ਬਿਜ਼ਨੈੱਸ ਡੈਸਕ : ਟੈਸਲਾ ਦੀਆਂ ਕਾਰਾਂ ਅਗਲੇ ਮਹੀਨੇ ਤੋਂ ਭਾਰਤੀ ਬਾਜ਼ਾਰ 'ਚ ਉਪਲੱਬਧ ਹੋਣੀਆਂ ਸ਼ੁਰੂ ਹੋ ਸਕਦੀਆਂ ਹਨ। ਫਿਲਹਾਲ ਕੰਪਨੀ ਭਾਰਤ 'ਚ ਕਾਰਾਂ ਨੂੰ ਇੰਪੋਰਟ ਕਰਕੇ ਹੀ ਵੇਚੇਗੀ, ਪਰ ਜਲਦ ਹੀ ਭਾਰਤ 'ਚ ਉਸ ਨੂੰ ਆਪਣੀਆਂ ਕਾਰਾਂ ਬਣਾਉਣੀਆਂ ਪੈਣਗੀਆਂ। ਜੇਕਰ ਕੰਪਨੀ ਅਜਿਹਾ ਨਹੀਂ ਕਰਦੀ ਹੈ ਤਾਂ ਉਹ ਆਪਣੀਆਂ ਕਾਰਾਂ ਸਸਤੀਆਂ ਦਰਾਮਦ ਨਹੀਂ ਕਰ ਸਕੇਗੀ। ਅਜਿਹੇ 'ਚ ਜੇਕਰ ਟੈਸਲਾ ਭਾਰਤ 'ਚ ਆਪਣੀ ਫੈਕਟਰੀ ਲਗਾ ਕੇ ਆਪਣੀ ਕਾਰ ਬਣਾਉਂਦੀ ਹੈ ਤਾਂ ਇਹ ਕਿੰਨੀ ਸਸਤੀ ਹੋਵੇਗੀ?
ਭਾਰਤ ਵਿੱਚ ਜਿੰਨੀਆਂ ਵੀ ਆਟੋਮੋਬਾਈਲ ਕੰਪਨੀਆਂ ਹਨ? ਉਹ ਆਪਣੀ ਫੈਕਟਰੀ ਵਿੱਚ ਹਰ ਸਾਲ ਕੁੱਲ 62 ਲੱਖ ਕਾਰਾਂ ਦਾ ਉਤਪਾਦਨ ਕਰ ਸਕਦੀਆਂ ਹਨ, ਪਰ ਵਰਤਮਾਨ ਵਿੱਚ ਇਸ ਵਿੱਚੋਂ ਸਿਰਫ 75% ਦਾ ਉਤਪਾਦਨ ਹੁੰਦਾ ਹੈ। ਅਜਿਹੀ ਸਥਿਤੀ ਵਿੱਚ ਐਲੋਨ ਮਸਕ ਦੀ ਟੈਸਲਾ ਸ਼ੁਰੂਆਤ ਵਿੱਚ ਸਿਰਫ ਬਾਕੀ ਬਚੀ 25% ਸਮਰੱਥਾ ਦੀ ਵਰਤੋਂ ਕਰਨ ਲਈ ਕੰਟਰੈਕਟ ਨਿਰਮਾਣ ਦੇ ਬਦਲ ਦੀ ਖੋਜ ਕਰ ਰਹੀ ਹੈ। ਪਰ ਜੇਕਰ ਸਹੀ ਅਰਥਾਂ 'ਚ ਦੇਖਿਆ ਜਾਵੇ ਤਾਂ ਟੈਸਲਾ ਲਈ ਭਾਰਤ 'ਚ ਗੀਗਾ ਫੈਕਟਰੀ ਸਥਾਪਤ ਕਰਨਾ ਫਾਇਦੇਮੰਦ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ : ਦੇਸ਼ 'ਚ ਬਣੇਗਾ Dubai ਵਰਗਾ 'Bharat Bazaar', ਸਰਕਾਰ ਨੇ ਤਿਆਰ ਕੀਤਾ ਮਾਸਟਰ ਪਲਾਨ
ਭਾਰਤ 'ਚ ਕਿੰਨੀ ਸਸਤੀ ਪਵੇਗੀ ਟੈਸਲਾ?
ਟੈਸਲਾ ਦੀਆਂ ਇਸ ਸਮੇਂ ਦੁਨੀਆ ਵਿੱਚ 5 ਗੀਗਾ ਫੈਕਟਰੀਆਂ ਹਨ। ਇਨ੍ਹਾਂ ਵਿੱਚੋਂ 3 ਅਮਰੀਕਾ, ਇੱਕ ਜਰਮਨੀ ਅਤੇ ਇੱਕ ਚੀਨ ਵਿੱਚ ਹੈ। ਕੰਪਨੀ ਮੈਕਸੀਕੋ ਵਿੱਚ ਇੱਕ ਗੀਗਾ ਫੈਕਟਰੀ ਸਥਾਪਤ ਕਰਨ ਦੀ ਵੀ ਯੋਜਨਾ ਬਣਾ ਰਹੀ ਹੈ। ET ਦੀ ਖ਼ਬਰ ਮੁਤਾਬਕ ਜੇਕਰ Tesla ਭਾਰਤ 'ਚ 5 ਲੱਖ ਯੂਨਿਟਸ ਦੇ ਸਾਲਾਨਾ ਉਤਪਾਦਨ ਦੇ ਨਾਲ ਗੀਗਾ ਫੈਕਟਰੀ ਸਥਾਪਿਤ ਕਰਦੀ ਹੈ ਤਾਂ ਇਹ ਅਮਰੀਕਾ ਅਤੇ ਜਰਮਨੀ ਦੇ ਮੁਕਾਬਲੇ ਬਹੁਤ ਸਸਤੀ ਹੋਵੇਗੀ। ਇਸ ਨਾਲ ਇਸਦੀ ਉਤਪਾਦਨ ਲਾਗਤ ਵੀ ਘਟੇਗੀ।
ਜੇਕਰ ਇਸ ਸਮਰੱਥਾ ਦੀ ਇੱਕ ਗੀਗਾ ਫੈਕਟਰੀ ਬਰਲਿਨ, ਜਰਮਨੀ ਵਿੱਚ ਸਥਾਪਿਤ ਕੀਤੀ ਜਾਂਦੀ ਹੈ, ਤਾਂ ਇਸਦੀ ਲਾਗਤ 5 ਬਿਲੀਅਨ ਡਾਲਰ ਤੱਕ ਹੋਵੇਗੀ। ਜਦੋਂ ਕਿ ਅਮਰੀਕਾ ਦੇ ਟੈਕਸਾਸ ਵਿੱਚ ਇਸਦੀ ਲਾਗਤ 7 ਬਿਲੀਅਨ ਡਾਲਰ ਤੱਕ ਪਹੁੰਚ ਜਾਵੇਗੀ। ਜਦੋਂਕਿ ਭਾਰਤ ਵਿੱਚ ਇਸਦੀ ਕੀਮਤ ਸਿਰਫ 2 ਤੋਂ 3 ਬਿਲੀਅਨ ਡਾਲਰ ਹੋਵੇਗੀ।
ਕੰਪਨੀ ਨਾ ਸਿਰਫ਼ ਫੈਕਟਰੀ ਲਾਗਤ ਵਿੱਚ ਸਗੋਂ ਮਜ਼ਦੂਰੀ ਦੀ ਲਾਗਤ ਵਿੱਚ ਵੀ ਬੱਚਤ ਕਰੇਗੀ। ਭਾਰਤ ਵਿੱਚ ਮਜ਼ਦੂਰੀ ਦੀ ਲਾਗਤ 2 ਤੋਂ 5 ਡਾਲਰ (ਵੱਧ ਤੋਂ ਵੱਧ 500 ਰੁਪਏ) ਪ੍ਰਤੀ ਘੰਟਾ ਹੋਵੇਗੀ, ਜਦੋਂਕਿ ਅਮਰੀਕਾ ਵਿੱਚ ਇਹ $36 ਪ੍ਰਤੀ ਘੰਟਾ ਅਤੇ ਜਰਮਨੀ ਵਿੱਚ $45 ਪ੍ਰਤੀ ਘੰਟਾ ਹੋ ਜਾਵੇਗਾ। ਦੂਜੇ ਪਾਸੇ ਜੇਕਰ ਕੰਪਨੀ ਭਾਰਤ 'ਚ ਹੀ ਕਾਰਾਂ ਬਣਾਉਂਦੀ ਹੈ ਤਾਂ ਉਸ ਨੂੰ ਸਪਲਾਈ ਚੇਨ ਦਾ ਫਾਇਦਾ ਮਿਲੇਗਾ, ਵੱਡੇ ਖਪਤਕਾਰ ਬਾਜ਼ਾਰ ਦਾ ਫਾਇਦਾ ਹੋਵੇਗਾ ਅਤੇ ਸਰਕਾਰ ਤੋਂ ਕੁਝ ਸਾਲਾਂ ਲਈ ਟੈਕਸ ਛੋਟ ਦਾ ਫਾਇਦਾ ਵੀ ਮਿਲੇਗਾ।
ਇਹ ਵੀ ਪੜ੍ਹੋ : ਸਟੀਲ ਉਦਯੋਗਪਤੀ ਲਕਸ਼ਮੀ ਮਿੱਤਲ ਨੇ ਬਣਾਇਆ UK ਛੱਡਣ ਦਾ ਇਰਾਦਾ, ਇਹ ਹੈ ਵਜ੍ਹਾ
ਕੰਟਰੈਕਟ ਮੈਨੂਫੈਕਚਰਿੰਗ ਦੇ ਨੁਕਸਾਨ
ਜੇਕਰ ਟੈਸਲਾ ਕੰਟਰੈਕਟ ਮੈਨੂਫੈਕਚਰਿੰਗ ਦਾ ਰਾਹ ਅਪਣਾਉਂਦੀ ਹੈ ਤਾਂ ਉਸ ਨੂੰ ਕਈ ਨੁਕਸਾਨ ਝੱਲਣੇ ਪੈ ਸਕਦੇ ਹਨ। ਇਸ ਕਾਰਨ ਉਸ ਦਾ ਸਪਲਾਈ ਚੇਨ 'ਤੇ ਕੰਟਰੋਲ ਨਹੀਂ ਰਹੇਗਾ ਅਤੇ ਇਸਦੀ ਡਿਲੀਵਰੀ ਟਾਈਮਲਾਈਨ ਪ੍ਰਭਾਵਿਤ ਹੋਵੇਗੀ। ਇੰਨਾ ਹੀ ਨਹੀਂ ਇਸ ਦੀ ਕੀਮਤ ਵੀ ਜ਼ਿਆਦਾ ਹੋਵੇਗੀ। ਜਦੋਂਕਿ ਜੇਕਰ ਇਹ ਭਵਿੱਖ ਵਿੱਚ ਕੋਈ ਫੈਕਟਰੀ ਲਗਾਉਂਦਾ ਹੈ ਤਾਂ ਇਸ ਦੀ ਸ਼ੁਰੂਆਤ ਜ਼ੀਰੋ ਤੋਂ ਕਰਨੀ ਪਵੇਗੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਆਦਮਪੁਰ ਤੋਂ ਮੁੰਬਈ ਲਈ ਸਿੱਧੀ ਉਡਾਣ 5 ਜੂਨ ਤੋਂ ਹੋਵੇਗੀ ਸ਼ੁਰੂ
NEXT STORY 
