ਗੁਵਾਹਾਟੀ (ਭਾਸ਼ਾ) - ਅਸਾਮ ਦੀਆਂ ਕੁਝ ਸਭ ਤੋਂ ਪ੍ਰੀਮੀਅਮ ਚਾਹ ਸੋਮਵਾਰ ਨੂੰ ਕੌਮਾਂਤਰੀ ਚਾਹ ਦਿਵਸ ਦੀ ਇਕ ਵਿਸ਼ੇਸ਼ ਨਿਲਾਮੀ ਵਿਚ ਨਿਲਾਮ ਕੀਤੀਆਂ ਜਾਣਗੀਆਂ। ਨੀਲਾਮੀ ਐਮਜੰਕਸ਼ਨ ਸਰਵਿਸਿਜ਼ ਲਿਮਟਿਡ ਵਲੋਂ ਜੋਰਹਾਟ ਵਿਖੇ ਸਥਿਤ ਇਸ ਦੇ ਈ-ਮਾਰਕੀਟਪਲੇਸ 'ਤੇ ਆਯੋਜਨ ਕਰ ਰਿਹਾ ਹੈ। ਅਧਿਕਾਰੀਆਂ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਇਹ ਪਹਿਲਾ ਮੌਕਾ ਹੈ ਜਦੋਂ ਟਾਟਾ ਸਟੀਲ ਅਤੇ ਸੇਲ ਦੇ ਸਾਂਝੇ ਉੱਦਮ ਨਾਲ ਵਾਲੇ ਸਾਂਝੇ ਉੱਦਮ ਐਮਜੰਕਸ਼ਨ ਸਰਵਿਸਿਜ਼ ਲਿਮਟਿਡ ਨੇ ਅਸਾਮ ਵਿਚ ਚਾਹ ਦੀ ਇਕ ਵਿਸ਼ੇਸ਼ ਈ-ਨਿਲਾਮੀ ਦਾ ਆਯੋਜਨ ਕਰਵਾਇਆ ਹੈ।
ਐਮਜੈਂਕਸ਼ਨ ਦੇਸ਼ ਵਿਚ ਵਪਾਰੀਆਂ ਨੂੰ ਇਲੈਕਟ੍ਰਾਨਿਕ ਪਲੇਟਫਾਰਮ ਉੱਤੇ ਖ਼ਰੀਦ ਵਿਕਰੀ ਦੀ ਸਹੂਲਤ ਉਪਲੱਬਧ ਕਰਵਾਉਣ ਵਾਲਾ ਇਕ ਪ੍ਰਮੁੱਖ ਬੀ 2 ਬੀ ਪਲੇਟਫਾਰਮ ਹੈ।
ਇਸ ਈ-ਆਕਸ਼ਨ ਵਿਚ ਪੇਸ਼ ਕੀਤੀ ਜਾਣ ਵਾਲੀ ਚਾਹ ਵਿਚ ਅੰਤਰਰਾਸ਼ਟਰੀ ਚਾਹ ਦਿਵਸ ਦੇ ਮੌਕੇ 'ਤੇ ਭਾਰਤੀ ਚਾਹ ਬੋਰਡ ਆਫ਼ ਇੰਡੀਆ ਦੁਆਰਾ ਨਿਰਧਾਰਤ ਉੱਤਮ ਚਾਹ ਸ਼ਾਮਲ ਹੋਣਗੀਆਂ। ਚਾਹ ਬੋਰਡ ਦੀ ਵਿਸ਼ੇਸ਼ ਕੋਸ਼ਿਸ਼ ਵਜੋਂ, ਚਾਹ ਦੇ ਪੱਤਿਆਂ ਨੂੰ ਤੋੜਣ ਦਾ ਕੰਮ ਅੰਤਰਰਾਸ਼ਟਰੀ ਚਾਹ ਦਿਵਸ 'ਤੇ ਕੀਤਾ ਜਾਂਦਾ ਹੈ ਅਤੇ ਇਸ ਤੋਂ ਬਾਅਦ ਜੂਨ ਵਿਚ ਇਨ੍ਹਾਂ ਚਾਹਾਂ ਦੀ ਇੱਕ ਵਿਸ਼ੇਸ਼ ਨਿਲਾਮੀ ਕੀਤੀ ਜਾਂਦੀ ਹੈ।
ਅਧਿਕਾਰੀਆਂ ਨੇ ਕਿਹਾ 'ਆਪਣੀ ਪਹਿਲੀ ਈ-ਨਿਲਾਮੀ ਲਈ ਜੋਰਹਾਟ ਸਥਿਤ ਐਮਜੰਕਸ਼ਨ ਦੇ ਸੈਂਟਰ ਨੂੰ ਅਸਾਮ ਦੀਆਂ ਕੁਝ ਉੱਤਮ ਸੀਟੀਸੀ / ਗ੍ਰੀਨ ਅਤੇ ਆਰਥੋਡਾਕਸ ਟੀ ਮਿਲੀ ਹੈ। ਇਸ ਵਿਚ ਹੁੱਖਮਲ, ਮੁਕਤਾਬਾੜੀ, ਐਦੋਬਾੜੀ, ਰੰਗਲੀਟਿੰਗ, ਨਾਰਾਇਣਪੁਰ, ਦਿਰੋਇਬਾਮ, ਲੰਕਾਸ਼ੀ, ਦੁਰਗਾਪੁਰ, ਕਥੋਨੀਬਾੜੀ, ਅਰਿਨ ਅਤੇ ਪਾਭੋਜਨ ਦੀਆਂ ਚਾਹ ਹਨ। ਐਮਜੰਕਸ਼ਨ ਦੇ ਪ੍ਰਬੰਧਕ ਨਿਰਦੇਸ਼ਕ ਵਿਨੇ ਵਰਮਾ ਨੇ ਕਿਹਾ, 'ਛੋਟੇ ਉਤਪਾਦਕਾਂ ਅਤੇ ਛੋਟੇ ਖ਼ਰੀਦਦਾਰਾਂ ਸਮੇਤ ਸਾਰੇ ਭਾਗੀਦਾਰਾਂ 'ਤੇ ਮਹਾਮਾਰੀ ਦਾ ਅਸਰ ਪਿਆ ਹੈ।ਇਹ ਪਹਿਲ ਯਕੀਨੀ ਤੌਰ 'ਤੇ ਚਾਹ ਉਦਯੋਗ ਦੀ ਭਾਵਨਾ ਨੂੰ ਵਧਾਉਣ ਵਿਚ ਨਿਸ਼ਚਤ ਰੂਪ ਵਿਚ ਯੋਗਦਾਨ ਪਾਏਗੀ। ਇਹ ਚਾਹ ਈ-ਮਾਰਕੀਟ ਪਲੇਸ ਵਿਚ ਲਗਭਗ 300 ਹਿੱਸੇਦਾਰ ਹਨ, ਜਿਨ੍ਹਾਂ ਵਿੱਚ ਵੱਡੇ ਚਾਹ ਖਰੀਦਦਾਰ ਅਤੇ ਵਿਕਰੇਤਾ ਸ਼ਾਮਲ ਹਨ ਜਾਂ ਰਜਿਸਟਰ ਹਨ।
ਇਹ ਵੀ ਪੜ੍ਹੋ : ਖ਼ੁਸ਼ਖ਼ਬਰੀ! 815 ਰੁਪਏ ਵਾਲਾ ਗੈਸ ਸਿਲੰਡਰ ਖ਼ਰੀਦੋ ਸਿਰਫ਼ 15 ਰੁਪਏ ਵਿਚ, ਜਾਣੋ ਕਿਵੇਂ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
‘IBPS ਯੋਜਨਾ ਤਹਿਤ ਰੋਜ਼ਗਾਰ ਪੈਦਾ ਕਰਨ ’ਚ ਤਾਮਿਲਨਾਡੂ ਦੂਜੇ ਸਥਾਨ ਉੱਤੇ’
NEXT STORY 
