ਨਵੀਂ ਦਿੱਲੀ : ਜੀਓ ਉਪਭੋਗਤਾਵਾਂ ਨੇ ਇੱਕ ਮਹੀਨੇ ਵਿੱਚ 10 ਐਕਸਾਬਾਈਟ ਯਾਨੀ 10 ਅਰਬ ਜੀਬੀ ਡੇਟਾ ਦੀ ਵਰਤੋਂ ਕਰ ਲਈ। ਇਹ ਆਂਕੜਾ ਕਿੰਨਾ ਵੱਡਾ ਹੈ, ਇਸ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ 2016 'ਚ ਜਦੋਂ ਰਿਲਾਇੰਸ ਜਿਓ ਨੇ ਟੈਲੀਕਾਮ ਸੈਕਟਰ 'ਚ ਐਂਟਰੀ ਕੀਤੀ ਸੀ, ਉਸ ਸਮੇਂ ਦੇਸ਼ ਭਰ 'ਚ ਉਪਲਬਧ ਸਾਰੇ ਨੈੱਟਵਰਕਾਂ 'ਤੇ ਡਾਟਾ ਦੀ ਖਪਤ ਸਿਰਫ 4.6 ਐਕਸਾਬਾਈਟ ਸੀ ਅਤੇ ਉਹ ਵੀ ਇਕ ਮਹੀਨੇ ਲਈ ਨਹੀਂ ਸਗੋਂ ਪੂਰੇ ਸਾਲ ਭਰ ਦਾ।
ਇਹ ਵੀ ਪੜ੍ਹੋ : Deloitte Layoff: ਅਮਰੀਕਾ 'ਚ 1200 ਕਰਮਚਾਰੀਆਂ ਦੀ ਹੋਵੇਗੀ ਛਾਂਟੀ, ਸਲਾਹ ਕਾਰੋਬਾਰ 'ਚ
ਭਾਰਤ 'ਚ ਪਹਿਲੀ ਵਾਰ ਕਿਸੇ ਟੈਲੀਕਾਮ ਕੰਪਨੀ ਦੇ ਨੈੱਟਵਰਕ 'ਤੇ ਇਕ ਮਹੀਨੇ 'ਚ 10 ਐਕਸਾਬਾਈਟ ਡਾਟਾ ਦੀ ਖਪਤ ਹੋਈ ਹੈ। ਮਾਰਚ ਤਿਮਾਹੀ 'ਚ ਜੀਓ ਨੈੱਟਵਰਕ 'ਤੇ ਡਾਟਾ ਖਪਤ ਦਾ ਆਂਕੜਾ 30.3 ਐਕਸਾਬਾਈਟ ਸੀ। ਰਿਲਾਇੰਸ ਜਿਓ ਨੇ ਆਪਣੇ ਤਿਮਾਹੀ ਨਤੀਜਿਆਂ 'ਚ ਇਸ ਗੱਲ ਦਾ ਖੁਲਾਸਾ ਕੀਤਾ ਹੈ।
ਜਿਓ ਟਰੂ 5ਜੀ ਰੋਲਆਉਟ ਨੇ ਡਾਟਾ ਖਪਤ ਵਧਾਉਣ ਵਿੱਚ ਮੁੱਖ ਭੂਮਿਕਾ ਨਿਭਾਈ ਹੈ। ਜੀਓ ਯੂਜ਼ਰਸ ਹੁਣ ਪ੍ਰਤੀ ਮਹੀਨਾ ਔਸਤਨ 23.1 ਜੀਬੀ ਡਾਟਾ ਖਰਚ ਕਰ ਰਹੇ ਹਨ। ਜੋ ਕਿ ਦੋ ਸਾਲ ਪਹਿਲਾਂ ਤੱਕ ਸਿਰਫ 13.3 ਜੀਬੀ ਪ੍ਰਤੀ ਮਹੀਨਾ ਸੀ। ਯਾਨੀ ਹਰ ਜੀਓ ਯੂਜ਼ਰ 2 ਸਾਲ ਪਹਿਲਾਂ ਦੇ ਮੁਕਾਬਲੇ ਹਰ ਮਹੀਨੇ ਲਗਭਗ 10 ਜੀਬੀ ਜ਼ਿਆਦਾ ਡਾਟਾ ਦੀ ਖਪਤ ਕਰ ਰਿਹਾ ਹੈ। ਜੀਓ ਨੈੱਟਵਰਕ 'ਤੇ ਡਾਟਾ ਦੀ ਖਪਤ ਦੀ ਇਹ ਔਸਤ ਟੈਲੀਕਾਮ ਇੰਡਸਟਰੀ ਦੀ ਔਸਤ ਤੋਂ ਕਿਤੇ ਜ਼ਿਆਦਾ ਹੈ।
ਇਹ ਵੀ ਪੜ੍ਹੋ : ਅਕਸ਼ੈ ਤ੍ਰਿਤੀਆ 'ਤੇ ਦਿੱਲੀ 'ਚ ਇਕ ਦਿਨ 'ਚ ਵਿਕਿਆ 250 ਕਰੋੜ ਰੁਪਏ ਦਾ ਸੋਨਾ
ਤਿਮਾਹੀ ਨਤੀਜਿਆਂ ਅਨੁਸਾਰ ਮਾਰਚ 2023 ਤੱਕ, ਜੀਓ ਨੇ 60 ਹਜ਼ਾਰ ਸਾਈਟਾਂ 'ਤੇ 3.5 ਲੱਖ ਤੋਂ ਵੱਧ 5ਜੀ ਸੈੱਲ ਸਥਾਪਤ ਕੀਤੇ ਸਨ। ਦੇਸ਼ ਭਰ ਦੇ 2,300 ਤੋਂ ਵੱਧ ਸ਼ਹਿਰ ਅਤੇ ਕਸਬੇ 5G ਕਵਰੇਜ ਦੇ ਅਧੀਨ ਆ ਚੁੱਕੇ ਹਨ ਅਤੇ ਵੱਡੀ ਗਿਣਤੀ ਵਿੱਚ Jio ਉਪਭੋਗਤਾ 5G ਸੇਵਾਵਾਂ ਦੀ ਵਰਤੋਂ ਕਰ ਰਹੇ ਹਨ। ਕੰਪਨੀ ਦਾ ਦਾਅਵਾ ਹੈ ਕਿ ਜੀਓ 5ਜੀ ਬਹੁਤ ਤੇਜ਼ੀ ਨਾਲ ਰੋਲਆਊਟ ਕਰ ਰਿਹਾ ਹੈ। ਦੁਨੀਆ ਭਰ ਵਿੱਚ 5G ਦੇ ਰੋਲਆਊਟ ਦੀ ਅਜਿਹੀ ਕੋਈ ਮਿਸਾਲ ਨਹੀਂ ਹੈ। ਕੰਪਨੀ 2023 ਦੇ ਅੰਤ ਤੱਕ ਦੇਸ਼ ਭਰ ਵਿੱਚ 5ਜੀ ਕਵਰੇਜ ਪ੍ਰਦਾਨ ਕਰਨਾ ਚਾਹੁੰਦੀ ਹੈ।
5ਜੀ ਰੋਲਆਊਟ ਦੇ ਨਾਲ ਹੀ ਕੰਪਨੀ ਏਅਰਫਾਈਬਰ ਨੂੰ ਵੀ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਜਿਓ ਨੇ ਦੱਸਿਆ ਕਿ ਅਗਲੇ ਕੁਝ ਮਹੀਨਿਆਂ 'ਚ ਇਸ ਦੀ ਲਾਂਚਿੰਗ ਸੰਭਵ ਹੈ। ਰਿਲਾਇੰਸ ਜਿਓ ਦਾ ਟੀਚਾ 10 ਕਰੋੜ ਘਰਾਂ ਨੂੰ ਫਾਈਬਰ ਅਤੇ ਏਅਰਫਾਈਬਰ ਨਾਲ ਜੋੜਨਾ ਹੈ।
ਨਤੀਜਿਆਂ 'ਚ ਕੁਝ ਹੋਰ ਮਹੱਤਵਪੂਰਨ ਗੱਲਾਂ ਵੀ ਸਾਹਮਣੇ ਆਈਆਂ, ਜਿਵੇਂ ਕਿ ਜੀਓ ਦੀ ਔਸਤ ਆਮਦਨ ਪ੍ਰਤੀ ਉਪਭੋਗਤਾ ਪ੍ਰਤੀ ਮਹੀਨਾ (ARPU) ਵਧ ਕੇ 178.8 ਰੁਪਏ ਹੋ ਗਈ ਹੈ। ਹਰ ਰੋਜ਼ ਯੂਜ਼ਰਸ ਕੰਪਨੀ ਦੇ ਨੈੱਟਵਰਕ 'ਤੇ 1,459 ਕਰੋੜ ਮਿੰਟ ਦੀ ਗੱਲਬਾਤ (ਵੌਇਸ ਕਾਲਿੰਗ) ਕਰ ਰਹੇ ਹਨ। ਜਿਓ ਨੈੱਟਵਰਕ ਨਾਲ ਜੁੜੇ ਹਰ ਫੋਨ 'ਤੇ ਹਰ ਮਹੀਨੇ ਲਗਭਗ 1,003 ਮਿੰਟ ਦੀ ਕਾਲਿੰਗ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : ਆਦਿਤਿਆ ਬਿਰਲਾ ਗਰੁੱਪ ਨੇ ਮੁੰਬਈ ਦੇ ਪਾਸ਼ ਇਲਾਕੇ 'ਚ ਖਰੀਦਿਆ 220 ਕਰੋੜ ਦਾ ਬੰਗਲਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਗਲੋਬਲ ਸਹਿਮਤੀ ਤੋਂ ਬਿਨਾਂ ਕ੍ਰਿਪਟੋ ਦੇ ਨਿਯਮਾਂ ਦਾ ਕੋਈ ਫਾਇਦਾ ਨਹੀਂ ਹੋਵੇਗਾ: ਸੀਤਾਰਮਨ
NEXT STORY 
