ਨਵੀਂ ਦਿੱਲੀ—ਕੱਚੇ ਤੇਲ ਦੀਆਂ ਲਗਾਤਾਰ ਵਧਦੀਆਂ ਕੀਮਤਾਂ ਨੂੰ ਲੈ ਕੇ ਭਾਰਤ ਨੇ ਹੁਣ ਤੇਲ ਉਤਪਾਦਨ ਦੇਸ਼ਾਂ ਨੂੰ ਚਿਤਾਵਨੀ ਦਿੰਦੇ ਹੋਏ ਕਿਹਾ ਕਿ ਜਾਂ ਤਾਂ ਉਨ੍ਹਾਂ ਨੂੰ ਕੀਮਤ ਘਟਾਉਣੀ ਹੋਵੇਗੀ ਜਾਂ ਫਿਰ ਡਿਮਾਂਡ 'ਚ ਕਮੀ ਲਈ ਤਿਆਰ ਰਹਿਣਾ ਹੋਵੇਗਾ। ਦੁਨੀਆ 'ਚ ਸਭ ਤੋਂ ਜ਼ਿਆਦਾ ਕੱਚੇ ਤੇਲ ਦੀ ਮੰਗ ਵਾਲੇ ਦੇਸ਼ਾਂ 'ਚੋਂ ਇਕ ਭਾਰਤ ਨੇ ਓਪੇਕ ਦੇਸ਼ਾਂ ਨੂੰ ਕਿਹਾ ਕਿ ਉਨ੍ਹਾਂ ਨੂੰ ਕੀਮਤ ਘਟਾਉਣੀ ਸ਼ੁਰੂ ਕਰਨੀ ਹੋਵੇਗੀ ਜਾਂ ਫਿਰ ਖਰੀਦ 'ਚ ਕਮੀ ਲਈ ਤਿਆਰ ਰਹਿਣਾ ਹੋਵੇਗਾ।
ਰਿਪੋਰਟ ਮੁਤਾਬਕ ਭਾਰਤ ਵਲੋਂ ਚਿਤਾਵਨੀ ਦਾ ਸੰਕੇਤ ਦਿੰਦੇ ਹੋਏ ਇੰਡੀਅਨ ਆਇਲ ਕਾਰਪੋਰੇਸ਼ਨ ਦੇ ਚੇਅਰਮੈਨ ਸੰਜੀਵ ਸਿੰਘ ਨੇ ਕਿਹਾ ਕਿ ਜਿਸ ਤਰ੍ਹਾਂ ਨਾਲ ਬੀਤੇ ਦੋ ਤੋਂ ਢਾਈ ਮਹੀਨਿਆਂ 'ਚ ਤੇਲ ਦੀ ਕੀਮਤ ਵਧੀ ਹੈ, ਜੇਕਰ ਅਜਿਹਾ ਹੀ ਰਿਹਾ ਤਾਂ ਭਾਰਤੀ ਉਪਭੋਗਤਾ ਵਿਕਲਪਾਂ ਦੀ ਤਲਾਸ਼ ਕਰਨਗੇ। ਉਨ੍ਹਾਂ ਕਿਹਾ ਕਿ ਕੱਚੇ ਤੇਲ ਦੀ ਮਹਿੰਗਾਈ ਦੇ ਚੱਲਦੇ ਭਾਰਤੀ ਉਪਭੋਗਤਾ ਇਲੈਕਟ੍ਰਿਕ ਵੀਕਲਸ ਅਤੇ ਗੈਸ ਵਰਗੇ ਵਿਕਲਪਾਂ ਵੱਲ ਦੇਖਣਗੇ ਕਿਉਂਕਿ ਇਹ ਘੱਟ ਮਹਿੰਗੇ ਸਾਬਤ ਹੋਣਗੇ। ਅਜਿਹੇ 'ਚ 2025 ਤੱਕ ਭਾਰਤ ਦੀ ਪ੍ਰਤੀਦਿਨ 10 ਲੱਖ ਬੈਰਲ ਤੇਲ ਦੀ ਖਪਤ ਰਿਪਲੇਸ ਹੋ ਜਾਵੇਗੀ।
ਸਿੰਘ ਨੇ ਕਿਹਾ ਕਿ ਡਿਮਾਂਡ ਨੂੰ ਕੀਮਤਾਂ ਤੋਂ ਵੱਖ ਕਰਕੇ ਨਹੀਂ ਦੇਖਿਆ ਜਾ ਸਕਦਾ। ਖਾਸ ਤੌਰ 'ਤੇ ਭਾਰਤ ਵਰਗੇ ਦੇਸ਼ 'ਚ ਜਿਥੇ ਕੀਮਤਾਂ ਨੂੰ ਲੈ ਕੇ ਕਾਫੀ ਧਿਆਨ ਰੱਖਿਆਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਕੀਮਤਾਂ 'ਚ ਵਾਧੇ ਨਾਲ ਤੁਹਾਨੂੰ ਸ਼ਾਰਟ ਟਰਮ 'ਚ ਮੰਗ 'ਚ ਕਮੀ ਨਹੀਂ ਦਿਖੇਗੀ ਪਰ ਅਜਿਹਾ ਹੀ ਰਿਹਾ ਤਾਂ ਲਾਂਗ ਟਰਮ 'ਚ ਜ਼ਰੂਰ ਇਸ ਦਾ ਅਸਰ ਦਿਖਾਈ ਦੇਵੇਗਾ। ਲੀਬੀਆ ਵੈਨੇਜ਼ੁਏਲਾ ਅਤੇ ਕੈਨੇਡਾ ਵਲੋਂ ਉਤਪਾਦਨ 'ਚ ਕਮੀ ਦੇ ਚੱਲਦੇ ਬੀਤੇ ਕੁਝ ਦਿਨੀਂ ਕੱਚੇ ਤੇਲ ਦੀਆਂ ਕੀਮਤਾਂ 'ਚ 5 ਫੀਸਦੀ ਤੱਕ ਦਾ ਵਾਧਾ ਹੋ ਚੁੱਕਾ ਹੈ।
ਬ੍ਰੈਂਟ ਕਰੂਡ 75 ਡਾਲਰ ਦੇ ਹੇਠਾਂ, ਸੋਨੇ 'ਚ ਸੁਸਤੀ
NEXT STORY 
