ਨਵੀਂ ਦਿੱਲੀ — ਕੋਰੋਨਾਵਾਇਰਸ ਆਫ਼ਤ ਵਿਚਾਲੇ ਖਾਦੀ ਇੰਡੀਆ ਦੇ ਇਕ ਆਊਟਲੈੱਟ ਨੇ ਇਕ ਰਿਕਾਰਡ ਬਣਾਇਆ ਹੈ। ਖਾਦੀ ਅਤੇ ਗ੍ਰਾਮ ਉਦਯੋਗ ਕਮਿਸ਼ਨ (ਕੇ.ਵੀ.ਆਈ.ਸੀ.) ਨੇ ਕਿਹਾ ਕਿ 2 ਅਕਤੂਬਰ ਯਾਨੀ ਗਾਂਧੀ ਜਯੰਤੀ 'ਤੇ ਖਾਦੀ ਇੰਡੀਆ ਦਿੱਲੀ ਕਨਾਟ ਪਲੇਸ ਵਿਖੇ ਫਲੈਗਸ਼ਿਪ ਆਊਟਲੈੱਟ ਵਿਖੇ ਰਿਕਾਰਡ ਵਿਕਰੀ ਹੋਈ। ਇਸ ਆਉਟਲੈੱਟ ਤੋਂ ਕੋਵਿਡ -19 ਕਾਰਨ ਪੈਦਾ ਹੋਏ ਹਾਲਤਾਂ ਦੇ ਬਾਵਜੂਦ ਇੱਕ ਦਿਨ ਵਿਚ ਇੱਕ ਕਰੋੜ ਰੁਪਏ ਤੋਂ ਵੱਧ ਦੇ ਉਤਪਾਦਾਂ ਦੀ ਵਿਕਰੀ ਹੋਈ।
'ਖਾਦੀ ਨੂੰ ਮਹਾਤਮਾ ਗਾਂਧੀ ਦੀ ਵਿਰਾਸਤ ਵਜੋਂ ਪਸੰਦ ਕੀਤਾ ਜਾਂਦਾ ਹੈ'
ਕੇ.ਆਈ.ਵੀ.ਸੀ ਨੇ ਦੱਸਿਆ ਕਿ ਇਸ ਵਾਰ ਗਾਂਧੀ ਜਯੰਤੀ 'ਤੇ, ਲੋਕਾਂ ਨੇ ਕਨਾਟ ਪਲੇਸ ਦੇ ਖਾਦੀ ਇੰਡੀਆ ਆਊਟਲੈੱਟ 'ਤੇ 1.02 ਕਰੋੜ ਰੁਪਏ ਤੋਂ ਜ਼ਿਆਦਾ ਦੇ ਉਤਪਾਦਾਂ ਦੀ ਖਰੀਦ ਕੀਤੀ। ਹਾਲਾਂਕਿ, ਇਹ ਪਿਛਲੇ ਸਾਲ ਇਸੇ ਦਿਨ ਕੀਤੀ ਗਈ 1.27 ਕਰੋੜ ਰੁਪਏ ਦੀ ਵਿਕਰੀ ਤੋਂ ਘੱਟ ਹੈ, ਪਰ ਮੌਜੂਦਾ ਸਥਿਤੀ ਵਿਚ, ਇਹ ਇਸ ਸਾਲ ਦੀ ਇੱਕ ਦਿਨ ਦੀ ਵਿਕਰੀ ਦਾ ਰਿਕਾਰਡ ਹੈ। ਹੱਥੀਂ ਬਣੇ ਖਾਦੀ ਦੇ ਦੇਸੀ ਕਪੜੇ ਭਾਰਤੀਆਂ ਵਿਚ ਮਹਾਤਮਾ ਗਾਂਧੀ ਦੀ ਵਿਰਾਸਤ ਵਜੋਂ ਪਸੰਦ ਕੀਤੇ ਜਾਂਦੇ ਹਨ। ਇਸ ਲਈ ਹਰ ਸਾਲ ਗਾਂਧੀ ਜਯੰਤੀ 'ਤੇ ਇਸ ਆਉਟਲੈੱਟ 'ਤੇ ਖਾਦੀ ਉਤਪਾਦਾਂ ਦੀ ਵਧੀਆ ਵਿਕਰੀ ਹੁੰਦੀ ਹੈ।
ਇਹ ਵੀ ਪੜ੍ਹੋ- Spicejet ਦੇ ਰਹੀ Pre-Booking Extra Baggage 'ਤੇ 25% ਦੀ ਛੋਟ, ਜਾਣੋ ਕੀ ਹੈ ਰੇਟ ਅਤੇ ਸਲੈਬ
ਇਸ ਦਿਨ ਸਾਰੇ ਆਊਟਲੈੱਟ 'ਤੇ ਮਿਲਦੀ ਹੈ ਛੋਟ
ਕਮਿਸ਼ਨ ਨੇ ਕਿਹਾ ਕਿ 2 ਅਕਤੂਬਰ, 2020 ਨੂੰ ਕੁੱਲ 1,633 ਬਿੱਲ ਬਣਾਏ ਗਏ ਸਨ। ਜਿਸ ਵਿਚ ਹਰ ਬਿੱਲ ਉੱਤੇ 6,258 ਰੁਪਏ ਦੇ ਖਾਦੀ ਉਤਪਾਦ ਖਰੀਦੇ ਗਏ ਸਨ। ਖਾਦੀ ਇੰਡੀਆ ਦੀਆਂ ਦੁਕਾਨਾਂ 'ਤੇ ਹਰ ਵਰਗ ਅਤੇ ਉਮਰ ਦੇ ਲੋਕ ਉਤਪਾਦਾਂ ਨੂੰ ਖਰੀਦਣ ਲਈ ਸਵੇਰ ਤੋਂ ਕਤਾਰ 'ਚ ਲੱਗ ਗਏ ਸਨ। ਕਮਿਸ਼ਨ ਨੇ ਮਹਾਤਮਾ ਗਾਂਧੀ ਦੀ 151 ਜਯੰਤੀ ਮਨਾਉਣ ਲਈ ਸਾਰੇ ਉਤਪਾਦਾਂ ਉੱਤੇ 20 ਪ੍ਰਤੀਸ਼ਤ ਦੀ ਸਾਲਾਨਾ ਵਿਸ਼ੇਸ਼ ਛੂਟ ਦਾ ਵੀ ਐਲਾਨ ਕੀਤਾ।
ਇਹ ਵੀ ਪੜ੍ਹੋ- ਕੀ ਨੋਟਾਂ ਨਾਲ ਵੀ ਹੋ ਸਕਦੈ ਕੋਰੋਨਾ ਵਾਇਰਸ ਲਾਗ ਦਾ ਖ਼ਤਰਾ? ਜਾਣੋ RBI ਨੇ ਕੀ ਕਿਹਾ
'ਕੋਰੋਨਾ ਆਫ਼ਤ ਦੇ ਬਾਵਜੂਦ ਹਰ ਰੋਜ਼ ਪਹੁੰਚ ਰਹੇ ਖਰੀਦਦਾਰ
ਖਾਦੀ ਅਤੇ ਗ੍ਰਾਮ ਉਦਯੋਗ ਕਮਿਸ਼ਨ ਦੇ ਚੇਅਰਮੈਨ ਵਿਨੈ ਕੁਮਾਰ ਸਕਸੈਨਾ ਨੇ ਕਿਹਾ ਕਿ ਕੋਰੋਨਾ ਵਿਸ਼ਾਣੂ ਦੀ ਮਹਾਮਾਰੀ ਤੋਂ ਬਾਅਦ ਵੀ ਵੱਡੀ ਗਿਣਤੀ ਵਿਚ ਲੋਕ ਹਰ ਰੋਜ਼ ਖਾਦੀ ਦੇ ਉਤਪਾਦਾਂ ਨੂੰ ਖਰੀਦਣ ਲਈ ਖਾਦੀ ਇੰਡੀਆ ਦੇ ਆਊਟਲੈਟ ਵਿਚ ਪਹੁੰਚ ਰਹੇ ਹਨ। ਲੋਕ ਖਾਦੀ ਦੇ ਉਤਪਾਦਾਂ ਨੂੰ ਪਸੰਦ ਕਰ ਰਹੇ ਹਨ। ਖਾਦੀ ਪ੍ਰੇਮੀਆਂ ਅਤੇ ਖਾਦੀ ਉਤਪਾਦਾਂ ਦੇ ਦੁਕਾਨਦਾਰਾਂ ਦੀ ਗਿਣਤੀ ਹਰ ਦਿਨ ਵੱਧ ਰਹੀ ਹੈ।
ਇਹ ਵੀ ਪੜ੍ਹੋ- ਰੇਲ ਯਾਤਰੀਆਂ ਲਈ ਖੁਸ਼ਖਬਰੀ: ਸਟੇਸ਼ਨਾਂ 'ਤੇ ਕੁਝ ਦਿਨਾਂ ਲਈ ਮਿਲ ਸਕੇਗਾ ਗਰਮਾਗਰਮ ਭੋਜਨ
ਬਜਾਜ ਦੇ ਇਨ੍ਹਾਂ ਮੋਟਰਸਾਈਕਲਾਂ ਦੀਆਂ ਕੀਮਤਾਂ 'ਚ ਭਾਰੀ ਵਾਧਾ, ਦੇਖੋ ਨਵੇਂ ਮੁੱਲ
NEXT STORY 
