜਿਸ ਨੂੰ ਸਾਲ 2022-23 ਵਿੱਚ ਬੰਦ ਕਰ ਦਿੱਤਾ ਗਿਆ ਸੀ। ਕੰਪਨੀ 2023-24 ਦੀ ਦੂਜੀ ਛਿਮਾਹੀ (ਅਕਤੂਬਰ-ਮਾਰਚ ਦੀ ਮਿਆਦ) ਦੌਰਾਨ ਵਾਹਨਾਂ ਦੀ ਵਿਕਰੀ ਵਿੱਚ ਲਗਭਗ 35 ਪ੍ਰਤੀਸ਼ਤ ਵਾਧੇ ਦੀ ਉਮੀਦ ਕਰ ਰਹੀ ਹੈ। ਭਾਰਤ ਦੇ ਕੁੱਲ ਕਾਰ ਬਾਜ਼ਾਰ ਦਾ ਲਗਭਗ 1.3 ਫ਼ੀਸਦੀ ਹਿੱਸਾ ਇਲੈਕਟ੍ਰਿਕ ਕਾਰਾਂ ਦਾ ਹੈ। ਵਰਤਮਾਨ ਵਿੱਚ, ਭਾਰਤ ਸਰਕਾਰ ਹਾਈਬ੍ਰਿਡ ਕਾਰਾਂ 'ਤੇ 43 ਫ਼ੀਸਦੀ ਅਤੇ ਪੈਟਰੋਲ ਵਾਲੀਆਂ ਕਾਰਾਂ 'ਤੇ 45 ਫ਼ੀਸਦੀ ਜੀਐੱਸਟੀ ਦੇ ਮੁਕਾਬਲੇ ਈਵੀਜ਼ 'ਤੇ ਸਿਰਫ਼ ਪੰਜ ਫ਼ੀਸਦੀ ਜੀਐੱਸਟੀ ਵਸੂਲ ਰਹੀ ਹੈ।
US ਨੇ ਮਾਈਕ੍ਰੋਸਾਫਟ ਨੂੰ ਠੋਕਿਆ 20 ਮਿਲੀਅਨ ਡਾਲਰ ਦਾ ਜੁਰਮਾਨਾ, ਲਾਏ ਗੰਭੀਰ ਇਲਜ਼ਾਮ
NEXT STORY 
