ਬਿਜ਼ਨੈੱਸ ਡੈਸਕ- ਸ਼ੇਅਰ ਬਾਜ਼ਾਰ 'ਚ ਬਹੁਤ ਸਾਰੀਆਂ ਕੰਪਨੀਆਂ ਨਿਵੇਸ਼ਕਾਂ ਨੂੰ ਮੋਟਾ ਰਿਟਰਨ ਦਿੰਦੀਆਂ ਹਨ ਤਾਂ ਕਈ ਕੰਪਨੀਆਂ ਪੈਸਾ ਫਸਾ ਦਿੰਦੀਆਂ ਹਨ। ਅੱਜ ਅਸੀਂ ਇਕ ਅਜਿਹੇ ਹੀ ਸ਼ੇਅਰ ਬਾਰੇ ਦੱਸ ਰਹੇ ਹਾਂ ਜਿਸਨੇ ਨਿਵੇਸ਼ਕਾਂ ਦਾ ਸਾਰਾ ਪੈਸਾ ਡੋਬ ਦਿੱਤਾ ਹੈ ਅਤੇ ਹੁਣ ਸਟਾਕ ਐਕਸਚੇਂਜ ਨੇ ਇਸਨੂੰ ਬਾਜ਼ਾਰ ਤੋਂ ਡੀਲਿਸਟ ਕਰਨ ਦੀ ਮਨਜ਼ੂਰੀ ਦੇ ਦਿੱਤੀ ਹੈ।
ਹਾਂਲਿੰਕ ਇਸ ਕੰਪਨੀ ਦੇ ਸ਼ੇਅਰ ਪਹਿਲਾਂ ਤੋਂ ਹੀ ਮਾਰਕੀਟ 'ਚ ਕਾਰੋਬਾਰ ਨਹੀਂ ਕਰ ਰਹੇ ਸਨ ਅਤੇ ਹੁਣ ਸ਼ੇਅਰ ਬਾਜ਼ਾਰ ਤੋਂ ਬਾਹਰ ਕਰ ਦਿੱਤੇ ਜਾਣਗੇ। ਬਾਜ਼ਾਰ ਤੋਂ ਬਾਹਰ ਹੋਣ ਤੋਂ ਬਾਅਦ 6.5 ਲੱਖ ਨਿਵੇਸ਼ਕਾਂ ਦਾ ਪੂਰਾ ਪੈਸਾ ਡੁੱਬ ਜਾਵੇਗਾ। ਕਿਸੇ ਵੀ ਨਿਵੇਸ਼ਕਾਂ ਨੂੰ ਇਕ ਰੁਪਈਆ ਵੀ ਵਾਪਸ ਨਹੀਂ ਮਿਲੇਗਾ।
ਅਸੀਂ ਜਿਸ ਸ਼ੇਅਰ ਦੀ ਗੱਲ ਕਰ ਰਹੇ ਹਾਂ, ਉਸਦਾ ਨਾਂ ਜੈਪ੍ਰਕਾਸ਼ ਐਸੋਸੀਏਟ ਲਿਮਟਿਡ (JAL) ਹੈ। ਇਸਨੂੰ ਕੁਝ ਸਮਾਂ ਪਹਿਲਾਂ ਹੀ ਅਡਾਨੀ ਗਰੁੱਪ ਨੇ ਖਰੀਦਿਆ ਹੈ। ਹੁਣ ਇਹ ਕੰਪਨੀ ਭਾਰਤੀ ਸ਼ੇਅਰ ਬਾਜ਼ਾਰ ਤੋਂ ਡੀਲਿਸਟ ਹੋਣ ਜਾ ਰਹੀ ਹੈ। ਕੰਪਨੀ ਨੂੰ ਨੈਸ਼ਨਲ ਕੰਪਨੀ ਲਾਅ ਟ੍ਰਿਬਿਊਨਲ (ਐੱਨਸੀਐੱਲਟੀ) ਦੀ ਹਰੀ ਝੰਡੀ ਤੋਂ ਬਾਅਦ ਹੁਣ ਸਟਾਕ ਐਕਸਚੇਂਜ ਨੇ ਵੀ ਡੀਲਿਸਟਿੰਗ ਨੂੰ ਅੰਤਿਮ ਮਨਜ਼ੂਰੀ ਦੇ ਦਿੱਤੀ ਹੈ।
18 ਜੂਨ ਨੂੰ ਡੀਲਿਸਟ ਹੋ ਜਾਵੇਗੀ ਇਹ ਕੰਪਨੀ
18 ਜੂਨ 2026 ਤੋਂ ਜੈਪ੍ਰਕਾਸ਼ ਐਸੋਸੀਏਟ ਦੇ ਸ਼ੇਅਰਾਂ ਦੀ ਟ੍ਰੇਡਿੰਗ ਸ਼ੇਅਰ ਬਾਜ਼ਾਰ 'ਚ ਪੂਰੀ ਤਰ੍ਹਾਂ ਬੰਦ ਹੋ ਜਾਵੇਗੀ। ਇਸਨੂੰ 17 ਮਾਰਚ ਨੂੰ ਐੱਨਸੀਐੱਲਟੀ ਦੀ ਇਲਾਹਾਬਾਦ ਬੈਂਚ ਨੇ ਦੀਵਾਲੀਆਪਨ ਕੋਡ (IBC), 2016 ਦੀ ਧਾਰਾ 31 ਤਹਿਤ ਰੈਜ਼ੋਲਿਊਸ਼ਨ ਯੋਜਨਾ ਨੂੰ ਮਨਜ਼ੂਰੀ ਦਿੱਤੀ ਸੀ। ਦੀਵਾਲੀਆ ਹੋਣ ਤੋਂ ਬਾਅਦ ਇਸਨੂੰ ਅਡਾਨੀ ਗਰੁੱਪ ਨੇ 14000 ਕਰੋੜ ਤੋਂ ਜ਼ਿਆਦਾ ਰਕਮ 'ਚ ਖਰੀਦਿਆ ਹੈ।
6.5 ਲੱਖ ਸ਼ੇਅਰਧਾਰਕਾਂ ਦਾ ਪੈਸਾ ਹੋਇਆ 'ਜ਼ੀਰੋ'
ਕੰਪਨੀ ਦੇ ਦੀਵਾਲੀਆ ਹੋਣ ਨਾਲ ਸਭ ਤੋਂ ਵੱਡਾ ਝਟਕਾ ਉਨ੍ਹਾਂ ਨਿਵੇਸ਼ਕਾਂ ਨੂੰ ਲੱਗਾ ਹੈ ਜਿਨ੍ਹਾਂ ਕੋਲ ਇਸ ਕੰਪਨੀ ਦੇ ਸ਼ੇਅਰ ਸਨ। ਨੈਸ਼ਨਲ ਸਟਾਕ ਐਕਸਚੇਂਜ ਦੇ ਅੰਕੜਿਆਂ ਮੁਤਾਬਕ, ਕੰਪਨੀ 'ਚ 71.23 ਫੀਸਦੀ ਹਿੱਸੇਦਾਰੀ ਪਬਲਿਕ ਕੋਲ ਹੈ। ਲਗਭਗ 6.5 ਲੱਖ ਸ਼ੇਅਰਧਾਰਕਾਂ ਨੂੰ ਕੋਈ ਮੁਆਵਜ਼ਾ ਨਹੀਂ ਮਿਲੇਗਾ ਕਿਉਂਕਿ ਕੰਪਨੀ ਦੇ ਦੀਵਾਲੀਆ ਹੋਣ ਤੋਂ ਬਾਅਦ ਕੋਈ ਸਟਾਕ ਹੋਲਡਰਜ਼ ਪੈਟਰਨ ਨਹੀਂ ਰੱਖਿਆ ਜਾਵੇਗਾ।
ਰੈਜ਼ੋਲਿਈਸ਼ਨ ਪਲਾਨ ਦੇ ਨਿਯਮਾਂ ਮੁਤਾਬਕ, ਜੈਪ੍ਰਕਾਸ਼ ਐਸੋਸੀਏਟਸ ਦੇ ਮੌਜੂਦਾ ਸੇਅਰਧਾਰਕਾਂ ਨੂੰ ਉਨ੍ਹਾਂ ਦੇ ਸੇਅਰਾਂ ਦੇ ਬਦਲੇ ਕੋਈ ਪੈਸਾ ਨਹੀਂ ਮਿਲੇਗਾ। ਕੰਪਨੀ ਦਾ ਪੁਰਾਣਾ ਸ਼ੇਅਰਹੋਲਡਿੰਗ ਢਾਂਚਾ ਪੂਰੀ ਤਰ੍ਹਾਂ ਖਤਮ ਕਰ ਦਿੱਤਾ ਜਾਵੇਗਾ। ਯਾਨੀ ਨਿਵੇਸ਼ਕਾਂ ਦਾ ਲਗਾਇਆ ਗਿਆ ਪੈਸਾ ਪੂਰੀ ਤਰ੍ਹਾਂ ਡੁੱਬ ਚੁੱਕਾ ਹੈ ਅਤੇ ਉਨ੍ਹਾਂ ਕੋਲ ਮੌਜੂਦ ਸ਼ੇਅਰਾਂ ਦੀ ਕੀਮਤ ਹੁਣ ਜ਼ੀਰੋ ਹੋ ਗਈ ਹੈ।
ਕੀ ਕਰਦੀ ਹੈ ਕੰਪਨੀ?
ਜੇਏਐੱਲ ਦਾ ਕਾਰੋਬਾਰ ਵੱਖ-ਵੱਖ ਸੈਕਟਰਾਂ 'ਚ ਫੈਲਿਆ ਹੋਇਆ ਹੈ, ਜਿਸ ਵਿਚ ਨਿਰਮਾਣ, ਰੀਅਲ ਅਸਟੇਟ, ਬਿਜਲੀ ਅਤੇ ਹੋਟਲ ਸ਼ਾਮਲ ਹਨ। ਇਸਤੋਂ ਇਲਾਵਾ ਇਸਦਾ ਇਕ ਫਾਰਮੂਲਾ ਵਨ ਸਰਕਿਟ ਵੀ ਹੈ। ਸ਼ੇਅਰ ਦਾ ਮਾਰਕੀਟ ਕੈਪਿਟਲਾਈਜੇਸ਼ਨ 50,000 ਕਰੋੜ ਰੁਪਏ ਸੀ। ਐਕਸਚੇਂਜ ਦੇ ਅੰਕੜਿਆਂ ਮੁਤਾਬਕ, 31 ਮਾਰਚ 2026 ਤਕ ICICI ਬੈਂਕ ਦੀ ਕੰਪਨੀ 'ਚ 7.7 ਫੀਸਦੀ ਹਿੱਸੇਦਾਰੀ ਸੀ।
ਜੇਏਐੱਲ ਦਾ ਡੀਲਿਸਟ ਹੋਣਾ ਨਿਵੇਸ਼ਕਾਂ ਲਈ ਇਕ ਸਬਕ ਹੈ ਕਿ ਘੱਟ ਕੀਮਤ ਵਾਲਾ ਸੇਅਰ ਨੁਕਸਾਨਦਾਇਕ ਸਾਬਿਤ ਹੋ ਸਕਦਾ ਹੈ ਅਤੇ ਭਾਰੀ ਕਰਜ਼ਾ ਇਕ ਵੱਡਾ ਖਤਰਾ ਹੈ। ਨੋਟਿਜ਼ਨਸ ਦਾ ਕਹਿਣਾ ਹੈ ਕਿ ਸਿਰਫ ਇਸ ਲਈ ਨਿਵੇਸ਼ ਨਾ ਕਰੋ ਕਿਉਂਕਿ ਸ਼ੇਅਰ ਦੀ ਕੀਮਤ 80-90 ਫੀਸਦੀ ਡਿੱਗ ਗਈ ਹੈ। ਸਸਤੇ ਸ਼ੇਅਰਾਂ ਦੀ ਬਜਾਏ ਮਜ਼ਬੂਤ ਸਟਾਕ 'ਚ ਨਿਵੇਸ਼ ਬਾਰੇ ਸੋਚਣਾ ਚਾਹੀਦਾ ਹੈ।
ਯੈੱਸ ਬੈਂਕ ਨਾਲ ਕਰਜ਼ੇ ’ਚ ਹੋਈ ਧੋਖਾਦੇਹੀ ਦਾ ਮਾਮਲਾ, ED 17 ਥਾਵਾਂ ’ਤੇ ਮਾਰੇ ਛਾਪੇ
NEXT STORY 
