ਬਿਜ਼ਨੈੱਸ ਡੈਸਕ - ਸ਼ੇਅਰ ਬਾਜ਼ਾਰ ਰੈਗੂਲੇਟਰੀ ਸੇਬੀ ਨੇ ਐਕਸਚੇਂਜ ਟ੍ਰੇਡਿਡ ਫੰਡ (ਈ. ਟੀ. ਐੱਫ.) ’ਚ ਨਿਵੇਸ਼ ਕਰਨ ਵਾਲੇ ਨਿਵੇਸ਼ਕਾਂ ਦੇ ਹਿੱਤਾਂ ਨੂੰ ਧਿਆਨ ’ਚ ਰੱਖਦੇ ਹੋਏ ਕਾਰੋਬਾਰ ਸਬੰਧੀ ਨਿਯਮਾਂ ’ਚ ਮਹੱਤਵਪੂਰਨ ਬਦਲਾਅ ਕੀਤੇ ਹਨ। ਨਵੀਂ ਵਿਵਸਥਾ ਦਾ ਉਦੇਸ਼ ਈ. ਟੀ. ਐੱਫ. ਦੀ ਬਾਜ਼ਾਰ ਕੀਮਤ ਅਤੇ ਉਸ ਦੀ ਅਸਲ ਸੰਪਤੀ ਮੁੱਲ (ਐੱਨ. ਏ. ਵੀ.) ਵਿਚਾਲੇ ਵਧਣ ਵਾਲੇ ਅੰਤਰ ਨੂੰ ਘੱਟ ਕਰਨਾ ਹੈ, ਤਾਂ ਜੋ ਨਿਵੇਸ਼ਕਾਂ ਨੂੰ ਖਰੀਦ-ਵੇਚ ਦੌਰਾਨ ਵਧੇਰੇ ਸਹੀ ਅਤੇ ਉਚਿਤ ਮੁੱਲ ਮਿਲ ਸਕੇ।
ਇਹ ਵੀ ਪੜ੍ਹੋ : 100 ਤੋਂ ਵਧ ਬੱਚਿਆਂ ਦੇ ਪਿਤਾ ਹਨ Telegram ਦੇ Founder Pavel Durov, ਜਾਣੋ ਕਿੰਨੀ ਹੈ ਨੈੱਟਵਰਥ
ਮੌਜੂਦਾ ਵਿਵਸਥਾ ’ਚ ਕੀ ਸੀ ਸਮੱਸਿਆ
ਹੁਣ ਤੱਕ ਈ. ਟੀ. ਐੱਫ. ਦੀ ਕੀਮਤ ਦਿਨ ਭਰ ਮੰਗ ਅਤੇ ਸਪਲਾਈ ਦੇ ਅਾਧਾਰ ’ਤੇ ਤੈਅ ਹੁੰਦੀ ਸੀ। ਕਈ ਵਾਰ ਅੰਤਰਰਾਸ਼ਟਰੀ ਬਾਜ਼ਾਰਾਂ ’ਚ ਤੇਜ਼ ਉਤਰਾਅ-ਚੜ੍ਹਾਅ ਜਾਂ ਘੱਟ ਕਾਰੋਬਾਰ ਕਾਰਨ ਈ. ਟੀ. ਐੱਫ. ਦੀ ਬਾਜ਼ਾਰ ਕੀਮਤ ਉਸ ਦੇ ਅਸਲ ਮੁੱਲ ਤੋਂ ਕਾਫੀ ਉੱਪਰ ਜਾਂ ਹੇਠਾਂ ਚਲੀ ਜਾਂਦੀ ਸੀ। ਅਜਿਹੀ ਸਥਿਤੀ ’ਚ ਨਿਵੇਸ਼ਕ ਅਸਲ ਕੀਮਤ ਤੋਂ ਵੱਧ ਭੁਗਤਾਨ ਕਰ ਦਿੰਦੇ ਸਨ ਜਾਂ ਘੱਟ ਕੀਮਤ ’ਤੇ ਆਪਣੀ ਯੂਨਿਟ ਵੇਚਣ ਲਈ ਮਜਬੂਰ ਹੋ ਜਾਂਦੇ ਸਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਸੋਨਾ, ਚਾਂਦੀ ਅਤੇ ਵਿਦੇਸ਼ੀ ਸੰਪਤੀਆਂ ਨਾਲ ਜੁੜੇ ਈ. ਟੀ. ਐੱਫ. ’ਚ ਇਹ ਸਮੱਸਿਆ ਜ਼ਿਆਦਾ ਦੇਖਣ ਨੂੰ ਮਿਲਦੀ ਹੈ, ਕਿਉਂਕਿ ਇਨ੍ਹਾਂ ਦੇ ਮੁੱਲਾਂ ’ਤੇ ਗਲੋਬਲ ਬਾਜ਼ਾਰਾਂ ਦਾ ਸਿੱਧਾ ਅਸਰ ਪੈਂਦਾ ਹੈ।
ਇਹ ਵੀ ਪੜ੍ਹੋ : 30 ਜੂਨ ਤੋਂ ਬਦਲ ਜਾਏਗੀ ਭਾਰਤੀ ਕਰੰਸੀ ! ਪਲਾਸਟਿਕ ਦੇ ਨੋਟਾਂ ਬਾਰੇ ਸਰਕਾਰ ਨੇ ਦੇ'ਤਾ ਵੱਡਾ ਬਿਆਨ
ਸ਼ੇਅਰ ਅਤੇ ਡੈੱਟ ਈ. ਟੀ. ਐੱਫ. ਲਈ ਨਵੀਂ ਹੱਦ
ਸੇਬੀ ਦੇ ਨਵੇਂ ਨਿਯਮਾਂ ਤਹਿਤ ਸ਼ੇਅਰ ਅਤੇ ਡੈੱਟ ਈ. ਟੀ. ਐੱਫ. ਲਈ ਸ਼ੁਰੂਆਤੀ ਸਰਕਟ ਹੱਦ 10 ਫੀਸਦੀ ਨਿਰਧਾਰਤ ਕੀਤੀ ਜਾਵੇਗੀ। ਜੇਕਰ ਕਿਸੇ ਈ. ਟੀ. ਐੱਫ. ਦੀ ਕੀਮਤ ਇਸ ਹੱਦ ਨੂੰ ਛੂੰਹਦੀ ਹੈ ਤਾਂ ਕਾਰੋਬਾਰ ਕੁਝ ਸਮੇਂ ਲਈ ਰੋਕਿਆ ਜਾਵੇਗਾ ਅਤੇ ਬਾਅਦ ’ਚ ਵਾਧੂ 5 ਫੀਸਦੀ ਦੀ ਹੱਦ ਦੇ ਨਾਲ ਮੁੜ ਟ੍ਰੇਡਿੰਗ ਸ਼ੁਰੂ ਹੋਵੇਗੀ। ਇਹ ਪ੍ਰਕਿਰਿਆ ਇਕ ਦਿਨ ’ਚ ਕਈ ਵਾਰ ਲਾਗੂ ਕੀਤੀ ਜਾ ਸਕੇਗੀ, ਜਿਸ ਨਾਲ ਬਹੁਤ ਜ਼ਿਆਦਾ ਉਤਰਾਅ-ਚੜ੍ਹਾਅ ਨੂੰ ਕੰਟਰੋਲ ਕਰਨ ’ਚ ਮਦਦ ਮਿਲੇਗੀ।
ਇਹ ਵੀ ਪੜ੍ਹੋ : 6 ਲੱਖ ਨਿਵੇਸ਼ਕਾਂ ਨੂੰ ਵੱਡਾ ਝਟਕਾ, ਇਸ ਕੰਪਨੀ ਦੇ ਸ਼ੇਅਰਾਂ ਦੀ ਕੀਮਤ ਹੋ ਗਈ '0'
ਸੋਨਾ-ਚਾਂਦੀ ਈ. ਟੀ. ਐੱਫ. ’ਚ ਮਿਲੇਗਾ ਜ਼ਿਆਦਾ ਲਚਕੀਲਾਪਣ
ਅੰਤਰਰਾਸ਼ਟਰੀ ਬਾਜ਼ਾਰਾਂ ’ਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ 24 ਘੰਟੇ ਬਦਲਦੀਆਂ ਰਹਿੰਦੀਆਂ ਹਨ। ਇਸ ਨੂੰ ਦੇਖਦੇ ਹੋਏ ਇਨ੍ਹਾਂ ਈ. ਟੀ. ਐੱਫ. ਲਈ ਸ਼ੁਰੂਆਤੀ ਸਰਕਟ ਹੱਦ 50 ਫੀਸਦੀ ਰੱਖੀ ਗਈ ਹੈ। ਜੇਕਰ ਕੀਮਤ ਇਸ ਪੱਧਰ ਤੱਕ ਪਹੁੰਚਦੀ ਹੈ ਤਾਂ ਅੱਗੇ 3-3 ਫੀਸਦੀ ਦੇ ਪੜਾਵਾਂ ’ਚ ਹੱਦ ਵਧਾਈ ਜਾ ਸਕੇਗੀ। ਇਸ ਨਾਲ ਨਿਵੇਸ਼ਕਾਂ ਨੂੰ ਅਸਲ ਗਲੋਬਲ ਕੀਮਤਾਂ ਦੇ ਅਨੁਕੂਲ ਮੁੱਲ ਮਿਲਣ ਦੀ ਸੰਭਾਵਨਾ ਵਧੇਗੀ।
ਇਹ ਵੀ ਪੜ੍ਹੋ : ਡਿੱਗਦੇ-ਡਿੱਗਦੇ 6 ਮਹੀਨਿਆਂ ਦੇ ਹੇਠਲੇ ਪੱਧਰ 'ਤੇ ਪਹੁੰਚੀ ਸੋਨੇ ਦੀ ਕੀਮਤ, ਜਾਣੋ ਕੀਮਤੀ ਧਾਤਾਂ ਦੇ ਭਾਅ
ਕੀਮਤ ਤੈਅ ਕਰਨ ਦੇ ਤਰੀਕੇ ’ਚ ਵੀ ਬਦਲਾਅ
ਨਵੀਂ ਵਿਵਸਥਾ ਤਹਿਤ ਈ. ਟੀ. ਐੱਫ. ਦੀ ਸ਼ੁਰੂਆਤੀ ਕੀਮਤ ਹੁਣ ਪਿਛਲੇ ਦਿਨ ਦੇ ਬੰਦ ਭਾਅ ਦੀ ਬਜਾਏ ਪਿਛਲੇ 30 ਮਿੰਟਾਂ ਦੇ ਔਸਤ ਕਾਰੋਬਾਰੀ ਮੁੱਲ ਦੇ ਅਾਧਾਰ ’ਤੇ ਤੈਅ ਕੀਤੀ ਜਾਵੇਗੀ। ਜੇਕਰ ਕਿਸੇ ਕਾਰਨ ਕਰ ਕੇ ਲੋੜੀਂਦਾ ਕਾਰੋਬਾਰ ਨਹੀਂ ਹੁੰਦਾ ਹੈ ਤਾਂ ਪਿਛਲਾ ਬੰਦ ਭਾਅ ਅਾਧਾਰ ਮੰਨਿਆ ਜਾਵੇਗਾ। ਇਸ ਬਦਲਾਅ ਨਾਲ ਬਾਜ਼ਾਰ ਖੁੱਲ੍ਹਦੇ ਹੀ ਕੀਮਤਾਂ ’ਚ ਆਉਣ ਵਾਲੇ ਅਸਾਧਾਰਨ ਉਛਾਲ ਜਾਂ ਗਿਰਾਵਟ ’ਤੇ ਰੋਕ ਲੱਗੇਗੀ।
ਇਹ ਵੀ ਪੜ੍ਹੋ : 8th Pay Commission : ਅੱਜ ਹੈ ਮੈਮੋਰੰਡਮ ਜਮ੍ਹਾ ਕਰਨ ਦਾ ਆਖਰੀ ਮੌਕਾ, ਹੁਣ ਇਨ੍ਹਾਂ ਸੂਬਿਆਂ ਦਾ ਦੌਰਾ ਕਰੇਗਾ ਕਮਿਸ਼ਨ
ਬਾਜ਼ਾਰ ’ਚ ਸਥਿਰਤਾ ਵਧਣ ਦੀ ਉਮੀਦ
ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਨਵੇਂ ਨਿਯਮ ਈ. ਟੀ. ਐੱਫ. ਬਾਜ਼ਾਰ ਨੂੰ ਵਧੇਰੇ ਪਾਰਦਰਸ਼ੀ ਅਤੇ ਨਿਵੇਸ਼ਕ-ਅਨੁਕੂਲ ਬਣਾਉਣਗੇ। ਕੀਮਤਾਂ ’ਚ ਬਨਾਉਟੀ ਉਤਰਾਅ-ਚੜ੍ਹਾਅ ਘੱਟ ਹੋਵੇਗਾ ਅਤੇ ਨਿਵੇਸ਼ਕਾਂ ਨੂੰ ਅਸਲ ਸੰਪਤੀ ਮੁੱਲ ਦੇ ਨੇੜੇ ਸੌਦੇ ਕਰਨ ਦਾ ਮੌਕਾ ਮਿਲੇਗਾ। ਸੇਬੀ ਦੀ ਇਹ ਪਹਿਲਕਦਮੀ 2026 ਤੱਕ ਭਾਰਤੀ ਈ. ਟੀ. ਐੱਫ. ਬਾਜ਼ਾਰ ਨੂੰ ਹੋਰ ਵੀ ਪਰਿਪੱਕ ਅਤੇ ਭਰੋਸੇਮੰਦ ਬਣਾਉਣ ਦੀ ਦਿਸ਼ਾ ’ਚ ਇਕ ਅਹਿਮ ਕਦਮ ਮੰਨੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : ਹੁਣ ਖ਼ਾਤਾਧਾਰਕਾਂ ਨੂੰ ਪਾਲਸੀ ਜਾਂ ਯੋਜਨਾ ਖ਼ਰੀਦਣ ਲਈ ਮਜਬੂਰ ਨਹੀਂ ਕਰ ਸਕਣਗੇ ਬੈਂਕ, RBI ਨੇ ਜਾਰੀ ਕੀਤੇ ਨਵੇਂ ਨਿਯਮ
ਇਹ ਵੀ ਪੜ੍ਹੋ : SBI, ICICI ਅਤੇ HDFC ਸਮੇਤ ਕਈ ਬੈਂਕਾਂ ਨੇ FCNR ਜਮ੍ਹਾਂ 'ਤੇ ਵਧਾ ਦਿੱਤੀਆਂ ਵਿਆਜ ਦਰਾਂ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਆਪਣੇ ਹੀ ਦੇਸ਼ ਤੋਂ ਮੂੰਹ ਮੋੜਨ ਲੱਗੇ ਅਮੀਰ ! ਮੁਲਕ ਛੱਡਣ ਦੀ ਤਿਆਰੀ 'ਚ 1.65 ਲੱਖ ਕਰੋੜਪਤੀ
NEXT STORY 
