ਨਵੀਂ ਦਿੱਲੀ — ਇੰਡੀਅਨ ਬੈਂਕ ਨੇ ਇਕ ਸਰਕੂਲਰ ਜਾਰੀ ਕਰਕੇ ਕਿਹਾ ਹੈ ਕਿ 1 ਮਾਰਚ 2020 ਤੋਂ ਬਾਅਦ ATM 'ਚ 2,000 ਰੁਪਏ ਦੇ ਨੋਟ ਨਹੀਂ ਦਿੱਤੇ ਜਾਣਗੇ। ਇੰਡੀਅਨ ਬੈਂਕ ਨੇ ਆਪਣੇ ਗਾਹਕਾਂ ਦੀ ਸਹੂਲਤ ਲਈ ਹੀ ਇਹ ਨਵੀਂ ਪਹਿਲ ਕੀਤੀ ਹੈ। ਬੈਂਕ ਨੇ ਤਰਕ ਦਿੱਤਾ ਹੈ ਕਿ ਲੋਕਾਂ ਨੂੰ 2,000 ਦੇ ਨੋਟ ਮਿਲਣ 'ਤੇ ਚੇਂਜ ਲੈਣ ਲਈ ਦਿੱਕਤ ਹੁੰਦੀ ਹੈ। ਇਸ ਕਾਰਨ ਬੈਂਕ ਗਾਹਕਾਂ ਦੀ ਸਹੂਲਤ ਲਈ 200 ਰੁਪਏ ਦੇ ਨੋਟ ਨੂੰ ਵਾਧਾ ਦਿੱਤਾ ਜਾਵੇਗਾ।
ਇਸ ਕਾਰਨ ਬੈਂਕ ਨੇ ਲਿਆ ਇਹ ਫੈਸਲਾ
ਬੈਂਕ ਦਾ ਕਹਿਣਾ ਹੈ ਕਿ 1 ਮਾਰਚ 2020 ਦੇ ਬਾਅਦ ਤੋਂ ਇੰਡੀਅਨ ਬੈਂਕ ਦੇ ATM ਵਿਚੋਂ 2,000 ਰੁਪਏ ਦਾ ਨੋਟ ਰੱਖਣ ਵਾਲੇ ਕੈਸੇਟ ਨੂੰ ਡਿਸਏਬਲ ਕਰ ਦਿੱਤਾ ਜਾਵੇਗਾ, ਯਾਨੀ ਕਿ ਹੁਣ 2000 ਦੇ ਨੋਟ ਮੌਜੂਦ ਨਹੀਂ ਰਹਿਣਗੇ। ਇਸ ਦੇ ਨਾਲ ਹੀ ਬੈਂਕ ਨੇ ਇਹ ਵੀ ਕਿਹਾ ਹੈ ਕਿ ਗਾਹਕਾਂ ਲਈ ATM ਮਸ਼ੀਨ ਵਿਚ 200 ਰੁਪਏ ਦੇ ਨੋਟ ਦੀ ਕੈਸੇਟ ਦੀ ਸੰਖਿਆ ਵਧਾਈ ਜਾਵੇਗੀ। ਬੈਂਕ ਨੇ ਸਾਫ ਕਿਹਾ ਹੈ ਕਿ ਗਾਹਕ 2,000 ਰੁਪਏ ਦੇ ਨੋਟ ਦੀ ਚੇਂਜ ਲੈਣ ਲਈ ਦਿੱਕਤ ਹੁੰਦੀ ਹੈ ਜਿਸ ਕਾਰਨ ਉਨ੍ਹਾਂ ਨੂੰ ਬ੍ਰਾਂਚ ਆ ਕੇ ਚੇਂਜ ਲੈਣੀ ਪੈ ਰਹੀ ਹੈ। ਗਾਹਕਾਂ ਦੇ ਸਮੱਸਿਆ ਦੇ ਹੱਲ ਲਈ ਬੈਂਕ ਨੇ ਇਹ ਫੈਸਲਾ ਲਿਆ ਹੈ।
ਇੰਡੀਅਨ ਬੈਂਕ ਦਾ ਕਹਿਣਾ ਹੈ ਕਿ ਜਿਹੜੇ ਗਾਹਕਾਂ ਨੂੰ 2,000 ਰੁਪਏ ਦੇ ਨੋਟ ਚਾਹੀਦੇ ਹੋਣਗੇ ਉਹ ਬੈਂਕ ਜਾਂ ਬੈਂਕ ਦੀ ਕਿਸੇ ਵੀ ਬ੍ਰਾਂਚ ਵਿਚੋਂ ਲੈ ਸਕਦੇ ਹਨ। ਜ਼ਿਕਰਯੋਗ ਹੈ ਕਿ ਇਹ ਫੈਸਲਾ ਸਿਰਫ ਇੰਡੀਅਨ ਬੈਂਕ ਨੇ ਲਿਆ ਹੈ। ਇੰਡੀਅਨ ਬੈਂਕ ਦੇ ਇਲਾਵਾ ਹੋਰ ਕਿਸੇ ਬੈਂਕ ਨੇ ਇਹ ਫੈਸਲਾ ਨਹੀਂ ਲਿਆ ਹੈ।
ਭਾਰਤ 'ਚ ਮੋਟਰਸਾਈਕਲ ਕਾਰੋਬਾਰ ਵਧਾਉਣ ਦਾ ਟੀਚਾ: ਸੁਜ਼ੂਕੀ ਮੋਟਰਸਾਈਕਲ
NEXT STORY