ਨਵੀਂ ਦਿੱਲੀ : ਮੌਜੂਦਾ ਹਾੜ੍ਹੀ ਸੀਜ਼ਨ 'ਚ ਕਣਕ ਅਤੇ ਤੇਲ ਬੀਜ ਫਸਲਾਂ ਦੇ ਬਿਜਾਈ ਖੇਤਰ ਵਿੱਚ ਸਾਲ ਦਰ ਸਾਲ 10 ਫ਼ੀਸਦੀ ਤੋਂ ਵੱਧ ਦਾ ਵਾਧਾ ਹੋਇਆ ਹੈ। ਇਹ ਜਾਣਕਾਰੀ ਸ਼ੁੱਕਰਵਾਰ ਨੂੰ ਜਾਰੀ ਕੀਤੇ ਗਏ ਖੇਤੀਬਾੜੀ ਮੰਤਰਾਲੇ ਦੇ ਅੰਕੜਿਆਂ ਤੋਂ ਮਿਲੀ ਹੈ। ਹਾੜ੍ਹੀ ਦੇ ਸੀਜ਼ਨ ਵਿੱਚ 25 ਨਵੰਬਰ ਤੱਕ ਕਣਕ ਦਾ ਬੀਜਿਆ ਰਕਬਾ 10.50 ਫ਼ੀਸਦੀ ਵਧ ਕੇ 152.88 ਲੱਖ ਹੈਕਟੇਅਰ ਹੋ ਗਿਆ ਹੈ, ਜੋ ਇਕ ਸਾਲ ਪਹਿਲਾਂ ਦੀ ਮਿਆਦ ਵਿੱਚ 138.35 ਲੱਖ ਹੈਕਟੇਅਰ ਸੀ। 25 ਨਵੰਬਰ ਤੱਕ ਤੇਲ ਬੀਜਾਂ ਹੇਠ ਰਕਬਾ 13.58 ਫ਼ੀਸਦੀ ਵਧ ਕੇ 75.77 ਲੱਖ ਹੈਕਟੇਅਰ ਹੋ ਗਿਆ ਹੈ।
ਇਹ ਵੀ ਪੜ੍ਹੋ : Hero MotoCorp ਨੇ ਗਾਹਕਾਂ ਨੂੰ ਦਿੱਤਾ ਵੱਡਾ ਝਟਕਾ, 1 ਦਸੰਬਰ ਤੋਂ ਇੰਨੇ ਮਹਿੰਗੇ ਹੋ ਜਾਣਗੇ ਬਾਈਕ-ਸਕੂਟਰ
ਹਾੜ੍ਹੀ ਦੀ ਮੁੱਖ ਫ਼ਸਲ ਕਣਕ ਦੀ ਬਿਜਾਈ ਅਕਤੂਬਰ ਵਿੱਚ ਸ਼ੁਰੂ ਹੁੰਦੀ ਹੈ ਅਤੇ ਵਾਢੀ ਮਾਰਚ-ਅਪ੍ਰੈਲ 'ਚ ਸ਼ੁਰੂ ਹੋ ਜਾਂਦੀ ਹੈ। ਕਣਕ, ਛੋਲੇ ਅਤੇ ਸਰ੍ਹੋਂ ਤੋਂ ਇਲਾਵਾ 2022-23 ਫਸਲੀ ਸਾਲ (ਜੁਲਾਈ-ਜੂਨ) ਦੇ ਹਾੜ੍ਹੀ ਸੀਜ਼ਨ ਦੌਰਾਨ ਉਗਾਈਆਂ ਜਾਣ ਵਾਲੀਆਂ ਹੋਰ ਪ੍ਰਮੁੱਖ ਫਸਲਾਂ ਹਨ। ਤਾਜ਼ਾ ਅੰਕੜਿਆਂ ਅਨੁਸਾਰ ਮੱਧ ਪ੍ਰਦੇਸ਼ (6.40 ਲੱਖ ਹੈਕਟੇਅਰ), ਰਾਜਸਥਾਨ (5.67 ਲੱਖ ਹੈਕਟੇਅਰ), ਪੰਜਾਬ (1.55 ਲੱਖ ਹੈਕਟੇਅਰ), ਬਿਹਾਰ (1.05 ਲੱਖ ਹੈਕਟੇਅਰ), ਗੁਜਰਾਤ (0.78 ਲੱਖ ਹੈਕਟੇਅਰ), ਜੰਮੂ ਅਤੇ ਕਸ਼ਮੀਰ (0.74 ਲੱਖ ਹੈਕਟੇਅਰ) ਅਤੇ ਉੱਤਰ ਪ੍ਰਦੇਸ਼ (0.70 ਲੱਖ ਹੈਕਟੇਅਰ) ਵਿੱਚ ਕਣਕ ਦੀ ਬਿਜਾਈ ਹੇਠ ਰਕਬਾ ਵਧਿਆ ਹੈ।
ਇਹ ਵੀ ਪੜ੍ਹੋ : ਤਿਓਹਾਰੀ ਸੀਜ਼ਨ ਉਤਸਵ ’ਤੇ ਬੋਲੇ ਭਾਰਤੀ ਰਾਜਦੂਤ ਸੰਧੂ, ਅਮਰੀਕਾ-ਭਾਰਤ ਦੇ ਸੰਬੰਧ 75 ਸਾਲ ਪੁਰਾਣੇ
ਇਸ ਹਾੜ੍ਹੀ ਸੀਜ਼ਨ ਵਿੱਚ 25 ਨਵੰਬਰ ਤੱਕ ਤੇਲ ਬੀਜਾਂ ਹੇਠ ਰਕਬਾ 13.58 ਫ਼ੀਸਦੀ ਵਧ ਕੇ 75.77 ਲੱਖ ਹੈਕਟੇਅਰ ਹੋ ਗਿਆ ਹੈ, ਜਦੋਂ ਕਿ ਇਕ ਸਾਲ ਪਹਿਲਾਂ ਦੀ ਮਿਆਦ 'ਚ ਇਹ 66.71 ਲੱਖ ਹੈਕਟੇਅਰ ਸੀ। ਇਸ ਵਿੱਚੋਂ 70.89 ਲੱਖ ਹੈਕਟੇਅਰ ਰਕਬੇ ਵਿੱਚ ਸਰ੍ਹੋਂ ਦੀ ਬਿਜਾਈ ਹੋਈ ਹੈ, ਜਦੋਂ ਕਿ ਉਕਤ ਸਮੇਂ ਦੌਰਾਨ 61.96 ਲੱਖ ਹੈਕਟੇਅਰ ਰਕਬੇ ਵਿੱਚ ਸਰ੍ਹੋਂ ਦੀ ਬਿਜਾਈ ਹੋਈ ਹੈ। ਦਾਲਾਂ ਦੇ ਮਾਮਲੇ 'ਚ ਬਿਜਾਈ ਦੀ ਮਾਤਰਾ ਥੋੜ੍ਹੀ ਘਟੀ ਹੈ। ਇਸ ਸਮੇਂ ਦੌਰਾਨ 94.37 ਲੱਖ ਹੈਕਟੇਅਰ ਦੇ ਮੁਕਾਬਲੇ 94.26 ਲੱਖ ਹੈਕਟੇਅਰ 'ਤੇ ਦਾਲਾਂ ਦੀ ਬਿਜਾਈ ਹੋਈ ਹੈ।
ਇਹ ਵੀ ਪੜ੍ਹੋ : ਵਿਦੇਸ਼ਾਂ ’ਚ ਚੀਨ ਕਰ ਰਿਹਾ ਪੀ. ਐੱਲ. ਏ. ਫੌਜੀਆਂ ਨੂੰ ਤਾਇਨਾਤ
ਮੋਟੇ ਅਨਾਜ ਦੀ ਬਿਜਾਈ 26.54 ਲੱਖ ਹੈਕਟੇਅਰ ਰਕਬੇ ਵਿੱਚ ਕੀਤੀ ਗਈ ਸੀ, ਜੋ ਪਹਿਲਾਂ 26.70 ਲੱਖ ਹੈਕਟੇਅਰ ਵਿੱਚ ਕੀਤੀ ਜਾਂਦੀ ਸੀ, ਜਦੋਂ ਕਿ ਚੌਲਾਂ ਦੀ ਬਿਜਾਈ 9.14 ਲੱਖ ਹੈਕਟੇਅਰ ਰਕਬੇ 'ਚ ਹੋਈ, ਜਦੋਂ ਕਿ ਪਿਛਲੇ ਸਾਲ ਇਸੇ ਮਿਆਦ 'ਚ ਇਹ 8.33 ਲੱਖ ਹੈਕਟੇਅਰ ਸੀ। ਹਾੜ੍ਹੀ ਦੀਆਂ ਸਾਰੀਆਂ ਫ਼ਸਲਾਂ ਹੇਠ ਕੁਲ ਕਾਸ਼ਤ ਵਾਲਾ ਰਕਬਾ 25 ਨਵੰਬਰ ਤੱਕ 7.21 ਫ਼ੀਸਦੀ ਵਧ ਕੇ 358.59 ਲੱਖ ਹੈਕਟੇਅਰ ਹੋ ਗਿਆ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ 334.46 ਲੱਖ ਹੈਕਟੇਅਰ ਸੀ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।
ਐਲਨ ਮਸਕ 2 ਦਸੰਬਰ ਨੂੰ ਲਾਂਚ ਕਰਨਗੇ ‘ਵੈਰੀਫਾਈਡ’ ਫੀਚਰ, ਬਲੂ ਦੇ ਨਾਲ ਗੋਲਡ ਤੇ ਗ੍ਰੇਅ ਟਿੱਕ ਵੀ ਮਿਲਣਗੇ
NEXT STORY 
