ਬਿਜ਼ਨੈੱਸ ਡੈਸਕ - ਭਾਰਤ ਦੀ ਆਰਥਿਕ ਵਿਕਾਸ ਦਰ ਮਾਲੀ ਸਾਲ 2026-27 ’ਚ ਮੱਠੀ ਪੈ ਸਕਦੀ ਹੈ। ਫਿੱਚ ਗਰੁੱਪ ਦੀ ਫਰਮ ਬੀ. ਐੱਮ. ਆਈ. ਨੇ ਇਹ ਚਿਤਾਵਨੀ ਦਿੱਤੀ ਹੈ। ਬੀ. ਐੱਮ. ਆਈ. ਮੁਤਾਬਕ, ਭਾਰਤ ਦੀ ਆਰਥਿਕ ਵਿਕਾਸ ਦਰ (ਜੀ. ਡੀ. ਪੀ. ਵਾਧਾ) ਮਾਲੀ ਸਾਲ 2026-27 ’ਚ ਘਟ ਕੇ 6.7 ਫੀਸਦੀ ਰਹਿ ਸਕਦੀ ਹੈ। ਮਾਲੀ ਸਾਲ 2025-26 ’ਚ ਅਰਥਵਿਵਸਥਾ ਦੇ 7.7 ਫੀਸਦੀ ਦੀ ਦਰ ਨਾਲ ਵਧਣ ਦਾ ਅੰਦਾਜ਼ਾ ਹੈ।
ਇਹ ਵੀ ਪੜ੍ਹੋ : ਤੁਸੀਂ ਵੀ ਕਰਵਾਉਣਾ ਚਾਹੁੰਦੇ ਹੋ ਆਪਣਾ ਪੂਰਾ ਕਰਜ਼ਾ ਮੁਆਫ਼ ਤਾਂ ਧਿਆਨ ਨਾਲ ਪੜ੍ਹ ਲਓ RBI ਦੀ ਇਹ ਸਲਾਹ
ਭਾਰਤੀ ਅਰਥਵਿਵਸਥਾ ਦੀ ਰਫਤਾਰ ਸੁਸਤ ਪੈਣ ਦਾ ਕਾਰਨ ਈਰਾਨ ਜੰਗ ਤੋਂ ਪੈਦਾ ਹੋਏ ਤੇਲ ਸੰਕਟ ਨੂੰ ਦੱਸਿਆ ਗਿਆ ਹੈ। ਇਸ ਤੋਂ ਇਲਾਵਾ, ਜੀ. ਐੱਸ. ਟੀ. ਅਤੇ ਇਨਕਮ ਟੈਕਸ ’ਚ ਕਟੌਤੀ ਨਾਲ ਆਰਥਿਕ ਸਰਗਰਮੀਆਂ ’ਚ ਆਈ ਤੇਜ਼ੀ ਦੀ ਰਫਤਾਰ ਮੱਠੀ ਪੈਣ ਲੱਗੀ ਹੈ।
ਇਹ ਵੀ ਪੜ੍ਹੋ : ਈਸ਼ਾ ਅੰਬਾਨੀ ਨੇ ਪਹਿਨੀ ਸੋਨੇ ਦੀ ਸਾੜੀ ਤੇ 200 ਕਰੋੜ ਦਾ ਬਲਾਊਜ਼, ਹੱਥ 'ਚ ਫੜਿਆ 'ਅੰਬ' ਬਣਿਆ ਚਰਚਾ ਦਾ ਵਿਸ਼ਾ
ਬੀ. ਐੱਮ. ਆਈ. ਨੇ ਕਿਹਾ ਕਿ ਭਾਰਤ ਦੀ ਅਰਥਵਿਵਸਥਾ ’ਤੇ ਸਭ ਤੋਂ ਵੱਡਾ ਦਬਾਅ ਕੱਚੇ ਤੇਲ ਦੀਆਂ ਕੀਮਤਾਂ ’ਚ ਤੇਜ਼ ਉਛਾਲ ਨਾਲ ਪੈ ਰਿਹਾ ਹੈ। ਈਰਾਨ-ਅਮਰੀਕਾ ਦੇ ਵਿਚਾਲੇ ਸੰਘਰਸ਼ ਵਧਣ ਦੇ ਖਦਸ਼ੇ ਨਾਲ ਕਰੂਡ ’ਚ ਤੇਜ਼ੀ ਦੇਖੀ ਜਾ ਰਹੀ ਹੈ, ਜੋ ਭਾਰਤ ਦੇ ਆਰਥਿਕ ਵਿਕਾਸ ਲਈ ਰਿਸਕ ਪੈਦਾ ਕਰਦੀ ਹੈ। ਅਜਿਹੇ ’ਚ ਭਾਰਤ ਨੂੰ ਰੱਖਿਆ ਖਰਚ, ਈਂਧਨ ਕੀਮਤਾਂ ਅਤੇ ਵਿੱਤੀ ਸਥਿਤੀ ਵਿਚਾਲੇ ਤਾਲਮੇਲ ਬਿਠਾਉਣਾ ਹੋਵੇਗਾ। ਫਰਮ ਦਾ ਮੰਨਣਾ ਹੈ ਕਿ ਨਾਲ ਹੀ ਨਰਮ ਮਾਨੇਟਰੀ ਨੀਤੀ ਪੂੰਜੀਗਤ ਨਿਵੇਸ਼ ਨੂੰ ਸਹਾਰਾ ਦੇਵੇਗੀ, ਕਿਉਂਕਿ ਜੰਗ ਕਾਰਨ ਵਧੀ ਬੇਭਰੋਸਗੀ ਅਤੇ ਉੱਚੀ ਲਾਗਤ ਨਿਵੇਸ਼ ਨੂੰ ਪ੍ਰਭਾਵਿਤ ਕਰ ਰਹੀ ਹੈ।
ਇਹ ਵੀ ਪੜ੍ਹੋ : ਪਾਸਪੋਰਟ ਬਣਵਾਉਣ ਵਾਲਿਆਂ ਲਈ ਵੱਡੀ ਖ਼ੁਸ਼ਖ਼ਬਰੀ! ਹੁਣ ਸਿਰਫ਼ 5 ਦਿਨਾਂ 'ਚ ਮਿਲੇਗਾ ਪਾਸਪੋਰਟ
ਵਧਦੀ ਲਾਗਤ ਖਤਮ ਕਰ ਦੇਵੇਗੀ ਟੈਕਸ ਸੁਧਾਰਾਂ ਤੋਂ ਮਿਲੀ ਰਾਹਤ
ਬੀ. ਐੱਮ. ਆਈ. ਅਨੁਸਾਰ ਜਨਵਰੀ-ਮਾਰਚ 2026 ਤਿਮਾਹੀ ’ਚ ਭਾਰਤੀ ਅਰਥਵਿਵਸਥਾ ਦੀ ਵਿਕਾਸ ਦਰ 8 ਫੀਸਦੀ ਰਹੀ, ਜੋ ਉਸ ਦੇ 7.8 ਫੀਸਦੀ ਦੇ ਅੰਦਾਜ਼ੇ ਤੋਂ ਵੱਧ ਹੈ। ਫਰਮ ਨੇ ਮਾਲੀ ਸਾਲ 2025-26 ਲਈ ਆਪਣੇ ਵਿਕਾਸ ਅੰਦਾਜ਼ੇ ਨੂੰ 0.1 ਫੀਸਦੀ ਅੰਕ ਵਧਾ ਕੇ 7.7 ਫੀਸਦੀ ਕਰ ਦਿੱਤਾ ਹੈ।
ਬੀ. ਐੱਮ. ਆਈ. ਨੇ ਕਿਹਾ, ‘‘ਅਸੀਂ ਮਾਲੀ ਸਾਲ 2026-27 ਲਈ 6.7 ਫੀਸਦੀ ਵਾਧੇ ਦੇ ਆਪਣੇ ਅੰਦਾਜ਼ੇ ਨੂੰ ਬਰਕਰਾਰ ਰੱਖਦੇ ਹਾਂ, ਕਿਉਂਕਿ ਪਿਛਲੇ ਸਾਲ ਦੇ ਟੈਕਸ ਸੁਧਾਰਾਂ ਦਾ ਅਸਰ ਨਵੇਂ ਮਾਲੀ ਸਾਲ ’ਚ ਵਧਦੀ ਲਾਗਤ ਕਾਰਨ ਘੱਟ ਹੁੰਦਾ ਜਾਵੇਗਾ।’’ ਆਰਥਿਕ ਗਤੀ ਕਮਜ਼ੋਰ ਪੈਣ ਅਤੇ ਤੇਲ ਕੀਮਤਾਂ ਦੇ ਝਟਕੇ ਨਾਲ ਜੀ. ਡੀ. ਪੀ. ਵਾਧੇ ’ਚ ਜ਼ਿਕਰਯੋਗ ਕਮੀ ਆ ਸਕਦੀ ਹੈ। ਟੈਕਸ ਸੁਧਾਰਾਂ ਤੋਂ ਮਿਲੀ ਰਾਹਤ ਅਪ੍ਰੈਲ-ਜੂਨ 2026 ਤਿਮਾਹੀ ਤੱਕ ਫਿੱਕੀ ਪੈ ਜਾਵੇਗੀ।
ਇਹ ਵੀ ਪੜ੍ਹੋ : ਦੋ ਦਿਨ ਦੀ ਦੇਸ਼ ਵਿਆਪੀ Bank Strike ਦਾ ਐਲਾਨ, ਪ੍ਰਭਾਵਿਤ ਹੋ ਸਕਦੀਆਂ ਹਨ ਬੈਂਕਿੰਗ ਸੇਵਾਵਾਂ
ਮਹਿੰਗਾਈ ਵਧਣ ਅਤੇ ਖਪਤ ਘਟਣ ਦਾ ਡਰ
ਵਾਹਨ ਰਜਿਸਟ੍ਰੇਸ਼ਨ ਅਤੇ ਬਿਜਲੀ ਖਪਤ ਦੇ ਅੰਕੜਾ ਨੂੰ ਆਰਥਿਕ ਸੁਸਤੀ ਦੇ ਸੰਕੇਤ ਵਜੋਂ ਦੱਸਿਆ ਗਿਆ। ਬੀ. ਐੱਮ. ਆਈ. ਅਨੁਸਾਰ, ਅਪ੍ਰੈਲ ’ਚ ਨਵੇਂ ਵਾਹਨਾਂ ਦੀ ਰਜਿਸਟ੍ਰੇਸ਼ਨ ’ਚ ਸਾਲਾਨਾ ਆਧਾਰ ’ਤੇ 9 ਫੀਸਦੀ ਵਾਧਾ ਹੋਇਆ, ਜਦੋਂ ਕਿ ਜਨਵਰੀ-ਮਾਰਚ ’ਚ ਇਹ 23 ਫੀਸਦੀ ਸੀ। ਇਸੇ ਤਰ੍ਹਾਂ, ਮਾਰਚ ’ਚ ਬਿਜਲੀ ਖਪਤ ਸਿਰਫ 0.9 ਫੀਸਦੀ ਵਧੀ। ਬੀ. ਐੱਮ. ਆਈ. ਨੇ ਇਹ ਵੀ ਕਿਹਾ ਕਿ ਊਰਜਾ ਅਤੇ ਭੋਜਨ ਸਪਲਾਈ ’ਤੇ ਦਬਾਅ ਨਾਲ ਮਾਲੀ ਸਾਲ 2026-27 ’ਚ ਮਹਿੰਗਾਈ ਵਧ ਸਕਦੀ ਹੈ ਅਤੇ ਖਪਤ ਮੱਠੀ ਪੈ ਸਕਦੀ ਹੈ।
ਇਹ ਵੀ ਪੜ੍ਹੋ : ਜ਼ਮੀਨ 'ਤੇ ਜਹਾਜ਼ ਚਲਾਉਣ ਲਈ ਏਅਰਲਾਈਨ ਲੱਭ ਰਹੀ ਪਾਇਲਟ, 95 ਲੱਖ ਰੁਪਏ ਮਿਲੇਗੀ ਤਨਖ਼ਾਹ
ਕਰੂਡ ’ਚ ਉਬਾਲ ਨਾਲ ਜੀ. ਡੀ. ਪੀ. ’ਤੇ ਪਵੇਗਾ ਇੰਨਾ ਅਸਰ
ਬੀ. ਐੱਮ. ਆਈ. ਨੇ ਕਿਹਾ ਕਿ ਊਰਜਾ ਕੀਮਤਾਂ ’ਚ ਬਦਲਾਅ ਪ੍ਰਤੀ ਭਾਰਤੀ ਅਰਥਵਿਵਸਥਾ ਏਸ਼ੀਆ ’ਚ ਸਭ ਤੋਂ ਸੰਵੇਦਨਸ਼ੀਲ ਅਰਥਵਿਵਸਥਾਵਾਂ ’ਚੋਂ ਇਕ ਹੈ। ਜੇਕਰ ਬ੍ਰੇਂਟ ਕਰੂਡ ਦੀ ਕੀਮਤ 90 ਡਾਲਰ ਪ੍ਰਤੀ ਬੈਰਲ ਤੱਕ ਪਹੁੰਚਦੀ ਹੈ, ਤਾਂ ਭਾਰਤ ਦੀ ਜੀ. ਡੀ. ਪੀ. ਵਿਕਾਸ ਦਰ 0.4 ਤੋਂ 0.7 ਫੀਸਦੀ ਅੰਕ ਤੱਕ ਘਟ ਸਕਦੀ ਹੈ। ਅਮਰੀਕਾ ਵੱਲੋਂ ਈਰਾਨ ਦੇ ਸ਼ਾਂਤੀ ਪ੍ਰਸਤਾਵ ਨੂੰ ਠੁਕਰਾਉਣ ਤੋਂ ਬਾਅਦ ਸੋਮਵਾਰ ਨੂੰ ਬ੍ਰੇਂਟ ਕਰੂਡ ਦੀਆਂ ਕੀਮਤਾਂ ਵਧ ਕੇ 105 ਡਾਲਰ ਪ੍ਰਤੀ ਬੈਰਲ ਤੱਕ ਪਹੁੰਚ ਗਈਆਂ ਹਨ। ਜੰਗ ਸ਼ੁਰੂ ਹੋਣ ਤੋਂ ਪਹਿਲਾਂ ਇਹ ਲੱਗਭਗ 73 ਡਾਲਰ ਪ੍ਰਤੀ ਬੈਰਲ ਸੀ, ਜਦੋਂ ਕਿ 30 ਅਪ੍ਰੈਲ ਨੂੰ ਕੀਮਤਾਂ 126 ਡਾਲਰ ਪ੍ਰਤੀ ਬੈਰਲ ਦੇ 4 ਸਾਲ ਦੇ ਉੱਚੇ ਪੱਧਰ ਤੱਕ ਪਹੁੰਚ ਗਈਆਂ ਸਨ।
ਇਹ ਵੀ ਪੜ੍ਹੋ : 400 ਕਰੋੜ ਦੀ ਮਾਲਕਣ ਹੈ ਵਿਜੇ ਥਲਪਤੀ ਦੀ ਪਤਨੀ, ਫਿਰ ਹੈ ਕਰਜ਼ਦਾਰ
ਇਹ ਵੀ ਪੜ੍ਹੋ : ਟਰਾਂਸਪੋਰਟ ਸੈਕਟਰ ਨੂੰ ਲੱਗਿਆ ਵੱਡਾ ਝਟਕਾ : 80 ਹਜ਼ਾਰ ਟਰੱਕਾਂ ਦੇ ਪਹੀਏ ਜਾਮ, ਹਰ ਵਰਗ 'ਤੇ ਪੈ ਰਹੀ ਹੈ ਮਾਰ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
'ਦੇਸ਼ 'ਚ 69 ਦਿਨਾਂ ਦਾ ਕੱਚਾ ਤੇਲ ਤੇ LNG ਅਤੇ 45 ਦਿਨਾਂ ਦਾ ਰਸੋਈ ਗੈਸ ਭੰਡਾਰ ਮੌਜੂਦ'
NEXT STORY 
