ਬਿਜ਼ਨੈੱਸ ਡੈਸਕ : ਭਾਰਤੀ ਰਿਜ਼ਰਵ ਬੈਂਕ (RBI) ਨੇ ਸਾਲ 2023 ਵਿੱਚ ਚਲਣ ਤੋਂ ਬਾਹਰ ਕੀਤੇ ਗਏ 2000 ਰੁਪਏ ਦੇ ਗੁਲਾਬੀ ਨੋਟਾਂ ਨੂੰ ਲੈ ਕੇ ਇੱਕ ਅਹਿਮ ਜਾਣਕਾਰੀ ਸਾਂਝੀ ਕੀਤੀ ਹੈ। ਰਿਪੋਰਟ ਮੁਤਾਬਕ 31 ਦਸੰਬਰ 2025 ਤੱਕ ਦੇ ਅੰਕੜਿਆਂ ਅਨੁਸਾਰ ਅਜੇ ਵੀ 5,669 ਕਰੋੜ ਰੁਪਏ ਮੁੱਲ ਦੇ 2000 ਦੇ ਨੋਟ ਲੋਕਾਂ ਕੋਲ ਮੌਜੂਦ ਹਨ ਅਤੇ ਇਨ੍ਹਾਂ ਦੀ ਵਾਪਸੀ ਦਾ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ...ਟ੍ਰੇਨ ਦੇ ਡੱਬੇ 'ਤੇ ਲਿਖੇ 5 ਅੰਕਾਂ ਦੇ ਨੰਬਰ ਦਾ ਕੀ ਹੈ ਮਤਲਬ? 95% ਲੋਕ ਨਹੀਂ ਜਾਣਦੇ ਇਹ ਰਾਜ਼
98.41 ਫੀਸਦੀ ਨੋਟ ਹੋਏ ਵਾਪਸ
RBI ਦੇ ਅੰਕੜਿਆਂ ਮੁਤਾਬਕ, 19 ਮਈ 2023 ਨੂੰ ਜਦੋਂ ਇਨ੍ਹਾਂ ਨੋਟਾਂ ਨੂੰ ਚਲਣ ਤੋਂ ਬਾਹਰ ਕਰਨ ਦਾ ਐਲਾਨ ਕੀਤਾ ਗਿਆ ਸੀ, ਉਸ ਸਮੇਂ ਬਾਜ਼ਾਰ ਵਿੱਚ 3.56 ਲੱਖ ਕਰੋੜ ਰੁਪਏ ਮੁੱਲ ਦੇ 2000 ਦੇ ਨੋਟ ਮੌਜੂਦ ਸਨ। ਹੁਣ ਤੱਕ ਕੁੱਲ 98.41 ਫੀਸਦੀ ਨੋਟ ਵਾਪਸ ਆ ਚੁੱਕੇ ਹਨ, ਪਰ ਬਾਕੀ ਬਚੀ ਰਕਮ ਦੀ ਵਾਪਸੀ ਦੀ ਰਫ਼ਤਾਰ ਕਾਫ਼ੀ ਸੁਸਤ ਪੈ ਗਈ ਹੈ।
ਇਹ ਵੀ ਪੜ੍ਹੋ...LIC ਦਾ ਬੰਪਰ ਆਫਰ! ਬੰਦ ਪਾਲਿਸੀਆਂ ਮੁੜ ਹੋਣਗੀਆਂ ਚਾਲੂ, ਪੜ੍ਹੋ ਪੂਰੀ ਖ਼ਬਰ
ਪਿਛਲੇ ਦੋ ਮਹੀਨਿਆਂ ਵਿੱਚ ਆਏ ਸਿਰਫ਼ 148 ਕਰੋੜ
ਹੈਰਾਨੀ ਦੀ ਗੱਲ ਇਹ ਹੈ ਕਿ ਨੋਟ ਬਦਲਣ ਦੀਆਂ ਸਹੂਲਤਾਂ ਜਾਰੀ ਹੋਣ ਦੇ ਬਾਵਜੂਦ ਲੋਕ ਹੁਣ ਇਨ੍ਹਾਂ ਨੂੰ ਜਮ੍ਹਾਂ ਕਰਵਾਉਣ ਵਿੱਚ ਘੱਟ ਦਿਲਚਸਪੀ ਦਿਖਾ ਰਹੇ ਹਨ। ਅੰਕੜਿਆਂ ਅਨੁਸਾਰ, 31 ਅਕਤੂਬਰ 2025 ਨੂੰ ਬਾਜ਼ਾਰ ਵਿੱਚ 5,817 ਕਰੋੜ ਰੁਪਏ ਦੇ ਨੋਟ ਸਨ, ਜੋ 31 ਦਸੰਬਰ ਤੱਕ ਘਟ ਕੇ 5,669 ਕਰੋੜ ਰਹਿ ਗਏ ਹਨ। ਯਾਨੀ ਕਿ ਪਿਛਲੇ ਦੋ ਮਹੀਨਿਆਂ ਵਿੱਚ ਸਿਰਫ਼ 148 ਕਰੋੜ ਰੁਪਏ ਦੇ ਨੋਟ ਹੀ ਬੈਂਕਾਂ ਤੱਕ ਪਹੁੰਚੇ ਹਨ।
ਇਹ ਵੀ ਪੜ੍ਹੋ...USA ਦੇ ਹੱਥ ਲੱਗਾ 1530000000000000 ਦਾ ਖਜ਼ਾਨਾ ! ਵੈਨੇਜ਼ੁਏਲਾ 'ਤੇ ਹਮਲਾ ਅਮਰੀਕਾ ਨੂੰ ਕਰੇਗਾ ਮਾਲਾਮਾਲ
ਅਜੇ ਵੀ ਬਣੇ ਰਹਿਣਗੇ 'ਲੀਗਲ ਟੈਂਡਰ'
RBI ਨੇ ਸਪੱਸ਼ਟ ਕੀਤਾ ਹੈ ਕਿ ਜਦੋਂ ਤੱਕ 2000 ਰੁਪਏ ਦੇ ਇਹ ਨੋਟ ਪੂਰੀ ਤਰ੍ਹਾਂ ਵਾਪਸ ਨਹੀਂ ਲਏ ਜਾਂਦੇ, ਉਦੋਂ ਤੱਕ ਇਹ ਲੀਗਲ ਟੈਂਡਰ (Legal Tender) ਬਣੇ ਰਹਿਣਗੇ। ਦੱਸ ਦੇਈਏ ਕਿ ਇਹ ਨੋਟ ਨਵੰਬਰ 2016 ਦੀ ਨੋਟਬੰਦੀ ਤੋਂ ਬਾਅਦ ਬਾਜ਼ਾਰ ਵਿੱਚ ਨਕਦੀ ਦੀ ਕਮੀ ਦੂਰ ਕਰਨ ਲਈ ਜਾਰੀ ਕੀਤੇ ਗਏ ਸਨ, ਜਿਨ੍ਹਾਂ ਨੂੰ ਹੁਣ 'ਕਲੀਨ ਨੋਟ ਪਾਲਿਸੀ' ਤਹਿਤ ਵਾਪਸ ਲਿਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ...ਨਾਨ ਖਾਣ ਦੇ ਸ਼ੌਕੀਨਾਂ ਲਈ ਦਿਲਚਸਪ ਖਬਰ, ਜਾਣੋ ਇਸਲਾਮੀ ਦਰਬਾਰਾਂ ਤੋਂ ਸਾਡੀਆਂ ਪਲੇਟਾਂ ਤੱਕ ਕਿਵੇਂ ਪੁੱਜਾ
ਕਿੱਥੇ ਬਦਲੇ ਜਾ ਸਕਦੇ ਹਨ ਇਹ ਨੋਟ?
ਬੈਂਕਾਂ ਦੀਆਂ ਸ਼ਾਖਾਵਾਂ ਵਿੱਚ ਨੋਟ ਬਦਲਣ ਦੀ ਸਹੂਲਤ 7 ਅਕਤੂਬਰ 2023 ਨੂੰ ਬੰਦ ਕਰ ਦਿੱਤੀ ਗਈ ਸੀ। ਹੁਣ ਇਹ ਨੋਟ ਸਿਰਫ਼ RBI ਦੇ 19 ਖੇਤਰੀ ਦਫ਼ਤਰਾਂ ਵਿੱਚ ਹੀ ਬਦਲੇ ਜਾਂ ਜਮ੍ਹਾਂ ਕਰਵਾਏ ਜਾ ਸਕਦੇ ਹਨ, ਜਿਨ੍ਹਾਂ ਵਿੱਚ ਚੰਡੀਗੜ੍ਹ, ਜੰਮੂ, ਨਵੀਂ ਦਿੱਲੀ, ਜੈਪੁਰ ਅਤੇ ਸ਼ਿਮਲਾ ਵਰਗੇ ਸ਼ਹਿਰ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਲੋਕ ਇੰਡੀਆ ਪੋਸਟ (ਡਾਕਖਾਨੇ) ਰਾਹੀਂ ਵੀ ਆਪਣੇ ਨੋਟ RBI ਦੇ ਦਫ਼ਤਰਾਂ ਨੂੰ ਭੇਜ ਕੇ ਬਦਲਵਾ ਸਕਦੇ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਹੁਣ ਪੱਕੇ ਤੌਰ 'ਤੇ ਬੰਦ ਹੋਣਗੇ Account ! ਐਲਨ ਮਸਕ ਨੇ ਕੀਤਾ ਐਲਾਨ, ਸੋਸ਼ਲ ਮੀਡੀਆ ਯੂਜ਼ਰ ਦੇਣ ਧਿਆਨ
NEXT STORY 
