ਮੁੰਬਈ - ਭਾਰਤੀ ਸ਼ੇਅਰ ਬਾਜ਼ਾਰ 'ਚ ਸੋਮਵਾਰ ਨੂੰ ਗਿਰਾਵਟ ਦੇਖਣ ਨੂੰ ਮਿਲੀ। ਇਸ ਦੌਰਾਨ ਸੈਂਸੈਕਸ ਲਗਭਗ 345 ਅੰਕ ਫਿਸਲ ਕੇ 59,300 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਦੂਜੇ ਪਾਸੇ ਨਿਫਟੀ 118 ਅੰਕ ਡਿੱਗ ਕੇ 17639 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਇਸ ਤੋਂ ਪਹਿਲਾਂ, ਗਲੋਬਲ ਬਾਜ਼ਾਰਾਂ ਵਿੱਚ ਕਮਜ਼ੋਰੀ ਤੋਂ ਬਾਅਦ, ਹਫ਼ਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਸੋਮਵਾਰ (22 ਅਗਸਤ, 2022) ਨੂੰ ਭਾਰਤੀ ਸ਼ੇਅਰ ਬਾਜ਼ਾਰ ਵਿੱਚ ਸੁਸਤੀ ਦੇ ਸੰਕੇਤ ਦਿਖਾਈ ਦੇ ਰਹੇ ਹਨ। ਵਿਆਜ ਦਰਾਂ ਵਧਣ ਦੇ ਡਰ ਤੋਂ ਸ਼ੁੱਕਰਵਾਰ ਨੂੰ ਅਮਰੀਕੀ ਬਾਜ਼ਾਰਾਂ 'ਚ ਗਿਰਾਵਟ ਦਰਜ ਕੀਤੀ ਗਈ। ਡਾਓ ਜੋਂਸ 300 ਦੇ ਅੰਤ ਤੱਕ ਨੈਸਡੈਕ 260 ਅੰਕ ਹੇਠਾਂ ਆ ਗਿਆ। ਵੱਡੀ ਰੈਲੀ ਤੋਂ ਬਾਅਦ ਬਾਜ਼ਾਰ 'ਚ ਮੁਨਾਫਾਖੋਰੀ ਦੇਖਣ ਨੂੰ ਮਿਲੀ। ਗ੍ਰੋਥ ਸੈਕਟਰ ਦੇ ਸ਼ੇਅਰਾਂ 'ਤੇ ਸਭ ਤੋਂ ਜ਼ਿਆਦਾ ਦਬਾਅ ਦੇਖਣ ਨੂੰ ਮਿਲਿਆ।
ਇਸ ਦੇ ਨਾਲ ਹੀ ਏਸ਼ੀਆਈ ਬਾਜ਼ਾਰਾਂ 'ਚ SGX ਨਿਫਟੀ 75 ਅੰਕ ਡਿੱਗ ਕੇ 17669 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਯੂਰਪੀ ਬਾਜ਼ਾਰ ਵੀ ਮਿਲੇ-ਜੁਲੇ ਢੰਗ ਨਾਲ ਕਾਰੋਬਾਰ ਕਰ ਰਹੇ ਹਨ। ਘਰੇਲੂ ਸੰਸਥਾਗਤ ਨਿਵੇਸ਼ਕਾਂ (DIIs) ਨੇ ਭਾਰਤੀ ਬਾਜ਼ਾਰ ਵਿੱਚ 1,633 ਕਰੋੜ ਰੁਪਏ ਨਕਦ ਵੇਚੇ।
ਟਾਪ ਗੇਨਰਜ਼
ਆਈਟੀਸੀ, ਹਿੰਦੁਸਤਾਨ ਯੁਨੀਲੀਵਰ, ਨੈਸਲੇ ਇੰਡੀਆ, ਐੱਨਟੀਪੀਸੀ
ਟਾਪ ਲੂਜ਼ਰਜ਼
ਕੋਟਕ ਬੈਂਕ, ਬਜਾਜ ਫਿਨਸਰਵ, ਬਜਾਜ ਫਾਇਨਾਂਸ, ਟਾਟਾ ਸਟੀਲ, ਐਕਸਿਸ ਬੈਂਕ
ਫਿਰ Paytm ਦੇ MD ਬਣੇ ਵਿਜੇ ਸ਼ੇਖਰ, ਸ਼ੇਅਰਧਾਰਕਾਂ ਨੇ ਪੱਖ 'ਚ ਕੀਤੀ ਵੋਟਿੰਗ
NEXT STORY 
