ਨਵੀਂ ਦਿੱਲੀ (ਭਾਸ਼ਾ) – ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੀ ਦੁਨੀਆ 'ਚ ਦੇਸ਼ ਦੀਆਂ ਪ੍ਰਮੁੱਖ ਕੰਪਨੀਆਂ ਅੱਗੇ ਵਧ ਰਹੀਆਂ ਹਨ। ਰਿਲਾਇੰਸ ਤੋਂ ਬਾਅਦ ਹੁਣ ਟਾਟਾ ਗਰੁੱਪ ਵੀ ਇਸ ਦੌੜ ਵਿੱਚ ਸ਼ਾਮਲ ਹੋ ਗਿਆ ਹੈ। ਇਸ ਤੋਂ ਪਹਿਲਾਂ ਅੰਬਾਨੀ ਨੇ NVIDIA ਨਾਲ ਹੱਥ ਮਿਲਾਇਆ ਸੀ। ਹੁਣ ਟਾਟਾ ਗਰੁੱਪ ਵੀ ਇਸ ਕੰਪਨੀ ਨਾਲ ਡੀਲ ਕਰਨ ਲਈ ਅੱਗੇ ਵਧ ਰਿਹਾ ਹੈ। ਇਸ ਤੋਂ ਪਹਿਲਾਂ 8 ਸਤੰਬਰ ਨੂੰ, ਅਰਬਪਤੀ ਮੁਕੇਸ਼ ਅੰਬਾਨੀ ਦੀ ਅਗਵਾਈ ਵਾਲੀ ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ ਨੇ ਅਮਰੀਕਾ ਸਥਿਤ ਚਿੱਪਮੇਕਰ ਐਨਵੀਆਈਡੀਆ ਨਾਲ ਸਾਂਝੇਦਾਰੀ ਦੀ ਘੋਸ਼ਣਾ ਕੀਤੇ ਜਾਣ ਤੋਂ ਕੁਝ ਘੰਟਿਆਂ ਬਾਅਦ, ਰਿਪੋਰਟਾਂ ਆਈਆਂ ਸਨ ਕਿ ਟਾਟਾ ਸਮੂਹ ਵੀ ਉਸੇ ਅਮਰੀਕੀ ਚਿੱਪਮੇਕਰ ਨਾਲ ਏਆਈ ਸਾਂਝੇਦਾਰੀ ਦਾ ਐਲਾਨ ਕਰਨ ਲਈ ਤਿਆਰ ਹੈ।
ਭਾਈਵਾਲੀ ਦਾ ਮਕਸਦ ਕੀ ਹੈ?
ਰਾਇਟਰਜ਼ ਮੁਤਾਬਕ ਇਹ ਸੌਦਾ ਜਲਦੀ ਹੀ ਹੋ ਸਕਦਾ ਹੈ। ਟਾਟਾ ਗਰੁੱਪ ਆਰਟੀਫੀਸ਼ੀਅਲ ਇੰਟੈਲੀਜੈਂਸ 'ਤੇ ਅਮਰੀਕੀ ਚਿੱਪ ਕੰਪਨੀ Nvidia ਨਾਲ ਸਾਂਝੇਦਾਰੀ ਦਾ ਐਲਾਨ ਕਰ ਸਕਦਾ ਹੈ। ਫਿਲਹਾਲ ਇਸ ਦਾ ਅਧਿਕਾਰਤ ਤੌਰ 'ਤੇ ਐਲਾਨ ਨਹੀਂ ਕੀਤਾ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਾਂਝੇਦਾਰੀ ਦੇ ਜ਼ਰੀਏ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਅਤੇ ਸੈਮੀਕੰਡਕਟਰ ਚਿਪਸ ਨੂੰ ਪ੍ਰਮੋਟ ਕੀਤਾ ਜਾਵੇਗਾ।
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਉਦਯੋਗਪਤੀ ਮੁਕੇਸ਼ ਅੰਬਾਨੀ ਦੀ ਅਗਵਾਈ ਵਾਲੀ ਰਿਲਾਇੰਸ ਇੰਡਸਟ੍ਰੀਜ਼ ਨੇ ਅਮਰੀਕੀ ਤਕਨਾਲੋਜੀ ਕੰਪਨੀ ਐੱਨਵੀਡੀਆ ਨਾਲ ਮਿਲ ਕੇ ਭਾਰਤ ’ਚ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (ਏ. ਆਈ.) ਉੱਤੇ ਆਧਾਰਿਤ ਸੁਪਰਕੰਪਿਊਟਰ ਬਣਾਉਣ ਦਾ ਐਲਾਨ ਕੀਤਾ। ਦੋਵੇਂ ਕੰਪਨੀਆਂ ਨੇ ਕਿਹਾ ਕਿ ਕੰਪਨੀਆਂ ਏ. ਆਈ. ਢਾਂਚਾ ਬਣਾਉਣ ਲਈ ਮਿਲ ਕੇ ਕੰਮ ਕਰਨਗੀਆਂ ਜੋ ਅੱਜ ਭਾਰਤ ਦੇ ਸਭ ਤੋਂ ਤੇਜ਼ ਸੁਪਰ ਕੰਪਿਊਟਰ ਤੋਂ ਵੀ ਵੱਧ ਸ਼ਕਤੀਸ਼ਾਲੀ ਹੈ।
ਇਹ ਵੀ ਪੜ੍ਹੋ : G-20 ਸੰਮੇਲਨ: ਅੱਜ ਤੋਂ ਦਿੱਲੀ ਨੂੰ ਆਉਣ-ਜਾਣ ਵਾਲੀਆਂ 22 ਟਰੇਨਾਂ ਰੱਦ, ਕਈ ਬੱਸਾਂ ਦੇ ਵੀ ਬਦਲਣਗੇ
ਇਹ ਵੀ ਪੜ੍ਹੋ : ਜੀ-20 : ਭਾਰਤ ਗਠਜੋੜ ਦੇ ਇਨ੍ਹਾਂ ਵੱਡੇ ਨੇਤਾਵਾਂ ਦੇ ਨਾਲ ਅੰਬਾਨੀ-ਅਡਾਨੀ ਨੂੰ ਵੀ ਮਿਲਿਆ ਡਿਨਰ ਦਾ ਸੱਦਾ
ਇਸ ਐਲਾਨ ਤੋਂ ਕੁੱਝ ਦਿਨ ਪਹਿਲਾਂ ਐੱਨਵੀਡੀਆ ਦੇ ਸੰਸਥਾਪਕ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀ. ਈ. ਓ.) ਜੈਨਸੇਨ ਹੁਆਂਗ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕੀਤੀ ਸੀ। ਐੱਨਵੀਡੀਆ ਨੇ ਸਾਲ 2004 ਵਿਚ ਭਾਰਤ ਵਿਚ ਸੰਚਾਲਨ ਸ਼ੁਰੂ ਕੀਤਾ ਸੀ ਅਤੇ ਇੱਥੇ ਕੰਪਨੀ ਦੇ 4 ਇੰਜੀਨੀਅਰਿੰਗ ਵਿਕਾਸ ਕੇਂਦਰ ਗੁਰੂਗ੍ਰਾਮ, ਹੈਦਰਾਬਾਦ, ਪੁਣੇ ਅਤੇ ਬੇਂਗਲੁਰੂ ’ਚ ਹਨ। ਇਨ੍ਹਾਂ ਕੇਂਦਰਾਂ ’ਚ ਲਗਭਗ 3800 ਕਰਮਚਾਰੀ ਤਾਇਨਾਤ ਹਨ। ਬਿਆਨ ਵਿਚ ਐੱਨਵੀਡੀਆ ਨੇ ਕਿਹਾ ਕਿ ਰਿਲਾਇੰਸ ਨਾਲ ਸਮਝੌਤਾ ਭਾਰਤ ਦਾ ਆਪਣਾ ਵਡਾ ਭਾਸ਼ਾ ਮਾਡਲ ਵਿਕਸਿਤ ਕਰੇਗਾ ਜੋ ਦੇਸ਼ ਦੀਆਂ ਵੱਖ-ਵੱਖ ਭਾਸ਼ਾਵਾਂ ’ਤੇ ਸਿਖਲਾਈ ਪ੍ਰਾਪਤ ਕਰੇਗਾ ਅਤੇ ਇੱਥੇ ਜੈਨੇਰਿਕ ਏ. ਆਈ. ਅਰਜ਼ੀਆਂ ਲਈ ਤਿਆਰ ਕੀਤਾ ਜਾਏਗਾ।
ਇਹ ਵੀ ਪੜ੍ਹੋ : 22 ਹਜ਼ਾਰ ਟੈਕਸਦਾਤਾਵਾਂ ਨੂੰ ਆਮਦਨ ਕਰ ਵਿਭਾਗ ਦਾ ਨੋਟਿਸ, ਹਾਈ ਨੈੱਟਵਰਥ ਇੰਡੀਵਿਜ਼ੁਅਲ ਦਾ ਡਾਟਾ ਗਲਤ
ਐਨਵੀਡੀਆ ਕੀ ਕਰਦਾ ਹੈ?
Nvidia ਦੀ ਗੱਲ ਕਰੀਏ ਤਾਂ ਇਹ ਇੱਕ ਅਮਰੀਕੀ ਚਿੱਪ ਡਿਜ਼ਾਈਨਿੰਗ ਅਤੇ AI ਕੰਪਨੀ ਹੈ। ਇਸ ਕੰਪਨੀ ਨੇ ਸਾਲ 2004 ਵਿੱਚ ਭਾਰਤ ਅਤੇ ਜਾਪਾਨ ਵਿੱਚ ਆਪਣਾ ਕਾਰੋਬਾਰ ਸ਼ੁਰੂ ਕੀਤਾ ਸੀ। ਭਾਰਤ ਵਿੱਚ, ਇਸ ਕੰਪਨੀ ਦੇ ਕੇਂਦਰ ਗੁਰੂਗ੍ਰਾਮ, ਹੈਦਰਾਬਾਦ, ਪੁਣੇ ਅਤੇ ਬੰਗਲੌਰ ਵਿੱਚ ਹਨ। ਇਸ ਸਮੇਂ ਇਸ ਕੇਂਦਰ ਵਿੱਚ 3800 ਕਰਮਚਾਰੀ ਕੰਮ ਕਰ ਰਹੇ ਹਨ।
ਇਹ ਵੀ ਪੜ੍ਹੋ : ਚੀਨ ਦੀ ਅਰਥਵਿਵਸਥਾ ਦਾ ਬਰਬਾਦੀ ਵੱਲ ਇਕ ਹੋਰ ਕਦਮ, ਹੁਣ ਇੱਕੋ ਸਮੇਂ ਲੱਗੇ ਦੋ ਝਟਕਿਆਂ ਨਾਲ ਹਿੱਲਿਆ ਡ੍ਰੈਗਨ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਕੈਂਸਰ ਦੀ ਦਵਾਈ ਬਣਾਉਣ ਵਾਲੀ ਭਾਰਤੀ ਕੰਪਨੀ ਖ਼ਿਲਾਫ਼ ਅਮਰੀਕਾ 'ਚ ਦਰਜ ਹੋਇਆ ਮਾਮਲਾ, ਜਾਣੋ ਕਿਉਂ
NEXT STORY 
