ਬਿਜ਼ਨੈੱਸ ਡੈਸਕ - ਅੱਜ ਵੀਰਵਾਰ ਨੂੰ ਸ਼ੇਅਰ ਬਾਜ਼ਾਰ ਵਿੱਚ ਬਹੁਤ ਕਮਜ਼ੋਰ ਕਾਰੋਬਾਰ ਦੇਖਣ ਨੂੰ ਮਿਲਿਆ। ਅੱਜ ਸ਼ੁਰੂਆਤ ਗਿਰਾਵਟ ਨਾਲ ਹੋਈ ਅਤੇ ਫਿਰ ਬਾਜ਼ਾਰ ਵਿੱਚ ਗਿਰਾਵਟ ਵਧਦੀ ਗਈ। ਹਾਲਾਂਕਿ, ਆਖਰੀ ਮਿੰਟਾਂ ਵਿੱਚ ਬਾਜ਼ਾਰ ਨੇ ਹੇਠਲੇ ਪੱਧਰਾਂ ਤੋਂ ਰਿਕਵਰੀ ਦਿਖਾਈ। ਕੱਲ੍ਹ ਅਮਰੀਕੀ ਬਾਜ਼ਾਰਾਂ ਵਿੱਚ ਹੋਈ ਵੱਡੀ ਵਿਕਰੀ ਦਾ ਅਸਰ ਬਾਜ਼ਾਰ ਵਿੱਚ ਦਿਖਾਈ ਦਿੱਤਾ। ਆਈਟੀ ਸਟਾਕਾਂ ਵਿੱਚ ਜ਼ਿਆਦਾ ਨੁਕਸਾਨ ਦਿਖਾਈ ਦਿੱਤਾ। ਸੈਂਸੈਕਸ 644.64 ਅੰਕ ਭਾਵ 0.79 % ਡਿੱਗ ਕੇ 80,951.99 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 30 ਸਟਾਕਾਂ ਵਿੱਚੋਂ 5 ਸਟਾਕ ਵਿਚ ਵਾਧਾ ਅਤੇ 25 ਵਿੱਚ ਗਿਰਾਵਟ ਦੇਖਣ ਨੂੰ ਮਿਲੀ।
ਦੂਜੇ ਪਾਸੇ ਨਿਫਟੀ ਵੀ 203.75 ਅੰਕ ਭਾਵ 0.82% ਡਿੱਗ ਕੇ 24,609.70 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸਟਾਕ ਮਾਰਕੀਟ ਦੇ ਅੰਕੜਿਆਂ ਅਨੁਸਾਰ, ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕ (FII) ਬੁੱਧਵਾਰ ਨੂੰ ਖਰੀਦਦਾਰ ਸਨ ਅਤੇ ਉਨ੍ਹਾਂ ਨੇ 2,201.79 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।
ਗਲੋਬਲ ਬਾਜ਼ਾਰਾਂ ਦਾ ਹਾਲ
ਏਸ਼ੀਆਈ ਬਾਜ਼ਾਰਾਂ ਵਿੱਚ, ਜਾਪਾਨ ਦਾ ਨਿੱਕੇਈ 225, ਹਾਂਗ ਕਾਂਗ ਦਾ ਹੈਂਗ ਸੇਂਗ ਅਤੇ ਦੱਖਣੀ ਕੋਰੀਆ ਦਾ ਕੋਸਪੀ ਘਾਟੇ ਵਿੱਚ ਸਨ ਜਦੋਂ ਕਿ ਸ਼ੰਘਾਈ ਐਸਐਸਈ ਕੰਪੋਜ਼ਿਟ ਲਾਭ ਵਿੱਚ ਸੀ।
ਬੁੱਧਵਾਰ ਨੂੰ ਅਮਰੀਕੀ ਬਾਜ਼ਾਰ ਭਾਰੀ ਗਿਰਾਵਟ ਨਾਲ ਬੰਦ ਹੋਏ। ਯੂਐਸ ਡਾਓ ਜੋਨਸ 816 ਅੰਕ (1.91%) ਡਿੱਗ ਕੇ 41,860 'ਤੇ, ਨੈਸਡੈਕ ਕੰਪੋਜ਼ਿਟ 270 ਅੰਕ (1.41%) ਡਿੱਗ ਕੇ 18,873 'ਤੇ ਅਤੇ ਐਸ ਐਂਡ ਪੀ 500 95 ਅੰਕ (1.61%) ਡਿੱਗ ਕੇ 5,845 'ਤੇ ਬੰਦ ਹੋਇਆ।
ਹਾਂਗ ਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 78 ਅੰਕ (0.33%) ਡਿੱਗ ਕੇ 23,750 'ਤੇ ਆ ਗਿਆ। ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ ਥੋੜ੍ਹਾ ਜਿਹਾ ਡਿੱਗ ਕੇ 3,386 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਅੰਤਰਰਾਸ਼ਟਰੀ ਬੈਂਚਮਾਰਕ ਬ੍ਰੈਂਟ ਕਰੂਡ 0.05 ਪ੍ਰਤੀਸ਼ਤ ਡਿੱਗ ਕੇ 64.88 ਡਾਲਰ ਪ੍ਰਤੀ ਬੈਰਲ 'ਤੇ ਆ ਗਿਆ।
ਬੀਤੇ ਦਿਨ ਸ਼ੇਅਰ ਬਾਜ਼ਾਰ ਦਾ ਹਾਲ
ਬੁੱਧਵਾਰ ਨੂੰ, ਸੈਂਸੈਕਸ 410.19 ਅੰਕਾਂ ਦੇ ਵਾਧੇ ਨਾਲ 81,596.63 ਅੰਕਾਂ 'ਤੇ ਬੰਦ ਹੋਇਆ, ਜਦੋਂ ਕਿ ਨਿਫਟੀ 129.55 ਅੰਕਾਂ ਦੇ ਵਾਧੇ ਨਾਲ 24,813.45 ਅੰਕਾਂ 'ਤੇ ਬੰਦ ਹੋਇਆ।
ਸ਼ੇਅਰ ਬਾਜ਼ਾਰ 'ਚ ਭਾਰੀ ਗਿਰਾਵਟ : ਸੈਂਸੈਕਸ 1042 ਅੰਕ ਟੁੱਟ ਕੇ 80,554 'ਤੇ, ਨਿਫਟੀ ਵੀ 320 ਅੰਕ ਫਿਸਲਿਆ
NEXT STORY 
