ਨਵੀਂ ਦਿੱਲੀ (ਇੰਟ.) – ਕੋਰੋਨਾ ਦਾ ਨਵਾਂ ਵੇਰੀਐਂਟ ਓਮੀਕ੍ਰੋਨ ਦੇਸ਼ ’ਚ ਤੇਜ਼ੀ ਨਾਲ ਫੈਲ ਰਿਹਾ ਹੈ ਪਰ ਇਸ ਮਹਾਮਾਰੀ ਖਿਲਾਫ ਜੰਗ ’ਚ ਇਕ ਵੱਡੀ ਮੁਸ਼ਕਲ ਖੜੀ ਹੋ ਗਈ ਹੈ। ਸਰਿੰਜ ਬਣਾਉਣ ਵਾਲੀ ਦੇਸ਼ ਦੀ ਸਭ ਤੋਂ ਵੱਡੀ ਕੰਪਨੀ ਹਿੰਦੁਸਤਾਨ ਸਰਿੰਜੇਜ਼ ਅਤੇ ਮੈਡੀਕਲ ਡਿਵਾਈਸੇਜ਼ (ਐੱਚ. ਐੱਮ. ਡੀ.) ਨੇ ਆਪਣੇ ਪਲਾਂਟ ਬੰਦ ਕਰ ਦਿੱਤੇ ਹਨ। ਕੰਪਨੀ ਨੇ ਹਰਿਆਣਾ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੇ ਨਿਰਦੇਸ਼ ’ਤੇ ਅਜਿਹਾ ਕੀਤਾ ਹੈ। ਇਸ ਨਾਲ ਦੇਸ਼ ’ਚ ਸਰਿੰਜ ਅਤੇ ਸੂਈ ਦੀ ਭਾਰੀ ਕਮੀ ਹੋ ਸਕਦੀ ਹੈ। ਦੇਸ਼ ’ਚ ਕੋਰੋੋਨਾ ਤੋਂ ਬਚਾਅ ਲਈ ਲੋਕਾਂ ਨੂੰ ਵੈਕਸੀਨ ਲਗਾਈ ਜਾ ਰਹੀ ਹੈ। ਦੇਸ਼ ’ਚ ਸਰਿੰਜ ਦੀ ਕੁੱਲ ਮੰਗ ਦਾ ਦੋ-ਤਿਹਾਈ ਹਿੱਸਾ ਐੱਚ. ਐੱਮ. ਡੀ. ਬਣਾਉਂਦੀ ਹੈ। ਅਜਿਹੇ ’ਚ ਕੰਪਨੀ ਦੇ ਪਲਾਂਟਸ ਬੰਦ ਹੋਣ ਨਾਲ ਦੇਸ਼ ’ਚ ਸਰਿੰਜ ਦੀ ਭਾਰੀ ਕਮੀ ਹੋ ਸਕਦੀ ਹੈ ਜੋ ਕੋਰੋਨਾ ਨਾਲ ਜੰਗ ਲੜਨ ’ਚ ਰੁਕਾਵਟ ਪਾਏਗੀ। ਦਿੱਲੀ ਦੇ ਨਾਲ ਲਗਦੇ ਫਰੀਦਾਬਾਦ ’ਚ ਕੰਪਨੀ ਦਾ 11 ਏਕੜ ਦਾ ਕੰਪਲੈਕਸ ਹੈ, ਜਿਸ ’ਚ 4 ਮੈਨੂਫੈਕਚਿੰਗ ਯੂਨਿਟਸ ਹਨ। ਇਨ੍ਹਾਂ ’ਚੋਂ ਕੰਪਨੀ ਨੇ 3 ਯੂਨਿਟ ਬੰਦ ਕਰ ਦਿੱਤੇ ਹਨ। ਇਨ੍ਹਾਂ ’ਚ ਕੰਪਨੀ ਦਾ ਮੁੱਖ ਪਲਾਂਟ ਵੀ ਸ਼ਾਮਲ ਹੈ।
ਇਹ ਵੀ ਪੜ੍ਹੋ : ਵਿਦੇਸ਼ਾਂ ਤੋਂ ਕਰੋੜਾਂ ਦੇ ਲੈਣ-ਦੇਣ ਨੂੰ ਲੈ ਕੇ RBI ਸਖ਼ਤ, ਬਣਾਇਆ ਇਹ ਨਿਯਮ
ਕਿਉਂ ਬੰਦ ਕੀਤੇ ਪਲਾਂਟ
ਕੰਪਨੀ ਦੇ ਮੈਨੇਜਿੰਗ ਡਾਇਰੈਕਟਰ ਰਾਜੀਵ ਨਾਥ ਨੇ ਕਿਹਾ ਕਿ ਸ਼ੁੱਕਰਵਾਰ ਨੂੰ ਦੁਪਹਿਰ ਬਾਅਦ ਅਸੀਂ ਆਪਣੇ ਕੰਪਲੈਕਸ ’ਚ ਪ੍ਰੋਡਕਸ਼ਨ ਬੰਦ ਕਰਨ ਦਾ ਫੈਸਲਾ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਕੰਪਨੀ ਕੋਲ ਦੋ ਦਿਨ ਤੋਂ ਵੱਧ ਦਾ ਬਫਰ ਸਟਾਕ ਨਹੀਂ ਹੈ। ਅਸੀਂ ਰੋਜ਼ 1.2 ਕਰੋੜ ਸਜਿੰਦ ਦਾ ਪ੍ਰੋਡਕਸ਼ਨ ਕਰਦੇ ਹਾਂ ਪਰ ਸੋਮਵਾਰ ਤੋਂ ਇਹ ਮੁਹੱਈਆ ਨਹੀਂ ਹੋਵੇਗਾ। ਹਾਲੇ ਇਕ ਪਲਾਂਟ ’ਚ 40 ਲੱਖ ਸਰਿੰਜ ਦੀ ਪ੍ਰੋਡਕਸ਼ਨ ਹੋ ਰਹੀ ਹੈ ਪਰ ਸੋਮਵਾਰ ਨੂੰ ਉਸ ਨੂੰ ਵੀ ਬੰਦ ਕਰਨ ਦੀ ਯੋਜਨਾ ਹੈ।
ਉਨ੍ਹਾਂ ਨੇ ਕਿਹਾ ਕਿ ਦੇਸ਼ ਅਤੇ ਦੁਨੀਆ ’ਚ ਪਹਿਲਾਂ ਹੀ ਸਰਿੰਜ ਦੀ ਸ਼ਾਰਟ ਸਪਲਾਈ ਹੈ। ਹੁਣ ਇਹ ਸੰਕਟ ਹੋਰ ਡੂੰਘਾ ਹੋ ਗਿਆ ਹੈ ਕਿਉਂਕਿ ਸਾਨੂੰ ਵਾਲੰਟਰੀ ਬੇਸਿਸ ’ਤੇ ਆਪਣੀ ਯੂਨਿਟਸ ਬੰਦ ਕਰਨ ਨੂੰ ਕਿਹਾ ਗਿਆ ਹੈ। ਇਸ ਨਾਲ ਰੋਜ਼ 15 ਕਰੋੜ ਸੂਈਆਂ ਅਤੇ 80 ਲੱਖ ਸਰਿੰਜਾਂ ਦਾ ਉਤਪਾਦਨ ਪ੍ਰਭਾਵਿਤ ਹੋਵੇਗਾ। ਹਰਿਆਣਾ ਪ੍ਰਦੂਸ਼ਣ ਕੰਟਰੋਲ ਬੋਰਡ ਨੇ ਫਰੀਦਾਬਾਦ ’ਚ 228 ਯੂਨਿਟਸ ਨੂੰ ਬੰਦ ਕਰਨ ਦਾ ਫੈਸਲਾ ਦਿੱਤਾ ਹੈ।
ਇਹ ਵੀ ਪੜ੍ਹੋ : 'ਬੇਟੀ ਬਚਾਓ, ਬੇਟੀ ਪੜ੍ਹਾਓ' ਮੁਹਿੰਮ ਲਈ ਮਨਜ਼ੂਰ ਹੋਏ 848 ਕਰੋੜ, ਸਿਰਫ਼ ਇਸ਼ਤਿਹਾਰਾਂ 'ਤੇ ਹੀ ਖ਼ਰਚ ਦਿੱਤਾ 80 ਫ਼ੀਸਦੀ
ਪ੍ਰਧਾਨ ਮੰਤਰੀ ਨੂੰ ਲਿਖੀ ਚਿੱਠੀ
ਨਾਥ ਨੇ ਕਿਹਾ ਕਿ ਪ੍ਰਦੂਸ਼ਣ ਬੋਰਡ ਨੂੰ ਲਗਦਾ ਹੈ ਕਿ ਪਲਾਂਟਸ ਡੀਜ਼ਲ ਜਨਰੇਟਰ ’ਤੇ ਚਲਾਏ ਜਾ ਰਹੇ ਹਨ। ਅਸੀਂ ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਕਿ ਅਸੀਂ ਅਜਿਹਾ ਨਹੀਂ ਕਰ ਰਹੇ ਹਾਂ ਪਰ ਉਹ ਨਹੀਂ ਮੰਨੇ। ਕੰਪਨੀ ਨੂੰ ਖੁਦ ਹੀ ਉਤਪਾਦਨ ਬੰਦ ਕਰਨ ਨੂੰ ਕਿਹਾ ਗਿਆ। ਨਾਲ ਹੀ ਚਿਤਾਵਨੀ ਦਿੱਤੀ ਗਈ ਕਿ ਜੇ ਅਜਿਹਾ ਨਹੀਂ ਕੀਤਾ ਗਿਆ ਤਾਂ ਕਾਰਵਾਈ ਹੋਵੇਗੀ ਅਤੇ ਪਲਾਂਟ ਨੂੰ ਸੀਲ ਕਰ ਦਿੱਤਾ ਜਾਵੇਗਾ।
ਐੱਚ. ਐੱਮ. ਡੀ. ਨੇ ਇਸ ਬਾਰੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਵੀ ਚਿੱਠੀ ਲਿਖੀ ਹੈ। ਇਸ ’ਚ ਉਨ੍ਹਾਂ ਨੂੰ ਬੇਨਤੀ ਕੀਤੀ ਗਈ ਹੈ ਕਿ ਸਰਿੰਜ ਨੂੰ ਨੈਸ਼ਨਲ ਡਿਜਾਸਟਰ ਮੈਨੇਜਮੈਂਟ ਐਕਟ ਦੇ ਤਹਿਤ ਕ੍ਰਿਟੀਕਲ ਮੈਡੀਕਲ ਡਿਵਾਈਸ ਐਲਾਨ ਕੀਤਾ ਜਾਵੇ। ਕੰਪਨੀ ਨੇ ਨਾਲ ਹੀ ਸਿਹਤ ਮੰਤਰਾਲਾ ਨੂੰ ਚਿੱਠੀ ਲਿਖ ਕੇ ਮੰਗ ਕੀਤੀ ਹੈ ਕਿ ਉਸ ਨੂੰ ਹਸਪਤਾਲਾਂ ਅਤੇ ਹੈਲਥਕੇਅਪ ਸਰਵਿਸ ਪ੍ਰੋਡਵਾਈਡਰਸ ਵਾਂਗ ਵਿਸ਼ੇਸ਼ ਛੋਟ ਦਿੱਤੀ ਜਾਵੇ।
ਇਹ ਵੀ ਪੜ੍ਹੋ : ‘ਜੈੱਫ ਬੇਜ਼ੋਸ ਦੀਆਂ ਵਧੀਆਂ ਮੁਸ਼ਕਲਾਂ, ਅਮਰੀਕਾ ’ਚ ਲੱਗਾ ਗਾਹਕਾਂ ਨੂੰ ਗੁੰਮਰਾਹ ਕਰਨ ਦਾ ਦੋਸ਼’
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
7 ਦਿਨਾਂ ’ਚ 10 ਫੀਸਦੀ ਡਿੱਗੀ ਬਿਟਕੁਆਈਨ ਦੀ ਕੀਮਤ
NEXT STORY 
