ਮੁੰਬਈ - ਰਿਲਾਇੰਸ ਫਾਊਂਡੇਸ਼ਨ 27 ਸੂਬਿਆਂ ਦੇ 5000 ਵਿਦਿਆਰਥੀਆਂ ਨੂੰ ਸਕਾਲਰਸ਼ਿਪ ਦੇਵੇਗੀ। ਗ੍ਰੈਜੂਏਸ਼ਨ ਦੇ ਪਹਿਲੇ ਸਾਲ ਦੇ ਇਨ੍ਹਾਂ ਵਿਦਿਆਰਥੀਆਂ ਨੂੰ ਪੜ੍ਹਾਈ ਦੌਰਾਨ ਲਗਭਗ 2 ਲੱਖ ਰੁਪਏ ਦਿੱਤੇ ਜਾਣਗੇ। ਰਿਲਾਇੰਸ ਫਾਊਂਡੇਸ਼ਨ ਨੇ ਦਸੰਬਰ 2022 ਵਿੱਚ ਐਲਾਨ ਕੀਤਾ ਸੀ ਕਿ ਉਹ ਅਗਲੇ 10 ਸਾਲਾਂ ਦੌਰਾਨ 50 ਹਜ਼ਾਰ ਸਕਾਲਰਸ਼ਿਪ ਦੇਣਗੇ। ਵਜ਼ੀਫੇ ਦੇ ਨਾਲ, ਚੁਣੇ ਗਏ ਵਿਦਿਆਰਥੀਆਂ ਨੂੰ ਅਲੂਮਨੀ ਨੈਟਵਰਕ ਨਾਲ ਵੀ ਜੋੜਿਆ ਜਾਵੇਗਾ। ਰਿਲਾਇੰਸ ਫਾਊਂਡੇਸ਼ਨ ਦੇ ਸੀਈਓ ਜਗਨਨਾਥ ਕੁਮਾਰ ਨੇ ਕਿਹਾ, “ਸਾਨੂੰ ਉਮੀਦ ਹੈ ਕਿ ਰਿਲਾਇੰਸ ਫਾਊਂਡੇਸ਼ਨ ਸਕਾਲਰਸ਼ਿਪ ਨੌਜਵਾਨਾਂ ਨੂੰ ਨਵੇਂ ਪੰਖ ਦੇਵੇਗੀ।
ਭਾਰਤ ਦੇ ਵੱਖ-ਵੱਖ ਭੂਗੋਲਿਕ ਖੇਤਰਾਂ ਵਿੱਚ ਵੱਖ-ਵੱਖ ਵਿਸ਼ਿਆਂ ਦੀ ਪੜ੍ਹਾਈ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਵਜ਼ੀਫ਼ੇ ਲਈ ਚੁਣਿਆ ਜਾਂਦਾ ਹੈ। ਲੜਕੀਆਂ ਅਤੇ ਲੜਕਿਆਂ ਨੂੰ ਬਰਾਬਰ ਪ੍ਰਤੀਨਿਧਤਾ ਦਿੱਤੀ ਗਈ ਹੈ। ਅਸੀਂ ਚੁਣੇ ਗਏ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦੇ ਹਾਂ ਅਤੇ ਭਰੋਸਾ ਰੱਖਦੇ ਹਾਂ ਕਿ ਉਹ ਆਪਣੇ ਸੁਪਨਿਆਂ ਨੂੰ ਸਾਕਾਰ ਕਰਨਗੇ ਅਤੇ ਇਸ ਦੇ ਨਾਲ ਹੀ ਭਾਰਤ ਦੀ ਤਰੱਕੀ ਵਿੱਚ ਯੋਗਦਾਨ ਪਾਉਣਗੇ।" ਰਿਲਾਇੰਸ ਫਾਊਂਡੇਸ਼ਨ ਅੰਡਰਗਰੈਜੂਏਟ ਸਕਾਲਰਸ਼ਿਪ ਵਿਦਿਆਰਥੀ ਦੀ ਯੋਗਤਾ ਅਤੇ ਵਿੱਤੀ ਸਥਿਤੀ ਦੇ ਆਧਾਰ 'ਤੇ ਦਿੱਤੀ ਜਾਂਦੀ ਹੈ।
ਇਹ ਵੀ ਪੜ੍ਹੋ : 2,000 ਦੇ ਨੋਟਾਂ ਕਾਰਨ ਸੋਨੇ ਦੀ ਖ਼ਰੀਦ ਲਈ ਪੁੱਛਗਿੱਛ ਵਧੀ, ਸਖ਼ਤ ਨਿਯਮਾਂ ਨੇ ਵਧਾਈ ਚਿੰਤਾ
ਇਸ ਸਾਲ ਲਈ ਚੁਣੇ ਗਏ ਵਿਦਿਆਰਥੀ ਇੰਜੀਨੀਅਰਿੰਗ/ਟੈਕਨਾਲੋਜੀ, ਸਾਇੰਸ, ਮੈਡੀਸਨ, ਕਾਮਰਸ, ਆਰਟਸ, ਬਿਜ਼ਨਸ/ਮੈਨੇਜਮੈਂਟ, ਕੰਪਿਊਟਰ, ਲਾਅ, ਆਰਕੀਟੈਕਚਰ ਵਰਗੇ ਖੇਤਰਾਂ ਤੋਂ ਹਨ। ਸੈਸ਼ਨ 2022-23 ਲਈ, 4,984 ਤੋਂ ਵੱਧ ਵਿਦਿਅਕ ਸੰਸਥਾਵਾਂ ਵਿੱਚ ਪੜ੍ਹ ਰਹੇ ਲਗਭਗ 40,000 ਬਿਨੈਕਾਰਾਂ ਵਿੱਚੋਂ 5,000 ਵਿਦਿਆਰਥੀਆਂ ਦੀ ਚੋਣ ਕੀਤੀ ਗਈ ਹੈ। ਸਫਲ ਵਿਦਿਆਰਥੀਆਂ ਵਿੱਚੋਂ 51% ਲੜਕੀਆਂ ਹਨ। 99 ਅਪੰਗ ਵਿਦਿਆਰਥੀਆਂ ਨੂੰ ਵੀ ਵਜ਼ੀਫ਼ਾ ਮਿਲਿਆ ਹੈ। ਚੋਣ ਸਖ਼ਤ ਮਾਪਦੰਡਾਂ ਦੇ ਆਧਾਰ 'ਤੇ ਕੀਤੀ ਜਾਂਦੀ ਹੈ, ਇਨ੍ਹਾਂ 'ਚ 'ਕੁਆਲੀਫਾਈਂਗ ਟੈਸਟ', 12ਵੀਂ ਦੇ ਅੰਕ ਅਤੇ ਹੋਰ ਮਾਪਦੰਡ ਸ਼ਾਮਲ ਹਨ।
ਚੁਣੇ ਗਏ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਚੋਣ ਬਾਰੇ ਸਿੱਧੀ ਜਾਣਕਾਰੀ ਦਿੱਤੀ ਜਾਵੇਗੀ। ਬਿਨੈਕਾਰ www.reliancefoundation.org 'ਤੇ ਵੀ ਨਤੀਜੇ ਦੇਖ ਸਕਦੇ ਹਨ। ਸੈਸ਼ਨ 2022-23 ਲਈ ਚੁਣੇ ਗਏ ਰਿਲਾਇੰਸ ਫਾਊਂਡੇਸ਼ਨ ਪੋਸਟ ਗ੍ਰੈਜੂਏਟ ਵਿਦਵਾਨਾਂ ਦਾ ਐਲਾਨ ਜੁਲਾਈ ਵਿੱਚ ਕੀਤੇ ਜਾਣ ਦੀ ਉਮੀਦ ਹੈ। ਰਿਲਾਇੰਸ ਫਾਊਂਡੇਸ਼ਨ ਅੰਡਰਗਰੈਜੂਏਟ ਸਕਾਲਰਸ਼ਿਪ ਸੈਸ਼ਨ 2023-24 ਲਈ ਆਉਣ ਵਾਲੇ ਮਹੀਨਿਆਂ ਵਿੱਚ ਅਰਜ਼ੀਆਂ ਦਿੱਤੀਆਂ ਜਾ ਸਕਦੀਆਂ ਹਨ।
ਇਹ ਵੀ ਪੜ੍ਹੋ : ਦੁਨੀਆ ’ਚ ਵੱਜੇਗਾ ਭਾਰਤੀ ਸਾਮਾਨ ਦਾ ਡੰਕਾ, ਹਰ ਸਾਲ 10 ਅਰਬ ਡਾਲਰ ਦਾ ਮਾਲ ਖਰੀਦੇਗੀ ਵਾਲਮਾਰਟ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
2,000 ਰੁਪਏ ਦੇ ਨੋਟ ਬਦਲਣ ਦਾ ਪਹਿਲਾ ਦਿਨ: ਕਈ ਸ਼ਾਖਾਵਾਂ 'ਤੇ ਲੱਗੀਆਂ ਛੋਟੀਆਂ ਕਤਾਰਾਂ
NEXT STORY 
